ਜੈਤੋ (ਰਘੂਨੰਦਨ ਪਰਾਸ਼ਰ) : ਭਾਰਤੀ ਰੇਲ ਵੱਲੋਂ ਸ਼ੁਰੂ ਕੀਤੀ ਗਈ ਅੰਮ੍ਰਿਤ ਭਾਰਤ ਯੋਜਨਾ ਤਹਿਤ ਦੇਸ਼ ਭਰ ਦੇ 1308 ਸਟੇਸ਼ਨਾਂ ਦਾ ਨਵੀਨੀਕਰਨ ਕਰਨ ਦੀ ਯੋਜਨਾ ਹੈ। ਇਸ ਯੋਜਨਾ ਦਾ ਉਦੇਸ਼ ਯਾਤਰੀਆਂ ਨੂੰ ਸਹਿਜ ਅਤੇ ਸੁਵਿਧਾਜਨਕ ਯਾਤਰਾ ਸੇਵਾ ਪ੍ਰਦਾਨ ਕਰਨਾ ਹੈ। ਇਸ ਦੇ ਪਹਿਲੇ ਪੜਾਅ ਵਿੱਚ 508 ਸਟੇਸ਼ਨਾਂ ਦਾ ਨਿਰਮਾਣ ਚੱਲ ਰਿਹਾ ਹੈ। ਇਨ੍ਹਾਂ 'ਚੋਂ ਉੱਤਰੀ ਰੇਲਵੇ ਦੀਆਂ 5 ਡਵੀਜ਼ਨਾਂ ਨੂੰ 71 ਸਟੇਸ਼ਨ ਅਲਾਟ ਕੀਤੇ ਗਏ ਹਨ। ਇਸ ਯੋਜਨਾ ਤਹਿਤ ਫਿਰੋਜ਼ਪੁਰ ਡਵੀਜ਼ਨ ਅਧੀਨ ਢੰਡਾਰੀ ਕਲਾਂ ਸਟੇਸ਼ਨ ਲਈ 17.6 ਕਰੋੜ ਰੁਪਏ ਦਾ ਬਜਟ ਅਲਾਟ ਕੀਤਾ ਗਿਆ ਹੈ। ਪੁਨਰਵਿਕਾਸ ਯੋਜਨਾ ਵਿੱਚ ਲਗਭਗ 1838 ਵਰਗ ਮੀਟਰ ਦੇ ਸਰਕੂਲੇਸ਼ਨ ਖੇਤਰ ਵਿੱਚ ਸੁਧਾਰ ਅਤੇ ਸੁੰਦਰੀਕਰਨ ਸ਼ਾਮਲ ਹੈ।
ਇਹ ਵੀ ਪੜ੍ਹੋ : ਮਾਤਮ 'ਚ ਬਦਲੀਆਂ ਖੁਸ਼ੀਆਂ, ਧੀ ਦੀ ਡੋਲੀ ਤੁਰਨ ਤੋਂ ਪਹਿਲਾਂ ਹੀ ਉੱਠ ਗਈ ਪਿਤਾ ਦੀ ਅਰਥੀ
ਰੇਲਵੇ ਵੱਲੋਂ ਆਪਣੇ ਯਾਤਰੀਆਂ ਦੀ ਆਵਾਜਾਈ ਨੂੰ ਸੌਖਾ ਬਣਾਉਣ ਲਈ ਲਗਭਗ 160 ਵਰਗ ਮੀਟਰ ਦੇ ਨਵੇਂ ਪ੍ਰਵੇਸ਼ ਦੁਆਰ ਦਾ ਨਿਰਮਾਣ ਕੀਤਾ ਜਾਵੇਗਾ। ਯਾਤਰੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਉੱਚ-ਪੱਧਰੀ (HL) ਯਾਤਰੀ ਪਲੇਟਫਾਰਮ ਨੂੰ 160 ਵਰਗ ਮੀਟਰ ਤੱਕ ਵਧਾਇਆ ਜਾਵੇਗਾ। ਪਲੇਟਫਾਰਮ ਨੰਬਰ 1 'ਤੇ ਇਕ ਨਵਾਂ ਪਲੇਟਫਾਰਮ ਸ਼ੈਲਟਰ (850 ਵਰਗ ਮੀਟਰ) ਬਣਾਇਆ ਜਾਵੇਗਾ। ਵੇਟਿੰਗ ਹਾਲ, ਕੰਕੋਰਸ ਅਤੇ ਬੁਕਿੰਗ ਦਫ਼ਤਰ ਦੀ ਅਪਗ੍ਰੇਡੇਸ਼ਨ ਅਤੇ ਅੰਦਰੂਨੀ ਸਜਾਵਟ ਦਾ ਕੰਮ ਕੀਤਾ ਜਾਵੇਗਾ। ਲਗਭਗ 90 ਵਰਗ ਮੀਟਰ ਦਾ ਨਵਾਂ ਟਾਇਲਟ ਬਲਾਕ ਬਣਾਇਆ ਜਾਵੇਗਾ, ਜੋ ਅਪਾਹਜ ਯਾਤਰੀਆਂ ਲਈ ਵਧੇਰੇ ਸੁਵਿਧਾਜਨਕ ਹੋਵੇਗਾ। ਚੰਗੀ ਕੁਆਲਿਟੀ ਦਾ ਟਿਕਾਊ ਫਰਨੀਚਰ ਮੁਹੱਈਆ ਕਰਵਾਇਆ ਜਾਵੇਗਾ। ਤਣਾਅ ਮੁਕਤ ਪਾਰਕਿੰਗ ਨੂੰ ਯਕੀਨੀ ਬਣਾਉਣ ਲਈ ਲਗਭਗ 990 ਵਰਗ ਮੀਟਰ ਦੀ ਪਾਰਕਿੰਗ ਦੀ ਸਹੂਲਤ ਦਿੱਤੀ ਜਾਵੇਗੀ। ਸਟੇਸ਼ਨ ਨੂੰ ਯਾਤਰੀਆਂ ਲਈ ਵਧੇਰੇ ਪਹੁੰਚਯੋਗ ਬਣਾਉਣ ਲਈ ਰੈਂਪ ਦੇ ਨਾਲ ਇਕ 12 ਮੀਟਰ ਚੌੜਾ ਫੁੱਟ-ਓਵਰਬ੍ਰਿਜ ਬਣਾਇਆ ਜਾਵੇਗਾ।
ਇਹ ਵੀ ਪੜ੍ਹੋ : Shocking : ਔਰਤ ਨੇ ਜਿਸ ਬੱਚੇ ਨੂੰ ਗੋਦ ਲਿਆ, ਉਸੇ ਨਾਲ ਹੀ..., ਪੜ੍ਹੋ ਹੈਰਾਨ ਕਰਨ ਵਾਲਾ ਮਾਮਲਾ
ਯਾਤਰਾ ਦੀ ਸਹੂਲਤ ਲਈ ਲਗਭਗ 40 ਵਰਗ ਮੀਟਰ ਦਾ ਇਕ ਕਾਰਜਕਾਰੀ ਲੌਂਜ ਅਤੇ ਲਗਭਗ 110 ਵਰਗ ਮੀਟਰ ਦਾ ਇਕ ਏਅਰ-ਕੰਡੀਸ਼ਨਡ ਵੇਟਿੰਗ ਰੂਮ ਬਣਾਇਆ ਜਾਵੇਗਾ। ਅੰਮ੍ਰਿਤ ਭਾਰਤ ਸਟੇਸ਼ਨ ਯੋਜਨਾ ਦੇ ਜ਼ਰੀਏ ਰੇਲਵੇ ਯਾਤਰੀਆਂ ਲਈ ਨਿਰਵਿਘਨ ਪਹੁੰਚ ਨੂੰ ਯਕੀਨੀ ਬਣਾਉਣ ਦਾ ਇਰਾਦਾ ਰੱਖਦਾ ਹੈ। ਇਸ ਦਾ ਮੁੱਖ ਟੀਚਾ ਇਨ੍ਹਾਂ ਸਟੇਸ਼ਨਾਂ ਨੂੰ ਗਤੀਸ਼ੀਲ ਆਵਾਜਾਈ ਕੇਂਦਰਾਂ ਵਿੱਚ ਬਦਲਣਾ ਹੈ, ਜੋ ਸਥਿਰਤਾ, ਕੁਸ਼ਲਤਾ, ਸੁਰੱਖਿਆ, ਪਹੁੰਚਯੋਗਤਾ ਅਤੇ ਸ਼ਮੂਲੀਅਤ ਨੂੰ ਤਰਜੀਹ ਦੇਣਗੇ। ਇਸ ਵਿੱਚ ਵਾਤਾਵਰਨ-ਅਨੁਕੂਲ ਉਪਾਵਾਂ ਨੂੰ ਅਪਣਾਉਣਾ ਅਤੇ ਸਾਰਿਆਂ ਨੂੰ ਨਿਰਵਿਘਨ ਯਾਤਰਾ ਪ੍ਰਦਾਨ ਕਰਨ ਲਈ ਕਈ ਤਰ੍ਹਾਂ ਦੀਆਂ ਸੇਵਾਵਾਂ ਨੂੰ ਉਤਸ਼ਾਹਿਤ ਕਰਨਾ ਸ਼ਾਮਲ ਹੈ।
ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਓਲੰਪੀਅਨ ਮਨਪ੍ਰੀਤ ਸਿੰਘ ਦਾ ਗਾਖਲ ਗਰੁੱਪ ਕਰੇਗਾ ਸੋਨ ਤਮਗੇ ਨਾਲ ਸਨਮਾਨ
NEXT STORY 
