ਜਲੰਧਰ (ਚੋਪੜਾ)-ਰੀਜਨਲ ਟ੍ਰਾਂਸਪੋਰਟ ਦਫ਼ਤਰ (ਆਰ. ਟੀ. ਓ.) ਅਧੀਨ ਆਉਣ ਵਾਲਾ ਆਟੋਮੇਟਿਡ ਡ੍ਰਾਈਵਿੰਗ ਟੈਸਟ ਸੈਂਟਰ, ਜੋਕਿ ਬੱਸ ਸਟੈਂਡ ਦੇ ਨਜ਼ਦੀਕ ਹੈ, ਉਸ ਸਮੇਂ ਅਵਿਵਸਥਾ ਦਾ ਸ਼ਿਕਾਰ ਹੋ ਗਿਆ, ਜਦੋਂ ਬੀਤੇ ਦਿਨ ਤੋਂ ਹੀ ਇੰਟਰਨੈੱਟ ਸੇਵਾ ਠੱਪ ਹੋ ਗਈ। ਕਰੀਬ ਦੋ ਘੰਟੇ ਤੱਕ ਕੰਮਕਾਜ ਪੂਰੀ ਤਰ੍ਹਾਂ ਬੰਦ ਰਿਹਾ, ਜਿਸ ਕਾਰਨ ਡ੍ਰਾਈਵਿੰਗ ਲਾਇਸੈਂਸ, ਲਰਨਿੰਗ ਲਾਇਸੈਂਸ, ਇੰਟਰਨੈਸ਼ਨਲ ਲਾਇਸੈਂਸ ਅਤੇ ਡੁਪਲੀਕੇਟ ਲਾਇਸੈਂਸ ਬਣਵਾਉਣ ਆਏ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਸਵੇਰੇ 9 ਵਜੇ ਤੋਂ ਪਹਿਲਾਂ ਹੀ ਲੋਕ ਲਾਇਸੈਂਸ ਬਣਾਉਣ ਲਈ ਸੈਂਟਰ ਪਹੁੰਚਣੇ ਸ਼ੁਰੂ ਹੋ ਗਏ ਸਨ ਪਰ ਜਿਵੇਂ-ਜਿਵੇਂ ਸਮਾਂ ਬੀਤਦਾ ਗਿਆ, ਇਹ ਸਪੱਸ਼ਟ ਹੋ ਗਿਆ ਕਿ ਤਕਨੀਕੀ ਖਰਾਬੀ ਕਾਰਨ ਕੰਮ ਸ਼ੁਰੂ ਨਹੀਂ ਹੋ ਸਕੇਗਾ। ਇੰਟਰਨੈੱਟ ਬੰਦ ਹੋਣ ਕਾਰਨ ਪੂਰਾ ਸਿਸਟਮ ਜਾਮ ਹੋ ਗਿਆ ਅਤੇ ਕਰਮਚਾਰੀ ਵੀ ਬੇਵੱਸ ਨਜ਼ਰ ਆਏ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਲਗਾਤਾਰ 4 ਦਿਨ ਪਵੇਗਾ ਮੀਂਹ! ਹਨ੍ਹੇਰੀ-ਤੂਫ਼ਾਨ ਨੂੰ ਲੈ ਕੇ ਇਨ੍ਹਾਂ ਜ਼ਿਲ੍ਹਿਆਂ 'ਚ Alert ਜਾਰੀ
ਜਿਸ ਕਾਰਨ ਬਿਨੈਕਾਰਾਂ ਨੂੰ ਘੰਟਿਆਂਬੱਧੀ ਲੰਬੀਆਂ ਲਾਈਨਾਂ ’ਚ ਖੜ੍ਹੇ ਰਹਿਣਾ ਪਿਆ। ਸੈਂਟਰ ’ਚ ਬੈਠਣ ਦੀ ਉਚਿਤ ਵਿਵਸਥਾ ਨਾ ਹੋਣ ਕਾਰਨ ਸਥਿਤੀ ਹੋਰ ਖ਼ਰਾਬ ਹੋ ਗਈ। ਤੇਜ਼ ਧੁੱਪ ਦੌਰਾਨ ਕਈ ਲੋਕ ਜ਼ਮੀਨ ’ਤੇ ਬੈਠਣ ਨੂੰ ਮਜਬੂਰ ਹੋਏ, ਜਦਕਿ ਬਜ਼ੁਰਗ ਅਤੇ ਔਰਤਾਂ ਸਭ ਤੋਂ ਜ਼ਿਆਦਾ ਪ੍ਰੇਸ਼ਾਨ ਦਿਸੀਆਂ।
ਸਭ ਤੋਂ ਵੱਡੀ ਤ੍ਰਾਸਦੀ ਇਹ ਰਹੀ ਕਿ ਇਕ ਪਾਸੇ ਸਰਕਾਰ ਡਿਜੀਟਲ ਇੰਡੀਆ ਅਤੇ ਘਰ ਬੈਠੇ ਸੇਵਾਵਾਂ ਦੇਣ ਦੇ ਵੱਡੇ-ਵੱਡੇ ਦਾਅਵੇ ਕਰਦੀ ਹੈ, ਉੱਥੇ ਹੀ ਦੂਜੇ ਪਾਸੇ ਇਕ ਸਾਧਾਰਨ ਇੰਟਰਨੈੱਟ ਦੀ ਰੁਕਾਵਟ ਨੇ ਪੂਰੇ ਸਿਸਟਮ ਦੀ ਪੋਲ ਖੋਲ੍ਹ ਕੇ ਰੱਖ ਦਿੱਤੀ। ਕਰੀਬ 11 ਵਜੇ ਤੋਂ ਬਾਅਦ ਜਦੋਂ ਇੰਟਰਨੈੱਟ ਸੇਵਾ ਬਹਾਲ ਹੋਈ, ਉਦੋਂ ਜਾ ਕੇ ਕੰਮਕਾਜ ਦੋਬਾਰਾ ਸ਼ੁਰੂ ਹੋ ਸਕਿਆ ਅਤੇ ਲੋਕਾਂ ਨੇ ਸੁੱਖ ਦਾ ਸਾਹ ਲਿਆ ਪਰ ਉਦੋਂ ਤੱਕ ਸੈਂਕੜੇ ਲੋਕ ਘੰਟਿਆਂਬੱਧੀ ਪ੍ਰੇਸ਼ਾਨੀ ਝੱਲ ਚੁੱਕੇ ਸਨ।
ਇਹ ਵੀ ਪੜ੍ਹੋ: ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਨਵੀਆਂ ਨਿਯੁਕਤੀਆਂ! ਇਨ੍ਹਾਂ ਆਗੂਆਂ ਨੂੰ ਮਿਲੀ ਅਹਿਮ ਜ਼ਿੰਮੇਵਾਰੀ
ਰਾਹੁਲ ਸ਼ਰਮਾ ਨਿਵਾਸੀ, ਮਾਡਲ ਟਾਊਨ ਨੇ ਕਿਹਾ ਕਿ “ਮੈਂ ਸਵੇਰੇ 8:30 ਵਜੇ ਸੈਂਟਰ ’ਚ ਪਹੁੰਚ ਗਿਆ ਸੀ, ਉਮੀਦ ਸੀ ਕੰਮ ਜਲਦੀ ਹੋ ਜਾਵੇਗਾ ਪਰ ਇੰਟਰਨੈੱਟ ਬੰਦ ਹੋਣ ਦੀ ਵਜ੍ਹਾ ਨਾਲ 2 ਘੰਟੇ ਤੱਕ ਸਿਰਫ਼ ਇੰਤਜ਼ਾਰ ਹੀ ਕਰਨਾ ਪਿਆ। ਸੈਂਟਰ ’ਚ ਨਾ ਬੈਠਣ ਦੀ ਜਗ੍ਹਾ, ਨਾ ਹੀ ਟੋਕਨ ਸਿਸਟਮ ਅਤੇ ਨਾ ਹੀ ਕੋਈ ਜਾਣਕਾਰੀ ਦੇਣ ਵਾਲਾ, ਇਹ ਪੂਰੀ ਤਰ੍ਹਾਂ ਅਵਿਵਸਥਾ ਹੈ।” ਸਿਮਰਨਜੀਤ ਕੌਰ ਨਿਵਾਸੀ, ਗੁਰੂ ਨਾਨਕਪੁਰਾ ਨੇ ਦੱਸਿਆ ਕਿ ਔਰਤਾਂ ਲਈ ਸੈਂਟਰ ’ਚ ਕੋਈ ਸਹੂਲਤ ਨਹੀਂ ਹੈ। ਸਾਨੂੰ ਧੁੱਪ ’ਚ ਬੈਠਣਾ ਪਿਆ, ਬਹੁਤ ਪ੍ਰੇਸ਼ਾਨੀ ਹੋਈ। ਜੇਕਰ ਪਹਿਲਾਂ ਹੀ ਦੱਸ ਦਿੱਤਾ ਜਾਂਦਾ ਕਿ ਸਿਸਟਮ ਬੰਦ ਹੈ, ਤਾਂ ਅਸੀਂ ਇੰਨਾ ਸਮਾਂ ਬਰਬਾਦ ਨਾ ਕਰਦੇ।
ਹਰਪ੍ਰੀਤ ਸਿੰਘ ਨਿਵਾਸੀ, ਬਸਤੀ ਸ਼ੇਖ ਨੇ ਕਿਹਾ ਕਿ ਇਕ ਪਾਸੇ ਸਰਕਾਰ ਕਹਿੰਦੀ ਹੈ ਸਭ ਕੁਝ ਆਨਲਾਈਨ ਹੋ ਗਿਆ ਹੈ, ਪਰ ਇੱਥੇ ਇਕ ਇੰਟਰਨੈੱਟ ਬੰਦ ਹੋਣ ਨਾਲ ਪੂਰਾ ਕੰਮ ਰੁਕ ਜਾਂਦਾ ਹੈ। ਇਹ ਡਿਜੀਟਲ ਸਿਸਟਮ ਨਹੀਂ, ਸਗੋਂ ਮਜ਼ਾਕ ਬਣ ਗਿਆ ਹੈ। ਸੰਜੀਵ ਕੁਮਾਰ ਨਿਵਾਸੀ, ਅਰਬਨ ਅਸਟੇਟ ਨੇ ਕਿਹਾ ਕਿ “ਮੈਂ ਛੁੱਟੀ ਲੈ ਕੇ ਆਇਆ ਸੀ, ਪਰ ਇਥੇ ਆ ਕੇ ਪਤਾ ਲੱਗਿਆ ਕਿ ਸਿਸਟਮ ਹੀ ਬੰਦ ਹੈ। ਅਜਿਹੇ ’ਚ ਆਮ ਆਦਮੀ ਦਾ ਸਮਾਂ ਅਤੇ ਪੈਸਾ ਦੋਵੇਂ ਬਰਬਾਦ ਹੋ ਰਹੇ ਹਨ।”
ਇਹ ਵੀ ਪੜ੍ਹੋ: ਜਲੰਧਰ ਦੇ ਭੀੜ-ਭੜੱਕੇ ਵਾਲੇ ਬਾਜ਼ਾਰ 'ਚ ਪਈਆਂ ਭਾਜੜਾਂ! ਚੱਲੀਆਂ ਤਲਵਾਰਾਂ, ਮੈਡੀਕਲ ਸਟੋਰ ਮਾਲਕ 'ਤੇ ਹਮਲਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਖਰੜ ਦੇ ਕਿਡਨੀ ਟਰਾਂਸਪਲਾਂਟ ਰੈਕਟ ਮਾਮਲੇ 'ਚ ਨਵਾਂ ਮੋੜ, ਸਿਹਤ ਵਿਭਾਗ ਵਲੋਂ ਹਸਪਤਾਲ ਸੀਲ
NEXT STORY 
