ਚੰਡੀਗੜ੍ਹ (ਅਰਚਨਾ ਸੇਠੀ) : ਪੰਜਾਬ ਦੇ ਸਰਕਾਰੀ ਸਕੂਲਾਂ 'ਚ ਪੜ੍ਹਨ ਵਾਲੇ ਬੱਚੇ ਗਰਮੀ ਦੀਆਂ ਛੁੱਟੀਆਂ 'ਚ ਮਿਲੇ ਹੋਮਵਰਕ ਦੇ ਨਾਲ-ਨਾਲ ਪ੍ਰਾਜੈਕਟਾਂ 'ਤੇ ਵੀ ਕੰਮ ਕਰਨਗੇ। ਛੁੱਟੀਆਂ ਦੌਰਾਨ ਬੱਚੇ ਅਨੁਭਾਵਨਾਤਮਕ ਸਿੱਖਿਆ ਹਾਸਲ ਕਰਨਗੇ। ਘਰ ਦੇ ਰਸੋਈ ਘਰ ਤੋਂ ਨਿਕਲਣ ਵਾਲੇ ਕੂੜੇ ਤੋਂ ਲੈ ਕੇ ਹਰੇਕ ਕਮਰੇ 'ਚ ਇਸਤੇਮਾਲ ਹੋਣ ਵਾਲੀ ਬਿਜਲੀ ਦੇ ਰਿਕਾਰਡ ਦੇ ਨਾਲ-ਨਾਲ ਇਕ ਦਿਨ 'ਚ ਘਰ ਦੇ ਕੰਮਾਂ 'ਚ ਇਸਤੇਮਾਲ ਹੋਣ ਵਾਲੇ ਪਾਣੀ ਦੀ ਮਾਤਰਾ ਦਾ ਲੇਖਾ-ਜੋਖਾ ਵੀ ਬੱਚਿਆਂ ਨੂੰ ਹੀ ਤਿਆਰ ਕਰਨਾ ਪਵੇਗਾ। ਸਿਰਫ ਇੰਨਾ ਹੀ ਨਹੀਂ, ਬੱਚੇ ਘਰ ਦੇ ਬਾਗ-ਬਗੀਚੇ ਦੇ ਗਮਲਿਆਂ ਨੂੰ ਪਾਣੀ ਤਾਂ ਦੇਣਗੇ ਹੀ, ਨਾਲ ਹੀ ਉਨ੍ਹਾਂ ਪੌਦਿਆਂ ਦੇ ਵਿਕਾਸ ਦਾ ਪਲ-ਪਲ ਦਾ ਰਿਕਾਰਡ ਵੀ ਤਸਵੀਰਾਂ ਨਾਲ ਦਰਜ ਕਰਨਾ ਪਵੇਗਾ।
ਇਹ ਵੀ ਪੜ੍ਹੋ : ਵਾਹਨ ਚਾਲਕਾਂ ਲਈ ਪੈ ਗਿਆ ਨਵਾਂ ਪੰਗਾ! Road 'ਤੇ ਚੜ੍ਹਨ ਤੋਂ ਲੱਗੇ ਡਰਨ ਕਿਉਂਕਿ...
ਘਰ 'ਚ ਦਾਦਾ-ਦਾਦੀ ਦੇ ਪੈਰ ਛੂਹਣ ਤੋਂ ਲੈ ਕੇ ਨਾਨਾ-ਨਾਨੀ ਦਾ ਹਾਲ-ਜਾਨਣ ਦੀ ਤਹਿਜ਼ੀਬ ਵੀ ਬੱਚੇ ਛੁੱਟੀਆਂ 'ਚ ਸਿੱਖਣਗੇ। ਬੱਚਿਆਂ ਨੂੰ ਮੰਮੀ ਨਾਲ ਘਰੇਲੂ ਕੰਮਾਂ 'ਚ ਹੱਥ ਵੰਡਾਉਣਾ ਹੈ ਅਤੇ ਛੋਟੇ ਭਰਾ-ਭੈਣਾਂ ਨੂੰ ਕਹਾਣੀਆਂ ਵੀ ਸੁਣਾਉਣੀਆਂ ਹਨ। ਪੰਜਾਬ ਦੇ ਸਟੇਟ ਕਮਿਸ਼ਨ ਫਾਰ ਐਜੁਕੇਸ਼ਨ ਰਿਸਰਚ ਐਂਡ ਟ੍ਰੇਨਿੰਗ (ਐੱਸ. ਸੀ. ਈ. ਆਰ. ਟੀ.) ਨੇ 6ਵੀਂ ਤੋਂ ਲੈ ਕੇ 10ਵੀਂ ਜਮਾਤ ਤੱਕ ਦੇ ਵਿਦੀਆਰਥੀਆਂ ਲਈ ਹੋਮਵਰਕ ਦੇ ਨਾਲ-ਨਾਲ ਕੁੱਝ ਖਾਸ ਕਿਸਮ ਦੇ ਪ੍ਰਾਜੈਕਟ ਵੀ ਛੁੱਟੀਆਂ 'ਚ ਪੂਰੇ ਕਰਨ ਲਈ ਦਿੱਤੇ ਹਨ। 10ਵੀਂ ਜਮਾਤ ਦੇ ਬੱਚਿਆਂ ਨੂੰ ਸਿੱਖਿਆ ਵਿਭਾਗ ਨੇ ਮੋਬਾਇਲ, ਟੀ. ਵੀ., ਵੀਡੀਓ ਗੇਮਜ਼ ਦੇ ਸਕਰੀਨ ਟਾਈਮ ਦਾ ਬਿਓਰਾ ਬਣਾਉਣ ਦਾ ਪ੍ਰਾਜੈਕਟ ਸੌਂਪਿਆ ਹੈ ਅਤੇ ਬੱਚਿਆਂ ਨੂੰ ਇਕ ਹਫ਼ਤੇ ਦੌਰਾਨ ਹਰ ਦਿਨ ਦੇ ਸਕਰੀਨ ਟਾਈਮ ਦਾ ਰਿਕਾਰਡ ਬਣਾ ਕੇ ਖ਼ੁਦ ਹੀ ਉਸਦਾ ਮੁਲਾਂਕਣ ਕਰਨ ਲਈ ਕਿਹਾ ਹੈ ਅਤੇ ਪੁੱਛਿਆ ਹੈ ਕਿ ਕੀ ਬੱਚੇ ਹੈਲਦੀ ਸਕਰੀਨ ਟਾਈਮ ਅਪਣਾ ਰਹੇ ਹਨ ਜਾਂ ਨਹੀਂ?
ਇਹ ਵੀ ਪੜ੍ਹੋ : ਪੰਜਾਬ 'ਚ TRANSFER ਨੂੰ ਲੈ ਕੇ ਅਧਿਆਪਕਾਂ ਤੇ ਮੁਲਾਜ਼ਮਾਂ ਲਈ ਵੱਡੀ ਰਾਹਤ ਦਾ ਐਲਾਨ, ਹੁਕਮ ਜਾਰੀ
ਜੇਕਰ ਬੱਚੇ ਦਿਨ 'ਚ 2 ਘੰਟੇ ਤੋਂ ਜ਼ਿਆਦਾ ਸਕਰੀਨ ਟਾਈਮ ਅਪਣਾ ਰਹੇ ਹਨ ਤਾਂ ਬੱਚਿਆਂ ਨੂੰ 3 ਅਜਿਹੇ ਤਰੀਕੇ ਵੀ ਦੱਸਣੇ ਹੋਣਗੇ, ਜਿਸ ਦੇ ਬੂਤੇ 'ਤੇ ਉਹ ਆਪਣਾ ਸਕਰੀਨ ਟਾਈਮ ਘਟਾ ਸਕਦੇ ਹਨ। 'ਲੂ' ਤੋਂ ਬਚਣ ਲਈ ਸਨ ਸਕਰੀਨ, ਐਨਕਾਂ, ਪਾਣੀ, ਛੱਤਰੀ ਦੀ ਭੂਮਿਕਾ 'ਤੇ ਰੌਸ਼ਨੀ ਪਾਉਣ ਵਾਲਾ ਇਕ ਪੋਸਟਰ ਬੱਚਿਆਂ ਨੂੰ ਬਣਾਉਣਾ ਪਵੇਗਾ। ਰਸੋਈ ਘਰ 'ਚ ਮੰਮੀ ਦਾ ਸਾਥ ਦੇਣ ਲਈ ਛੁੱਟੀਆਂ 'ਚ ਫਰੂਟ ਚਾਟ ਅਤੇ ਖੀਰੇ ਦੇ ਸੈਂਡਵਿੱਚ ਬਣਾਉਣ ਲਈ ਬੱਚਿਆਂ ਨੂੰ ਕਿਹਾ ਗਿਆ ਹੈ। ਬੱਚਿਆਂ ਨੂੰ ਦਿਨ 'ਚ ਇਕ ਵਾਰ ਨੇਕੀ ਦਾ ਕੰਮ ਕਰਨ ਲਈ ਕਿਹਾ ਗਿਆ ਹੈ, ਜਿਵੇਂ ਕਿ ਦਾਦੀ ਜਾਂ ਮੰਮੀ ਦੇ ਪੈਰਾਂ ਦੀ ਮਾਲਿਸ਼ ਜਾਂ ਦਾਦੇ ਜਾਂ ਨਾਨੇ ਦਾ ਹੱਥ ਫੜ੍ਹ ਕੇ ਉਨ੍ਹਾਂ ਨੂੰ ਸੈਰ ਕਰਵਾਉਣ ਲਈ ਲੈ ਜਾਣਾ ਅਤੇ ਇਨ੍ਹਾਂ ਕੰਮਾਂ ਨੂੰ ਡਾਇਰੀ 'ਚ ਨੋਟ ਕਰਨਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦੋ ਬੱਚਿਆਂ ਦੀ ਮਾਂ ਸਿਰ ਚੜ੍ਹਿਆ ਆਸ਼ਕੀ ਦਾ ਭੂਤ, ਧੀ ਨੂੰ ਲੈ ਕੇ ਪ੍ਰੇਮੀ ਨਾਲ ਟੱਪੀਆਂ ਹੱਦਾਂ
NEXT STORY 
