ਅੰਮ੍ਰਿਤਸਰ (ਇੰਦਰਜੀਤ)-ਅੰਮ੍ਰਿਤਸਰ ਵਿਚ ਸਰਹੱਦੀ ਰੇਂਜ ਦੇ ਜ਼ਿਲਿਆਂ ਦਰਮਿਆਨ ਪਿਛਲੇ ਦੋ ਮਹੀਨਿਆਂ ਦੌਰਾਨ ਲਗਾਤਾਰ ਕਾਰਵਾਈ ਦੌਰਾਨ 161 ਕੇਸ ਦਰਜ ਕਰ ਕੇ 205 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਅੰਮ੍ਰਿਤਸਰ ਬਾਰਡਰ ਰੇਂਜ ਦੇ ਨਵ-ਨਿਯੁਕਤ ਕਪਤਾਨ ਡੀ. ਆਈ. ਜੀ. ਰਾਕੇਸ਼ ਕੌਸ਼ਲ ਨੇ ਆਪਣੇ ਸ਼ੁਰੂਆਤੀ ਕਾਰਜਕਾਲ ਦੌਰਾਨ ਪਿਛਲੇ 60 ਦਿਨਾਂ ਵਿਚ ਅੰਮ੍ਰਿਤਸਰ ਬਾਰਡਰ ਰੇਂਜ ਹੈੱਡਕੁਆਰਟਰ ਅਧੀਨ ਬਹੁਤ ਸਾਰੇ ਬਕਾਇਆ ਕੇਸਾਂ ਨੂੰ ਹੱਲ ਕਰ ਕੇ ਸਿਸਟਮ ਵਿਚ ਪੁਲਸ ਦਾ ਦਬਦਬਾ ਵਧਾਇਆ ਹੈ ਅਤੇ ਮਨੋਬਲ ਵੀ ਵਧਾਇਆ ਹੈ। 21 ਮਾਰਚ ਤੋਂ ਅੰਮ੍ਰਿਤਸਰ ਦੇ ਚਾਰ ਪੁਲਸ ਜ਼ਿਲਿਆਂ ਵਿਚ ਅਪਰਾਧੀਆਂ ਖ਼ਿਲਾਫ਼ ਕੀਤੀ ਗਈ ਸਖ਼ਤ ਕਾਰਵਾਈ ਕਾਰਨ ਜਿੱਥੇ ਅਮਨ-ਕਾਨੂੰਨ ਦੀ ਸਥਿਤੀ ਕਾਬੂ ਹੇਠ ਆਈ ਹੈ, ਉੱਥੇ ਹੀ ਲੋਕਾਂ ਦਾ ਭਰੋਸਾ ਵੀ ਜਿੱਤਿਆ ਗਿਆ ਹੈ। ਇਸ ਦੌਰਾਨ ਹਰ ਰੋਜ਼ ਸੈਂਕੜੇ ਲੋਕ ਆਪਣੀਆਂ ਸਮੱਸਿਆਵਾਂ ਅਤੇ ਸਮਾਜਿਕ ਅਨਸਰਾਂ ਵਿਰੁੱਧ ਜਾਣਕਾਰੀ ਲੈ ਕੇ ਬਾਰਡਰ ਰੇਂਜ ਦਫ਼ਤਰ ਪਹੁੰਚ ਰਹੇ ਹਨ।
ਪਾਕਿਸਤਾਨੀ ਡਰੋਨ 'ਤੇ BSF ਜਵਾਨਾਂ ਨੇ ਕੀਤੀ ਫਾਇਰਿੰਗ, ਸਰਚ ਅਭਿਆਨ ਦੌਰਾਨ 55 ਕਰੋੜ ਰੁਪਏ ਦੀ ਹੈਰੋਇਨ ਬਰਾਮਦ
ਬਾਰਡਰ ਰੇਂਜ ਦੇ ਆਈ. ਪੀ. ਐੱਸ. ਅਧਿਕਾਰੀ ਡੀ. ਆਈ. ਜੀ. ਰਾਕੇਸ਼ ਕੌਸ਼ਲ ਵੱਲੋਂ 20 ਮਾਰਚ ਨੂੰ ਅਹੁਦਾ ਸੰਭਾਲਣ ਤੋਂ ਬਾਅਦ ਅਪਰਾਧੀਆਂ ਵਿਰੁੱਧ ਕਾਰਵਾਈ ਦੌਰਾਨ 40.88 ਕਿਲੋ ਹੈਰੋਇਨ ਅਤੇ 6 ਡਰੋਨ ਬਰਾਮਦ ਕੀਤੇ ਗਏ ਹਨ। ਬਾਰਡਰ ਰੇਂਜ ਅਧੀਨ ਪੈਂਦੇ ਬਟਾਲਾ ਪੁਲਸ ਦੀ ਐੱਸ. ਐੱਸ. ਪੀ. ਮੈਡਮ ਅਸ਼ਵਨੀ ਗੋਟਿਆਲ ਨੇ 29.17 ਲੱਖ ਰੁਪਏ ਦੀ ਜਾਅਲੀ ਕਰੰਸੀ ਬਰਾਮਦ ਕਰ ਕੇ 2 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਬਾਰਡਰ ਰੇਂਜ ਪੁਲਸ ਨੇ ਰਾਕੇਸ਼ ਕੌਸ਼ਲ ਦੀ ਅਗਵਾਈ ਵਿਚ ਆਪਣੇ ਪਹਿਲੇ ਆਪ੍ਰੇਸ਼ਨ ਵਿਚ ਲੋਕਾਂ ਦਾ ਮਨੋਬਲ ਉੱਚਾ ਚੁੱਕਣ ਲਈ 1200 ਜਵਾਨਾਂ ਨੂੰ ਫੀਲਡ ਵਿਚ ਤਾਇਨਾਤ ਕੀਤਾ ਸੀ, ਜਿਸ ਵਿਚ ਉਹ ਕਾਫੀ ਸਫ਼ਲ ਰਹੀ ਅਤੇ ਨਾਜਾਇਜ਼ ਸ਼ਰਾਬ ਅਤੇ ਨਸ਼ਿਆਂ ਦੇ ਗੜ੍ਹ ਟੁੱਟ ਗਏ ਸਨ।
4 ਜ਼ਿਲ੍ਹਿਆਂ ਦੀ ਪੁਲਸ ਦਰਮਿਆਨ ਲਗਾਤਾਰ ਤਾਲਮੇਲ, 15 ਦੇ ਕਰੀਬ ਮੀਟਿੰਗਾਂ ਹੋਈਆਂ
ਪਿਛਲੇ ਦੋ ਮਹੀਨਿਆਂ ਦੇ ਕਾਰਜਕਾਲ ਦੌਰਾਨ ਡੀ. ਆਈ. ਜੀ. ਰਾਕੇਸ਼ ਕੌਸ਼ਲ ਨੇ ਚਾਰ ਜ਼ਿਲਿਆਂ ਦੀ ਪੁਲਸ ਦਰਮਿਆਨ ਤਾਲਮੇਲ ਪੈਦਾ ਕਰਨ ਲਈ ਅਪਰਾਧਿਕ ਤੱਤਾਂ ਵਿਰੁੱਧ ਟੀਮ ਬਲਾਂ ਨਾਲ 15 ਤੋਂ ਵੱਧ ਮੀਟਿੰਗਾਂ ਅਤੇ 20 ਤੋਂ ਵੱਧ ਆਪਰੇਸ਼ਨ ਕੀਤੇ ਹਨ। ਬਾਰਡਰ ਰੇਂਜ ਪੁਲਸ ਜ਼ਿਲਾ ਅੰਮ੍ਰਿਤਸਰ ਦਿਹਾਤੀ ਦੇ ਐੱਸ. ਐੱਸ. ਪੀ. ਸਤਿੰਦਰ ਸਿੰਘ, ਬਟਾਲਾ ਦੇ ਮੈਡਮ ਅਸ਼ਵਨੀ ਗੋਟਿਆਲ, ਗੁਰਦਾਸਪੁਰ ਦੇ ਦਿਆਮਾ ਹਰੀਸ਼ ਕੁਮਾਰ ਅਤੇ ਪਠਾਨਕੋਟ ਦੇ ਸੋਹੇਲ ਕਾਸਿਮ ਮੀਰ ਸਮੇਤ ਹੋਰ ਅਧਿਕਾਰੀਆਂ ਦੀ ਭੂਮਿਕਾ ਵੀ ਸ਼ਲਾਘਾਯੋਗ ਹੈ।
ਇਹ ਵੀ ਪੜ੍ਹੋ- ਗੁਰਦਾਸਪੁਰ ’ਚ ਵੱਡੀ ਵਾਰਦਾਤ, ਆੜ੍ਹਤੀ ਨੇ ਟਰੱਕ ਡਰਾਈਵਰ ਨੂੰ ਗੋਲੀਆਂ ਮਾਰ ਉਤਾਰਿਆ ਮੌਤ ਦੇ ਘਾਟ
ਬਾਰਡਰ ਰੇਂਜ ਵਿਚ 2 ਮਹੀਨਿਆਂ ਵਿੱਚ ਕਈ ਹੋਰ ਸਾਰਥਿਕ ਪ੍ਰਾਪਤੀਆਂ
* ਬਾਰਡਰ ਰੇਂਜ ਪੁਲਸ ਨੇ ਪਠਾਨਕੋਟ ਤੋਂ ਅੰਤਰਰਾਸ਼ਟਰੀ ਨਸ਼ਾ ਸਮੱਗਲਰਾਂ ਦੇ ਨਾਂ ਅਤੇ ਪਤੇ ਲੱਭੇ।
* ਅੰਮ੍ਰਿਤਸਰ ਬਾਰਡਰ ਰੇਂਜ ਵਿਚ ਪੁਲਸ, ਪਬਲਿਕ ਅਤੇ ਬੀ. ਐੱਸ. ਐਫ. ਵਿਚਕਾਰ ਬਿਹਤਰ ਤਾਲਮੇਲ ਅਤੇ ਜਨਤਾ ਤੋਂ ਬਰਾਬਰ ਸਹਿਯੋਗ ਪ੍ਰਾਪਤ ਕਰਨਾ।
* 2.965 ਕਿਲੋ ਚਰਸ, 1.208 ਕਿਲੋ ਅਫੀਮ ਬਰਾਮਦ।
* 4.80 ਕਿਲੋ ਗਾਂਜਾ ਬਰਾਮਦ।
* ਬਾਰਡਰ ਰੇਂਜ ਪੁਲਸ ਨੇ ਵੱਖ-ਵੱਖ ਮਾਮਲਿਆਂ ਵਿਚ ਲੋੜੀਂਦੇ ਐਲਾਨੇ 165 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ।
* ਗੈਰ-ਜ਼ਮਾਨਤੀ ਵਾਰੰਟਾਂ ’ਤੇ 147 ਵਿਅਕਤੀ ਗ੍ਰਿਫਤਾਰ।
* 4.57 ਕਰੋੜ ਮਿਲੀਲਿਟਰ ਸਮੇਤ ਕਈ ਸ਼ਰਾਬ ਦੇ ਜ਼ਖੀਰ ਬਰਾਮਦ, 102 ਕੇਸ ਦਰਜ।
ਇਹ ਵੀ ਪੜ੍ਹੋ- ਪਤੀ ਨੇ ਟੱਪੀਆਂ ਬੇਸ਼ਰਮੀ ਦੀਆਂ ਹੱਦਾਂ, ਵੈਬਸਾਈਟਾਂ ਲਈ ਪਤਨੀ ਦੀ ਅਸ਼ਲੀਲ ਵੀਡੀਓ ਕਰਦਾ ਸੀ ਵਾਇਰਲ
ਪਠਾਨਕੋਟ ’ਚ ਕਾਰਵਾਈ ਤੋਂ ਬਾਅਦ ਜੰਮੂ-ਕਸ਼ਮੀਰ ਅਤੇ ਹਿਮਾਚਲ ਵਿਚ ਵੀ ਸਮੱਗਲਰਾਂ ’ਤੇ ਦਬਾਅ
ਅੰਮ੍ਰਿਤਸਰ ਬਾਰਡਰ ਰੇਂਜ ਪੁਲਸ ਦੇ ਅਧੀਨ ਪੈਂਦੇ ਜ਼ਿਲ੍ਹੇ ਪਠਾਨਕੋਟ ਵਿੱਚ ਹੈਰੋਇਨ ਦੇ ਸਮੱਗਲਰਾਂ ਖ਼ਿਲਾਫ਼ ਕੀਤੀ ਗਈ ਸਖ਼ਤ ਕਾਰਵਾਈ ਦੌਰਾਨ ਜਿੱਥੇ ਇੱਕ ਵੱਡੀ ਖੇਪ ਬਰਾਮਦ ਕੀਤੀ ਗਈ ਹੈ, ਉੱਥੇ ਹੀ 4 ਸਮੱਗਲਰਾਂ ਨੂੰ ਕਾਬੂ ਕੀਤਾ ਗਿਆ ਹੈ, ਜੋ ਕਿ ਕਾਰ ਦੀ ਪੈਟਰੋਲ ਟੈਂਕੀ ਦੇ ਖੋਖਿਆਂ ਵਿਚਕਾਰ 8 ਕਿਲੋ ਦੀ ਖੇਪ ਲੈ ਕੇ ਆਏ ਸਨ। ਸਮੱਗਲਰਾਂ ਨੇ ਦੱਸਿਆ ਕਿ ਉਹ ਪਹਿਲਾਂ ਵੀ 2-3 ਵਾਰ ਹੈਰੋਇਨ ਦੀ ਖੇਪ ਇੱਥੇ ਲੈ ਕੇ ਆਏ ਹਨ। ਪੁਲਸ ਰਿਮਾਂਡ ਦੌਰਾਨ ਇਨ੍ਹਾਂ ਸਮੱਗਲਰਾਂ ਨੇ ਕਿਸ ਤਰ੍ਹਾਂ ਦੇ ਭੇਦ ਖੋਲ੍ਹੇ ਹਨ। ਇਸ ਕਾਰਨ ਬਾਰਡਰ ਰੇਂਜ ਪੁਲਸ ਨੂੰ ਜੰਮੂ-ਕਸ਼ਮੀਰ ਤੋਂ ਨਸ਼ਾ ਵੇਚਣ ਵਾਲੇ ਅੰਤਰਰਾਸ਼ਟਰੀ ਨਸ਼ਾ ਸਮੱਗਲਰਾਂ ਦੇ ਨਾਵਾਂ ਅਤੇ ਟਿਕਾਣਿਆਂ ਬਾਰੇ ਵੀ ਖਾਸ ਜਾਣਕਾਰੀ ਮਿਲੀ।
ਦੂਜੇ ਪਾਸੇ, ਜੰਮੂ-ਕਸ਼ਮੀਰ ਪੁਲਸ ਨੇ 10 ਦਿਨ ਪਹਿਲਾਂ ਸੋਪੋਰ ਇਲਾਕੇ ਵਿਚ ਅੰਤਰਰਾਸ਼ਟਰੀ ਸਮੱਗਲਰ ਮੁਹੰਮਦ ਅਸ਼ਰਫ਼ ਦੀ 37 ਲੱਖ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ ਸੀ। ਦੂਜੇ ਪਾਸੇ, ਇਸੇ 10 ਦਿਨਾਂ ਦੇ ਅਰਸੇ ਦੌਰਾਨ ਹਿਮਾਚਲ ਪੁਲਸ ਨੇ ਜਾਨਵਰਾਂ ਦੀਆਂ ਲਾਸ਼ਾਂ ਅਤੇ ਜੰਗਲੀ ਜਾਨਵਰਾਂ ਦੇ ਕੀਮਤੀ ਅੰਗ, ਨਹੁੰ, ਦੰਦ ਅਤੇ ਅੰਤਰਰਾਸ਼ਟਰੀ ਮੁੱਲ ਦੀਆਂ ਵਸਤੂਆਂ ਵੀ ਬਰਾਮਦ ਕੀਤੀਆਂ ਹਨ। ਪਤਾ ਲੱਗਾ ਹੈ ਕਿ ਇਸ ਸਮੇਂ ਜੰਮੂ-ਕਸ਼ਮੀਰ, ਹਿਮਾਚਲ ਅਤੇ ਅੰਮ੍ਰਿਤਸਰ ਬਾਰਡਰ ਰੇਂਜ ਦੀ ਪੁਲਸ ਖਾਸ ਕਰ ਕੇ ਪਠਾਨਕੋਟ ਪੁਲਸ ਪੂਰੀ ਤਰ੍ਹਾਂ ਤਾਲਮੇਲ ਵਿੱਚ ਹੈ।
ਜ਼ਿਕਰਯੋਗ ਹੈ ਕਿ ਹੁਣ ਤੱਕ ਪੁਲਸ ਅਤੇ ਹੋਰ ਸੁਰੱਖਿਆ ਬਲਾਂ ਵੱਲੋਂ ਹੈਰੋਇਨ ਦੇ ਸਮੱਗਲਰਾਂ ਵੱਲੋਂ ਭੇਜੇ ਗਏ ਸਾਰੇ ਸਮਾਨ ਦਾ ਤੋਲ ਕੀਤਾ ਗਿਆ ਹੈ ਪਰ ਪਠਾਨਕੋਟ ਵਿੱਚ ਪਹਿਲੀ ਵਾਰ ਹੈਰੋਇਨ ਦੀ ਗੁਣਵੱਤਾ ਦਾ ਮੁਲਾਂਕਣ ਕੀਤਾ ਗਿਆ ਹੈ ਕਿ ਇਸ ਦੀ ਸਮਰੱਥਾ ਡੇਢ ਗੁਣਾ ਤੋਂ ਵੱਧ ਤੇਜ਼ ਹੈ। ਇਹ ਕੌਮਾਂਤਰੀ ਮਾਰਕੀਟਿੰਗ ਨੂੰ ਮਜ਼ਬੂਤ ਕਰਨ ਲਈ ਇਹ ਵੱਡੇ ਸਮੱਗਲਰਾ ਦੀ ਯੋਜਨਾ ਹੈ। ਬਾਰਡਰ ਰੇਂਜ ਪੁਲਸ ਦੇ ਇਸ ਖ਼ੁਲਾਸੇ ਕਾਰਨ ਨਸ਼ਾ ਸਮੱਗਲਰਾਂ ਨੇ ਵੀ ਆਪਣੇ ਪਲੈਨ ਅਤੇ ਰੂਟ ਬਦਲ ਲਏ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹੁਸ਼ਿਆਰਪੁਰ 'ਚ ਰੋਡ ਸ਼ੋਅ ਦੌਰਾਨ ਬੋਲੇ CM ਕੇਜਰੀਵਾਲ, ਪੰਜਾਬ ਤਾਨਾਸ਼ਾਹ ਖ਼ਿਲਾਫ਼ ਲੜੇਗਾ ਤੇ ਜਿੱਤੇਗਾ
NEXT STORY 
