ਖੰਨਾ(ਸੁਖਵਿੰਦਰ,ਵਿਪਨ)- ਕਾਂਗਰਸ ਸਰਕਾਰ ਵਲੋਂ ਬਿਜਲੀ ਸਮਝੌਤੇ ਰੱਦ ਨਾ ਕਰਨ ਦੇ ਰੋਸ ਵਜੋਂ ਅੱਜ ਆਮ ਆਦਮੀ ਪਾਰਟੀ ਵਲੋਂ ਲਲਹੇੜੀ ਰੋਡ ਚੌਕ ਵਿਚ ਕੈਪਟਨ ਅਮਰਿੰਦਰ ਸਿੰਘ ਦਾ ਪੁਤਲਾ ਫੂਕ ਕੇ ਰੋਸ ਮੁਜ਼ਾਹਰਾ ਕੀਤਾ ਗਿਆ।
ਆਮ ਆਦਮੀ ਪਾਰਟੀ ਦੇ ਲੋਕ ਸਭਾ ਹਲਕਾ ਇੰਚਾਰਜ ਨਵਜੋਤ ਸਿੰਘ ਜਰਗ ਅਤੇ ਖੰਨਾ ਹਲਕੇ ਤੋਂ ਸੀਨੀਅਰ ਨੇਤਾ ਤਰੁਨਪ੍ਰੀਤ ਸਿੰਘ ਸੌਂਦ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਇਹ ਰੋਸ ਪ੍ਰਦਰਸ਼ਨ ਬਿਜਲੀ ਸਮਝੌਤੇ ਖ਼ਿਲਾਫ਼ ਕੀਤਾ ਜਾ ਰਿਹਾ ਹੈ, ਜੋ ਅਕਾਲੀ ਗੌਰਮਿੰਟ ਵਲੋਂ ਪ੍ਰਾਈਵੇਟ ਬਿਜਲੀ ਕੰਪਨੀਆਂ ਨਾਲ ਕੀਤਾ ਗਿਆ ਸੀ, ਕੈਪਟਨ ਨੇ 2017 ਦੇ ਆਪਣੇ ਮੈਨੀਫੈਸਟੋ ਵਿਚ ਕਿਹਾ ਸੀ ਕਿ ਸਾਡੀ ਸਰਕਾਰ ਬਣਨ ’ਤੇ ਇਹ ਮਹਿੰਗੀ ਬਿਜਲੀ ਸਮਝੋਤੇ ਰੱਦ ਕੀਤੇ ਜਾਣਗੇ ਪਰੰਤੂ ਹੁਣ ਤੱਕ ਕਾਂਗਰਸ ਸਰਕਾਰ ਨੇ ਇਹ ਸਮਝੌਤੇ ਰੱਦ ਨਹੀਂ ਕੀਤੇ।
ਉਨ੍ਹਾਂ ਦੱਸਿਆ ਕਿ ਅੱਜ ਦਾ ਇਹ ਰੋਸ ਪ੍ਰਦਰਸ਼ਨ ਆਮ ਆਦਮੀ ਪਾਰਟੀ ਦੇ 4 ਹਲਕਿਆਂ ਨੇ ਮਿਲ ਕੇ ਰੱਖਿਆ ਸੀ। ਜਿਸ ਵਿਚ ਖੰਨਾ, ਸਮਰਾਲਾ, ਪਾਇਲ ਅਤੇ ਸਾਹਨੇਵਾਲ ਹਲਕਾ ਸ਼ਾਮਲ ਸਨ। ਇਸ ਮੌਕੇ ’ਤੇ ਭਾਰੀ ਗਿਣਤੀ ਵਿਚ ਪਾਰਟੀ ਵਰਕਰਾਂ ਨੇ ਸ਼ਮੂਲੀਅਤ ਕੀਤੀ, ਜਿਨ੍ਹਾਂ ਵਿਚ ਸਮਰਾਲਾ ਹਲਕੇ ਤੋਂ ਇੰਚਾਰਜ ਜਗਤਾਰ ਸਿੰਘ ਦਿਆਲਪੁਰਾ, ਪਾਇਲ ਹਲਕੇ ਤੋਂ ਇੰਚਾਰਜ ਮਨਵਿੰਦਰ ਸਿੰਘ ਗਿਆਸਪੁਰਾ, ਸਟੇਟ ਜੁਆਇੰਟ ਸਕੱਤਰ ਬਲਜਿੰਦਰ ਸਿੰਘ, ਜ਼ਿਲਾ ਲੁਧਿਆਣਾ ਉਪ ਪ੍ਰਧਾਨ ਗੁਰਦਰਸ਼ਨ ਸਿੰਘ ਕੂਹਲੀ, ਜ਼ਿਲ੍ਹਾ ਮੀਡੀਆ ਇੰਚਾਰਜ ਗੁਰਪ੍ਰੀਤ ਸਿੰਘ, ਤਰੁਨਪ੍ਰੀਤ ਸਿੰਘ ਸੌਂਦ, ਜਗਜੀਵਨ ਸਿੰਘ ਖ਼ੀਰਨੀਆ, ਰਮਨ ਚਾਂਦੀ, ਲਛਮਣ ਸਿੰਘ ਗਰੇਵਾਲ, ਅਨਿਲ ਦੱਤ ਫੱਲੀ, ਕੈਪਟਨ ਹਰਜੀਤ ਸਿੰਘ ਮਾਂਗਟ, ਕੈਪਟਨ ਰਾਮਪਾਲ ਸਿੰਘ, ਸੁਖਦੇਵ ਸਿੰਘ ਸਾਹਨੇਵਾਲ, ਧਰਮਿੰਦਰ ਸਿੰਘ ਰੂਪਰਾਏ, ਅਨਿਲ ਜੋਸ਼ੀ, ਪਾਲ ਸਿੰਘ ਕੈੜੇ, ਗਗਨ ਚੀਮਾ, ਰਾਜਬੀਰ ਸ਼ਰਮਾ, ਸਵਰਨ ਸਿੰਘ ਛਿੱਬਰ, ਸੁਖਵਿੰਦਰ ਸਿੰਘ ਲਲਹੇੜੀ, ਕੌਂਸਲਰ ਸੁਖਮਨਜੀਤ ਸਿੰਘ, ਲਖਵੀਰ ਔਜਲਾ, ਗੁਰਬਚਨ ਸਿੰਘ ਟੀਟੂ, ਰਾਜਿੰਦਰ ਸਿੰਘ ਸਲੈਚ, ਪੂਰਨ ਚੰਦ, ਸੁਰਿੰਦਰ ਸਿੰਘ ਹੈਪੀ, ਮਹੇਸ਼ ਕੁਮਾਰ ਮਿਹਰਾ, ਨਿਸ਼ੂ ਕਪਿਲਾ, ਗੋਰਾ, ਅਮਿਤ ਮੋਦਗਿਲ, ਮੰਗਤ ਰਾਏ ਤੇ ਸਿਕੰਦਰ ਹਾਜ਼ਿਰ ਸਨ।
BSC ਖੇਤੀਬਾੜੀ ਨੂੰ ਬਚਾਉਣ ਲਈ ਨਿਰੰਤਰ ਭੁੱਖ ਹੜਤਾਲ ਸ਼ੁਰੂ
NEXT STORY 
