ਜਲੰਧਰ (ਬਿਊਰੋ)– ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਫ਼ਿਲਮਾਂ ਦੇ ਨਾਲ-ਨਾਲ ਅਸਲ ਜ਼ਿੰਦਗੀ ’ਚ ਵੀ ਲੋਕਾਂ ਨੂੰ ਹਸਾਉਣਾ ਖੂਬ ਜਾਣਦੇ ਹਨ। ਕੰਗਨਾ ਰਣੌਤ ਨਾਲ ਵਿਵਾਦ ਦੌਰਾਨ ਵੀ ਇਹ ਗੱਲ ਦੇਖਣ ਨੂੰ ਮਿਲੀ, ਜਿਥੇ ਦਿਲਜੀਤ ਨੇ ਆਪਣੀਆਂ ਹਾਸੋਹੀਣੀਆਂ ਗੱਲਾਂ ਨਾਲ ਸਭ ਦਾ ਦਿਲ ਜਿੱਤ ਲਿਆ।
ਹਾਲ ਹੀ ’ਚ ਕੰਗਨਾ ਨੇ ਮੁੜ ਦਿਲਜੀਤ ਦੋਸਾਂਝ ’ਤੇ ਇਲਜ਼ਾਮ ਲਗਾਏ ਹਨ, ਜਿਨ੍ਹਾਂ ਦਾ ਦਿਲਜੀਤ ਨੇ ਆਪਣੇ ਮਜ਼ਾਕੀਆ ਅੰਦਾਜ਼ ’ਚ ਜਵਾਬ ਦਿੱਤਾ ਹੈ। ਦਿਲਜੀਤ ਟਵੀਟ ਕਰਕੇ ਲਿਖਦੇ ਹਨ, ‘ਸੁਣਿਆ ਸੀ, ਪੂਛ ਸਿੱਧੀ ਨਹੀਂ ਹੋ ਸਕਦੀ, ਕੰਫਰਮ ਹੋ ਗਿਆ ਬਾਈ।’
ਦਿਲਜੀਤ ਦੀ ਇਹ ਟਿੱਪਣੀ ਕੰਗਨਾ ਰਣੌਤ ਦੇ ਨਵੇਂ ਟਵੀਟਸ ’ਤੇ ਆਈ ਹੈ, ਜਿਨ੍ਹਾਂ ’ਚ ਕੰਗਨਾ ਰਣੌਤ ਵਿਵਾਦ ਨੂੰ ਵੱਡਾ ਕਰਦਿਆਂ ਇਹ ਕਹਿ ਰਹੀ ਹੈ ਕਿ ਦਿਲਜੀਤ ਦੋਸਾਂਝ ਤੇ ਪ੍ਰਿਅੰਕਾ ਚੋਪੜਾ ਕਿਸਾਨ ਅੰਦੋਲਨ ’ਚ ਬੈਠੇ ਕਿਸਾਨਾਂ ਨੂੰ ਭੜਕਾ ਰਹੇ ਹਨ। ਨਾਲ ਹੀ ਕੰਗਨਾ ਨੇ ਕਿਹਾ ਕਿ ਇਨ੍ਹਾਂ ਕਲਾਕਾਰਾਂ ’ਤੇ ਪੁਲਸ ਕਾਰਵਾਈ ਕਰਨੀ ਚਾਹੀਦੀ ਹੈ।
ਉਥੇ ਦਿਲਜੀਤ ਦੋਸਾਂਝ ਦੇ ਮਜ਼ਾਕੀਆ ਟਵੀਟ ’ਤੇ ਬਾਲੀਵੁੱਡ ਅਦਾਕਾਰ ਅੰਗਦ ਬੇਦੀ ਨੇ ਵੀ ਕੁਮੈਂਟ ਕੀਤਾ ਹੈ ਤੇ ਦਿਲਜੀਤ ਦੀ ਗੱਲ ’ਚ ਹਾਮੀ ਭਰੀ ਹੈ। ਅੰਗਦ ਬੇਦੀ ਲਿਖਦੇ ਹਨ, ‘ਕੋਈ ਸ਼ੱਕ ਦਿਲਜੀਤ ਦੋਸਾਂਝ।’ ਇਸ ਕੁਮੈਂਟ ਨੂੰ ਦੇਖ ਦਿਲਜੀਤ ਦੋਸਾਂਝ ਵੀ ਹੱਸ ਪੈਂਦੇ ਹਨ ਤੇ ਇਮੋਜੀ ਰਾਹੀਂ ਪ੍ਰਤੀਕਿਰਿਆ ਦਿੰਦੇ ਹਨ।
ਨੋਟ– ਦਿਲਜੀਤ ਦੋਸਾਂਝ ਤੇ ਕੰਗਨਾ ਰਣੌਤ ਦੀ ਟਵਿਟਰ ਵਾਰ ’ਤੇ ਤੁਹਾਡੀ ਕੀ ਟਿੱਪਣੀ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਸੁਖਬੀਰ ਬਾਦਲ ਵੱਲੋਂ ਪਾਰਟੀ ਦੇ ਐੱਸ.ਸੀ ਵਿੰਗ ਦੇ ਜਥੇਬੰਦਕ ਢਾਂਚੇ ਦਾ ਐਲਾਨ
NEXT STORY 
