ਸ੍ਰੀ ਅਨੰਦਪੁਰ ਸਾਹਿਬ (ਸੰਧੂ)- ਸ੍ਰੀ ਅਨੰਦਪੁਰ ਸਾਹਿਬ ਤੋਂ ਨੰਗਲ ਨੂੰ ਕੋਲੇ ਨਾਲ ਲੱਦੀ ਇਕ ਕਿਲੋਮੀਟਰ ਦੇ ਕਰੀਬ ਲੰਬੀ ਇਲੈਕਟਰਿਕ ਰੇਲ ਮਾਲ ਗੱਡੀ ਦਾ ਇੰਜਣ ਪਿੰਡ ਮਹਿਰੌਲੀ ਨੇੜੇ ਫੇਲ੍ਹ ਹੋ ਗਿਆ। ਜਿਉਂ ਹੀ ਮਾਲ ਗੱਡੀ ਦੇ ਡਰਾਈਵਰ ਨੇ ਸ੍ਰੀ ਅਨੰਦਪੁਰ ਸਾਹਿਬ ਦੇ ਸਟੇਸ਼ਨ ਮਾਸਟਰ ਨਾਲ ਰਾਬਤਾ ਕਾਇਮ ਕੀਤਾ ਤਾਂ ਸਟੇਸ਼ਨ ਮਾਸਟਰ ਨੇ ਫਾਟਕਾਂ 'ਤੇ ਤਾਇਨਾਤ ਰਹਿਣ ਵਾਲੇ ਅਗੰਮਪੁਰ ਅਤੇ ਮਹਿਰੌਲੀ ਦੇ ਮੁਲਾਜ਼ਮਾਂ ਨੂੰ ਕਹਿ ਕੇ ਤੁਰੰਤ ਹੀ ਫਾਟਕ ਬੰਦ ਕਰਵਾ ਦਿੱਤੇ, ਜਿਸ ਕਾਰਨ ਵੱਡਾ ਹਾਦਸਾ ਹੋਣ ਉਹ ਟਲ ਗਿਆ ਅਤੇ ਕਈ ਰੇਲ ਗੱਡੀਆਂ ਅਨੰਦਪੁਰ ਸਾਹਿਬ ਤੋਂ ਨੰਗਲ ਨੂੰ ਅਤੇ ਨੰਗਲ ਤੋਂ ਅੰਬਾਲਾ ਨੂੰ ਜਾਣ ਵਾਲੀਆਂ ਪ੍ਰਭਾਵਿਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।
ਇਹ ਵੀ ਪੜ੍ਹੋ: ਈਰਾਨ 'ਚ ਅਗਵਾ ਕੀਤੇ 3 ਪੰਜਾਬੀ ਜਲਦ ਪਰਤਣਗੇ ਵਤਨ, 18 ਦਿਨਾਂ ਬਾਅਦ ਪਰਿਵਾਰ ਨੇ ਲਿਆ ਸੁੱਖ ਦਾ ਸਾਹ
ਮਿਲੀ ਜਾਣਕਾਰੀ ਮੁਤਾਬਕ ਜਦੋਂ ਇਹ ਪ੍ਰਤਿਨਿਧੀ ਪਿੰਡ ਅਗੰਮਪੁਰ ਵੱਲੋਂ ਆ ਰਿਹਾ ਸੀ ਤਾਂ ਪਿੰਡ ਅਗੰਪਰ ਦੇ ਰੇਲਵੇ ਫਾਟਕਾਂ ਵਾਲਿਆਂ ਨੇ ਫਾਟਕ ਬੰਦ ਕਰ ਦਿੱਤਾ, ਉਸ ਸਮੇਂ ਰੌਲਾ ਪੈ ਗਿਆ ਕਿ ਇਕ ਇਲੈਕਟਰਿਕ ਮਾਲ ਗੱਡੀ ਦਾ ਇੰਜਣ ਫੇਲ੍ਹ ਹੋ ਗਿਆ ਹੈ ਅਤੇ ਉਸ ਦੇ ਡੱਬੇ ਵਾਪਸ ਅਨੰਦਪੁਰ ਸਾਹਿਬ ਵੱਲ ਨੂੰ ਤੇਜੀ ਨਾਲ ਮੁੜ ਰਹੇ ਹਨ ਅਤੇ ਰੇਲਵੇ ਦੇ ਕਈ ਮੁਲਾਜ਼ਮ ਡੱਬਿਆਂ ਨੂੰ ਉਡੀਕਦੇ ਬੈਟਰੀਆਂ ਮਾਰ ਕੇ ਆਪਣੀ ਡਿਊਟੀ ਸੁਚੱਜੇ ਢੰਗ ਨਾਲ ਨਿਭਾਅ ਰਹੇ ਸਨ ਅਤੇ ਉਨ੍ਹਾਂ ਨੇ ਤੁਰੰਤ ਹੀ ਫਾਟਕ ਦੇ ਆਲੇ ਦੁਆਲੇ ਖੜ੍ਹੇ ਵਾਹਨ ਵਾਲਿਆਂ ਨੂੰ ਸੰਜਮ ਵਰਤਣ ਵਾਲੀ ਕਿਹਾ ਅਤੇ ਦੱਸਿਆ ਕਿ ਸੰਜਮ ਵਰਤੋਂ ਰੇਲ ਗੱਡੀ ਜੋ ਕੋਲੇ ਨਾਲ ਲੱਦੀ ਹੋਈ ਹੈ, ਜੋ ਐੱਨ. ਐੱਫ਼. ਐਲ. ਫੈਕਟਰੀ ਨੂੰ ਜਾ ਰਹੀ ਸੀ, ਉਸ ਦਾ ਇੰਜਣ ਫੇਲ੍ਹ ਹੋ ਗਿਆ ਹੈ, ਉਹ ਵਾਪਸ ਆ ਰਹੀ ਹੈ।
ਇਹ ਵੀ ਪੜ੍ਹੋ: ਪੰਜਾਬ 'ਚੋਂ ਨਸ਼ਿਆਂ ਦੇ ਮੁਕੰਮਲ ਖਾਤਮੇ ਲਈ DGP ਸਖ਼ਤ, ਰੋਡਮੈਪ ਕੀਤਾ ਤਿਆਰ
ਇਸ ਪ੍ਰਤੀਨਿਧੀ ਦੇ ਵੇਖਦੇ-ਵੇਖਦੇ ਮਾਲ ਗੱਡੀ ਦਾ ਇੰਜਣ ਦੇ ਆਖਰੀ ਗਾਰਡ ਵਾਲਾ ਡੱਬਾ ਵਾਪਸ ਆਇਆ ਅਤੇ ਇੰਝ ਹੌਲੀ-ਹੌਲੀ ਕਰਦਿਆਂ ਅੱਧੇ ਘੰਟੇ ਦੇ ਕਰੀਬ ਸਮਾਂ ਲੱਗਿਆ ਕਿ ਸਾਰੀ ਮਾਲ ਗੱਡੀ ਦੇ ਡੱਬੇ ਹੌਲੀ-ਹੌਲੀ ਆਨੰਦਪੁਰ ਸਾਹਿਬ ਵੱਲ ਨੂੰ ਵਾਪਸ ਆ ਗਏ। ਇਸ ਸਮੇਂ ਅਨੰਦਪੁਰ ਸਾਹਿਬ ਦੇ ਬੱਸ ਸਟੈਂਡ ਦੇ ਸਾਹਮਣੇ ਇਸ ਮਾਲ ਗੱਡੀ ਦਾ ਇਲੈਕਟਰਿਕ ਇੰਜਣ ਖੜ੍ਹਾ ਹੈ ਅਤੇ ਉਸ ਦੇ ਪਿੱਛੇ ਕਿਲੋਮੀਟਰ ਦੇ ਕਰੀਬ ਭਰੀ ਹੋਈ ਕੋਲੇ ਨਾਲ ਲੱਦੀ ਰੇਲ ਗੱਡੀ ਦੇ ਡੱਬੇ ਖੜ੍ਹੇ ਹਨ ਅਤੇ ਇਕ ਮਾਲ ਗੱਡੀ ਵੀਰ ਅਨੰਦਪੁਰ ਸਾਹਿਬ ਰੇਲਵੇ ਸਟੇਸ਼ਨ 'ਤੇ ਖੜ੍ਹੀ ਹੈ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਬੱਚਿਆਂ ਦੀਆਂ ਛੁੱਟੀਆਂ ਵਿਚਾਲੇ ਸਰਕਾਰੀ ਮੁਲਾਜ਼ਮਾਂ ਦੀਆਂ ਲੱਗੀਆਂ ਮੌਜਾਂ, ਪੜ੍ਹੋ ਪੂਰੀ ਖ਼ਬਰ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਅੰਤਰਰਾਸ਼ਟਰੀ ਗਿਰੋਹ ਬੇਨਕਾਬ, ਮਹਿਲਾ ਸਮੇਤ 6 ਕਾਬੂ, ਹੈਰੋਇਨ ਦੀ ਵੱਡੀ ਖੇਪ ਬਰਾਮਦ
NEXT STORY 
