ਅੰਮ੍ਰਿਤਸਰ (ਰਮਨ)-ਗੁਰੂ ਨਗਰੀ ’ਚ ਗਰਮੀ ਆਪਣਾ ਪੂਰਾ ਜ਼ੋਰ ਦਿਖਾ ਰਹੀ ਹੈ, ਜਿਸ ਕਾਰਨ ਲੋਕਾਂ ਲਈ ਦੁਪਹਿਰ ਵੇਲੇ ਬਾਹਰ ਨਿਕਲਣਾ ਮੁਸ਼ਕਿਲ ਹੋ ਗਿਆ ਹੈ, ਜਦਕਿ ਬਿਜਲੀ ਦੀਆਂ ਸਮੱਸਿਆਵਾਂ ਕਾਰਨ ਵੀ ਲੋਕ ਤ੍ਰਾਹ-ਤ੍ਰਾਹ ਕਰ ਹਨ। ਹਰ ਰੋਜ਼ ਸ਼ਹਿਰ ਦੇ ਕਈ ਇਲਾਕਿਆਂ ’ਚ 8 ਘੰਟੇ ਬਿਜਲੀ ਸਪਲਾਈ ਬੰਦ ਰਹਿੰਦੀ ਹੈ। ਬਿਨਾਂ ਕਿਸੇ ਯੋਜਨਾ ਦੇ ਬਿਜਲੀ ਕੱਟ ਲਾਏ ਜਾ ਰਹੇ ਹਨ। ਮੌਸਮ ਵਿਭਾਗ ਅਨੁਸਾਰ ਸ਼ਨੀਵਾਰ ਨੂੰ 42 ਡਿਗਰੀ ਤਾਪਮਾਨ ਦਰਜ ਕੀਤਾ ਗਿਆ। ਗਰਮੀਆਂ ਦਾ ਮੌਸਮ ਆਪਣੇ ਸਿਖਰ ’ਤੇ ਹੋਣ ਕਾਰਨ ਲੋਕਾਂ ਨੂੰ ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਤੇਜ਼ ਧੁੱਪ ’ਚ ਪਸੀਨਾ ਅਤੇ ਧੂੜ ਮਿੱਟੀ ਚਮੜੀ ਨੂੰ ਖੁਸ਼ਕ, ਬੇਜਾਨ ਅਤੇ ਖਰਾਬ ਕਰ ਸਕਦੀ ਹੈ। ਸੂਰਜ ਦੀਆਂ ਹਾਨੀਕਾਰਕ ਕਿਰਨਾਂ ਚਮੜੀ ਨੂੰ ਝੁਲਸ ਸਕਦੀਆਂ ਹਨ, ਜਿਸ ਨਾਲ ਸਨਬਰਨ, ਟੈਨਿੰਗ ਅਤੇ ਸਮੇਂ ਤੋਂ ਪਹਿਲਾਂ ਬੁਢਾਪੇ ਦਾ ਖ਼ਤਰਾ ਵਧ ਜਾਂਦਾ ਹੈ। ਇਸ ਬਾਰੇ ਸਿਹਤ ਮਾਹਿਰ ਡਾ. ਸਾਕਸ਼ੀ ਨੇ ਕਿਹਾ ਕਿ ਲੋਕਾਂ ਨੂੰ ਗਰਮੀਆਂ ’ਚ ਆਪਣੀ ਸਿਹਤ ਦਾ ਧਿਆਨ ਰੱਖਣਾ ਚਾਹੀਦਾ ਹੈ, ਜਿਸ ਲਈ ਉਨ੍ਹਾਂ ਨੇ ਇਸ ਤੇਜ਼ ਗਰਮੀ ’ਚ ਆਪਣੀ ਚਮੜੀ ਨੂੰ ਸਿਹਤਮੰਦ ਅਤੇ ਚਮੜੀ ਨੂੰ ਬਚਾਉਣ ਰੱਖਣ ਲਈ ਕੁਝ ਆਸਾਨ ਉਪਾਅ ਸੁਝਾਏ ਹਨ।
ਇਹ ਵੀ ਪੜ੍ਹੋ- ਪੰਜਾਬ ਪੁਲਸ 'ਤੇ ਪ੍ਰਵਾਸੀਆਂ ਨੇ ਕੀਤਾ ਹਮਲਾ, ਬੁਲਾਉਣੀ ਪੈ ਗਈ ਹੋਰ ਪੁਲਸ, ਮਾਮਲਾ ਕਰੇਗਾ ਹੈਰਾਨ
ਹਾਈਡ੍ਰੇਟਿਡ ਰਹੋ
ਗਰਮੀਆਂ ’ਚ ਸਰੀਰ ਅਤੇ ਚਮੜੀ ਨੂੰ ਹਾਈਡਰੇਟ ਰੱਖਣਾ ਮਹੱਤਵਪੂਰਨ ਹੈ। ਦਿਨ ਭਰ ਘੱਟੋ-ਘੱਟ 2-3 ਲੀਟਰ ਪਾਣੀ ਪੀਓ।
ਨਾਰੀਅਲ ਪਾਣੀ, ਨਿੰਬੂ ਪਾਣੀ ਜਾਂ ਫਲਾਂ ਦੇ ਜੂਸ ਵਰਗੇ ਪੀਣ ਵਾਲੇ ਪਦਾਰਥ ਚਮੜੀ ਨੂੰ ਅੰਦਰੋਂ ਪੋਸ਼ਣ ਦਿੰਦੇ ਹਨ।
ਪਾਣੀ ਨਾਲ ਭਰਪੂਰ ਖਾਧ ਪਦਾਰਥ ਖੀਰਾ, ਤਰਬੂਜ ਅਤੇ ਸੰਤਰਾ ਖਾਓ।
ਇਹ ਵੀ ਪੜ੍ਹੋ-ਪੰਜਾਬੀਓ ਪਹਿਲਾਂ ਹੀ ਕਰ ਲਓ ਤਿਆਰੀ, 2 ਦਿਨ ਬਿਜਲੀ ਸਪਲਾਈ ਰਹੇਗੀ ਬੰਦ
ਚਮੜੀ ਨੂੰ ਢੱਕੋ
ਧੁੱਪ ’ਚ ਬਾਹਰ ਜਾਂਦੇ ਸਮੇਂ ਹਲਕੇ, ਸੂਤੀ ਅਤੇ ਪੂਰੀ ਬਾਹਾਂ ਵਾਲੇ ਕੱਪੜੇ ਪਾਓ। ਇਹ ਚਮੜੀ ਨੂੰ ਯੂਵੀ ਕਿਰਨਾਂ ਤੋਂ ਬਚਾਉਂਦੇ ਹਨ।
ਆਪਣੇ ਸਿਰ ਨੂੰ ਢੱਕਣ ਲਈ ਟੋਪੀ, ਸਕਾਰਫ਼ ਜਾਂ ਛੱਤਰੀ ਦੀ ਵਰਤੋਂ ਕਰੋ।
ਆਪਣੀਆਂ ਅੱਖਾਂ ਦੇ ਆਲੇ-ਦੁਆਲੇ ਨਾਜ਼ੁਕ ਚਮੜੀ ਦੀ ਰੱਖਿਆ ਲਈ ਧੁੱਪ ਦੀਆਂ ਐਨਕਾਂ ਪਹਿਨੋ।
ਆਪਣੀ ਚਮੜੀ ਨੂੰ ਨਿਯਮਿਤ ਤੌਰ ’ਤੇ ਸਾਫ਼ ਕਰੋ।
ਪਸੀਨਾ ਅਤੇ ਧੂੜ ਕਾਰਨ ਚਮੜੀ ਦੇ ਰੋਮਛਿੰਦ ਬੰਦ ਹੋ ਸਕਦੇ ਹਨ, ਜਿਸ ਨਾਲ ਮੁਹਾਸੇ ਅਤੇ ਬਲੈਕਹੈੱਡਸ ਹੋ ਸਕਦੇ ਹਨ।
ਦਿਨ ’ਚ ਦੋ ਵਾਰ ਹਲਕੇ ਫੇਸ ਵਾਸ਼ ਨਾਲ ਆਪਣੇ ਚਿਹਰੇ ਨੂੰ ਸਾਫ਼ ਕਰੋ। ਤੇਲ-ਕੰਟਰੋਲ ਫੇਸ ਵਾਸ਼ ਤੇਲਯੁਕਤ ਚਮੜੀ ਲਈ ਸਭ ਤੋਂ ਵਧੀਆ ਹਨ।
ਰਾਤ ਨੂੰ ਸੌਣ ਤੋਂ ਪਹਿਲਾਂ ਮੇਕਅੱਪ ਹਟਾਉਣਾ ਨਾ ਭੁੱਲੋ।
ਇਹ ਵੀ ਪੜ੍ਹੋ- ਪੰਜਾਬ ‘ਚ ਮੌਸਮ ਨੇ ਬਦਲਿਆ ਰੁਖ, ਅੱਜ ਤੋਂ 18 ਜੂਨ ਤੱਕ ਕਈ ਜ਼ਿਲ੍ਹਿਆਂ ਲਈ ਅਲਰਟ
ਕੁਦਰਤੀ ਇਲਾਜ ਦੀ ਵਰਤੋਂ ਕਰੋ
ਆਪਣੀ ਚਮੜੀ ਨੂੰ ਠੰਢਕ ਦੇਣ ਲਈ ਹਫ਼ਤੇ ’ਚ 1-2 ਵਾਰ ਮੁਲਤਾਨੀ ਮਿੱਟੀ ਫੇਸ ਮਾਸਕ ਲਾਓ।
ਖੀਰੇ ਦੇ ਟੁਕੜਿਆਂ ਜਾਂ ਠੰਢੇ ਦੁੱਧ ਨਾਲ ਆਪਣੀ ਚਮੜੀ ਦੀ ਮਾਲਿਸ਼ ਕਰੋ। ਇਹ ਸਨਬਰਨ ਅਤੇ ਟੈਨਿੰਗ ਨੂੰ ਘਟਾਉਂਦਾ ਹੈ।
ਗੁਲਾਬ ਜਲ ਨੂੰ ਟੋਨਰ ਵਜੋਂ ਵਰਤੋਂ। ਇਹ ਤੁਹਾਡੀ ਚਮੜੀ ਨੂੰ ਤਾਜ਼ਗੀ ਦਿੰਦਾ ਹੈ।
ਇਹ ਵੀ ਪੜ੍ਹੋ- ਇਨਫਲੂਐਂਸਰ ਦੀਪਿਕਾ ਲੂਥਰਾ ਦੇ ਬਿਆਨਾਂ 'ਤੇ ਅੰਮ੍ਰਿਤਪਾਲ ਮਹਿਰੋਂ 'ਤੇ ਵੱਡੀ ਕਾਰਵਾਈ
ਧੁੱਪ ਤੋਂ ਬਚੋ
ਦੁਪਹਿਰ 12 ਤੋਂ ਸ਼ਾਮ 4 ਵਜੇ ਵਿਚਕਾਰ ਬਾਹਰ ਜਾਣ ਤੋਂ ਬਚੋ, ਜਦੋਂ ਧੁੱਪ ਸਭ ਤੋਂ ਤੇਜ਼ ਹੁੰਦੀ ਹੈ।
ਜੇਕਰ ਬਾਹਰ ਜਾਣਾ ਜ਼ਰੂਰੀ ਹੋਵੇ ਤਾਂ ਛਾਂਦਾਰ ਰਸਤੇ ਚੁਣੋ ਅਤੇ ਸਮੇਂ-ਸਮੇਂ ’ਤੇ ਠੰਢੇ ਪਾਣੀ ਨਾਲ ਚਿਹਰਾ ਧੋਵੋ।
ਸਿਹਤਮੰਦ ਖੁਰਾਕ ਖਾਓ
ਵਿਟਾਮਿਨ ਸੀ ਅਤੇ ਈ ਨਾਲ ਭਰਪੂਰ ਖਾਧ ਪਦਾਰਥ, ਜਿਵੇਂ ਕਿ ਨਿੰਬੂ, ਸੰਤਰਾ, ਬਦਾਮ ਅਤੇ ਪਾਲਕ, ਚਮੜੀ ਨੂੰ ਯੂਵੀ ਕਿਰਨਾਂ ਤੋਂ ਹੋਣ ਵਾਲੇ ਨੁਕਸਾਨ ਤੋਂ ਬਚਾਉਂਦੇ ਹਨ। ਤੇਲਯੁਕਤ ਅਤੇ ਜੰਕ ਫੂਡ ਤੋਂ ਪ੍ਰਹੇਜ਼ ਕਰੋ ਕਿਉਂਕਿ ਇਹ ਚਮੜੀ ’ਤੇ ਮੁਹਾਸੇ ਵਧਾ ਸਕਦੇ ਹਨ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਚਮੜੀ ਨੂੰ ਸਾਫ਼ ਕਰੋ ਅਤੇ ਹਲਕਾ ਮਾਇਸਚਰਾਈਜ਼ਰ ਜਾਂ ਨਾਈਟ ਕਰੀਮ ਲਾਓ। ਲੋੜੀਂਦੀ ਨੀਂਦ ਲਓ ਕਿਉਂਕਿ ਇਹ ਚਮੜੀ ਦੀ ਮੁਰੰਮਤ ’ਚ ਮਦਦ ਕਰਦਾ ਹੈ। ਜੇਕਰ ਤੁਹਾਨੂੰ ਧੁੱਪ ਨਾਲ ਜਲਣ, ਧੱਫੜ ਜਾਂ ਗੰਭੀਰ ਚਮੜੀ ਦੀਆਂ ਸਮੱਸਿਆਵਾਂ ਹਨ, ਤਾਂ ਚਮੜੀ ਦੇ ਮਾਹਰ ਨਾਲ ਸਲਾਹ ਕਰੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Alert ਰਹਿਣ Punjab ਦੇ ਇਨ੍ਹਾਂ ਜ਼ਿਲ੍ਹਿਆਂ ਦੇ ਲੋਕ! ਆਵੇਗਾ ਤੂਫ਼ਾਨ ਤੇ ਪਵੇਗਾ ਭਾਰੀ ਮੀਂਹ
NEXT STORY 
