ਚੰਡੀਗੜ੍ਹ : ਇਜ਼ਰਾਈਲ ਦੇ ਇਰਾਨ 'ਤੇ ਹਮਲੇ ਦੀ ਖ਼ਬਰ ਨੇ ਪੰਜਾਬ ਵਿਚ ਬਾਸਮਤੀ ਚੌਲਾਂ ਦੇ ਨਿਰਯਾਤ ਦੀ ਚਿੰਤਾ ਵਧਾ ਦਿੱਤਾ ਹੈ ਕਿਉਂਕਿ ਭਾਰਤ ਤੋਂ ਅਰਬ ਦੇਸ਼ਾਂ ਨੂੰ ਜਿਨਾਂ ਵੀ ਬਾਸਮਤੀ ਨਿਰਯਾਤ ਕੀਤਾ ਜਾਂਦਾ ਹੈ, ਉਸ ਵਿਚੋਂ ਸਭ ਤੋਂ ਵੱਧ ਹਿੱਸਾ ਪੰਜਾਬ ਦਾ ਹੈ। ਭਾਰਤ ਵਿਚੋਂ 48,000 ਕਰੋੜ ਰੁਪਏ ਦੇ ਬਾਸਮਤੀ ਚੌਲਾਂ ਦਾ ਨਿਰਯਾਤ ਵਿਚ ਪੰਜਾਬ ਦਾ 40% ਹਿੱਸਾ ਹੈ। ਇਸ ਵਿਚੋਂ ਲਗਭਗ 25% ਬਾਸਮਤੀ ਚੌਲ ਸਿਰਫ ਇਰਾਨ ਨੂੰ ਹੀ ਨਿਰਯਾਤ ਹੁੰਦਾ ਹੈ।
ਇਹ ਵੀ ਪੜ੍ਹੋ : ਸਰਕਾਰੀ ਮੁਲਾਜ਼ਮ 16 ਜੂਨ ਤੋਂ ਪਹਿਲਾਂ ਕਰਨ ਇਹ ਕੰਮ, ਨਹੀਂ ਤਾਂ ਰੁਕ ਜਾਵੇਗੀ ਤਨਖਾਹ
ਪੰਜਾਬ ਬਾਸਮਤੀ ਰਾਈਸ ਮਿੱਲਰਸ ਦਾ ਆਖਣਾ ਹੈ ਕਿ ਇਜ਼ਰਾਈਲ ਦੇ ਹਮਲੇ ਤੋਂ ਬਾਅਦ ਉਨ੍ਹਾਂ ਨੇ ਇਰਾਨ ਦੇ ਵਪਾਰੀਆਂ ਨਾਲ ਗੱਲਬਾਤ ਕੀਤੀ ਅਤੇ ਉਨ੍ਹਾ ਨੇ ਕਿਹਾ ਕਿ ਮੁਸ਼ਕਿਲ ਦੀ ਸਥਿਤੀ ਹੈ ਅਤੇ ਜੇ ਯੁੱਧ ਹੋਰ ਲੰਬਾ ਚੱਲਦਾ ਹੈ ਤਾਂ ਕੁਝ ਵੀ ਕਹਿਣਾ ਮੁਸ਼ਕਿਲ ਹੈ। ਯੁੱਧ ਦੀ ਸਥਿਤੀ ਵਿਚ ਸਮੁੰਦਰੀ ਰਸਤੇ ਅਤੇ ਬੰਦਰਗਾਹਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ। ਸਮੁੰਦਰੀ ਜਹਾਜ਼ਾਂ ਰਾਂਹੀ ਸਾਮਾਨ ਭੇਜਣਾ ਸੰਭਵ ਨਹੀਂ ਹੈ। ਆਉਣ ਵਾਲੇ ਸਮੇਂ ਵਿਚ ਬਾਸਮਤੀ ਦੀ ਕੀਮਤ ਘੱਟ ਜਾਵੇਗੀ। ਘੱਟ ਕੀਮਤਾਂ ਵਾਲੀ 1509 ਕਿਸਮ ਤੋਂ ਇਲਾਵਾ 1718 ਅਤੇ 1121 ਕਿਸਮਾਂ ਵਾਲੇ ਚੌਲ ਇਰਾਨ ਦੇ ਨਾਲ-ਨਾਲ ਹੋਰ ਦੇਸ਼ਾ ਨੂੰ ਵੀ ਨਿਰਯਾਤ ਕੀਤੇ ਜਾਂਦੇ ਹਨ। ਦੋ ਸਾਲ ਪਹਿਲਾਂ ਵੀ ਜਦੋਂ ਇਰਾਨ ਅਤੇ ਇਜ਼ਰਾਈਲ ਵਿਚ ਤਣਾਅਪੂਰਨ ਸਥਿਤੀ ਸੀ, ਉਸ ਸਮੇਂ ਵੀ ਚੌਲਾਂ ਦਾ ਵਪਾਰ ਪ੍ਰਭਾਵਿਤ ਹੋਇਆ ਸੀ।
ਇਹ ਵੀ ਪੜ੍ਹੋ : ਪੰਜਾਬ ਵਿਚ ਤਬਾਦਲਿਆਂ ਨੂੰ ਲੈ ਕੇ ਜਾਰੀ ਹੋਏ ਨਵੇਂ ਹੁਕਮ, ਮੁਲਾਜ਼ਮ ਦੇਣ ਧਿਆਨ
ਪੰਜਾਬ ਦੇ ਵਪਾਰੀਆਂ ਨੂੰ ਸਾਲ 2023 ਵਿਚ ਉਸ ਸਮੇਂ ਕਾਫੀ ਘਾਟੇ ਦਾ ਸਾਹਮਣਾ ਕਰਨਾ ਪਿਆ ਸੀ ਜਦੋਂ ਭਾਰਤ ਸਰਕਾਰ ਨੇ ਨਿਰਯਾਤਕਾਂ "ਤੇ ਇਹ ਕਹਿੰਦੇ ਹੋਏ ਪਾਬੰਦੀ ਲਗਾ ਦਿੱਤੀ ਸੀ ਕਿ ਜੇ ਉਨ੍ਹਾਂ ਕੋਲ 1200 ਡਾਲਰ ਪ੍ਰਤੀਦਿਨ ਤੋਂ ਵੱਧ ਦੇ ਆਰਡਰ ਹਨ ਤਾਂ ਹੀ ਉਹ ਨਿਰਯਾਤ ਕਰ ਸਕਦੇ ਹਨ। ਪੰਜਾਬ ਤੋਂ ਇਰਾਨ ਨੂੰ ਨਿਰਯਾਤ ਹੋਣ ਵਾਲੇ ਬਾਸਮਤੀ ਚੌਲਾਂ ਦੀ ਔਸਤ ਕੀਮਤ ਲਗਭਗ 900 ਡਾਲਰ ਹੈ। 2018-19 ਵਿਚ ਇਰਾਨ ਨੂੰ 14.5 ਲੱਖ ਟਨ ਬਾਸਮਤੀ ਨਿਰਯਾਤ ਕੀਤੀ ਗਈ ਸੀ। ਇੱਧਰ, ਪੰਜਾਬ ਵਿਚ ਝੋਨਾਂ ਲਾਉਣ ਦਾ ਕੰਮ ਚੱਲ ਰਿਹਾ ਹੈ, ਇਸ ਵਿਚ ਝੋਨੇ ਦੇ ਖੇਤਰ ਦੇ ਨਾਲ-ਨਾਲ ਬਾਸਮਤੀ ਖੇਤਰ ਨੂੰ ਵੀ ਵਧਾਉਣ ਦਾ ਯਤਨ ਕੀਤਾ ਜਾ ਰਿਹਾ ਹੈ। ਬਾਸਮਤੀ ਨੂੰ ਜੂਨ ਦੇ ਅਖ਼ੀਰ ਤੋਂ ਲੈ ਕੇ 15 ਜੁਲਾਈ ਤੱਕ ਲਗਾਇਆ ਜਾਂਦਾ ਹੈ । ਇਸ ਵਿਚਾਲੇ ਜੇਕਰ ਇਰਾਨ ਅਤੇ ਇਜ਼ਰਾਈਲ ਯੁੱਧ ਲੰਬੀ ਚੱਲਦੀ ਹੈ ਤਾਂ ਇਸ ਨਾਲ ਪੰਜਾਬ ਦੇ ਵਪਾਰੀਆਂ ਨੂੰ ਵੱਡਾ ਘਾਟਾ ਸਹਿਣਾ ਪੈ ਸਕਦਾ ਹੈ।
ਇਹ ਵੀ ਪੜ੍ਹੋ : ਅੱਤ ਦੀ ਗਰਮੀ ਕਾਰਣ ਪੰਜਾਬ ਵਿਚ ਇਕ ਹੋਰ ਮੌਤ, ਸਿਹਤ ਵਿਭਾਗ ਨੇ ਜਾਰੀ ਕੀਤੀ ਐਡਵਾਈਜ਼ਰੀ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਸੜਕ ਹਾਦਸੇ 'ਚ ਜ਼ਖਮੀ ਵਿਅਕਤੀ ਦੀ ਮੌਤ
NEXT STORY 
