ਜਲੰਧਰ (ਸ.ਹ.) : ਜਲੰਧਰ ਦੇ ਲੋਕ ਜਨਵਰੀ ਮਹੀਨੇ ਤੋਂ ਲੈ ਕੇ ਹੁਣ ਤਕ 2 ਕਰੋੜ 38 ਲੱਖ 28 ਹਜ਼ਾਰ 500 ਰੁਪਏ ਦੇ ਟ੍ਰੈਫਿਕ ਚਲਾਨ ਹੀ ਭੁਗਤ ਚੁੱਕੇ ਹਨ। ਪੂਰੇ ਸਾਲ ਦੀ ਗੱਲ ਕਰੀਏ ਤਾਂ ਲਾਪ੍ਰਵਾਹੀ ਦਾ ਜੇਕਰ ਇਹੀ ਸਿਲਸਿਲਾ ਜਾਰੀ ਰਿਹਾ ਤਾਂ 2026 ਵਿਚ ਇਹੀ ਅੰਕੜੇ 6 ਕਰੋੜ ਰੁਪਏ ਪਾਰ ਕਰ ਸਕਦਾ ਹੈ। ਆਨਲਾਈਨ ਤੋਂ ਲੈ ਕੇ ਈ-ਚਲਾਨ ਦੀ ਗੱਲ ਕਰੀਏ ਤਾਂ ਟ੍ਰੈਫਿਕ ਸਾਢੇ 5 ਮਹੀਨੇ ਵਿਚ ਕੁੱਲ 43082 ਚਲਾਨ ਕੱਟ ਚੁੱਕੀ ਹੈ।
ਸਭ ਤੋਂ ਵੱਧ ਚਲਾਨ ਜ਼ੈਬਰਾ ਕਰਾਸਿੰਗ ਅਤੇ ‘ਨੋ ਪਾਰਕਿੰਗ’ ਦੇ ਹੋਏ। ਦੋਵੇਂ ਨਿਯਮ ਤੋੜਨ ’ਤੇ ਟ੍ਰੈਫਿਕ ਪੁਲਸ ਨੇ 13 ਹਜ਼ਾਰ 439 ਚਲਾਨ ਕੱਟੇ। ਇਸ ਦੇ ਬਾਅਦ ਬਿਨਾਂ ਹੈਲਮੇਟ ਦੇ 10861 ਚਲਾਨ, ਹਾਈਵੇ ’ਤੇ ਓਵਰਸਪੀਡ ਵਾਹਨਾਂ ਦੇ 4425 ਚਲਾਨ ਕੱਟੇ ਗਏ। ਡ੍ਰੰਕ ਐਂਡ ਡਰਾਈਵ ਤੋਂ ਵੀ ਲੋਕ ਪ੍ਰਹੇਜ਼ ਨਹੀਂ ਕਰ ਰਹੇ। ਜਨਵਰੀ ਤੋਂ ਲੈ ਕੇ ਹੁਣ ਤਕ ਟ੍ਰੈਫਿਕ ਪੁਲਸ ਨੇ ਡ੍ਰੰਕ ਐਂਡ ਡਰਾਈਵ ਦੇ 1146 ਕੱਟੇ ਹਨ। ਹਾਈ ਸਕਿਓਰਿਟੀ ਨੰਬਰ ਪਲੇਟ ਦੇ 3033 ਚਲਾਨ, ਰੈੱਡ ਲਾਈਟ ਜੰਪ ਦੇ 4892, ਟ੍ਰਿਪਲ ਰਾਈਡਿੰਗ ਦੇ 3822 ਚਲਾਨ, ਅੰਡਰਏਜ ਦੇ 82, ਵਾਹਨ ਚਲਾਉਂਦੇ ਸਮੇਂ ਮੋਬਾਈਲ ਦੀ ਵਰਤੋਂ ਕਰਨ ’ਤੇ 387 ਚਲਾਨ, ਬੁਲੇਟ ਸਾਇਲੈਂਸਰ ਦੇ 745 ਚਲਾਨ, ਲਾਲ ਹਰੀ ਬੱਤੀ ਲਾਉਣ ਦੇ 204 ਚਲਾਨ ਅਤੇ ਵੀ. ਆਈ. ਪੀ. ਹੂਟਰ ਲੱਗੇ ਵਾਹਨਾਂ ਦੇ 46 ਚਲਾਨ ਕੱਟੇ ਜਾ ਚੁੱਕੇ ਹਨ। ਦਰਅਸਲ ਸ਼ਹਿਰ ਵਿਚ ਸੀ. ਸੀ. ਟੀ. ਵੀ. ਕੈਮਰੇ ਲੱਗਣ ਦੇ ਬਾਅਦ ਚਲਾਨ ਦੇ ਅੰਕੜਿਆਂ ਵਿਚ ਵਾਧਾ ਹੋਇਆ ਹੈ। ਵਧੇਰੇ ਆਨਲਾਈਨ ਚਲਾਨ ਰੈੱਡ ਲਾਈਟ ਜੰਪ, ਜ਼ੈਬਰਾ ਕਰਾਸਿੰਗ ਕਰਾਸ, ਮੋਬਾਈਲ ਦੀ ਵਰਤੋਂ ਕਰਨ, ਟ੍ਰਿਪਲ ਰਾਈਡਿੰਗ ਅਤੇ ਬਿਨਾਂ ਹੈਲਮੇਟ ਦੇ ਵੀ ਹੋ ਰਹੇ ਹਨ।
ਲੋਕ ਟ੍ਰੈਫਿਕ ਨਿਯਮਾਂ ਨੂੰ ਫਾਲੋ ਕਰਨ: ਏ. ਡੀ. ਸੀ. ਪੀ. ਟ੍ਰੈਫਿਕ
ਓਧਰ ਏ. ਡੀ. ਸੀ. ਪੀ. ਟ੍ਰੈਫਿਕ ਗੁਰਬਾਜ ਸਿੰਘ ਦਾ ਕਹਿਣਾ ਹੈ ਕਿ ਲੋਕ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਤਾਂ ਕਿ ਚਲਾਨ ਦੇ ਜੁਰਮਾਨੇ ਤੋਂ ਬਚਿਆ ਜਾ ਸਕੇ। ਉਨ੍ਹਾਂ ਕਿਹਾ ਕਿ ਇਹ ਵੀ ਗੱਲ ਸਾਹਮਣੇ ਆਈ ਹੈ ਕਿ ਲੋਕ ਆਪਣੇ ਨਾਬਾਲਗ ਬੱਚਿਆਂ ਨੂੰ ਗੱਡੀਆਂ ਚਲਾਉਣ ਨੂੰ ਦੇ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਟ੍ਰੈਫਿਕ ਪੁਲਸ ਪਹਿਲਾਂ ਹੀ ਕਾਫੀ ਵਾਰ ਲੋਕਾਂ ਨੂੰ ਜਾਗਰੂਕ ਕਰ ਚੁੱਕੀ ਹੈ ਪਰ ਇਸ ਵਿਚ ਸੁਧਾਰ ਨਹੀਂ ਹੋਇਆ ਤਾਂ ਪੁਲਸ ਨੂੰ ਮਾਤਾ-ਪਿਤਾ ਖ਼ਿਲਾਫ਼ ਸਖ਼ਤ ਰਵੱਈਆ ਅਪਣਾਉਣਾ ਪਵੇਗਾ। ਉਨ੍ਹਾਂ ਅਪੀਲ ਕਰਦੇ ਹੋਏ ਕਿਹਾ ਕਿ ਲੋਕ ਡਰਾਈਵਿੰਗ ਲਾਇਸੈਂਸ ਮਿਲਣ ’ਤੇ ਹੀ ਆਪਣੇ ਬੱਚਿਆਂ ਨੂੰ ਗੱਡੀਆਂ ਦੇਣ ਅਤੇ ਉਨ੍ਹਾਂ ਨੂੰ ਗਾਈਡ ਕਰਦੇ ਰਹਿਣ ਕਿ ਵਾਹਨ ਨੂੰ ਓਵਰ ਸਪੀਡ ਜਾਂ ਰੈਸ਼ ਤਰੀਕੇ ਨਾਲ ਨਾ ਚਲਾਉਣ ਤਾਂ ਕਿ ਸੜਕ ਹਾਦਸਿਆਂ ਤੋਂ ਬਚਿਆ ਜਾ ਸਕੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਵੇਰੇ 6 ਵਜੇ ਲੱਗ ਜਾਵੇਗਾ Power Cut! ਭਲਕੇ ਇਸ ਇਲਾਕੇ 'ਚ ਬੰਦ ਰਹੇਗੀ ਬਿਜਲੀ
NEXT STORY 
