ਜਲੰਧਰ (ਮਹੇਸ਼) - ਕਾਕੀ ਪਿੰਡ, ਦਕੋਹਾ ਰੋਡ ਰਾਮਾ ਮੰਡੀ 'ਚ 30 ਅਪ੍ਰੈਲ ਨੂੰ ਹੋਏ ਜਸਪ੍ਰੀਤ ਕੌਰ ਕਤਲ ਕਾਂਡ 'ਚ ਫਰਾਰ ਪ੍ਰਾਪਰਟੀ ਡੀਲਰ ਸਹੁਰੇ ਕੁਲਵੰਤ ਸਿੰਘ (55) ਨੇ 311 ਦਿਨਾਂ ਬਾਅਦ ਬੀਤੇ ਦਿਨ ਪੁਲਸ ਚੌਕੀ ਨੰਗਲ ਸ਼ਾਮਾ (ਥਾਣਾ ਰਾਮਾ ਮੰਡੀ) 'ਚ ਸਰੰਡਰ ਕਰ ਦਿੱਤਾ ਹੈ। ਦੱਸ ਦੇਈਏ ਕਿ ਪੁਲਸ ਨੇ ਉਸ ਦੀ ਗ੍ਰਿਫਤਾਰੀ ਉਸਦੇ ਘਰ ਤੋਂ ਦਿਖਾਈ ਹੈ। ਮੁਲਜ਼ਮ ਸਹੁਰਾ ਕੁਲਵੰਤ ਕਾਫੀ ਸਮੇਂ ਤੋਂ ਫਰਾਰ ਚੱਲਿਆ ਆ ਰਿਹਾ ਸੀ, ਜਿਸ ਦੀ ਗ੍ਰਿਫਤਾਰੀ ਲਈ ਲਗਾਤਾਰ ਉਸ ਦੇ ਅਤੇ ਉਸ ਦੇ ਰਿਸ਼ਤੇਦਾਰਾਂ ਦੇ ਘਰਾਂ 'ਚ ਛਾਪੇਮਾਰੀ ਕੀਤੀ ਜਾ ਰਹੀ ਸੀ।
ਮਿਲੀ ਜਾਣਕਾਰੀ ਅਨੁਸਾਰ ਮ੍ਰਿਤਕਾ ਜਸਪ੍ਰੀਤ ਕੌਰ (28) ਦੇ ਪਤੀ ਮੋਬਾਇਲ ਵਿਕ੍ਰੇਤਾ ਜਸਪ੍ਰੀਤ ਸਿੰਘ ਜੱਸ ਤੇ ਸੱਸ ਰਣਜੀਤ ਕੌਰ ਦੀ ਗ੍ਰਿਫਤਾਰੀ ਪਹਿਲਾਂ ਹੀ ਹੋ ਚੁੱਕੀ ਸੀ, ਜੋ ਜੇਲ 'ਚ ਸਜ਼ਾ ਕੱਟ ਰਹੇ ਹਨ। ਨੰਗਲ ਸ਼ਾਮਾ ਪੁਲਸ ਚੌਕੀ ਦੇ ਇੰਚਾਰਜ ਐੈੱਸ. ਆਈ. ਸੇਵਾ ਸਿੰਘ ਨੇ ਦੱਸਿਆ ਕਿ ਸਹੁਰੇ ਦੀ ਗ੍ਰਿਫਤਾਰੀ ਤੋਂ ਬਾਅਦ ਉਸਨੂੰ ਮਾਣਯੋਗ ਅਦਾਲਤ 'ਚ ਪੇਸ਼ ਕੀਤਾ ਗਿਆ, ਜਿੱਥੇ ਜੱਜ ਸਾਹਿਬ ਨੇ ਉਸ ਨੂੰ ਜੇਲ ਭੇਜਣ ਦੇ ਹੁਕਮ ਦੇ ਦਿੱਤੇ ਹਨ। ਰਾਮਾ ਮੰਡੀ ਪੁਲ ਦੇ ਹੇਠਾਂ ਜਸ ਨਾਂ ਨਾਲ ਮੋਬਾਇਲ ਸ਼ਾਪ ਚਲਾਉਣ ਵਾਲੇ ਮੁਲਜ਼ਮ ਪਤੀ ਜਸਪ੍ਰੀਤ ਸਿੰਘ, ਸਹੁਰਾ ਕੁਲਵੰਤ ਤੇ ਸੱਸ ਰਣਜੀਤ ਕੌਰ ਦੇ ਖਿਲਾਫ ਥਾਣਾ ਨਕੋਦਰ ਦੇ ਪਿੰਡ ਬਾੜਾ ਸਿੱਧਪੁਰ ਦੇ ਰਹਿਣ ਵਾਲੇ ਮ੍ਰਿਤਕਾ ਦੇ ਟਰਾਂਸਪੋਰਟ ਪਿਤਾ ਹਰਵਿੰਦਰ ਸਿੰਘ ਤੇ ਭਰਾ ਹਰਪ੍ਰੀਤ ਸਿੰਘ ਦੇ ਬਿਆਨਾਂ 'ਤੇ ਥਾਣਾ ਰਾਮਾ ਮੰਡੀ 'ਚ ਵਾਰਦਾਤ ਵਾਲੇ ਦਿਨ ਹੀ ਕੇਸ ਦਰਜ ਕਰ ਦਿੱਤਾ ਸੀ। ਦੋਵਾਂ ਦੀ ਇਕ ਮਾਸੂਮ ਬੱਚੀ ਪਵਨੀਤ ਵੀ ਹੈ, ਜਿਸ ਦਾ ਪਾਲਣ ਪੋਸ਼ਣ ਉਸ ਦੇ ਮਾਮਾ ਹਰਪ੍ਰੀਤ ਸਿੰਘ ਤੇ ਨਾਨਾ-ਨਾਨੀ ਆਪਣੇ ਘਰ ਬਾੜਾ ਸਿੱਧਪੁਰ 'ਚ ਕਰ ਰਹੇ ਹਨ। ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਸਦੀ ਵੱਡੀ ਭੈਣ ਜਸਪ੍ਰੀਤ ਕੌਰ ਦੀ ਸੱਸ ਰਣਜੀਤ ਕੌਰ ਨੇ ਆਪਣੇ ਪਤੀ ਕੁਲਵੰਤ ਸਿੰਘ ਤੇ ਬੇਟੇ ਜਸਪ੍ਰੀਤ ਸਿੰਘ ਨਾਲ ਮਿਲ ਕੇ ਹੱਤਿਆ ਕੀਤੀ ਸੀ ਪਰ ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਉਸਨੇ ਖੁਦਕੁਸ਼ੀ ਕੀਤੀ ਹੈ। ਹੱਤਿਆ ਤੋਂ ਬਾਅਦ ਜਸਪ੍ਰੀਤ ਦੀ ਲਾਸ਼ ਨੂੰ ਬਾਥਰੂਮ ਵਿਚ ਚੁੰਨੀ ਨਾਲ ਫਾਹਾ ਲਾ ਕੇ ਲਟਕਾ ਦਿੱਤਾ ਸੀ।
ਮੁਲਜ਼ਮਾਂ ਨੂੰ ਜੇਲ ਪਹੁੰਚਾਉਣ ਲਈ ਲੜੀ ਲੰਮੀ ਲੜਾਈ
ਮ੍ਰਿਤਕਾ ਜਸਪ੍ਰੀਤ ਦੇ ਛੋਟੇ ਭਰਾ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਭੈਣ ਦੀ ਹੱਤਿਆ ਲਈ ਜ਼ਿੰਮੇਵਾਰ ਦੋਸ਼ੀਆਂ ਨੂੰ ਜੇਲ ਵਿਚ ਪਹੁੰਚਾਉਣ ਲਈ ਲੰਮੀ ਕਾਨੂੰਨੀ ਲੜਾਈ ਲੜੀ ਹੈ। ਜਿਸ ਵਿਚ ਉਹ ਸਫਲ ਵੀ ਹੋਏ ਹਨ। ਅੱਜ ਕੁਲਵੰਤ ਸਿੰਘ ਦੇ ਫੜੇ ਜਾਣ 'ਤੇ ਉਨ੍ਹਾਂ ਦੇ ਮਨ ਨੂੰ ਸ਼ਾਂਤੀ ਮਿਲੀ ਹੈ।
ਪੁਲਸ 'ਤੇ ਸੀ ਸਿਆਸੀ ਦਬਾਅ
ਹਰਪ੍ਰੀਤ ਨੇ ਦੱਸਿਆ ਕਿ ਵਾਰਦਾਤ ਵਾਲੇ ਦਿਨ ਤੋਂ ਹੀ ਮੁਲਜ਼ਮਾਂ ਨੂੰ ਬਚਾਉਣ ਲਈ ਪੁਲਸ 'ਤੇ ਕਾਫੀ ਸਿਆਸੀ ਦਬਾਅ ਸੀ। ਜਿਸ ਕਾਰਨ ਉਨ੍ਹਾਂ ਨੂੰ ਫੜਨ ਵਿਚ ਇੰਨਾ ਸਮਾਂ ਲੱਗਾ ਪਰ ਅਖੀਰ ਉਨ੍ਹਾਂ ਨੂੰ ਇਨਸਾਫ ਮਿਲਿਆ।
ਬੇਰੋਜ਼ਗਾਰ ਹੈਲਥ ਵਰਕਰਾਂ ਨੇ ਕੀਤੇ ਬੂਟ ਪਾਲਿਸ਼
NEXT STORY 
