ਲੁੱਟ ਕਰਨ ਵਾਲੇ ਰੰਗੇ ਹੱਥੀਂ ਚੜ੍ਹੇ ਲੋਕਾਂ ਹੱਥੇ, ਰੱਜ ਕੇ ਚਾੜਿਆ ਕੁਟਾਪਾ

Edited By Baljit Singh,
Updated: 13 Nov, 2024 07:55 PM

ਲੁਧਿਆਣਾ (ਗਣੇਸ਼) : ਲੁਧਿਆਣਾ ਦੇ ਪ੍ਰਤਾਪ ਚੌਕ ਵਿੱਚ ਉਸ ਵੇਲੇ ਹੰਗਾਮਾ ਹੋ ਗਿਆ ਜਦੋਂ ਬੀਤੇ ਦਿਨੀਂ ਚੋਰੀ ਹੋਈ ਬਾਈਕ ਦੀ ਭਾਲ 'ਚ ਨੌਜਵਾਨ ਘੁੰਮ ਰਹੇ ਸੀ। ਪਰ ਰਸਤੇ 'ਚ ਮੰਗਣ ਵਾਲਿਆਂ ਨੂੰ ਜਦੋਂ ਪੈਸੇ ਦਿੱਤੇ ਤਾਂ ਉਹੀ ਲੁਟੇਰੇ ਨੌਜਵਾਨ ਦੇ ਪਿੱਛੇ ਲੱਗ ਗਏ ਅਤੇ ਲੁੱਟ ਕਰਨ ਦੀ ਕੋਸ਼ਿਸ਼ ਕੀਤੀ। ਪਰ ਇਸ ਦੌਰਾਨ ਉਨ੍ਹਾਂ ਦੀ ਕੋਸ਼ਿਸ਼ ਅਸਫਲ ਰਹੀ ਤੇ ਉਹ ਲੋਕਾਂ ਹੱਥੀ ਚੜ੍ਹ ਗਏ ਤੇ ਉਨ੍ਹਾਂ ਦਾ ਖੂਬ ਕੁਟਾਪਾ ਚੜਿਆ।

ਘਟਨਾ ਤੋਂ ਬਾਅਦ ਮੁਲਜ਼ਮਾਂ ਨੂੰ ਪੁਲਸ ਦੇ ਹਵਾਲੇ ਕਰ ਦਿੱਤਾ ਗਿਆ। ਮੌਕੇ ਉੱਤੇ ਮੌਜੂਦ ਲੋਕਾਂ ਨੇ ਲੁਟੇਰਿਆਂ ਦਾ ਜੰਮ ਕੇ ਕੁਟਾਪਾ ਚੜਿਆ। ਪੁਲਸ ਦਾ ਕਹਿਣਾ ਸੀ ਕਿ ਇਨ੍ਹਾਂ ਵੱਲੋਂ ਲੁੱਟ ਕਰਨ ਦੀ ਨਾਕਾਮ ਕੋਸ਼ਿਸ਼ ਕੀਤੀ ਗਈ ਤੇ ਲੋਕਾਂ ਨੇ ਇਨ੍ਹਾਂ ਨੂੰ ਰੰਗੇ ਹੱਥੀ ਕਾਬੂ ਕਰ ਲਿਆ। ਇਨ੍ਹਾਂ ਨੂੰ ਡਿਵੀਜ਼ਨ ਨੰਬਰ ਛੇ ਵਿੱਚ ਲਿਜਾ ਕੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।