ਲੁਧਿਆਣਾ (ਤਰੁਣ)- ਬੀਤੀ ਰਾਤ ਬੱਸ ਸਟੈਂਡ ਨੇੜੇ ਹੈਬੋਵਾਲ ਦੇ ਰਹਿਣ ਵਾਲੇ ਰੋਹਿਤ ਕੁਮਾਰ (27) ਦਾ ਕਤਲ ਕਰਨ ਵਾਲਾ ਵਿਅਕਤੀ ਮਾਨਵ ਉਰਫ ਮਨੂ (20) ਹੈ, ਜੋ ਕਿ ਜਵਾਹਰ ਨਗਰ ਕੈਂਪ ਨਿਵਾਸੀ ਹਰਜਿੰਦਰ ਸਿੰਘ ਜਿੰਦੀ ਦਾ ਪੁੱਤਰ ਹੈ। ਜ਼ਿਕਰਯੋਗ ਹੈ ਕਿ ਹਰਜਿੰਦਰ ਸਿੰਘ ਜਿੰਦੀ ਦਾ 5 ਸਾਲ ਪਹਿਲਾਂ ਬਾਜ਼ਾਰ ’ਚ ਗੋਲੀਆਂ ਮਾਰ ਕੇ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਸੀ, ਜਿਸ ਤੋਂ ਬਾਅਦ ਜਿੰਦੀ ਦਾ ਭਰਾ ਕਮਲਜੀਤ ਉਰਫ ਕਪਲੀ ਇਸ ਮਾਮਲੇ ’ਚ ਮੁੱਖ ਗਵਾਹ ਹੈ। 15 ਜੁਲਾਈ ਨੂੰ ਗੋਲੀ ਚਲਾ ਕੇ ਉਸ ਦੇ ਘਰ ’ਤੇ ਆਪਣੀ ਗਵਾਹੀ ਵਾਪਸ ਲੈਣ ਲਈ ਦਬਾਅ ਪਾਇਆ ਗਿਆ। ਮ੍ਰਿਤਕ ਰੋਹਿਤ ਉਸੇ ਧਿਰ ਦਾ ਦੱਸਿਆ ਜਾ ਰਿਹਾ ਹੈ, ਜਿਸ ਨੇ ਗੋਲੀ ਚਲਾਈ ਸੀ।
ਇਨ੍ਹਾਂ ਘਟਨਾਵਾਂ ਤੋਂ ਸਪੱਸ਼ਟ ਹੈ ਕਿ ਪੁਰਾਣੀ ਰੰਜਿਸ਼ ਹੁਣ ਗੈਂਗਵਾਰ ’ਚ ਬਦਲ ਗਈ ਹੈ। ਹਾਲਾਂਕਿ, ਪੁਲਸ ਨੇ 15 ਜੁਲਾਈ ਨੂੰ ਹੋਈ ਗੋਲੀਬਾਰੀ ਦੇ ਮਾਮਲੇ ਨੂੰ ਹੱਲ ਕਰ ਲਿਆ ਹੈ ਅਤੇ ਅਪਰਾਧ ਨੂੰ ਅੰਜਾਮ ਦੇਣ ਵਾਲੇ 3 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਕੇ ਜੇਲ ਭੇਜ ਦਿੱਤਾ ਹੈ।
ਇਸ ਸਬੰਧੀ ਏ. ਡੀ. ਸੀ. ਪੀ.-3 ਕੰਵਲਪ੍ਰੀਤ ਸਿੰਘ ਨਾਲ ਸੰਪਰਕ ਕਰਨ ’ਤੇ ਉਨ੍ਹਾਂ ਦੱਸਿਆ ਕਿ ਮ੍ਰਿਤਕ ਰੋਹਿਤ ਦੇ ਪਿਤਾ ਨਰੇਸ਼ ਕੁਮਾਰ ਦੇ ਬਿਆਨਾਂ ’ਤੇ ਪੁਲਸ ਨੇ ਮਾਨਵ ਅਤੇ ਇਕ ਅਣਪਛਾਤੇ ਨੌਜਵਾਨ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ। ਮਾਮਲਾ ਪੁਰਾਣੀ ਰੰਜਿਸ਼ ਦਾ ਹੈ। ਦੋਸ਼ੀ ਮਾਨਵ ਨਾਬਾਲਗ ਹੈ। ਪੁਲਸ ਉਸ ਦੀ ਭਾਲ ’ਚ ਛਾਪੇਮਾਰੀ ਕਰ ਰਹੀ ਹੈ। ਜਵਾਹਰ ਨਗਰ ਕੈਂਪ ’ਚ ਲਗਭਗ 5 ਸਾਲ ਪਹਿਲਾਂ ਗੈਂਗਵਾਰ ’ਚ ਹਰਜਿੰਦਰ ਸਿੰਘ ਉਰਫ਼ ਜਿੰਦੀ ਦੇ ਕਤਲ ਦੇ ਮਾਮਲੇ ’ਚ ਪੁਲਸ ਨੇ 3 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਕੇ ਜੇਲ ਭੇਜ ਦਿੱਤਾ ਸੀ।
ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ ਵੀਰਵਾਰ ਨੂੰ ਵੀ ਛੁੱਟੀ ਦਾ ਐਲਾਨ! ਨੋਟੀਫ਼ਿਕੇਸ਼ਨ ਜਾਰੀ
ਇਨ੍ਹਾਂ ਮੁਲਜ਼ਮਾਂ ’ਚੋਂ ਦਰਪਨ ਵੀ ਮੁੱਖ ਮੁਲਜ਼ਮ ਹੈ। ਉਸ ਨੇ ਆਪਣੇ ਦੋਸਤ ਨਮਿਤ ਸ਼ਰਮਾ ਨਾਲ ਸੰਪਰਕ ਕੀਤਾ, ਜੋ ਵਿਦੇਸ਼ ਵਿਚ ਹੈ, ਤਾਂ ਜੋ ਜਿੰਦੀ ਕਤਲ ਕੇਸ ’ਚ ਆਪਣੀ ਗਵਾਹੀ ਵਾਪਸ ਲੈਣ ਲਈ ਦਬਾਅ ਪਾਇਆ ਜਾ ਸਕੇ, ਜਿਸ ਦੇ ਨਿਰਦੇਸ਼ਾਂ ’ਤੇ ਜਿੰਦੀ ਦੇ ਭਰਾ ਕਮਲਜੀਤ ਉਰਫ਼ ਕਪਲੀ ਦੇ ਘਰ ਗੋਲੀਬਾਰੀ ਕੀਤੀ ਗਈ ਸੀ ਅਤੇ ਉਸ ’ਤੇ ਆਪਣੀ ਗਵਾਹੀ ਵਾਪਸ ਲੈਣ ਲਈ ਦਬਾਅ ਪਾਇਆ ਗਿਆ ਸੀ।
ਜਦੋਂ ਕਿ ਕਮਲਜੀਤ ਸਿੰਘ ਦਾ ਕਹਿਣਾ ਹੈ ਕਿ ਉਸ ’ਤੇ ਪਹਿਲਾਂ ਵੀ ਕਈ ਵਾਰ ਦਬਾਅ ਪਾਇਆ ਜਾ ਚੁੱਕਾ ਹੈ ਪਰ ਉਹ ਕਿਸੇ ਵੀ ਹਾਲਤ ’ਚ ਭਰਾ ਦੇ ਕਤਲ ਦੇ ਮੁਲਜ਼ਮਾਂ ਵਿਰੁੱਧ ਗਵਾਹੀ ਦੇਵੇਗਾ ਅਤੇ ਕਾਤਲਾਂ ਨੂੰ ਫਾਂਸੀ ਦਿਵਾਏਗਾ। ਸੂਤਰਾਂ ਅਨੁਸਾਰ ਇਸ ਮਾਮਲੇ ’ਚ ਰੋਹਿਤ ਦੇ ਕਤਲ ਤੋਂ ਬਾਅਦ ਕਈ ਗੱਲਾਂ ਗੈਂਗਵਾਰ ਵੱਲ ਇਸ਼ਾਰਾ ਕਰ ਰਹੀਆਂ ਹਨ, ਕਿਉਂਕਿ ਮ੍ਰਿਤਕ ਰੋਹਿਤ ਦੋਸ਼ੀ ਨਮਿਤ ਸ਼ਰਮਾ, ਦਰਪਨ ਅਤੇ ਗ੍ਰਿਫਤਾਰ ਕੀਤੇ ਗਏ ਦੋਸ਼ੀਆਂ ਦੇ ਗੈਂਗ ਦੇ ਸੰਪਰਕ ’ਚ ਸੀ, ਜਿਨ੍ਹਾਂ ਨੇ ਜਿੰਦੀ ਮਾਮਲੇ ’ਚ ਰੋਹਿਤ ’ਤੇ ਆਪਣੀ ਗਵਾਹੀ ਵਾਪਸ ਲੈਣ ਲਈ ਦਬਾਅ ਪਾਇਆ ਸੀ। ਸੂਤਰਾਂ ਅਨੁਸਾਰ, ਜਿਸ ਰਾਤ ਰੋਹਿਤ ਦਾ ਕਤਲ ਹੋਇਆ, ਉਹ 2 ਹੋਰ ਦੋਸਤਾਂ ਨਾਲ ਸੀ। ਜਦੋਂ ਕਿ ਮਾਨਵ ਵੀ ਆਪਣੇ ਇਕ ਦੋਸਤ ਨਾਲ ਸੀ। ਦੋਵਾਂ ਵਿਚਕਾਰ ਲੜਾਈ ਹੋਈ, ਜਿਸ ’ਚ ਰੋਹਿਤ ਦੀ ਮੌਤ ਹੋ ਗਈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਵਿਧਾਇਕ ਗਿਆਸਪੁਰਾ ਨੇ ਮੁੱਖ ਮੰਤਰੀ ਨਾਲ ਕੀਤੀ ਮੁਲਾਕਾਤ
NEXT STORY 
