ਚੰਡੀਗੜ੍ਹ (ਸੁਸ਼ੀਲ) : ਧਨਾਸ ਝੀਲ ਤੋਂ ਖੁੱਡਾ ਅਲੀਸ਼ੇਰ ਰੋਡ ’ਤੇ ਪਟਿਆਲਾ ਕੀ ਰਾਓ ਨਦੀ ਕੰਢੇ ਜੰਗਲ ’ਚ ਮਿਲੀ ਔਰਤ ਦੀ ਮੌਤ ਸੱਪ ਡੰਗਣ ਨਾਲ ਹੋਈ ਸੀ। ਰਵੀਨਾ ਨੂੰ ਧਨਾਸ ਝੀਲ ’ਤੇ ਸੱਪ ਨੇ ਡੰਗ ਲਿਆ ਸੀ। ਉਹ ਘਰੋਂ ਝੂਠ ਬੋਲ ਕੇ ਆਪਣੇ ਦੋਸਤ ਬਾਪੂਧਾਮ ਵਾਸੀ ਸੂਰਜਪਾਲ ਨੂੰ ਮਿਲਣ ਆਈ ਸੀ। ਮੌਤ ਹੋਣ ’ਤੇ ਰਵੀਨਾ ਨੂੰ ਹਸਪਤਾਲ ਲਿਜਾਣ ਦੀ ਬਜਾਏ ਸੂਰਜਪਾਲ ਉਸ ਨੂੰ ਧਨਾਸ ਝੀਲ ਨੇੜੇ ਸੁੱਟ ਕੇ ਭੱਜ ਗਿਆ ਸੀ। ਸਾਰੰਗਪੁਰ ਥਾਣਾ ਪੁਲਸ ਨੇ ਮਾਮਲੇ ਦੀ ਜਾਂਚ ਕਰ ਕੇ ਮੁਲਜ਼ਮ ਬਾਪੂਧਾਮ ਵਾਸੀ ਸੂਰਜਪਾਲ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੁਲਸ ਨੇ ਮੁਲਜ਼ਮ ਨੂੰ ਜ਼ਿਲ੍ਹਾ ਅਦਾਲਤ ’ਚ ਪੇਸ਼ ਕੀਤਾ, ਜਿਥੋਂ ਮੁਲਜ਼ਮ ਨੂੰ ਨਿਆਂਇਕ ਹਿਰਾਸਤ ’ਚ ਭੇਜ ਦਿੱਤਾ ਗਿਆ।
ਇਹ ਵੀ ਪੜ੍ਹੋ : ਪੰਜਾਬ 'ਚੋਂ ਗਈ ਗਰਮੀ! ਕਦੋਂ ਆਵੇਗਾ ਮਾਨਸੂਨ, ਮੌਸਮ ਵਿਭਾਗ ਵਲੋਂ ਵੱਡੀ ਰਾਹਤ ਦੀ ਖ਼ਬਰ
ਪੁੱਛਗਿੱਛ ’ਚ ਮੁਲਜ਼ਮ ਨੇ ਦੱਸਿਆ ਕਿ ਰਵੀਨਾ ਨੇ ਮਿਲਣ ਲਈ ਕਿਹਾ ਸੀ। ਇਸ ਲਈ ਉਹ ਧਨਾਸ ਝੀਲ ’ਤੇ ਉਸ ਨੂੰ ਮਿਲਣ ਗਿਆ ਅਤੇ ਉੱਥੇ ਬੈਠ ਗਏ। ਉਹ ਉੱਥੇ ਗੱਲਾਂ ਕਰ ਰਹੇ ਸਨ ਤੇ ਇਸੇ ਦੌਰਾਨ ਰਵੀਨਾ ਨੂੰ ਸੱਪ ਨੇ ਡੰਗ ਲਿਆ। ਉਹ ਰਵੀਨਾ ਨੂੰ ਈ-ਰਿਕਸ਼ਾ ’ਚ ਲੈ ਗਿਆ ਸੀ, ਜਿਸ ਤੋਂ ਬਾਅਦ ਉਹ ਰਵੀਨਾ ਨੂੰ ਸੈਕਟਰ-16 ਹਸਪਤਾਲ ਲੈ ਕੇ ਜਾਣ ਲੱਗਾ। ਉਸ ਨੇ ਰਵੀਨਾ ਨੂੰ ਈ-ਰਿਕਸ਼ਾ ’ਚ ਬਿਠਾਇਆ। ਉਹ ਅੱਧੇ ਰਸਤੇ ’ਤੇ ਪਹੁੰਚਿਆ ਤਾਂ ਉਸ ਨੇ ਰਵੀਨਾ ਨੂੰ ਆਵਾਜ਼ ਲਾਈ ਪਰ ਉਸ ਨੇ ਕੋਈ ਜਵਾਬ ਨਹੀਂ ਦਿੱਤਾ। ਉਸ ਨੇ ਰਿਕਸ਼ਾ ਰੋਕ ਕੇ ਚੈੱਕ ਕੀਤਾ ਤਾਂ ਸਾਹ ਨਹੀਂ ਚੱਲ ਰਿਹਾ ਸੀ। ਉਹ ਡਰ ਗਿਆ ਅਤੇ ਹਸਪਤਾਲ ਜਾਣ ਦੀ ਬਜਾਏ ਉਸ ਨੇ ਰਿਕਸ਼ਾ ਮੋੜਿਆ ਤੇ ਵਾਪਸ ਧਨਾਸ ਪਹੁੰਚ ਗਿਆ। ਉੱਥੇ ਰਵੀਨਾ ਨੂੰ ਝਾੜੀਆਂ ’ਚ ਸੁੱਟ ਕੇ ਭੱਜ ਗਿਆ। ਇਸ ਤੋਂ ਬਾਅਦ ਉਸ ਨੇ ਇਹ ਗੱਲ ਸੋਸ਼ਲ ਵਰਕਰ ਮੁਹੰਮਦ ਇਰਸ਼ਾਦ ਨੂੰ ਵੀ ਦੱਸੀ, ਜਿਸ ਤੋਂ ਬਾਅਦ ਇਰਸ਼ਾਦ ਸੂਰਜਪਾਲ ਨੂੰ ਸਾਰੰਗਪੁਰ ਥਾਣੇ ਲੈ ਗਿਆ ਅਤੇ ਪੁਲਸ ਦੇ ਹਵਾਲੇ ਕਰ ਦਿੱਤਾ। ਪੁਲਸ ਨੇ ਐੱਫ. ਆਈ. ਆਰ. ਵੀ ਮੁਹੰਮਦ ਇਰਸ਼ਾਦ ਦੀ ਸ਼ਿਕਾਇਤ ’ਤੇ ਹੀ ਦਰਜ ਕੀਤੀ ਹੈ।
ਇਹ ਵੀ ਪੜ੍ਹੋ : ਡੇਰਾ ਬਿਆਸ ਜਾਣ ਵਾਲੀ ਸੰਗਤ ਲਈ ਖ਼ੁਸ਼ਖ਼ਬਰੀ, ਸਤਿਸੰਗਾਂ ਵਿਚਾਲੇ ਹੋ ਗਿਆ ਵੱਡਾ ਐਲਾਨ
ਘਰੋਂ ਮੰਦਰ ਜਾਣ ਲਈ ਕਹਿ ਕੇ ਗਈ ਸੀ
29 ਸਾਲਾ ਰਵੀਨਾ ਵਿਆਹੀ ਹੋਈ ਸੀ ਅਤੇ ਉਸਦੇ ਦੋ ਬੱਚੇ ਸਨ। ਉਹ ਸੈਕਟਰ-26 ਮੰਡੀ ’ਚ ਕੰਮ ਕਰਦੀ ਸੀ। ਉਹ ਸ਼ਨੀਵਾਰ ਦਿਨ ’ਚ ਪਰਿਵਾਰਕ ਮੈਂਬਰਾਂ ਨੂੰ ਕਹਿ ਕੇ ਗਈ ਸੀ ਕਿ ਉਸ ਨੂੰ ਸੈਕਟਰ-19 ਸ਼ਨੀ ਮੰਦਰ ਜਾਣਾ ਹੈ। ਮੰਦਰ ਤੋਂ ਬਾਅਦ ਉਹ ਧਨਾਸ ’ਚ ਰਿਸ਼ਤੇਦਾਰ ਘਰ ਚਲੀ ਗਈ ਸੀ। ਰਿਸ਼ਤੇਦਾਰਾਂ ਮੁਤਾਬਕ ਰਵੀਨਾ ਸ਼ਨੀਵਾਰ ਸ਼ਾਮ ਨੂੰ ਧਨਾਸ ਤੋਂ ਚਲੀ ਗਈ ਸੀ ਪਰ ਘਰ ਨਹੀਂ ਪਹੁੰਚੀ। ਪਰਿਵਾਰਕ ਮੈਂਬਰ ਉਸਦੀ ਭਾਲ ਕਰਦੇ ਰਹੇ। ਐਤਵਾਰ ਦੁਪਹਿਰ ਨੂੰ ਉਸ ਦੀ ਲਾਸ਼ ਮਿਲੀ। ਸਰੀਰ ’ਤੇ ਵੱਖ-ਵੱਖ ਥਾਵਾਂ ’ਤੇ ਖ਼ੂਨ ਲੱਗਾ ਸੀ। ਮੂੰਹ ’ਚੋਂ ਖ਼ੂਨ ਵੀ ਨਿਕਲ ਰਿਹਾ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰਵਿਦਾਸ ਘਾਟ 'ਤੇ ਗੰਗਾ ਇਸ਼ਨਾਨ ਕਰਦਿਆਂ ਰੁੜਿਆ ਪੰਜਾਬੀ ਮੁੰਡਾ
NEXT STORY 
