ਚੰਡੀਗੜ੍ਹ: ਦੁਨੀਆ ਭਰ 'ਚ ਕੋਰੋਨਾ ਦੀ ਦਹਿਸ਼ਤ ਫੈਲਦੇ ਹੀ ਵੀਰਵਾਰ ਤੱਕ 40904 ਐੱਨ.ਆਰ.ਆਈ. ਪੰਜਾਬ ਵਾਪਸ ਆਏ ਸਨ। ਇਨ੍ਹਾਂ 'ਚੋਂ 20421 ਨੂੰ ਹੋਮ ਕੁਆਰੰਟੀਨ ਕੀਤਾ ਗਿਆ ਪਰ ਚਿੰਤਾ ਦੀ ਗੱਲ ਇਹ ਹੈ ਕਿ 1330 ਐੱਨ.ਆਰ.ਆਈ. ਦੀ ਪੁਲਸ ਅਤੇ ਪ੍ਰਸ਼ਾਸਨ ਨੂੰ ਅਜੇ ਵੀ ਤਲਾਸ਼ ਹੈ। ਗੋਇਬ ਹੋਏ ਇਹ ਲੋਕ ਦਿੱਲੀ ਹਵਾਈ ਅੱਡੇ 'ਤੇ ਉਤਰਣ ਦੇ ਬਾਅਦ ਪੰਜਾਬ ਦੇ ਲਈ ਰਵਾਨਾ ਹੋਏ ਪਰ ਅਜੇ ਤੱਕ ਇਨ੍ਹਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲ ਸਕੀ ਹੈ। ਗਾਇਬ ਲੋਕਾਂ 'ਚੋਂ ਸਭ ਤੋਂ ਵਧ ਹੁਸ਼ਿਆਰਪੁਰ ਜ਼ਿਲੇ ਦੇ 363 ਅਤੇ ਜਲੰਧਰ ਪਿੰਡ ਦੇ 204 ਐੱਨ.ਆਰ.ਆਈ.ਹਨ। ਲੁਧਿਆਣਾ ਪਿੰਡ ਦੇ 172, ਮੋਹਾਲੀ ਦੇ 128, ਗੁਰਦਾਸਪੁਰ ਦੇ 106 ਅਤੇ ਨਵਾਂ ਸ਼ਹਿਰ ਦੇ 105 ਐੱਨ.ਆਰ.ਆਈ. ਦੀ ਤਲਾਸ਼ ਜਾਰੀ ਹੈ।
ਸੂਬਾ ਸਰਕਾਰ ਵਲੋਂ ਜਾਰੀ ਆਂਕੜਿਆਂ ਮੁਤਾਬਕ ਵੀਰਵਾਰ ਤੱਕ ਪੰਜਾਬ ਪਹੁੰਚੇ 40904 ਅਪ੍ਰਵਾਸੀ ਭਾਰਤੀਆਂ 'ਚੋਂ 29117 ਦੀ ਜਾਂਚ ਕੀਤੀ ਗਈ ਹੈ, ਜਦਕਿ 10457 ਲੋਕਾਂ ਦੀ ਅਜੇ ਜਾਂਚ ਹੋਣੀ ਹੈ। ਲਾਪਤਾ 1330 ਐੱਨ.ਆਰ.ਆਈ.'ਚੋਂ ਅੰਮ੍ਰਿਤਸਰ ਪਿੰਡ ਅਤੇ ਬਟਾਲਾ ਦੇ 84-84, ਪਠਾਨਕੋਟ ਦੇ 10, ਫਿਰੋਜ਼ਪੁਰ ਦੇ 61 ਅਤੇ ਮੁਕਤਸਰ ਸਾਹਿਬ ਦਾ ਇਕ ਐੱਨ.ਆਰ.ਆਈ. ਸ਼ਾਮਲ ਹੈ, ਜਿਨ੍ਹਾਂ 10457 ਐੱਨ.ਆਰ.ਆਈ. ਦੀ ਵੈਰੀਫਿਕੇਸ਼ਨ ਬਾਰੀ ਹੈ, ਉਨ੍ਹਾਂ 'ਚੋਂ ਸਭ ਤੋਂ ਵਧ ਕਪੂਰਥਲਾ ਜ਼ਿਲੇ ਦੇ 2797, ਅੰਮ੍ਰਿਤਸਰ ਪੁਲਸ ਕਮਿਸ਼ਨਰੇਟ ਖੇਤਰ ਦੇ 1861, ਜਲੰਧਰ ਹਲਕੇ 'ਚ 1778, ਜਲੰਧਰ ਪੁਲਸ ਕਮਿਸ਼ਨਰੇਟ ਖੇਤਰ ਦੇ ਰਹਿਣ ਵਾਲੇ 1674 ਐੱਨ.ਆਰ.ਆਈ. ਹਨ।
ਇਹ ਵੀ ਪੜ੍ਹੋ:ਮੌਤ ਦੀ ਜੰਗ ਜਿੱਤ ਕੇ ਘਰ ਪਰਤਿਆ ਪੰਜਾਬ ਦਾ ਪਹਿਲਾ ਕੋਰੋਨਾ ਪਾਜ਼ੇਟਿਵ, ਬਿਆਨ ਕੀਤਾ ਤਜ਼ਰਬਾ
ਵਿਦੇਸ਼ ਤੋਂ ਆਏ ਲੋਕਾਂ ਤੋਂ ਹੋਈ ਕੋਰੋਨਾ ਵਾਇਰਸ ਫੈਲਣ ਦੀ ਸ਼ੁਰੂਆਤ
ਜ਼ਿਕਰਯੋਗ ਹੈ ਕਿ ਸੂਬੇ 'ਚ ਕੋਰੋਨਾ ਵਾਇਰਸ ਤੋਂ ਪੀੜਤਾਂ ਦੇ ਜਿੰਨੇ ਵੀ ਮਾਮਲੇ ਹੁਣ ਤੱਕ ਸਾਹਮਣੇ ਆਏ ਹਨ, ਉਨ੍ਹਾਂ ਦੀ ਸ਼ੁਰੂਆਤ ਵਿਦੇਸ਼ ਤੋਂ ਆਏ ਲੋਕਾਂ ਤੋਂ ਹੋਈ ਹੈ। ਜੋ ਸਥਾਨਕ ਲੋਕ ਪਾਜ਼ੇਟਿਵ ਪਾਏ ਗਏ ਹਨ, ਉਹ ਜਾਂ ਤਾਂ ਵਿਦੇਸ਼ ਤੋਂ ਆਏ ਪੀੜਤਾਂ ਦੇ ਪਰਿਵਾਰ ਦੇ ਮੈਂਬਰ ਹਨ ਜਾਂ ਕਰੀਬੀ ਰਿਸ਼ਤੇਦਾਰ। ਮਾਰਚ ਮਹੀਨੇ ਦੇ ਸ਼ੁਰੂ 'ਚ ਆਏ ਐੱਨ.ਆਰ.ਆਈ. ਦੇ ਲਾਪਤਾ ਹੋਣ ਦੀ ਮੀਡੀਆ 'ਚ ਆਈ ਖਬਰਾਂ ਨੂੰ ਪਹਿਲਾਂ ਤਾਂ ਸੂਬਾ ਸਰਕਾਰ ਨੇ ਅਣਦੇਖਿਆ ਕਰ ਦਿੱਤਾ ਪਰ 15 ਮਾਰਚ ਆਉਂਦੇ-ਆਉਂਦੇ ਮੰਨ ਲਿਆ ਕਿ ਜੇਕਰ ਵਿਦੇਸ਼ ਤੋਂ ਆ ਰਹੇ ਲੋਕਾਂ ਦੀ ਸਖਤ ਜਾਂਚ ਨਾ ਹੋਈ ਤਾਂ ਸੂਬੇ 'ਚ ਮਹਾਂਮਾਰੀ ਫੈਲਣ ਤੋਂ ਰੋਕਣਾ ਮੁਸ਼ਕਲ ਹੋਵੇਗਾ। ਹੁਣ ਪੁਲਸ ਘਰ-ਘਰ ਜਾ ਕੇ ਲਾਪਤਾ ਐੱਨ.ਆਰ.ਆਈਜ਼ ਨੂੰ ਲੱਭ ਰਹੀ ਹੈ।
ਇਹ ਵੀ ਪੜ੍ਹੋ:ਕਰਫਿਊ ਦੌਰਾਨ ਜਲੰਧਰ ਵਾਸੀਆਂ ਲਈ ਅਹਿਮ ਖਬਰ, ਮਿਲੀ ਵਿਸ਼ੇਸ਼ ਛੋਟ
ਦੋਆਬਾ 'ਚ ਆਏ ਸਭ ਤੋਂ ਵਧ ਐੱਨ.ਆਰ.ਆਈ.
ਕੋਰੋਨਾ ਦੇ ਕਾਰਨ ਪੰਜਾਬ ਵਾਪਸ ਆਏ ਐੱਨ.ਆਰ.ਆਈ. 'ਚ ਸਭ ਤੋਂ ਵਧ ਗਿਣਤੀ ਦੋਆਬਾ ਖੇਤਰ ਦੀ ਹੈ, ਜਿੱਥੇ ਜਲੰਧਰ ਪੁਲਸ ਕਮਿਸ਼ਨਰੇਟ ਖੇਤਰ 'ਚ 6863, ਜਲੰਧਰ ਪਿੰਡ 'ਚ 5194, ਹੁਸ਼ਿਆਰਪੁਰ 'ਚ 2322, ਕਪੂਰਥਲਾ 'ਚ 4107 ਅਤੇ ਨਵਾਂ ਸ਼ਹਿਰ 'ਚ 1360 ਐੱਨ.ਆਰ.ਆਈ. ਆਪਣੇ ਘਰਾਂ ਨੂੰ ਵਾਪਸ ਆਏ ਹਨ। ਜਲੰਧਰ ਪੁਲਸ ਕਮਿਸ਼ਨਰੇਟ ਖੇਤਰ 'ਚ 5189 ਅਤੇ ਜਲੰਧਰ ਪਿੰਡ 'ਚ 3088 ਲੋਕਾਂ ਨੂੰ ਘਰਾਂ 'ਚ ਇਕਾਂਤਵਾਸ 'ਚ ਰੱਖਿਆ ਗਿਆ ਹੈ। ਹੁਸ਼ਿਆਰਪੁਰ ਜ਼ਿਲੇ 'ਚ 1959 ਐੱਨ.ਆਰ.ਆਈ. ਕੁਆਰੰਟੀਨ ਕੀਤੇ ਗਏ ਹਨ। ਸੂਬੇ ਦੇ ਬਾਰੀ ਜ਼ਿਲਿਆਂ 'ਚ ਪਟਿਆਲਾ, ਰੋਪੜ, ਫਤਿਹਗੜ੍ਹ ਸਾਹਿਬ ਅਤੇ ਮੋਗਾ ਅਜਿਹੇ ਜ਼ਿਲੇ ਹਨ, ਜਿੱਥੇ ਕਿਸੇ ਵੀ ਐੱਨ.ਆਰ.ਆਈ. ਨੂੰ ਕੁਆਰੰਟੀਨ ਨਹੀਂ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ:ਕੋਰੋਨਾ ਨਾਲ ਜੰਗ: ਜਥੇਦਾਰ ਹਰਪ੍ਰੀਤ ਸਿੰਘ ਦੀ ਦੁਨੀਆ ਭਰ ਦੀਆਂ ਸਿੱਖ ਸੰਸਥਾਵਾਂ ਨੂੰ ਅਪੀਲ
ਮੁੱਖ ਮੰਤਰੀ ਨੇ ਦਿੱਤੇ ਤਲਾਸ਼ ਦੇ ਆਦੇਸ਼
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੂਬੇ 'ਚੋਂ ਲਾਪਤਾ ਹੋਏ ਐੱਨ.ਆਰ.ਆਈ. ਦੀ ਤਲਾਸ਼ ਤੇਜ਼ ਕਰਨ ਦੇ ਆਦੇਸ਼ ਜਾਰੀ ਕੀਤੇ ਹਨ। ਉਨ੍ਹਾਂ ਨੇ ਡੀ.ਜੀ.ਪੀ. ਨੇ ਨਿਰਦੇਸ਼ ਦਿੱਤੇ ਹਨ ਕਿ ਇਨ੍ਹਾਂ ਲੋਕਾਂ ਨੂੰ ਲੱਭ ਕੇ ਜਲਦ ਤੋਂ ਜਲਦ ਘਰਾਂ ਅੰਦਰ ਬੰਦ ਕੀਤਾ ਜਾਵੇ।
ਕੋਰੋਨਾ ਵਾਇਰਸ ਤੋਂ ਬਚਣਾ ਹੈ ਤਾਂ ਲਵੋ ਇਹ ਡਾਈਟ
NEXT STORY 
