ਜਲੰਧਰ (ਵੈਬ ਡੈਸਕ)—ਗੁਜਰਾਤ ਚ ਬਣੀ ਦੁਨੀਆ ਦੀ ਸਭ ਤੋਂ ਉੱਚੀ ਸਰਦਾਰ ਵੱਲਭ ਭਾਈ ਪਟੇਲ ਦੀ ਮੂਰਤੀ 'ਸਟੈਚੂ ਆਫ ਯੂਨਿਟੀ' ਦੀ ਘੁੰਡ ਚੁਕਾਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਸਰਦਾਰ ਪਟੇਲ ਦੀ ਜਯੰਤੀ ਮੌਕੇ ਕਰਨਗੇ। 182 ਮੀਟਰ ਉੱਚੀ ਇਸ ਮੂਰਤੀ ਨੂੰ ਬਣਾਉਣ 'ਚ ਹਜ਼ਾਰਾਂ ਮਜ਼ਦੂਰ, ਸੈਂਕੜੇ ਇੰਜੀਨੀਅਰ ਅਤੇ ਅਮਰੀਕਾ ਤੇ ਚੀਨ ਦੇ ਸ਼ਿਲਪਕਾਰਾਂ ਨੇ ਵੀ ਸਖਤ ਮਿਹਨਤ ਕੀਤੀ। ਸ਼ਿਲਪਕਾਰ ਰਾਮ ਸੁਤਾਰ ਦਾ ਕਹਿਣਾ ਹੈ ਕਿ ਮੂਰਤੀ 'ਚ 4 ਧਾਤੂਆਂ ਦਾ ਇਸਤੇਮਾਲ ਕੀਤਾ ਗਿਆ ਹੈ, ਜਿਸ ਵਿਚ ਜੰਗ ਨਹੀਂ ਲੱਗੇਗੀ। 'ਸਟੈਚੂ ਆਫ ਯੂਨਿਟੀ' ਨੂੰ ਬਣਾਉਣ 'ਚ ਲਗਭਗ 2,389 ਕਰੋੜ ਰੁਪਏ ਦਾ ਖਰਚਾ ਆਇਆ ਹੈ।
ਪੜ੍ਹੋ ਅੱਜ ਦੀਆਂ ਹੋਰ ਖਾਸ ਖਬਰਾਂ
ਐੱਮ. ਜੇ. ਅਕਬਰ ਕਰਵਾਉਣਗੇ ਅਦਾਲਤ 'ਚ ਬਿਆਨ ਦਰਜ਼
ਮੀ-ਟੂ ਮਾਮਲੇ 'ਚ ਨਾਮ ਆਉਣ ਤੋਂ ਬਾਅਦ ਆਪਣੀ ਕੁਰਸੀ ਗਵਾਉਣ ਵਾਲੇ ਭਾਜਪਾ ਆਗੂ ਐੱਮ. ਜੇ. ਅਕਬਰ ਅਪਰਾਧਿਕ ਮਾਨਹਾਣੀ ਮਾਮਲੇ 'ਚ ਅੱਜ ਆਪਣੇ ਬਿਆਨ ਦਰਜ਼ ਕਰਵਾਉਣਗੇ। ਜ਼ਿਕਰਯੋਗ ਹੈ ਕਿ ਐੱਮ. ਜੇ. ਅਕਬਰ 'ਤੇ ਪੱਤਰਕਾਰ ਪ੍ਰਿਆ ਰਮਾਨੀ ਨੇ ਸੈਕਸੁਅਲ ਹਰਾਸ ਕਰਨ ਦੇ ਦੋਸ਼ ਲਗਾਏ ਸਨ। ਜਿਸ ਪਿੱਛੋਂ ਐੱਮ. ਜੇ ਅਕਬਰ ਨੇ ਇਨ੍ਹਾਂ ਦੋਸ਼ਾਂ ਨੂੰ ਨਕਾਰਦੇ ਹੋਏ ਦਿੱਲੀ ਦੀ ਪਟੀਆਲਾ ਹਾਊਸ ਕੋਰਟ 'ਚ ਪੱਤਰਕਾਰ ਖਿਲਾਫ ਮਾਨਹਾਣੀ ਦਾ ਮੁਕਦਮਾ ਦਾਇਰ ਕੀਤਾ ਸੀ।
ਰਾਫੇਲ ਲੜਾਕੂ ਜਹਾਜ਼ ਖਰੀਦ ਸੌਦੇ 'ਤੇ ਸੁਪਰੀਮ ਕੋਰਟ 'ਚ ਸੁਣਵਾਈ
ਰਾਫੇਲ ਲੜਾਕੂ ਜਹਾਜ਼ ਖਰੀਦ ਸੌਦੇ 'ਤੇ ਰਾਜਨੀਤਿਕ ਮਾਹੌਲ ਗਰਮ ਹੈ। ਕਾਂਗਰਸ ਸੌਦੇ 'ਚ ਭ੍ਰਿਸ਼ਟਾਚਾਰ ਦਾ ਦੋਸ਼ ਲਗਾਉਂਦੇ ਹੋਏ ਸਰਕਾਰ ਖਿਲਾਫ ਸੜਕ 'ਤੇ ਹੈ ਜਦਕਿ ਸਰਕਾਰ ਇਸ ਨੂੰ ਹਵਾਈ ਫੌਜ ਦੀ ਸਮਰੱਥਾ ਵਧਾਉਣ ਵਾਲਾ ਰਾਸ਼ਟਰੀ ਹਿੱਤ 'ਚ ਕੀਤਾ ਗਿਆ ਸੌਦਾ ਦੱਸ ਰਹੀ ਹੈ। ਮਾਮਲਾ ਸੁਪਰੀਮ ਕੋਰਟ 'ਚ ਪੈਂਡਿੰਗ ਹੈ ਜਿਸ 'ਤੇ ਅੱਜ ਨੂੰ ਸੁਣਵਾਈ ਹੋਵੇਗੀ।
ਗੋਆ ਕੈਬਨਿਟ ਦੀ ਬੈਠਕ
ਗੋਆ ਕਾਂਗਰਸ ਬੁਲਾਰਾ ਜਿਤੇਂਦਰ ਦੇਸ਼ਪ੍ਰਭੂ ਵਲੋਂ ਸੂਬੇ ਦੇ ਮੁੱਖ ਮੰਤਰੀ ਬਾਰੇ ਦਿੱਤੇ ਗਏ ਇਤਰਾਜ਼ਯੋਗ ਬਿਆਨ ਤੋਂ ਬਾਅਦ ਮੁੱਖ ਮੰਤਰੀ ਮਨੋਹਰ ਪਾਰਿਕਰ ਨੇ ਬੁੱਧਵਾਰ ਨੂੰ ਆਪਣੀ ਰਿਹਾਇਸ਼ 'ਤੇ ਕੈਬਨਿਟ ਦੀ ਬੈਠਕ ਸੱਦ ਲਈ ਹੈ।
ਦਰਅਸਲ ਮੰਗਲਵਾਰ ਨੂੰ ਦੇਸ਼ਪ੍ਰਭੂ ਨੇ ਇਕ ਬਿਆਨ ਜਾਰੀ ਕਰਦਿਆਂ ਕਿਹਾ ਸੀ ਕਿ 'ਗੋਆ ਦੇ ਮੁੱਖ ਮੰਤਰੀ ਕੀਤੇ ਦਿਖਾਈ ਨਹੀਂ ਦੇ ਰਹੇ ਹਨ, ਨਾ ਹੀ ਜਨਤਕ ਤੌਰ 'ਤੇ ਅਤੇ ਨਾ ਹੀ ਵਿਅਕਤੀਗਤ ਤੌਰ 'ਤੇ। ਜੇਕਰ ਤੁਹਾਡੇ ਕੋਲ ਮੁੱਖ ਮੰਤਰੀ ਨਹੀਂ ਹਨ ਤਾਂ ਤੁਸੀਂ ਉਨ੍ਹਾਂ ਦਾ ਸ਼ਰਾਦ ਕਰੋ।' ਦੇਸ਼ਪ੍ਰਭੂ ਦੇ ਇਸ ਬਿਆਨ ਦਾ ਗੋਆ ਸਰਕਾਰ ਦੇ ਮੰਤਰੀਆਂ ਤੇ ਆਗੂਆ ਵਲੋਂ ਨਿਖੇਧੀ ਕੀਤੀ ਜਾ ਰਹੀ ਹੈ।
ਰਾਸ਼ਟਰੀ ਸੰਕਲਪ ਦਿਵਸ
ਅੱਜ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਬਰਸੀ ਹੈ। ਜਿਸ ਨੂੰ ਦੇਸ਼ ਭਰ 'ਚ ਰਾਸ਼ਟਰੀ ਸੰਕਲਪ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ।
ਪੰਜਾਬ 'ਚ ਅੱਜ ਤੋਂ ਭੱਠੇ ਬੰਦ
ਹਵਾ ਪ੍ਰਦੂਸ਼ਣ ਨੂੰ ਲੈ ਕੇ ਕੌਮੀ ਗਰੀਨ ਟ੍ਰਿਬਿਊਨਲ (ਐੱਨ. ਜੀ. ਟੀ.) ਨੇ ਸਖਤੀ ਵਰਤਦਿਆਂ ਬੀਤੇ ਦਿਨੀਂ ਹੁਕਮ ਦਿੱਤਾ ਸੀ ਕਿ ਪੰਜਾਬ 'ਚ ਅੱਜ ਤੋਂ 28 ਫਰਵਰੀ ਤੱਕ ਇੱਟਾਂ ਦੇ ਸਾਰੇ ਭੱਠੇ ਬੰਦ ਰਹਿਣ। ਐੱਨਜੀਟੀ ਦੇ ਇਹ ਨਿਰਦੇਸ਼ ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਉਸ ਹੁਕਮ ਨੂੰ ਹੀ ਬਰਕਰਾਰ ਰੱਖਣ ਲਈ ਹਨ ਜਿਨ੍ਹਾਂ 'ਚ ਬੋਰਡ ਨੇ ਨਵੰਬਰ ਤੋਂ ਫਰਵਰੀ ਤੱਕ ਸਾਰੇ ਇੱਟਾਂ ਦੇ ਭੱਠੇ ਬੰਦ ਰੱਖਣ ਲਈ ਕਿਹਾ ਸੀ। ਇਸ ਦੇ ਨਾਲ ਹੀ ਹੁਕਮਾ ਨੂੰ ਨਾ ਮੰਨਨ ਵਾਲਿਆ ਖਿਲਾਫ ਖ਼ਿਲਾਫ਼ ਪ੍ਰਦੂਸ਼ਣ ਐਕਟ ਤਹਿਤ ਕਾਰਵਾਈ ਕਰਨ ਦੇ ਹੁਕਮ ਵੀ ਵਿਭਾਗ ਵਲੋਂ ਜਾਰੀ ਕੀਤੇ ਗਏ ਹਨ।
ਖਹਿਰਾ ਤੇ ਬੈਂਸ ਕਰਨਗੇ ਸੰਗਰੂਰ 'ਚ ਪ੍ਰਦਰਸ਼ਨ
ਆਮ ਆਦਮੀ ਪਾਰਟੀ ਤੋਂ ਨਾਰਾਜ਼ ਚੱਲ ਕੇ ਆਪਣਾ ਧੜਾ ਕਾਇਮ ਕਰਨ ਦੀਆਂ ਕੋਸ਼ਿਸ਼ਾ 'ਚ ਲੱਗੇ ਸੁਖਪਾਲ ਸਿੰਘ ਖਹਿਰਾ ਅੱਜ ਸੰਗਰੂਰ 'ਚ ਐੱਸ. ਐੱਸ. ਪੀ. ਦਫਤਰ ਬਾਹਰ ਪ੍ਰਦਰਸ਼ਨ ਕਰਨਗੇ। ਇਸ ਪ੍ਰਦਰਸ਼ਨ ਦੌਰਾਨ ਲੋਕ ਇੰਨਸਾਫ ਪਾਰਟੀ ਦੇ ਆਗੂ ਤੇ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਵੀ ਪਹੁੰਚ ਰਹੇ ਹਨ। ਖਹਿਰਾ ਮੁਤਾਬਕ ਇਹ ਧਰਨਾ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਦਾ ਵਿਰੋਧ ਕਰਨ ਵਾਲੇ ਕੁਝ ਲੋਕਾਂ 'ਤੇ ਦਰਜ਼ ਕੀਤੇ ਗਏ ਧਾਰਾ 307 ਮਾਮਲੇ ਦੇ ਖਿਲਾਫ ਦਿੱਤਾ ਜਾ ਰਿਹਾ ਹੈ।
ਜਬਲਪੁਰ-ਅਹਿਮਦਾਬਾਦ ਵਿਚਕਾਰ ਸ਼ੁਰੂ ਹੋਵੇਗੀ ਜੈੱਟ ਦੀ ਨਵੀਂ ਉਡਾਣ
ਮੱਧ ਪ੍ਰਦੇਸ਼ ਦਾ ਜਬਲਪੁਰ ਸ਼ਹਿਰ ਹਵਾਈ ਸੇਵਾ ਰਾਹੀਂ ਅਹਿਮਦਾਬਾਦ ਨਾਲ ਸਿੱਧਾ ਜੁੜਨ ਜਾ ਰਿਹਾ ਹੈ। ਦਰਅਸਲ ਸਪਾਈਸ ਜੈੱਟ ਏਅਰਵੇਜ਼ ਅੱਜ ਤੋਂ ਜਬਲਪੁਰ-ਅਹਿਮਦਾਬਾਦ ਵਿਚਕਾਰ ਇਕ ਨਵੀਂ ਉਡਾਣ ਸ਼ੁਰੂ ਕਰਨ ਜਾ ਰਹੀ ਹੈ।ਇਹ ਫਲਾਈਟ ਅਹਿਮਦਾਬਾਦ ਤੋਂ ਸਵੇਰੇ 6.15 ਵਜੇ ਉਡਾਣ ਭਰ ਕੇ 8.05 ਵਜੇ ਜਬਲਪੁਰ ਏਅਰਪੋਰਟ ਪੁੱਜੇਗੀ। ਜਬਲਪੁਰ ਤੋਂ ਇਹ ਉਡਾਣ 8.25 ਵਜੇ ਰਵਾਨਾ ਹੋ ਕੇ ਸਵੇਰੇ 10.10 ਵਜੇ ਅਹਿਮਦਾਬਾਦ ਪੁੱਜੇਗੀ। ਜਬਲਪੁਰ ਤੋਂ ਅਹਿਮਦਾਬਾਦ ਲਈ 3799 ਰੁਪਏ, ਜਦਕਿ ਅਹਿਮਦਾਬਾਦ ਤੋਂ ਜਬਲਪੁਰ ਲਈ 3899 ਰੁਪਏ ਕਿਰਾਇਆ ਰੱਖਿਆ ਗਿਆ ਹੈ।
ਐੱਸ. ਬੀ. ਆਈ. ਤੋਂ ਕੈਸ਼ ਨਿਕਾਸੀ ਦੀ ਨਵੀਂ ਲਿਮਿਟ ਲਾਗੂ
ਸਟੇਟ ਬੈਂਕ ਆਫ ਇੰਡੀਆ (ਐੱਸ. ਬੀ. ਆਈ.) ਨੇ ਅੱਜ ਤੋਂ ਏ. ਟੀ. ਐੱਮ. ਤੋਂ ਕੈਸ਼ ਨਿਕਾਸੀ ਦੀ ਨਵੀਂ ਲਿਮਿਟ ਲਾਗੂ ਕਰਨ ਦਾ ਐਲਾਨ ਕੀਤਾ ਹੈ। ਹੁਣ ਐਸ. ਬੀ.ਆਈ. ਦੇ ਕਲਾਸਿਕ ਅਤੇ ਮੈਸਟਰੋ ਡੈਬਿਟ ਕਾਰਡ ਧਾਰਕ 31 ਅਕਤੂਬਰ ਤੋਂ ਸਿਰਫ 20 ਹਜ਼ਾਰ ਰੁਪਏ ਪ੍ਰਤੀਦਿਨ ਕੱਢਵਾ ਸਕਣਗੇ। ਐਸਬੀਆਈ ਖਾਤਾ ਧਾਰਕਾਂ ਨੂੰ ਝੱਟਕਾ ਦੇਣ ਵਾਲੀ ਇਹ ਖਬਰ 31 ਅਕਤੂਬਰ ਤੋਂ ਪ੍ਰਭਾਵੀ ਹੋ ਰਹੀ ਹੈ। ਜੇਕਰ ਕੋਈ ਖਾਤਾ ਧਾਰਕ ਇਕ ਦਿਨ 'ਚ ਜ਼ਿਆਦਾ ਕੈਸ਼ ਕੱਢਵਾਉਣਾ ਚਾਹੁੰਦਾ ਹੈ ਤਾਂ ਉਸਨੂੰ ਬੈਂਕ ਵਲੋਂ ਜਾਰੀ ਕੀਤੇ ਜਾਣ ਵਾਲੇ ਦੂਜੇ ਸ਼੍ਰੇਣੀ ਦੇ ਡੈਬਿਟ ਕਾਰਡ ਲਈ ਅਪਲਾਈ ਕਰਨਾ ਪਵੇਗਾ। ਬੈਂਕ ਨੇ ਦੱਸਿਆ ਕਿ ਡੈਬਿਟ ਕਾਰਡਸ ਤੋਂ ਇਲਾਵਾ ਬਾਕੀ ਡੈਬਿਟ ਕਾਰਡਸ ਵਿਚ ਨਿਕਾਸੀ ਦੀ ਲਿਮਿਟ ਵਿਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ।
ਜ਼ੈਡ ਟੀ ਨੂਬੀਆ ਲਾਂਚ ਕਰੇਗੀ 10 ਜੀ. ਬੀ. ਰੈਮ ਵਾਲਾ ਫੋਨ
ਜ਼ੈੱਡ ਟੀ ਈ ਦਾ ਸਬ ਬ੍ਰੈਡ ਨੂਬੀਆ 10 ਜੀ. ਬੀ. ਰੈਮ ਨਾਲ ਲੈਸ ਗੇਮਿੰਗ ਸਮਾਰਟਫੋਨ ਲਾਂਚ ਕਰਨ ਜਾ ਰਹੀ ਹੈ। ਮੀਡੀਆ ਰਿਪੋਰਟਸ ਮੁਤਾਬਕ ਇਸ ਫੋਨ ਦਾ ਨਾਮ ਰੈਡ ਮੈਜ਼ੀਕ 2 ਹੋਵੇਗਾ।
ਆਨਰ ਲਾਂਚ ਕਰੇਗਾ ਮੈਜ਼ੀਕ 2
ਚੀਨੀ ਸਮਾਰਟ ਫੋਨ ਕੰਪਨੀ ਹੁਆਵਈ ਅੱਜ ਨੂੰ ਇਕ ਇਵੈਂਟ ਦਾ ਆਯੋਜਨ ਕਰਨ ਜਾ ਰਹੀ ਹੈ। ਜਿਸ ਦੌਰਾਨ ਉਹ ਆਪਣਾ ਨਵਾਂ ਸਮਾਰਟ ਫੋਨ ਮੈਜ਼ੀਕ 2 ਲਾਂਚ ਕਰੇਗੀ। ਇਹ ਕੰਪਨੀ ਦਾ ਪਹਿਲਾਂ ਫੋਨ ਹੈ ਜੋ ਕਿ ਸਲਾਇਡ ਆਊਟ ਕੈਮਰੇ ਦਾ ਨਾਲ ਆਵੇਗਾ। ਇਸ ਦੇ ਨਾਲ ਹੀ ਸੰਭਵਾਨਾ ਹੈ ਕਿ ਕੰਪਨੀ ਇਸ ਦੌਰਾਨ ਇਕ ਹੋਰ ਡਿਵਾਇਸ ਵਾਟਰਪਲੇਅ ਟੈਬਲੇਟ ਵੀ ਜਾਰੀ ਕਰ ਸਕਦੀ ਹੈ।
ਖੇਡ
ਅੱਜ ਦੇ ਮੈਚ
ਫੁੱਟਬਾਲ : ਆਈ-ਲੀਗ ਫੁੱਟਬਾਲ ਟੂਰਨਾਮੈਂਟ-2018
ਫੁੱਟਬਾਲ : ਬੈਂਗਲੁਰੂ ਬਨਾਮ ਕੋਲਕਾਤਾ (ਆਈ. ਐੱਸ. ਐੱਲ.-2018)
ਕਬੱਡੀ : ਦਿੱਲੀ ਬਨਾਮ ਪੁਣੇ (ਪ੍ਰੋ ਕਬੱਡੀ ਲੀਗ-2018)
ਹੁੱਲੜਬਾਜ਼ਾਂ ਨੇ ਛਿੱਕੇ ਟੰਗੇ ਨਿਯਮ (ਦੇਖੋ 22 ਜ਼ਿਲਿਆਂ ਦੀਆਂ ਖਾਸ ਖਬਰਾਂ)
NEXT STORY 
