ਮੁੱਲਾਂਪੁਰ ਦਾਖਾ(ਕਾਲੀਆ)-ਥਾਣਾ ਦਾਖਾ ਦੀ ਪੁਲਸ ਨੂੰ ਉਦੋਂ ਸਫਲਤਾ ਹੱਥ ਲੱਗੀ ਜਦੋਂ ਉਨ੍ਹਾਂ ਨੇ ਮੱਛੀ ਫਾਰਮ ਪੰਡੋਰੀ ਵਿਖੇ ਇਕ ਅੌਰਤ ਨੂੰ ਮੌਤ ਦੇ ਘਾਟ ਉਤਾਰਨ ਅਤੇ ਦੋ ਨੂੰ ਜ਼ਖਮੀ ਕਰਨ ਉਪਰੰਤ ਲੁੱਟ-ਖੋਹ ਕਰਨ ਵਾਲੇ ਪੰਜ ਕਾਤਲ ਲੁਟੇਰਿਆਂ ਨੂੰ ਲੁੱਟੇ ਹੋਏ ਸਾਮਾਨ ਸਮੇਤ ਦਬੋਚ ਲਿਆ ਅਤੇ ਅੰਨ੍ਹੇ ਕਤਲ ਦੀ ਗੁੱਥੀ ਸੁਲਝਾ ਲਈ। ਐੱਸ.ਐੱਸ.ਪੀ. ਵਰਿੰਦਰ ਸਿੰਘ ਬਰਾਡ਼ ਲੁਧਿਆਣਾ (ਦਿਹਾਤੀ) ਵੱਲੋਂ ਬੁਲਾਈ ਪ੍ਰੈੱਸ ਕਾਨਫਰੰਸ ਦੌਰਾਨ ਉਨ੍ਹਾਂ ਦੱਸਿਆ ਕਿ ਰਾਮਕਲੀ ਪਤਨੀ ਰਜਿੰਦਰ ਰਜਕ ਵਾਸੀ ਬਿਹਾਰ ਹਾਲ ਵਾਸੀ ਪੰਡੋਰੀ ਦੇ ਬਿਆਨ ’ਤੇ ਮੁਕੱਦਮਾ ਥਾਣਾ ਦਾਖਾ ਵਿਖੇ ਦਰਜ ਰਜਿਸਟਰ ਕੀਤਾ ਗਿਆ ਸੀ ਕਿ ਉਸ ਦਾ ਲਡ਼ਕਾ ਸੁਧੀਰ ਰਜਕ ਆਪਣੇ ਪਰਿਵਾਰ ਸਮੇਤ ਪਿੰਡ ਪੰਡੋਰੀ ਵਿਖੇ ਜੀ.ਟੀ. ਰੋਡ ਨੇਡ਼ੇ ਬਣੇ ਮੱਛੀ ਫਾਰਮ ਵਿਖੇ ਬਣੇ ਮਕਾਨ ਵਿਚ ਰਹਿੰਦਾ ਹੈ ਅਤੇ ਮੱਛੀ ਫਾਰਮ ਦੀ ਦੇਖਭਾਲ ਕਰਦਾ ਹੈ। 5 ਜੁਲਾਈ ਨੂੰ ਉਸ ਦਾ ਲਡ਼ਕਾ ਸੁਧੀਰ ਵਾਪਸ ਆਪਣੇ ਪਿੰਡ ਬਿਹਾਰ ਗਿਆ ਹੋਇਆ ਸੀ। ਮੱਛੀ ਫਾਰਮ ਦੀ ਦੇਖਭਾਲ ਲਈ ਉਨ੍ਹਾਂ ਦਾ ਇਕ ਹੋਰ ਨੌਕਰ ਵਿਨੋਦ ਬਾਬਨ ਵੀ ਰਹਿੰਦਾ ਹੈ। 6 ਜੁਲਾਈ ਨੂੰ ਉਹ ਰਾਤ 10 ਵਜੇ ਦੇ ਕਰੀਬ ਖਾਣਾ ਖਾ ਕੇ ਸੌਂ ਗਏ ਸੀ ਤਾਂ ਸਮਾਂ ਕਰੀਬ ਰਾਤ ਡੇਢ ਵਜੇ ਬਾਹਰ ਮੰਜੇ ’ਤੇ ਪਏ ਵਿਨੋਦ ਬਾਬਨ ਦੀਆਂ ਚੀਕਾਂ ਸੁਣਾਈ ਦਿੱਤੀਆਂ। ਰੌਲਾ ਸੁਣ ਕੇ ਉਹ ਵੀ ਜਾਗ ਗਏ ਪਰ ਉਨ੍ਹਾਂ ਨੇ ਕਮਰੇ ਨੂੰ ਅੰਦਰੋ ਕੁੰਡੀ ਲਾਈ ਹੋਈ ਸੀ ਤਾਂ ਉਨ੍ਹਾਂ ਦੇ ਦਰਵਾਜ਼ੇ ਨੂੰ ਬਾਹਰੋਂ ਕਿਸੇ ਨੇ ਜ਼ੋਰ-ਜ਼ੋਰ ਦੀ ਖਡ਼ਕਾਇਆ। ਜਦੋਂ ਅਾਵਾਜ਼ਾਂ ਆਉਣੀਆਂ ਬੰਦ ਹੋਈਆਂ ਤਾਂ ਉਸ ਨੇ ਅਤੇ ਉਸ ਦੀ ਨੂੰਹ ਸੰਗੀਤਾ ਦੇਵੀ ਨੇ ਦਰਵਾਜ਼ਾ ਖੋਲ੍ਹਿਆ ਅਤੇ ਬਾਹਰ ਆਈਆਂ। ਬਾਹਰ ਬੱਲਬ ਜਗ ਰਹੇ ਸਨ। ਜਦੋਂ ਉਹ ਅਤੇ ਉਸ ਦੀ ਨੂੰਹ ਬਾਹਰ ਮੰਜੇ ’ਤੇ ਪਏ ਵਿਨੋਦ ਬਾਬਨ ਜਿਸ ਦੇ ਸਿਰ ਵਿਚ ਸੱਟਾਂ ਲੱਗੀਆਂ ਹੋਈਆਂ ਸਨ ਅਤੇ ਖੂਨ ਨਿਕਲ ਰਿਹਾ ਸੀ, ਨੂੰ ਦੇਖਣ ਲੱਗੀਆਂ ਤਾਂ ਜੀ.ਟੀ. ਰੋਡ ਵੱਲੋਂ ਤਿੰਨ ਮੋਨੇ ਵਿਅਕਤੀ ਭੱਜ ਕੇ ਉਨ੍ਹਾਂ ਵੱਲ ਆਏ। ਉਹ ਡਰ ਕੇ ਕਮਰੇ ਅੰਦਰ ਜਾ ਵਡ਼ੀਆਂ ਜਿਨ੍ਹਾਂ ਵਿਚੋਂ ਇਕ ਵਿਅਕਤੀ ਬੌਰੀਆ ਟਾਈਪ ਜਿਸ ਨੂੰ ਮੈਂ ਪਛਾਣਦੀ ਹਾਂ ਕਿਉਂਕਿ ਉਹ ਦੋ/ਤਿੰਨ ਦਿਨਾਂ ਤੋਂ ਉਸ ਦੇ ਲਡ਼ਕੇ ਸੁਧੀਰ ਬਾਰੇ ਪੁੱਛਣ ਆਉਂਦਾ ਸੀ ਜਿਨ੍ਹਾਂ ਕੋਲ ਦਾਹ, ਲੋਹੇ ਦੇ ਡੰਡੇ ਆਦਿ ਸਨ ਜਿਨ੍ਹਾਂ ਨੇ ਉਨ੍ਹਾਂ ਦੀ ਕੁੱਟ-ਮਾਰ ਕੀਤੀ ਅਤੇ ਕਿਹਾ ਕਿ ਪੈਸੇ ਤੇ ਸੋਨਾ ਕਿੱਥੇ ਹੈ ਜਿਨ੍ਹਾਂ ਵਿਚੋਂ ਇਕ ਵਿਅਕਤੀ ਕਮਰੇ ਅੰਦਰ ਪਏ ਟਰੰਕਾਂ ’ਚੋਂ ਪੈਸੇ ਅਤੇ ਸੋਨੇ ਦੇ ਜੇਵਰਾਤ ਲੱਭਣ ਲੱਗ ਪਿਆ। ਮੇਰੀ ਨੂੰਹ ਸੰਗੀਤਾ ਵੱਲੋਂ ਵਿਰੋਧ ਕਰਨ ਤੇ ਉਸ ਦੇ ਸਿਰ ’ਤੇ ਦਾਹ ਨਾਲ ਵਾਰ ਕੀਤਾ ਜਿਸ ਨਾਲ ਮੇਰੀ ਨੂੰਹ ਗੰਭੀਰ ਜ਼ਖਮੀ ਹੋ ਗਈ। ਲੁਟੇਰਿਆਂ ਨੇ ਉਸ ਦੀ ਨੂੰਹ ਦੇ ਕੰਨਾਂ ਵਿਚ ਪਾਈਆਂ ਸੋਨੇ ਦੀਆਂ ਵਾਲੀਆਂ ਅਤੇ ਪੈਰਾਂ ਵਿਚ ਪਾਈਆਂ ਚਾਂਦੀ ਦੀਆਂ ਝਾਂਜਰਾਂ ਲਾਹ ਲਈਆਂ। ਫਰਿੱਜ ’ਤੇ ਪਏ ਪਰਸ ਵਿਚੋਂ ਇਕ ਚਾਂਦੀ ਦੀ ਚੇਨ ਅਤੇ 500 ਰੁਪਏ ਦੀ ਨਕਦੀ ਵੀ ਲੈ ਗਏ। ਸਾਡਾ ਰੌਲਾ ਸੁਣ ਕੇ ਫਾਰਮ ਦੇ ਨੇਡ਼ੇ ਹੀ ਡੇਰੇ ਵਿਚ ਰਹਿੰਦੇ ਸ਼ੰਭੂ ਗੁੱਜਰ ਨੇ ਆ ਕੇ ਗੱਡੀ ਰਾਹੀਂ ਵਿਨੋਦ ਬਾਬਨ ਨੂੰ ਇਲਾਜ ਲਈ ਅਰੋਡ਼ਾ ਹਸਪਤਾਲ ਲੁਧਿਆਣਾ ਵਿਖੇ ਦਾਖਲ ਕਰਵਾਇਆ ਅਤੇ ਉਸ ਦੀ ਨੂੰਹ ਸੰਗੀਤਾ ਨੂੰ ਸਿਵਲ ਹਸਪਤਾਲ ਲੁਧਿਆਣਾ ਵਿਖੇ ਦਾਖਲ ਕਰਵਾਇਆ ਜਿਥੇ ਉਸ ਦੀ ਮੌਤ ਹੋ ਗਈ। ਰਵਿੰਦਰ ਕੁਮਾਰ ਭਾਰਦਵਾਜ ਐੱਸ.ਪੀ. (ਡੀ) ਦੀ ਨਿਗਰਾਨੀ ਹੇਠ ਅਮਨਦੀਪ ਸਿੰਘ ਬਰਾਡ਼ ਡੀ.ਐੱਸ.(ਡੀ), ਹਰਕਮਲ ਕੌਰ ਬਰਾਡ਼ ਡੀ.ਐੱਸ.ਪੀ. ਦਾਖਾ, ਇੰਸਪੈਕਟਰ ਲਖਵੀਰ ਸਿੰਘ, ਇੰਚਾਰਜ ਸੀ.ਆਈ.ਏ. ਸਟਾਫ ਜਗਰਾਓਂ ਅਤੇ ਬਿਕਰਮਜੀਤ ਸਿੰਘ ਥਾਣਾ ਮੁਖੀ ਦਾਖਾ ਨੇ ਮੁਕੱਦਮੇ ਨੂੰ ਟਰੇਸ ਕਰ ਕੇ ਲੁਟੇਰਿਆਂ ਨੂੰ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਕੋਲੋਂ ਖੰਡਾ, ਚੋਰੀ ਕੀਤੀ ਚੇਨੀ ਸਮੇਤ ਚਾਂਦੀ ਦਾ ਲਾਕਟ, ਸੋਨੇ ਦੀ ਇਕ ਨੱਤੀ ਅਤੇ ਮੋਬਾਇਲ ਫੋਨ ਬਰਾਮਦ ਕੀਤਾ ਹੈ ਜਿਨ੍ਹਾਂ ਦੀ ਪਛਾਣ ਸੁਖਮਿੰਦਰ ਸਿੰਘ ਉਰਫ ਗੋਲੀ ਪੁੱਤਰ ਹਰਮੇਲ ਸਿੰਘ ਵਾਸੀ ਪੰਡੋਰੀ ਥਾਣਾ ਦਾਖਾ, ਪਿੰਦਰ ਕੁਮਾਰ ਉਰਫ ਪਿੰਦਾ ਪੁੱਤਰ ਤਰਸੇਮ ਲਾਲ, ਰਾਜਵੀਰ ਸਿੰਘ ਉਰਫ ਬੰਟੀ ਪੁੱਤਰ ਜੀਵਨ ਸਿੰਘ, ਬਲਜੀਤ ਸਿੰਘ ਉਰਫ ਮੋਟਾ ਪੁੱਤਰ ਬਖਤੌਰ ਸਿੰਘ, ਸੰਦੀਪ ਸਿੰਘ ਉਰਫ ਖੋਸਾ ਪੁੱਤਰ ਸੁਖਦੇਵ ਸਿੰਘ ਵਾਸੀ ਮੋਗਾ ਵਜੋਂ ਹੋਈ ਹੈ। ਗ੍ਰਿਫਤਾਰ ਕੀਤੇ ਉਕਤ ਦੋਸ਼ੀਆਂ ਨੇ ਮੁੱਢਲੀ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਇਹ ਸਾਰੇ ਦੋਸਤ ਹਨ ਅਤੇ ਵਾਰਦਾਤ ਤੋਂ ਕੁਝ ਦਿਨ ਪਹਿਲਾਂ ਮੁਦਈ ਦੇ ਲਡ਼ਕੇ ਸੁਧੀਰ ਰਾਜਕ ਨੇ ਇਨ੍ਹਾਂ ਨੂੰ ਮੱਛੀ ਫਾਰਮ ਦੇ ਨੇਡ਼ਿਓਂ ਭੰਗ ਮਲਦਿਆਂ ਰੋਕਿਆ ਸੀ ਅਤੇ ਸੁਖਵਿੰਦਰ ਸਿੰਘ ਨੂੰ ਇਹ ਜਾਣਕਾਰੀ ਸੀ ਕਿ ਸੁਧੀਰ ਰਾਜਕ ਦੇ ਘਰ ਸੋਨਾ, ਚਾਂਦੀ ਅਤੇ ਕੀਮਤੀ ਸਾਮਾਨ ਅਤੇ ਨਕਦੀ ਵੱਡੀ ਤਾਦਾਤ ਵਿਚ ਹੋ ਸਕਦੀ ਹੈ ਜਿਸ ਕਰ ਕੇ ਇਨ੍ਹਾਂ ਵਿਅਕਤੀਆਂ ਨੇ ਸੁਖਵਿੰਦਰ ਸਿੰਘ ਉਰਫ ਗੋਲੀ ਦੇ ਕਹਿਣ ’ਤੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਗ੍ਰਿਫਤਾਰ ਕੀਤੇ ਦੋਸ਼ੀਆਂ ਦਾ ਪੁਲਸ ਰਿਮਾਂਡ ਹਾਸਲ ਕਰ ਕੇ ਹੋਰ ਪੁੱਛਗਿੱਛ ਕੀਤੀ ਜਾਵੇਗੀ, ਜਿਨ੍ਹਾਂ ਕੋਲੋਂ ਹੋਰ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।
ਮਾਲਕ ਨੂੰ ਨਸ਼ੇ ਵਾਲੀ ਚੀਜ਼ ਖੁਅਾ ਕੇ ਨੌਕਰ ਗਹਿਣੇ ਤੇ 5 ਲੱਖ ਦੀ ਨਕਦੀ ਲੈ ਕੇ ਫਰਾਰ
NEXT STORY 
