ਨਾਭਾ (ਰਾਹੁਲ) - ਪੰਜਾਬ ਦੀਆਂ ਜੇਲਾਂ 'ਚ ਕੈਦੀਆਂ ਨੂੰ ਬੰਦ ਕਰਨ ਦੀਆਂ ਖਬਰਾਂ ਤਾਂ ਸੁਣੀਆਂ ਹੀ ਹੋਣਗੀਆਂ ਪਰ ਜੇਲ 'ਚ ਬੰਦ ਕੈਦੀ ਦਾ ਵਿਆਹ ਹੁੰਦਾ ਪਹਿਲੀ ਵਾਰ ਦੇਖਣ ਨੂੰ ਮਿਲ ਰਿਹਾ ਹੈ। ਪੰਜਾਬ ਦੀ ਸਭ ਤੋਂ ਵੱਧ ਸੁਰੱਖਿਅਤ ਮੰਨੀ ਜਾਣ ਵਾਲੀ ਨਾਭਾ ਜੇਲ 'ਚ ਉਮਰ ਕੈਦ ਦੀ ਸਜ਼ਾ ਭੁਗਤ ਰਹੇ ਕੈਦੀ ਦਾ ਵਿਆਹ ਜੇਲ 'ਚ ਹੀ ਹੋਣ ਜਾ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਮਾਣਯੋਗ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਲੋਂ ਇਕ ਨਿਵੇਕਲਾ ਫ਼ੈਸਲਾ ਸੁਣਾਇਆ ਗਿਆ ਹੈ, ਜਿਸ ਮੁਤਾਬਕ ਮਨਦੀਪ ਸਿੰਘ ਧਰੂ ਗੈਂਗਸਟਰ ਦਾ ਵਿਆਹ ਨਾਭਾ ਦੀ ਜੇਲ 'ਚ ਹੋਵੇਗਾ। ਗੈਂਗਸਟਰ ਮਨਦੀਪ ਮੋਗਾ ਜ਼ਿਲੇ ਦਾ ਰਹਿਣ ਵਾਲਾ ਹੈ, ਜਿਸ ਦੇ ਅਨੰਦ ਕਾਰਜ 30 ਅਕਤੂਬਰ ਨੂੰ ਨਾਭਾ ਜੇਲ ਅੰਦਰ ਸਥਿਤ ਗੁਰੂ ਘਰ ਵਿਖੇ ਹੋਣ ਜਾ ਰਹੇ ਹਨ।
ਦੱਸ ਦੇਈਏ ਕਿ ਜੇਲ ਦੇ ਅੰਦਰ ਬਣਿਆ ਗੁਰੂ ਘਰ ਸਟਾਫ਼ ਦੇ ਕੁਆਰਟਰਾਂ ਦੇ ਬਹੁਤ ਨੇੜੇ ਹੈ। ਮਨਦੀਪ ਦੋਹਰੇ ਕਤਲ ਕਾਂਡ ਦੇ ਮਾਮਲੇ 'ਚ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਹੈ, ਜਿਸ ਨੇ ਕਾਫੀ ਸਮਾਂ ਪਹਿਲਾਂ ਵੀ ਮਾਣਯੋਗ ਅਦਾਲਤ ਤੋਂ ਵਿਆਹ ਲਈ ਛੁੱਟੀ ਦੀ ਮੰਗ ਕੀਤੀ ਸੀ।
ਸਾਥੀ ਦੀ ਮੌਤ 'ਤੇ ਹੰਗਾਮਾ,ਪ੍ਰਵਾਸੀ ਮਜ਼ਦੂਰਾਂ ਨੇ ਫੂਕਿਆ ਪੀ. ਸੀ. ਆਰ. ਦਾ ਮੋਟਰਸਾਈਕਲ
NEXT STORY