ਐਂਟਰਟੇਨਮੈਂਟ ਡੈਸਕ : ਸਾਬਕਾ ਕ੍ਰਿਕਟਰ ਅਤੇ ਸਿਆਸਤਦਾਨ ਨਵਜੋਤ ਸਿੰਘ ਸਿੱਧੂ ਇਨ੍ਹੀਂ ਦਿਨੀਂ ਲਗਾਤਾਰ ਸੁਰਖੀਆਂ 'ਚ ਬਣੇ ਹੋਏ ਹਨ। ਇਸ ਵਿਚਾਲੇ ਇੱਕ ਵਾਰ ਫਿਰ ਤੋਂ ਉਨ੍ਹਾਂ ਨੂੰ ਕਪਿਲ ਸ਼ਰਮਾ ਦੇ ਕਾਮੇਡੀ ਸ਼ੋਅ ਦਾ ਹਿੱਸਾ ਬਣਦੇ ਹੋਏ ਵੇਖਿਆ ਗਿਆ। ਖਾਸ ਗੱਲ ਇਹ ਹੈ ਕਿ ਇਸ ਦੌਰਾਨ ਉਨ੍ਹਾਂ ਦੀ ਪਤਨੀ ਨਵਜੋਤ ਕੌਰ ਵੀ ਇਸ ਸ਼ੋਅ 'ਚ ਨਜ਼ਰ ਆਈ। ਇਸ ਦੌਰਾਨ ਉਨ੍ਹਾਂ ਨੇ ਕਈ ਮਜ਼ੇਦਾਰ ਕਿੱਸੇ ਵੀ ਸੁਣਾਏ। ਇਸ ਦੇ ਨਾਲ ਹੀ ਉਨ੍ਹਾਂ ਕੈਂਸਰ ਦੇ ਇਲਾਜ ਨੂੰ ਲੈ ਕੇ ਹੈਰਾਨ ਕਰਨ ਵਾਲਾ ਦਾਅਵਾ ਕੀਤਾ ਹੈ।
40 ਦਿਨਾਂ 'ਚ ਚੌਥੀ ਸਟੇਜ ਦੇ ਕੈਂਸਰ 'ਤੇ ਪਾਇਆ ਕਾਬੂ
ਦਰਅਸਲ, ਸਿੱਧੂ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦੀ ਪਤਨੀ ਨਵਜੋਤ ਕੌਰ ਨੇ ਸੰਤੁਲਿਤ ਖੁਰਾਕ ਅਤੇ ਜੀਵਨ ਸ਼ੈਲੀ 'ਚ ਬਦਲਾਅ ਕਰਕੇ ਸਿਰਫ 40 ਦਿਨਾਂ 'ਚ ਸਟੇਜ 4 ਦੇ ਕੈਂਸਰ 'ਤੇ ਕਾਬੂ ਪਾਇਆ। ਸਿੱਧੂ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੂੰ ਆਪਣੀ ਪਤਨੀ ਦੇ ਕੈਂਸਰ ਦੇ ਇਲਾਜ 'ਤੇ ਕੋਈ ਖਰਚ ਨਹੀਂ ਕਰਨਾ ਪਿਆ। ਸਿੱਧੂ ਨੇ ਇੱਕ ਪ੍ਰੈਸ ਕਾਨਫਰੰਸ 'ਚ ਦੱਸਿਆ ਕਿ ਹਲਦੀ, ਨਿੰਮ ਦਾ ਪਾਣੀ, ਸੇਬ ਦਾ ਸਿਰਕਾ, ਨਿੰਬੂ ਪਾਣੀ, ਚੁਕੰਦਰ, ਗਾਜਰ ਅਤੇ ਪੇਠੇ ਦਾ ਜੂਸ ਉਨ੍ਹਾਂ ਦੀ ਖੁਰਾਕ 'ਚ ਸ਼ਾਮਲ ਹੈ। ਖੰਡ ਅਤੇ ਕਾਰਬੋਹਾਈਡਰੇਟ ਤੋਂ ਸਖ਼ਤ ਪਰਹੇਜ਼ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ- ਪੰਜਾਬੀ ਗਾਇਕਾ ਦੇ ਪਿਤਾ ਦਾ ਹੋਇਆ ਦਿਹਾਂਤ, ਸਾਂਝੀ ਕੀਤੀ ਪੋਸਟ
ਸਿੱਧੂ ਨੇ ਆਪਣਾ ਫੈਟੀ ਲਿਵਰ ਵੀ ਕੀਤਾ ਠੀਕ
ਨਵਜੋਤ ਸਿੰਘ ਸਿੱਧੂ ਨੇ ਕਿਹਾ ਕਿ ਉਨ੍ਹਾਂ ਦੀ ਪਤਨੀ ਦੀ ਕਦੇ-ਕਦੇ ਵਰਤ ਰੱਖਣ ਦੀ ਆਦਤ ਵੀ ਕੰਮ ਆਈ, ਜਿਸ 'ਚ ਉਨ੍ਹਾਂ ਦਾ ਆਖਰੀ ਭੋਜਨ ਸ਼ਾਮ ਨੂੰ 6.30 ਵਜੇ ਅਤੇ ਉਨ੍ਹਾਂ ਦਾ ਪਹਿਲਾ ਭੋਜਨ ਸਵੇਰੇ 10.30 ਵਜੇ ਹੁੰਦਾ ਸੀ। ਦਿਨ ਦੇ ਖਾਣੇ ਦੀ ਸ਼ੁਰੂਆਤ ਨਿੰਬੂ ਪਾਣੀ ਨਾਲ ਹੁੰਦੀ ਸੀ। ਸਿੱਧੂ ਨੇ ਇਸ ਖੁਰਾਕ ਤੋਂ ਹੋਣ ਵਾਲੇ ਲਾਭਾਂ ਦਾ ਵੀ ਜ਼ਿਕਰ ਕੀਤਾ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਡਾਈਟ ਨਾਲ ਉਨ੍ਹਾਂ ਦਾ 25 ਕਿਲੋ ਭਾਰ ਘਟਿਆ ਅਤੇ ਮੇਰਾ ਫੈਟੀ ਲਿਵਰ ਠੀਕ ਹੋ ਗਿਆ। ਸਿੰਧੂ ਨੇ ਕਿਹਾ ਕਿ ਕੈਂਸਰ ਦੇ ਇਲਾਜ 'ਚ ਫਾਇਦੇਮੰਦ ਖੁਰਾਕ ਫੈਟੀ ਲਿਵਰ ਨੂੰ ਵੀ ਠੀਕ ਕਰਦੀ ਹੈ।
ਇਕੱਲੇ ਜੀਵਨ ਸ਼ੈਲੀ ਨੂੰ ਇਲਾਜ ਲਈ ਕਾਫੀ ਨਹੀਂ ਮੰਨਦੇ ਡਾਕਟਰ
ਖ਼ਬਰਾਂ ਮੁਤਾਬਕ, ਨਵਜੋਤ ਕੌਰ ਦੀ ਕਹਾਣੀ ਪ੍ਰੇਰਣਾਦਾਇਕ ਹੈ ਪਰ ਡਾਕਟਰੀ ਮਾਹਰ, ਜੀਵਨਸ਼ੈਲੀ 'ਚ ਤਬਦੀਲੀਆਂ ਨੂੰ ਕੈਂਸਰ ਦਾ ਇੱਕੋ-ਇੱਕ ਇਲਾਜ ਮੰਨਣ ਤੋਂ ਸਾਵਧਾਨ ਕਰਦੇ ਹਨ। ਗੁਰੂਗ੍ਰਾਮ ਦੇ ਸ਼ਾਲਬੀ ਸਨਾਰ ਇੰਟਰਨੈਸ਼ਨਲ ਹਸਪਤਾਲ 'ਚ ਮੈਡੀਕਲ ਔਨਕੋਲੋਜੀ ਵਿਭਾਗ ਦੇ ਮੁਖੀ ਅਤੇ ਸੀਨੀਅਰ ਸਲਾਹਕਾਰ ਡਾਕਟਰ ਰਾਕੇਸ਼ ਕੁਮਾਰ ਸ਼ਰਮਾ ਕਹਿੰਦੇ ਹਨ, ''ਸ਼੍ਰੀਮਤੀ ਸਿੱਧੂ ਨੂੰ ਤਸ਼ਖੀਸ ਦੇ ਅਨੁਸਾਰ ਸਾਰੇ ਉਪਲਬਧ ਇਲਾਜ ਪ੍ਰਾਪਤ ਕੀਤੇ। ਸੀਮਤ ਮੈਟਾਸਟੈਟਿਕ ਸਾਈਟਾਂ ਵਾਲੇ ਪੜਾਅ 4 ਦੇ ਕੈਂਸਰ ਨੂੰ ਮੌਜੂਦਾ ਮਿਆਰੀ ਦੇਖਭਾਲ ਨਾਲ ਠੀਕ ਕੀਤਾ ਜਾ ਸਕਦਾ ਹੈ। ਕਈ ਅਧਿਐਨਾਂ ਨੇ ਕੈਂਸਰ ਦੇ ਇਲਾਜ ਜਾਂ ਰੋਕਥਾਮ 'ਚ ਕਰਕਿਊਮਿਨ (ਹਲਦੀ 'ਚ ਪਾਇਆ ਜਾਣ ਵਾਲਾ ਇੱਕ ਹਿੱਸਾ) ਦੇ ਲਾਭਾਂ ਦਾ ਸੁਝਾਅ ਦਿੱਤਾ ਹੈ ਪਰ ਇਸ ਦਾ ਕੋਈ ਸਪੱਸ਼ਟ ਸਬੂਤ ਨਹੀਂ ਹੈ।
ਇਹ ਵੀ ਪੜ੍ਹੋ- ਦੁਨੀਆ ਭਰ ਦੇ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਈ ਫਿਲਮ ‘ਹੇ ਸੀਰੀ ਵੇ ਸੀਰੀ’
ਕੈਂਸਰ ਨੂੰ ਸਿਰਫ਼ ਖੁਰਾਕ ਨਾਲ ਠੀਕ ਨਹੀਂ ਕੀਤਾ ਜਾ ਸਕਦਾ
ਏਸ਼ੀਅਨ ਹਸਪਤਾਲ ਦੇ ਓਨਕੋਲੋਜੀ ਦੇ ਚੇਅਰਮੈਨ ਡਾ ਪੁਨੀਤ ਗੁਪਤਾ ਦੇ ਹਵਾਲੇ ਨਾਲ ਲਿਖਿਆ, ''ਕੈਂਸਰ ਨੂੰ ਸਿਰਫ਼ ਖੁਰਾਕ ਨਾਲ ਠੀਕ ਨਹੀਂ ਕੀਤਾ ਜਾ ਸਕਦਾ। ਹਾਲਾਂਕਿ, ਸਮੁੱਚੀ ਕੈਂਸਰ ਵਿਰੋਧੀ ਦੇਖਭਾਲ ਲਈ ਖੁਰਾਕ ਮਹੱਤਵਪੂਰਨ ਹੈ ਕਿਉਂਕਿ ਮਰੀਜ਼ ਅਨੀਮੀਆ, ਭਾਰ ਘਟਾਉਣ ਅਤੇ ਇਲੈਕਟ੍ਰੋਲਾਈਟ ਅਸੰਤੁਲਨ ਦਾ ਸ਼ਿਕਾਰ ਹੁੰਦੇ ਹਨ।"
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
Punjab Bypoll Election Result Live : 2 ਸੀਟਾਂ 'ਤੇ 'ਆਪ' ਦਾ ਕਬਜ਼ਾ, ਜਾਣੋ ਬਾਕੀ ਸੀਟਾਂ ਦਾ ਹਾਲ (ਵੀਡੀਓ)
NEXT STORY 
