ਪਟਿਆਲਾ (ਇੰਦਰਜੀਤ ਬਖਸ਼ੀ): ਸਰਕਾਰੀ ਮਿਡਲ ਸਕੂਲ ਭਾਨਰੀ ਦੇ ਐਨੁਅਲ ਫੰਕਸ਼ਨ 'ਚ ਪਿੰਡ ਦੇ ਕਾਂਗਰਸੀ ਸਰਪੰਚ ਹਰਪ੍ਰੀਤ ਸਿੰਘ ਗੋਲਡੀ ਵਲੋਂ ਡੀ.ਜੇ. 'ਤੇ ਪੰਜਾਬੀ ਗੀਤ ਲੈ ਲੈ ਤੂੰ ਸਰਪੰਚੀ ਉਹ ਸਰਕਾਰੀ ਪੈਸਾ ਖਾਵਾਂਗੇ ਲਗਾ ਕੇ ਸਟੇਜ 'ਤੇ ਚੜ੍ਹ ਕੇ ਆਪਣੀ ਪਤੰਗ ਨਾਲ ਠੁਮਕੇ ਲਗਾਉਣ ਦੇ ਮਾਮਲੇ 'ਚ ਸਿੱਖਿਆ ਵਿਭਾਗ ਨੇ ਜਾਂਚ ਦੇ ਆਦੇਸ਼ ਦਿੱਤੇ ਹਨ। ਦੂਜੇ ਪਾਸੇ ਦੋਸ਼ੀ ਸਰਪੰਚ ਨੇ ਇਸ ਨੂੰ ਅਕਾਲੀ ਦਲ ਦੀ ਸਾਜਿਸ਼ ਦੱਸਿਆ ਹੈ। ਸਰਪੰਚ ਗੋਲਡੀ ਨੇ ਕਿਹਾ ਕਿ ਉਹ ਮੁੱਖ ਮਹਿਮਾਨ ਦੇ ਤੌਰ 'ਤੇ ਸਕੂਲ ਦੇ ਐਨੂਅਲ ਫਕੰਸ਼ਨ 'ਚ ਗਏ ਸਨ ਪਰ ਜਦੋਂ ਇਨਾਮ ਵੰਡ ਸਮਾਰੋਹ ਖਤਮ ਹੋ ਰਿਹਾ ਸੀ ਅਤੇ ਉਹ ਸਟੇਜ 'ਤੇ ਮੌਜੂਦ ਸੀ ਤਾਂ ਕਿਸੇ ਨੇ ਸ਼ਰਾਰਤ ਕਰਕੇ ਲੈ ਲੈ ਤੂੰ ਸਰਪੰਚੀ ਉਹ ਸਰਕਾਰੀ ਪੈਸਾ ਖਾਵਾਂਗੇ ਗੀਤ ਡੀ.ਜੇ. 'ਤੇ ਚਲਾ ਦਿੱਤਾ। ਇਸ 'ਤੇ ਉਹ ਆਪਣੀ ਪਤਨੀ ਦੇ ਨਾਲ ਸਟੇਜ 'ਤੇ ਥੋੜਾ ਥਿਰਕ ਗਏ ਪਰ ਵਿਰੋਧੀ ਪਾਰਟੀ ਵਾਲਿਆਂ ਨੂੰ ਇਹ ਸਹੀ ਨਾ ਲੱਗਿਆ ਅਤੇ ਉਨ੍ਹਾਂ ਨੇ ਇਸ ਮੁੱਦੇ ਨੂੰ ਚੁੱਕ ਦਿੱਤਾ।
ਸਰਪੰਚ ਦੇ ਮੁਤਾਬਕ ਉਨ੍ਹਾਂ ਨੇ ਸਟੇਜ 'ਤੇ ਡਾਂਸ ਕਰਕੇ ਕੁਝ ਵੀ ਗਲਤ ਨਹੀਂ ਕੀਤਾ ਹੈ। ਇਸ ਮਾਮਲੇ 'ਚ ਪਿੰਡ ਭਾਨਰੀ ਦੇ ਹੀ ਅਕਾਲੀ ਨੇਤਾ ਗੁਰਧਿਆਨ ਸਿੰਘ ਭਾਨਰੀ ਨੇ ਕਿਹਾ ਕਿ ਸਿੱਖਿਆ ਦੇ ਮੰਦਰ 'ਚ ਸਰਪੰਚ ਦੀ ਇਹ ਕਰਤੂਤ ਨਿੰਦਣਯੋਗ ਹੈ ਅਤੇ ਸਿੱਖਿਆ ਵਿਭਾਗ ਨੂੰ ਇਸ ਦੇ ਖਿਲਾਫ ਕਾਰਵਾਈ ਕਰਨੀ ਚਾਹੀਦੀ ਹੈ। ਇਸ 'ਚ ਡੀ.ਈ.ਓ. ਕੁਲਭੂਸ਼ਣ ਸਿੰਘ ਬਾਜਵੇ ਨੇ ਵਿਭਾਗ ਦੇ ਉੱਚ ਅਧਿਕਾਰੀਆਂ ਨੂੰ ਮਾਮਲੇ ਦੀ ਜਾਂਚ ਕਰਕੇ 2 ਦਿਨਾਂ ਦੇ ਅੰਦਰ-ਅੰਦਰ ਰਿਪੋਰਟ ਸਬਮਿਟ ਕਰਨ ਨੂੰ ਕਿਹਾ ਹੈ।
ਹੈਰੀਟੇਜ ਸਟਰੀਟ 'ਚ ਲੱਗੇ ਬੁੱਤ ਹਟਾਉਣ 'ਤੇ ਦਾਦੂਵਾਲ ਨੇ ਕੀਤਾ ਕੈਪਟਨ ਦਾ ਧੰਨਵਾਦ
NEXT STORY 
