ਜਲੰਧਰ— ਕੋਰੋਨਾ ਵਾਇਰਸ ਦੀ ਵੈਕਸੀਨੇਸ਼ਨ ਡਰਾਈਵ ਨੂੰ ਲੈ ਕੇ ਪੰਜਾਬ ’ਚ ਸਿਹਤ ਮਹਿਕਮੇ ਦੀ ਚਿੰਤਾ ਦੁੱਗਣੀ ਵੱਧ ਗਈ ਹੈ ਕਿਉਂਕਿ ਪੰਜਾਬ ’ਚ ਕੁੱਲ ਆਬਾਦੀ ਦੇ ਪਿੱਛੇ 18 ਸਾਲ ਤੋਂ ਵੱਧ ਦੇ ਲੋਕਾਂ ਨੂੰ ਅਜੇ ਵੈਕਸੀਨ ਦੀ ਪਹਿਲੀ ਡੋਜ਼ ਹੀ ਨਹੀਂ ਲੱਗੀ ਹੈ। ਸੂਬੇ ਦੀ ਕੁੱਲ ਆਬਾਦੀ ਦੀ ਗੱਲ ਕੀਤੀ ਜਾਵੇ ਤਾਂ ਪੰਜਾਬ ’ਚ ਮੌਜੂਦਾ ਸਮੇਂ ’ਚ ਬਾਲਗ ਆਬਾਦੀ ਦੀ ਗਿਣਤੀ 2 ਕਰੋੜ 77 ਲੱਖ ਤੋਂ ਵੀ ਵੱਧ ਹੈ ਜਦਕਿ ਅਜੇ 80 ਫ਼ੀਸਦੀ ਹੀ ਲੋਕਾਂ ਨੂੰ ਕੋਰੋਨਾ ਦੀ ਵੈਕਸੀਨ ਲੱਗੀ ਹੈ ਅਤੇ 20 ਫ਼ੀਸਦੀ ਲੋਕਾਂ ਨੂੰ ਅਜੇ ਵੀ ਪਹਿਲੀ ਡੋਜ਼ ਲੱਗਣੀ ਬਾਕੀ ਹੈ।
ਸਟੇਟ ਹੈਲਥ ਮਹਿਕਮੇ ਵੱਲੋਂ ਜ਼ਿਲ੍ਹਾ ਸਿਹਤ ਮਹਿਕਮੇ ਦੇ ਸਟਾਫ਼ ਦੀ ਇਨ੍ਹਾਂ ਅੰਕੜਿਆਂ ਨੂੰ ਪੂਰਾ ਕਰਨ ਲਈ ਲਿਸਟਿੰਗ ਵੀ ਕੀਤੀ ਗਈ ਹੈ ਪਰ ਰੋਜ਼ਾਨਾ ਲੱਗਣ ਵਾਲੀ ਵੈਕਸੀਨ ਦੀ ਰਫ਼ਤਾਰ ਬੀਤੇ ਕਈ ਦਿਨਾਂ ਤੋਂ ਹੌਲੀ ਚੱਲ ਰਹੀ ਹੈ। ਐਤਵਾਰ ਨੂੰ ਕੁੱਲ 2,39,56072 ਡੋਜ਼ ਲੱਗੀ ਸੀ। ਇਨ੍ਹਾਂ ’ਚ ਪਹਿਲੀ ਡੋਜ਼ ਦਾ ਅੰਕੜਾ 1.65 ਕਰੋੜ ਹੀ ਹੈ ਜਦਕਿ ਦੂਜੀ ਡੋਜ਼ ਲੱਗਵਾਉਣ ਵਾਲਿਆਂ ਦਾ ਅੰਕੜਾ 74.55 ਲੱਖ ਦੇ ਪੱਧਰ ਤੱਕ ਹੀ ਪਹੁੰਚਿਆ ਹੈ। ਐਤਵਾਰ ਨੂੰ ਸਿਰਫ਼ 15 ਹਜ਼ਾਰ ਲੋਕਾਂ ਨੇ ਟੀਕਾ ਲਗਵਾਇਆ। ਪਹਿਲੀ ਡੋਜ਼ ਦਾ 100 ਫ਼ੀਸਦੀ ਟੀਚਾ ਹੀ ਦੂਰ ਹੈ ਤਾਂ ਦੂਜੀ ਡੋਜ਼ ਦਾ ਟੀਚਾ ਤਾਂ ਅਜੇ ਬੇਹੱਦ ਦੂਰ ਹੈ।
ਇਹ ਵੀ ਪੜ੍ਹੋ: ਨਕੋਦਰ: ਭੈਣ ਦੇ ਪਿੰਡ ਗਏ ਨੌਜਵਾਨ ਦਾ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ, ਖੂਹ ਤੋਂ ਖ਼ੂਨ ਨਾਲ ਲਥਪਥ ਮਿਲੀ ਲਾਸ਼
ਇਹ ਹਨ ਉਹ 5 ਜ਼ਿਲ੍ਹੇ ਜਿੱਥੇ ਗੰਭੀਰਤਾ ਨਾਲ ਵੈਕਸੀਨੇਸ਼ਨ ਨੂੰ ਲਿਆ ਗਿਆ
| ਜ਼ਿਲ੍ਹਾ |
ਪਹਿਲੀ ਡੋਜ਼ |
| ਮੋਹਾਲੀ |
100 ਫ਼ੀਸਦੀ |
| ਲੁਧਿਆਣਾ |
96 ਫ਼ੀਸਦੀ |
| ਜਲੰਧਰ |
87 ਫ਼ੀਸਦੀ |
| ਹੁਸ਼ਿਆਰਪੁਰ |
85.4 ਫ਼ੀਸਦੀ |
| ਨਵਾਂਸ਼ਹਿਰ |
85 ਫ਼ੀਸਦੀ |
ਇਹ ਹਨ ਉਹ 5 ਜ਼ਿਲ੍ਹੇ, ਜਿੱਥੇ ਵੈਕਸੀਨੇਸ਼ਨ ਦੇ ਪ੍ਰਤੀ ਉਤਸ਼ਾਹ ਰਿਹਾ ਘੱਟ
| ਜ਼ਿਲ੍ਹਾ |
ਪਹਿਲੀ ਡੋਜ਼ |
| ਬਠਿੰਡਾ |
60 ਫ਼ੀਸਦੀ |
| ਸੰਗਰੂਰ |
61 ਫ਼ੀਸਦੀ |
| ਫਿਰੋਜ਼ਪੁਰ |
66 ਫ਼ੀਸਦੀ |
| ਮਾਨਸਾ |
67 ਫ਼ੀਸਦੀ |
| ਫਾਜ਼ਿਲਕਾ |
69 ਫ਼ੀਸਦੀ |
ਇਹ ਵੀ ਪੜ੍ਹੋ: ਪੰਜਾਬ ਦੀਆਂ 117 ਸੀਟਾਂ ’ਤੇ ਚੋਣ ਲੜੇਗੀ ਭਾਜਪਾ, ਵੱਡੇ ਫਰਕ ਨਾਲ ਜਿੱਤ ਕਰੇਗੀ ਹਾਸਲ: ਅਸ਼ਵਨੀ ਸ਼ਰਮਾ
ਉਥੇ ਹੀ ਇਸ ਸਬੰਧੀ ਨੋਡਲ ਅਫ਼ਸਰ ਡਾ. ਰਾਜੇਸ਼ ਭਾਸਕਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਲੋਕਾਂ ਨੂੰ ਤਿੰਨ-ਤਿੰਨ ਵਾਰ ਮੋਬਾਇਲ ’ਤੇ ਮੈਸੇਜ ਭੇਜੇ ਹਨ, ਜਿਨ੍ਹਾਂ ਦੀ ਦੂਜੀ ਡੋਜ਼ ਦਾ ਸਮਾਂ ਹੋ ਚੁੱਕਾ ਹੈ ਪਰ ਲੋਕ ਅੱਗੇ ਨਹੀਂ ਆ ਰਹੇ ਹਨ। ਹਰ ਘਰ ਦਸਤਕ ਪ੍ਰੋਗਰਾਮ ’ਚ ਵੀ ਲੋਕਾਂ ਨੂੰ ਸੈਂਟਰਸ ’ਤੇ ਆਉਣ ਲਈ ਕਿਹਾ ਜਾ ਰਿਹਾ ਹੈ। ਰੋਜ਼ਾਨਾ ਤਿੰਨ ਲੱਖ ਵੈਕਸੀਨ ਲਗਾਉਣ ਦਾ ਟੀਚਾ ਹੈ ਪਰ ਇਕ ਲੱਖ ਲੋਕ ਹੀ ਪਹੁੰਚ ਰਹੇ ਹਨ, ਦੂਜੀ ਡੋਜ਼ ਦੀ ਪੈਂਡੇਂਸੀ ਵੱਧ ਰਹੀ ਹੈ।
ਵੈਕਸੀਨ ਦੀ ਦੂਜੀ ਡੋਜ਼ ਨਾ ਲੱਗਣ ਦੇ ਇਹ ਹਨ ਮਹੱਤਵਪੂਰਨ ਕਾਰਨ
ਦੂਜੀ ਡੋਜ਼ ਲਈ ਸਮਾਂ ਪੂਰਾ ਕਰ ਚੁੱਕੇ ਲੋਕ ਮੋਬਾਇਲ ’ਤੇ ਮੈਸੇਜ ਦੇ ਇੰਤਜ਼ਾਰ ’ਚ ਹਨ।
ਵੈਕਸੀਨ ਸੈਂਟਰਾਂ ’ਤੇ ਵਾਲੰਟੀਅਰਜ਼ ਸਟਾਫ਼ ਨਾ ਹੋਣ ਦੇ ਚੱਲਦਿਆਂ ਸੈਂਟਰਸ ’ਤੇ ਭੀੜ।
ਦੂਜੀ ਡੋਜ਼ ਲਈ ਕੋਈ ਵਿਸ਼ੇਸ਼ ਕੈਂਪ ਨਹੀਂ।
ਐੱਨ. ਐੱਚ. ਐੱਮ. ਦੇ ਸਟਾਫ਼ ਕਰਮਚਾਰੀ ਹੜਤਾਲ ’ਤੇ ਜਿਸ ਦੇ ਚਲਦਿਆਂ ਵੈਕਸੀਨੇਟਰ ਨਹੀਂ ਹਨ, ਜੋ ਵੈਕਸੀਨ ਲਗਾਉਣਗੇ।
ਜਿਨ੍ਹਾਂ ਪ੍ਰਾਈਵੇਟ ਫੈਕਟਰੀਆਂ ’ਚ ਪਹਿਲੀ ਡੋਜ਼ ਦੇ ਕੈਂਪ ਲੱਗੇ, ਹੁਣ ਦੂਜੀ ਡੋਜ਼ ਲਈ ਨਹੀਂ ਲੱਗਵਾ ਰਹੇ ਕੈਂਪ
ਮਹਿਕਮੇ ਦੇ ਕੋਲ ਸਹੀ ਸਟਾਫ਼ ਨਹੀਂ, ਜੋ ਪ੍ਰਾਈਵੇਟ ਜਗ੍ਹਾਂ ’ਤੇ ਕੈਂਪ ਲਗਾਉਣ।
ਇਹ ਵੀ ਪੜ੍ਹੋ: ਵਿਧਾਨ ਸਭਾ ਚੋਣਾਂ ਲਈ ਸ਼੍ਰੋਮਣੀ ਅਕਾਲੀ ਦਲ ਨੇ ਐਲਾਨੇ 4 ਹੋਰ ਉਮੀਦਵਾਰ
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ
ਸੁਖਬੀਰ ਬਾਦਲ ਨੇ CM ਚੰਨੀ 'ਤੇ ਸਾਧਿਆ ਨਿਸ਼ਾਨਾ, 'ਲੋਕ ਚੰਨੀ ਸਰਕਾਰ ਤੋਂ ਕੋਈ ਉਮੀਦ ਨਾ ਰੱਖਣ'
NEXT STORY 
