ਬਠਿੰਡਾ (ਵਿਜੇ ਵਰਮਾ) : ਪੰਜਾਬ ਪੁਲਸ ਪਹਿਲਾਂ ਰਿਸ਼ਵਤਖੋਰੀ ਅਤੇ ਹੋਰ ਕਾਰਨਾਂ ਕਰਕੇ ਖ਼ਬਰਾਂ 'ਚ ਰਹਿੰਦੀ ਸੀ ਪਰ ਇਸ ਵਾਰ ਪੇਪਰਾਂ 'ਚ ਧੋਖਾਧੜੀ ਕਰਨ ਲਈ ਖ਼ਬਰਾਂ 'ਚ ਆਈ ਹੈ। ਫਿਲੌਰ 'ਚ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ। ਪੰਜਾਬ ਪੁਲਸ ਅਕੈਡਮੀ ਫਿਲੌਰ 'ਚ ਚੱਲ ਰਹੇ ਇੱਕ ਪੇਪਰ ਦੌਰਾਨ ਬਠਿੰਡਾ ਦੇ ਹੈੱਡ ਕਾਂਸਟੇਬਲ ਫੈਜ਼ ਮੁਹੰਮਦ ਨੂੰ ਪੇਪਰ 'ਚ ਧੋਖਾਧੜੀ ਕਰਦੇ ਰੰਗੇ ਹੱਥੀਂ ਫੜ੍ਹਿਆ ਗਿਆ। ਇਹ ਘਟਨਾ 29 ਮਈ ਨੂੰ ਵਾਪਰੀ ਸੀ, ਜਿਸ ਤੋਂ ਬਾਅਦ ਉਸਨੂੰ ਇੰਟਰਮੀਡੀਏਟ ਸਕੂਲ ਕੋਰਸ ਪੂਰਾ ਕੀਤੇ ਬਿਨਾਂ ਵਾਪਸ ਭੇਜ ਦਿੱਤਾ ਗਿਆ ਹੈ। ਪੰਜਾਬ ਪੁਲਸ ਅਕੈਡਮੀ ਫਿਲੌਰ ਦੇ ਡੀ. ਐੱਸ. ਪੀ. ਇੰਡੋਰ ਵੱਲੋਂ ਜਾਰੀ ਪੱਤਰ ਅਨੁਸਾਰ 29 ਮਈ ਨੂੰ ਇੰਟਰਮੀਡੀਏਟ ਸਕੂਲ ਕੋਰਸ ਜ਼ਿਲ੍ਹਾ ਕੇਡਰ ਦੇ ਪੰਜਾਬ ਪੁਲਸ ਨਿਯਮ ਅਤੇ ਪੁਲਸ ਸਟੇਸ਼ਨ ਫੰਕਸ਼ਨਿੰਗ ਵਿਸ਼ੇ ਦੀ ਪ੍ਰੀਖਿਆ ਚੱਲ ਰਹੀ ਸੀ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਅੱਜ ਵੱਜਣਗੇ ਖ਼ਤਰੇ ਦੇ ਸਾਇਰਨ! ਜਾਣੋ ਕਿਹੜੇ ਜ਼ਿਲ੍ਹੇ 'ਚ ਕਿੰਨੇ ਵਜੇ ਹੋਵੇਗਾ BLACKOUT
ਬਠਿੰਡਾ ਪੁਲਸ ਦਾ ਹੈੱਡ ਕਾਂਸਟੇਬਲ ਫੈਜ਼ ਮੁਹੰਮਦ ਵੀ ਇਸ ਪ੍ਰੀਖਿਆ 'ਚ ਮੌਜੂਦ ਸੀ। ਉਸ ਨੂੰ ਇਸ ਵਿਸ਼ੇ ਨਾਲ ਸਬੰਧਿਤ ਇੱਕ ਸਲਿੱਪ ਨਾਲ ਫੜ੍ਹਿਆ ਗਿਆ ਸੀ। ਉਕਤ ਪੱਤਰ 'ਚ ਕਿਹਾ ਗਿਆ ਸੀ ਕਿ ਉਕਤ ਹੈੱਡ ਕਾਂਸਟੇਬਲ ਨੇ ਪੀ. ਟੀ. ਸੀ. ਮੈਨੂਅਲ ਦੇ ਚੈਪਟਰ ਨੰਬਰ-4 ਦੇ ਪੈਰਾ ਨੰਬਰ 4.3-1 ਅਤੇ ਇਸ ਅਕੈਡਮੀ ਵੱਲੋਂ ਦਿੱਤੇ ਗਏ ਹੁਕਮਾਂ ਦੀ ਉਲੰਘਣਾ ਕੀਤੀ ਹੈ, ਜਿਸ ਕਾਰਨ ਉਕਤ ਹੈੱਡ ਕਾਂਸਟੇਬਲ ਨੇ ਅਜਿਹਾ ਕਰਕੇ ਪੁਲਸ ਅਨੁਸ਼ਾਸਨ ਦੀ ਉਲੰਘਣਾ ਕੀਤੀ ਹੈ।
ਇਹ ਵੀ ਪੜ੍ਹੋ : ਜਦੋਂ ਰਾਜਾ ਵੜਿੰਗ ਤੇ ਬਘੇਲ ਦੀ ਸਹਿਮਤੀ ਤੋਂ ਬਿਨਾਂ ਹੀ ਚੰਨੀ ਨੇ ਕਰ 'ਤਾ ਆਹ ਕੰਮ... (ਵੀਡੀਓ)
ਉਕਤ ਪੱਤਰ 'ਚ ਲਿਖਿਆ ਗਿਆ ਸੀ ਕਿ ਉਕਤ ਹੈੱਡ ਕਾਂਸਟੇਬਲ ਫੈਜ਼ ਮੁਹੰਮਦ ਨੂੰ ਇੰਟਰਮੀਡੀਏਟ ਸਕੂਲ ਕੋਰਸ ਪੂਰਾ ਕੀਤੇ ਬਿਨਾਂ ਜ਼ਿਲ੍ਹਾ ਬਠਿੰਡਾ ਵਾਪਸ ਭੇਜ ਦਿੱਤਾ ਜਾਂਦਾ ਹੈ। ਉਕਤ ਹੁਕਮ ਡਾਇਰੈਕਟਰ ਪੀ. ਪੀ. ਏ. ਦੀ ਪ੍ਰਵਾਨਗੀ ਤੋਂ ਬਾਅਦ ਜਾਰੀ ਕੀਤਾ ਗਿਆ ਹੈ। ਫਿਲੌਰ ਅਥਾਰਟੀ ਨੇ ਉਕਤ ਹੈੱਡ ਕਾਂਸਟੇਬਲ ਫੈਜ਼ ਮੁਹੰਮਦ, ਕਮਾਂਡੈਂਟ ਕਮ ਡਿਪਟੀ ਡਾਇਰੈਕਟਰ ਇਨਡੋਰ ਐਂਡ ਆਊਟਡੋਰ ਪੀ. ਪੀ. ਏ. ਫਿਲੌਰ, ਡੀ. ਐੱਸ. ਪੀ. ਇਨਡੋਰ ਆਊਟਡੋਰ ਪੀ. ਪੀ. ਏ. ਫਿਲੌਰ, ਸੀ. ਡੀ. ਆਈ. ਅਤੇ ਸੀ. ਐੱਲ. ਆਈ. ਪੀ. ਪੀ. ਏ. ਫਿਲੌਰ, ਇੰਚਾਰਜ ਪ੍ਰੀਖਿਆ ਸ਼ਾਖਾ ਪੀ. ਪੀ. ਏ. ਫਿਲੌਰ ਖ਼ਿਲਾਫ਼ ਵਿਭਾਗੀ ਕਾਰਵਾਈ ਲਈ ਉਕਤ ਪੱਤਰ ਡਾਇਰੈਕਟਰ ਜਨਰਲ ਪੁਲਸ ਸਿਖਲਾਈ ਸ਼ਾਖਾ ਪੰਜਾਬ, ਸੀਨੀਅਰ ਕਪਤਾਨ ਪੁਲਸ ਬਠਿੰਡਾ ਨੂੰ ਭੇਜਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
'ਆਪ' ਪੰਜਾਬ ਦੇ ਸੰਗਠਨ 'ਚ ਹੁਣ ਤੱਕ ਦਾ ਸਭ ਤੋਂ ਵੱਡਾ ਬਦਲਾਅ, ਸੌਂਪੀਆਂ ਵੱਡੀਆਂ ਜ਼ਿੰਮੇਵਾਰੀਆਂ
NEXT STORY 
