ਸੰਗਰੂਰ(ਰਾਜੇਸ਼ ਕੋਹਲੀ) : ਸੰਗਰੂਰ ਦੇ ਪਿੰਡ ਰਟੋਲ ਦਾ 22 ਸਾਲ ਨੌਜਵਾਨ ਕੁਲਦੀਪ ਸਿੰਘ ਆਪਣੇ ਦੋਸਤ ਦੇ ਵਿਦੇਸ਼ ਜਾਣ ਦੀ ਖੁਸ਼ੀ ਵਿਚ ਦੋਸਤਾਂ ਨਾਲ ਪਾਰਟੀ ਕਰਨ ਗਿਆ ਸੀ। ਪਾਰਟੀ ਕਰਨ ਤੋਂ ਬਾਅਦ ਸਾਰੇ ਦੋਸਤ ਇਕ ਨਹਿਰ ਵਿਚ ਨਹਾਉਣ ਚਲੇ ਗਏ। ਸਾਰੇ ਦੋਸਤ ਵਾਪਸ ਆ ਗਏ ਅਤੇ ਕਰਮਜੀਤ ਨਾਂ ਦਾ ਨੌਜਵਾਨ ਜਿਸ ਨੇ ਵਿਦੇਸ਼ ਜਾਣਾ ਸੀ ਉਹ ਵੀ ਵਿਦੇਸ਼ ਚਲਾ ਗਿਆ ਪਰ ਕੁਲਦੀਪ ਘਰ ਨਾ ਪਰਤਿਆ। ਦੋ ਦਿਨ ਭਾਲ ਕਰਨ ਉਪਰੰਤ ਕੁਲਦੀਪ ਦੀ ਲਾਸ਼ ਜਿਸ ਨਹਿਰ ਵਿਚ ਉਹ ਆਪਣੇ ਦੋਸਤਾਂ ਨਾਲ ਨਹਾਉਣ ਗਿਆ ਸੀ ਉਸ ਵਿਚੋਂ ਹੀ ਬਰਾਮਦ ਕੀਤੀ ਗਈ ਹੈ। ਹਾਲਾਂਕਿ ਪਹਿਲੇ ਪਹਿਲ ਮਾਮਲਾ ਡੁੱਬ ਕੇ ਮੌਤ ਹੋਣ ਦਾ ਦੱਸਿਆ ਜਾ ਰਿਹਾ ਹੈ ਪਰ ਪੀੜਤ ਪਰਿਵਾਰ ਨੇ ਦੋਸਤਾਂ 'ਤੇ ਸ਼ੱਕ ਜਤਾਇਆ ਹੈ।
ਕੁਲਦੀਪ ਦੀ ਮਾਂ ਚਰਨਜੀਤ ਕੌਰ ਨੇ ਦੱਸਿਆ ਕਿ 23 ਜੂਨ ਨੂੰ ਬੇਟੇ ਨੂੰ ਪਿੰਡ ਮੈਦੇਵਾਸ ਤੋਂ ਉਸ ਦੇ ਦੋਸਤ ਦਾ ਫੋਨ ਆਇਆ ਕਿ ਉਹ ਵਿਦੇਸ਼ ਜਾ ਰਿਹਾ ਹੈ। ਉਸ ਨੂੰ ਛੱਡਣ ਦਿੱਲੀ ਏਅਰਪੋਰਟ ਤੱਕ ਉਸ ਦੇ ਨਾਲ ਚੱਲੇ। ਬੇਟਾ ਰਾਤ ਨੂੰ ਮੈਦੇਵਾਸ ਆਪਣੇ ਦੋਸਤ ਕੋਲ ਚਲਾ ਗਿਆ, ਜਿੱਥੇ ਰਾਤ ਨੂੰ ਉਸ ਨਾਲ ਆਖਰੀ ਵਾਰ ਗੱਲ ਹੋਈ। ਇਸ ਤੋਂ ਬਾਅਦ ਬੇਟੇ ਦਾ ਕੁੱਝ ਪਤਾ ਨਹੀਂ ਲੱਗਾ। ਕੁਲਦੀਪ ਦੀ ਮਾਂ ਨੇ ਕਿਹਾ ਕਿ ਉਨ੍ਹਾਂ ਦੇ ਬੇਟੇ ਦੀ ਹੱਤਿਆ ਕੀਤੀ ਗਈ ਹੈ।
ਕੁਲਦੀਪ ਦੇ ਜੀਜਾ ਅਵਤਾਰ ਸਿੰਘ ਨੇ ਕਿਹਾ ਕਿ ਕਰਮਜੀਤ ਦੇ ਅਤੇ ਕੁਲਦੀਪ ਦੇ ਦੋਸਤ ਵੀ ਉਸ ਨਹਿਰ ਵਿਚ ਨਹਾ ਰਹੇ ਸਨ ਤਾਂ ਉਨ੍ਹਾਂ ਨੂੰ ਕਿਵੇਂ ਨਹੀਂ ਪਤਾ ਲੱਗਾ ਕਿ ਕੁਲਦੀਪ ਗਾਇਬ ਹੋ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਸਾਨੂੰ ਸ਼ੱਕ ਹੈ ਕਿ ਕੁਲਦੀਪ ਦਾ ਕਤਲ ਕੀਤਾ ਗਿਆ ਹੈ ਅਤੇ ਇਸ ਦੀ ਜਾਂਚ ਹੋਣੀ ਚਾਹੀਦੀ ਹੈ।
ਮ੍ਰਿਤਕ ਦਾ ਮੋਟਰਸਾਈਕਲ ਅਤੇ ਕੱਪੜੇ ਦੋਸਤ ਕਰਮਜੀਤ ਦੇ ਘਰੋਂ ਬਰਾਮਦ ਹੋਏ ਹਨ। ਤਸਵੀਰਾਂ ਚ ਵੀ ਸਾਫ ਦਿਸ ਰਿਹਾ ਹੈ ਕਿ ਸਾਰੇ ਇੱਕਠੇ ਨਹਾਉਣ ਗਏ ਸਨ ਫਿਰ ਬਾਕੀ ਦੋਸਤ ਕੁਲਦੀਪ ਨੂੰ ਇਕਲਿਆਂ ਛੱਡ ਕੇ ਕਿਵੇਂ ਚਲੇ ਗਏ। ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਚੰਡੀਗੜ੍ਹ : ਅਕਾਲੀ ਦਲ ਦੀ ਕੋਰ ਕਮੇਟੀ ਦੀ ਮੀਟਿੰਗ ਸ਼ੁਰੂ
NEXT STORY