ਲੁਧਿਆਣਾ (ਸਿਆਲ) : ਪੰਜਾਬ ਦੀਆਂ ਜੇਲ੍ਹਾਂ ’ਚ ਗੈਂਗਸਟਰਾਂ ਦੀ ਸਰਗਰਮੀ ਕਿਸੇ ਵੀ ਨਜ਼ਰੀਏ ਤੋਂ ਘੱਟ ਹੁੰਦੀ ਨਜ਼ਰ ਨਹੀਂ ਆ ਰਹੀ, ਜੇਲ ਵਿਚ ਹਰ ਉਹ ਚੀਜ਼ ਮਿਲਦੀ ਹੈ, ਜੋ ਪਾਬੰਦੀਸ਼ੁਦਾ ਹੈ ਅਤੇ ਇਸ ਨੂੰ ਪਹੁੰਚਾਉਣ ’ਚ ਜੇਲ੍ਹ ਦਾ ਸਟਾਫ ਵੀ ਆਮ ਕਰ ਕੇ ਸ਼ੱਕ ਦੇ ਘੇਰੇ ’ਚ ਰਹਿੰਦਾ ਹੈ। ਹਾਲ ਹੀ ਵਿਚ ਪੰਜਾਬ ਭਰ ’ਚ ਸਾਹਮਣੇ ਆਏ ਮਾਮਲਿਆਂ ’ਚ ਅਜਿਹੇ ਅਧਿਕਾਰੀ ਅਤੇ ਮੁਲਾਜ਼ਮਾਂ ’ਤੇ ਕਾਰਵਾਈ ਹੋਈ ਹੈ, ਜੋ ਖੁਦ ਜੇਲ ’ਚ ਨਸ਼ਿਆਂ ਦੀ ਸਪਲਾਈ ਅਤੇ ਭ੍ਰਿਸ਼ਟਾਚਾਰ ’ਚ ਸ਼ਾਮਲ ਪਾਏ ਗਏ ਸਨ। ਇਸੇ ਲੜੀ ਤਹਿਤ ਤਾਜਪੁਰ ਰੋਡ ਦੀ ਕੇਂਦਰੀ ਜੇਲ੍ਹ ’ਚ ਨਸ਼ਾ ਸਪਲਾਈ ਦੇ ਦੋਸ਼ ’ਚ ਪੁਲਸ ਨੇ 2 ਅਣਪਛਾਤੇ ਵਿਅਕਤੀਆਂ ਸਮੇਤ ਕੁੱਲ 15 ਵਿਅਕਤੀਆਂ ਸਮੇਤ ਕੁੱਲ 15 ਲੋਕਾਂ ’ਤੇ ਐੱਫ. ਆਈ. ਆਰ. ਦਰਜ ਕੀਤੀ ਹੈ, ਜਿਸ ਵਿਚ ਸ਼ੱਕ ਦੀ ਸੂਈ ਜੇਲ ਸਟਾਫ ਵੱਲ ਵੀ ਜਾ ਰਹੀ ਹੈ, ਜੋ ਇੰਨੇ ਸਖਤ ਪਹਿਰਿਆਂ ’ਚੋਂ ਹੋ ਕੇ ਜੇਲ੍ਹ ’ਚ ਨਸ਼ਾ ਪੁੱਜ ਰਿਹਾ ਹੈ।
ਇਹ ਮਾਮਲਾ ਉਦੋਂ ਪ੍ਰਕਾਸ਼ ’ਚ ਆਇਆ, ਜਦੋਂ ਸੂਬੇ ’ਚ ਨਸ਼ਾ ਰੋਕਣ ਲਈ ਤਾਇਨਾਤ ਸਪੈਸ਼ਲ ਸੈੱਲ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਜੇਲ ’ਚ ਆਉਣ-ਜਾਣ ਵਾਲੇ ਵਾਹਨਾਂ ਦੇ ਜ਼ਰੀਏ ਕੁਝ ਲੋਕ ਕਥਿਤ ਤੌਰ ’ਤੇ ਬਾਹਰ ਨਸ਼ਿਆਂ ਦੀ ਸਪਲਾਈ ਕਰ ਰਹੇ ਹਨ, ਜਿਸ ਨੂੰ ਜੇਲ ’ਚ ਪ੍ਰਾਪਤ ਕਰ ਕੇ ਅੱਗੇ ਜੇਲ ਦੇ ਕੁਝ ਸਟਾਫ ਦੇ ਮੈਂਬਰ ਕਥਿਤ ਰੂਪ ’ਚ ਕੈਦੀਆਂ ਤੱਕ ਪਹੁੰਚਾਉਣ ਦੇ ਕੰਮ ’ਚ ਸ਼ਾਮਲ ਹੋ ਸਕਦੇ ਹਨ ਪਰ ਅਜੇ ਇਸ ’ਤੇ ਅੰਦਰਖਾਤੇ ਜਾਂਚ ਜਾਰੀ ਹੈ ਅਤੇ ਜਾਂਚ ਏਜੰਸੀ ਅਜੇ ਕਿਸੇ ਵੀ ਤੱਥ ਨੂੰ ਖੋਲ੍ਹਣ ਤੋਂ ਮਨ੍ਹਾ ਕਰ ਰਹੀ ਹੈ। ਸੂਤਰਾਂ ਮੁਤਾਬਕ ਸਪੈਸ਼ਲ ਸੈੱਲ ਨੇ ਇਸ ਸਬੰਧੀ ਕੁੱਲ 15 ਅਪਰਾਧੀਆਂ ’ਤੇ ਨਸ਼ਾ ਸਮੱਗਲਿੰਗ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ।
ਜਿਨ੍ਹਾਂ ਨੂੰ ਫੜਾਈ ਸੁਰੱਖਿਆ ਦੀ ਕਮਾਨ, ਉਹ ਹੱਥ ਕਿਉਂ ਰਹਿ ਰਹੇ ਧਰੇ ਦੇ ਧਰੇ
ਇਸ ਸੂਚਨਾ ਨੂੰ ਸਬੰਧਤ ਪੁਲਸ ਨੇ ਕਾਫੀ ਗੁਪਤਾ ਰੱਖਿਆ ਅਤੇ ਕਈ ਦਿਨ ਤੱਕ ਇਸ ਸਬੰਧੀ ਜੇਲ੍ਹ ਸਟਾਫ ਨੂੰ ਵੀ ਭਿਣਕ ਨਹੀਂ ਲੱਗਣ ਦਿੱਤੀ ਅਤੇ ਬਾਅਦ ’ਚ ਇਸ ਦਾ ਭਾਂਡਾ ਭੰਨਦੇ ਹੋਏ ਇਕ ਮੁਲਜ਼ਮ ਦੇ ਜ਼ਰੀਏ ਹੋਰਨਾਂ ਮੁਲਜ਼ਮਾਂ ਤੱਕ ਪਹੁੰਚਾਇਆ ਗਿਆ ਅਤੇ ਜਦੋਂ ਨਾਮਜ਼ਦ ਚਿਹਰੇ ਸਾਹਮਣੇ ਆਏ ਤਾਂ ਸਪੈਸ਼ਲ ਸੈੱਲ ਵੀ ਹੈਰਾਨ ਰਹਿ ਗਿਆ। ਆਮ ਜਨਤਾ ’ਚ ਅਜਿਹੇ ਮਾਮਲੇ ਸਾਹਮਣੇ ਆਉਣ ਦੀ ਚਰਚਾ ਛਿੜਦੀ ਹੈ ਕਿ ਹਰ ਮਹੀਨੇ ਲੱਖਾਂ ਰੁਪਏ ਜੇਲ੍ਹਾਂ ਦੀ ਸੁਰੱਖਿਆ ’ਤੇ ਖਰਚੇ ਜਾਂਦੇ ਹਨ, ਉੱਥੇ ਨਸ਼ੇ ਨਾ ਰੋਕ ਸਕਣ ਕਾਰਨ ਜੇਲ ਸਟਾਫ ਪੰਜਾਬ ਸਰਕਾਰ ਦੀ ਸ਼ਾਖ ਨੂੰ ਵੀ ਥੱਲੇ ਡੇਗ ਰਿਹਾ ਹੈ ਕਿਉਂਕਿ ਜਦੋਂ-ਜਦੋਂ ਜੇਲ ਦੀਆਂ ਲਾਪ੍ਰਵਾਹੀਆਂ ਸਾਹਮਣੇ ਆਉਂਦੀਆਂ ਹਨ ਤਾਂ ਪੰਜਾਬ ਦੇ ਨਵੇਂ ਜੇਲ ਮੰਤਰੀ ਨੂੰ ਵਿਰੋਧੀਆਂ ਦੀਆਂ ਖੂਬ ਖਰੀਆਂ-ਖੋਟੀਆਂ ਸੁਣਨੀਆਂ ਪੈਂਦੀਆਂ ਹਨ।
ਲੰਬੇ ਸਮੇਂ ਤੋਂ ਤਾਇਨਾਤੀ ਲਈ ਬੈਠੇ ਅਧਿਕਾਰੀ ’ਤੇ ਵੀ ਤਿੱਖੀ ਨਜ਼ਰ
ਸੂਤਰਾਂ ਮੁਤਾਬਕ ਜਾਂਚ ਏਜੰਸੀਆਂ ਦਾ ਤਾਜਪੁਰ ਰੋਡ ਕੇਂਦਰੀ ਜੇਲ੍ਹ ਦੇ ਇਕ ਅਜਿਹੇ ਅਧਿਕਾਰੀ ’ਤੇ ਵੀ ਤਿੱਖੀ ਨਜ਼ਰ ਹੈ, ਜੋ ਪਿਛਲੇ ਲੰਬੇ ਸਮੇਂ ਤੋਂ ਜੇਲ੍ਹ ’ਚ ਲਗਾਤਾਰ ਤਾਇਨਾਤੀ ’ਤੇ ਹੈ, ਜਦੋਂਕਿ ਉਸ ਦੇ ਸਾਥੀ ਅਧਿਕਾਰੀ ਕਦੋਂ ਦੇ ਜਾਂ ਤਾਂ ਬਦਲੇ ਜਾ ਚੁੱਕੇ ਹਨ ਜਾਂ ਆਪਣੀਆਂ ਕਥਿਤ ਬੇਨਿਯਮੀਆਂ ਕਾਰਨ ਮੁਅੱਤਲ ਵੀ ਹੋ ਚੁੱਕੇ ਹਨ ਪਰ ਇਸ ਅਧਿਕਾਰੀ ਦੀ ਲਗਾਤਾਰ ਤਾਇਨਾਤੀ ਹੁਣ ਚਰਚਾ ’ਚ ਆ ਗਈ ਹੈ, ਹੋਵੇ ਵੀ ਕਿਉਂ ਨਾ ਜੇਲ ’ਚ ਸਭ ਕੁਝ ਠੀਕ ਠਾਕ ਨਹੀਂ ਚੱਲ ਰਿਹਾ।
ਰੇਲਵੇ ਟਰੈਕ ਮੁੜ ਹੋ ਸਕਦੇ ਨੇ ਜਾਮ, ਗੁਰਨਾਮ ਚਢੂਨੀ ਦਾ ਕੇਂਦਰ ਸਰਕਾਰ ਨੂੰ 24 ਨਵੰਬਰ ਤੱਕ ਦਾ ਅਲਟੀਮੇਟਮ
NEXT STORY 
