ਮੋਗਾ (ਕਸ਼ਿਸ਼): ਅਮਰੀਕਾ-ਇਜ਼ਰਾਈਲ ਵੱਲੋਂ ਈਰਾਨ ਨਾਲ ਚੱਲ ਰਹੀ ਜੰਗ ਕਾਰਨ ਦੁਨੀਆ ਭਰ ਵਿਚ LPG ਦੀ ਸਪਲਾਈ ਪ੍ਰਭਾਵਿਤ ਹੋਈ ਹੈ। ਹਾਲਾਂਕਿ ਭਾਰਤ ਵਿਚ ਹਾਲਾਤ ਬਾਕੀ ਦੇਸ਼ਾਂ ਨਾਲੋਂ ਕਿਤੇ ਬਿਹਤਰ ਮੰਨੇ ਜਾ ਰਹੇ ਹਨ, ਪਰ ਫ਼ਿਰ ਵੀ ਬਹੁਤ ਸਾਰੇ ਇਲਾਕਿਆਂ ਵਿਚ ਲੋਕ LPG ਸਿਲੰਡਰ ਲੈਣ ਲਈ ਲਾਈਨਾਂ ਵਿਚ ਖੜ੍ਹੇ ਨਜ਼ਰ ਆ ਰਹੇ ਹਨ। ਇਸ ਵਿਚਾਲੇ ਪੰਜਾਬ ਦੇ ਇਕ ਕਿਸਾਨ ਦੇ ਘਰ ਬਿਨਾਂ ਐੱਲ. ਪੀ. ਜੀ. ਸਿਲੰਡਰ ਦੇ ਹੀ ਗੈਸ-ਚੁੱਲ੍ਹਾ ਬਲ਼ ਰਿਹਾ ਹੈ।
ਦਰਅਸਲ, ਮੋਗਾ ਜ਼ਿਲ੍ਹੇ ਦੇ ਪਿੰਡ ਰਾਜੇਆਣਾ ਦੇ ਕਿਸਾਨ ਨਿਰਮਲ ਸਿੰਘ ਨੇ ਘਰ ਵਿਚ ਬਾਇਓਗੈਸ ਪਲਾਂਟ ਲਗਵਾਇਆ ਹੋਇਆ ਹੈ। ਇਸ ਪਲਾਂਟ ਤੋਂ ਨਿਕਲਣ ਵਾਲੀ ਗੈਸ ਨਾਲ ਹੀ ਉਨ੍ਹਾਂ ਦੇ ਘਰ ਵਿਚ ਰੋਟੀ-ਸਬਜ਼ੀ ਬਣਦੀ ਹੈ। ਅੱਜ ਜਦੋਂ ਬਹੁਤ ਸਾਰੇ ਲੋਕ ਐੱਲ. ਪੀ. ਜੀ. ਗੈਸ ਲਈ ਪ੍ਰੇਸ਼ਾਨ ਹੋ ਰਹੇ ਹਨ, ਉੱਥੇ ਹੀ ਨਿਰਮਲ ਸਿੰਘ ਨੂੰ ਉਸ ਦੇ ਬਾਇਓਗੈਸ ਪਲਾਂਟ ਨੇ ਇਸ ਪੱਖੋਂ ਬੇਫ਼ਿਕਰ ਕੀਤਾ ਹੋਇਆ ਹੈ। ਉਸ ਨੂੰ ਨਾ ਤਾਂ ਲੰਮੀਆਂ ਲਾਈਨਾਂ ਵਿਚ ਲੱਗਣ ਦੀ ਫ਼ਿਕਰ ਹੈ ਤੇ ਨਾ ਹੀ ਮਹਿੰਗੇ ਭਾਅ 'ਤੇ ਬਲੈਕ 'ਚ ਸਿਲੰਡਰ ਲੈਣ ਦੀ ਲੋੜ ਪੈ ਰਹੀ ਹੈ। ਉਸ ਦੇ ਲਈ ਇਹ ਬਾਇਓਗੈਸ ਇਕ ਵਰਦਾਨ ਵਾਂਗ ਸਾਬਿਤ ਹੋਇਆ ਹੈ।
ਨਿਰਮਲ ਸਿੰਘ ਨੇ ਦੱਸਿਆ ਕਿ ਉਸ ਨੇ ਸਾਲ 2011 ਵਿਚ ਇਹ ਬਾਇਓਗੈਸ ਪਲਾਂਟ ਲਵਾਇਆ ਸੀ। ਉਸ ਵੇਲੇ ਇਸ ਪਲਾਂਟ 'ਤੇ 20 ਹਜ਼ਾਰ ਰੁਪਏ ਦੀ ਲਾਗਤ ਆਈ ਸੀ। ਇਸ ਸਦਕਾ ਉਹ ਪਾਥੀਆਂ ਦੇ ਨਾਲ ਹੀ ਗੈਸ ਤਿਆਰ ਕਰ ਰਿਹਾ ਹੈ ਤੇ ਘਰ ਦੀ ਰਸੋਈ ਦਾ ਗੈਸ-ਚੁੱਲ੍ਹਾ ਇਸੇ ਗੈਸ ਨਾਲ ਬਲ਼ ਰਿਹਾ ਹੈ।
ਪੰਜਾਬ ਪੁਲਸ ਦੀ ਮਹਿਲਾ ਮੁਲਾਜ਼ਮ ਦਾ ਕਾਰਾ! ਆਸ਼ਿਕ ਨਾਲ ਫੜ੍ਹੇ ਜਾਣ 'ਤੇ...
NEXT STORY 
