ਚੰਡੀਗੜ੍ਹ (ਆਸ਼ੀਸ਼) : ਪੰਜਾਬ ਯੂਨੀਵਰਸਿਟੀ ਨੇ ਯੂਨੀਵਰਸਿਟੀ ਦੇ ਯੂ. ਜੀ., ਪੀ.ਜੀ. ਅਤੇ ਪੇਸ਼ੇਵਰ ਕੋਰਸਾਂ ਦੇ ਉਨ੍ਹਾਂ ਵਿਦਿਆਰਥੀਆਂ ਨੂੰ ‘ਗੋਲਡਨ ਚਾਂਸ’ ਦਿੱਤਾ ਹੈ, ਜਿਨ੍ਹਾਂ ਨੇ ਆਪਣੀਆਂ ਡਿਗਰੀਆਂ ਪੂਰੀਆਂ ਕਰਨ ਦੇ ਸਾਰੇ ਮੌਕੇ ਖ਼ਤਮ ਕਰ ਦਿੱਤੇ ਹਨ। ਕੰਟਰੋਲਰ ਪ੍ਰੀਖਿਆਵਾਂ ਪ੍ਰੋ. ਜਗਤ ਭੂਸ਼ਣ ਨੇ ਕਿਹਾ ਕਿ ਇਹ ‘ਗੋਲਡਨ ਚਾਂਸ’ ਸਮੈਸਟਰ ਪ੍ਰਣਾਲੀ ਅਧੀਨ ਯੂ. ਜੀ. ਕੋਰਸਾਂ ਲਈ ਦਾਖ਼ਲਾ ਸਾਲ 2014 ਤੋਂ ਅੱਗੇ ਅਤੇ ਪੀ. ਜੀ. ਤੇ ਪੇਸ਼ੇਵਰ ਕੋਰਸਾਂ ਲਈ ਦਾਖ਼ਲਾ ਸਾਲ 2011 ਤੋਂ ਬਾਅਦ ਦੇ ਵਿਦਿਆਰਥੀਆਂ ’ਤੇ ਲਾਗੂ ਹੋਵੇਗਾ। ਪ੍ਰੀਖਿਆਵਾਂ ਅਪ੍ਰੈਲ ਅਤੇ ਮਈ 2026 ਲਈ ਨਿਰਧਾਰਤ ਸਮੈਸਟਰ ਪ੍ਰੀਖਿਆਵਾਂ ਦੇ ਨਾਲ-ਨਾਲ ਲਈਆਂ ਜਾਣਗੀਆਂ। ਵਰਤਮਾਨ ’ਚ ਉਮੀਦਵਾਰ ਸਿਰਫ਼ ਸਮੈਸਟਰ ਪੇਪਰਾਂ ਲਈ ਹੀ ਅਰਜ਼ੀ ਦੇ ਸਕਦੇ ਹਨ।
ਇਹ ਵੀ ਪੜ੍ਹੋ : ਡੇਰਾ ਰਾਧਾ ਸੁਆਮੀ ਬਿਆਸ ਜਾਣ ਵਾਲੀ ਸੰਗਤ ਲਈ ਵੱਡੀ ਖ਼ੁਸ਼ਖ਼ਬਰੀ, ਲਿਆ ਗਿਆ ਵੱਡਾ ਫ਼ੈਸਲਾ (ਵੀਡੀਓ)
ਅਰਜ਼ੀਆਂ ਸਿਰਫ਼ ਆਨਲਾਈਨ ਹੀ ਸਵੀਕਾਰ ਕੀਤੀਆਂ ਜਾਣਗੀਆਂ
ਪ੍ਰੋ. ਜਗਤ ਭੂਸ਼ਣ ਨੇ ਕਿਹਾ ਕਿ ਜਿਨ੍ਹਾਂ ਵਿਦਿਆਰਥੀਆਂ ਕੋਲ ਰੀ-ਪੇਅਰ ਦੇ ਕੋਈ ਬਾਕੀ ਮੌਕੇ ਨਹੀਂ ਹਨ, ਉਹ ਇਸ ਵਿਸ਼ੇਸ਼ ਪ੍ਰਬੰਧ ਅਧੀਨ ਆਪਣੇ ਰੀ-ਪੇਅਰ, ਕੰਪਾਰਟਮੈਂਟ, ਪੂਰਾ ਵਿਸ਼ਾ, ਸੁਧਾਰ, ਵਾਧੂ, ਅਧੂਰੇ ਜਾਂ ਖੁੰਝੇ ਹੋਏ ਪ੍ਰੈਕਟੀਕਲ ਪੇਪਰ ਪਾਸ ਕਰਨ ਲਈ ਅਰਜ਼ੀ ਦੇ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਦੂਜੇ, ਚੌਥੇ, ਛੇਵੇਂ, ਅੱਠਵੇਂ ਤੇ ਦਸਵੇਂ ਸਮੈਸਟਰ ਲਈ ਅਰਜ਼ੀਆਂ ਯੂ. ਜੀ. ਕੋਰਸਾਂ ਲਈ ਆਨਲਾਈਨ ਐਪਲੀਕੇਸ਼ਨ ਪੋਰਟਲ ਅਤੇ ਪੀ. ਜੀ. ਅਤੇ ਪੇਸ਼ੇਵਰ ਕੋਰਸਾਂ ਲਈ ਵੈੱਬਸਾਈਟ ’ਤੇ ਦਿੱਤੀਆਂ ਜਾ ਸਕਦੀਆਂ ਹਨ। ਇਹ ਪੋਰਟਲ 12 ਫਰਵਰੀ ਨੂੰ ਖੁੱਲ੍ਹੇਗਾ ਅਤੇ 11 ਮਾਰਚ ਨੂੰ ਬੰਦ ਹੋਵੇਗਾ। ਸਾਰੀਆਂ ਅਰਜ਼ੀਆਂ ਸਿਰਫ਼ ਆਨਲਾਈਨ ਹੀ ਸਵੀਕਾਰ ਕੀਤੀਆਂ ਜਾਣਗੀਆਂ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਬੱਸਾਂ ਦਾ ਸਫ਼ਰ ਕਰਨ ਵਾਲਿਆਂ ਲਈ ਜ਼ਰੂਰੀ ਖ਼ਬਰ, PRTC ਕਾਮਿਆਂ ਨੇ ਕਰ 'ਤਾ ਵੱਡਾ ਐਲਾਨ
ਯੂ. ਜੀ. ਕੋਰਸਾਂ ਲਈ ਫ਼ੀਸ 7,500 ਪ੍ਰਤੀ ਸਮੈਸਟਰ ਤੇ ਪੀ. ਜੀ. ਅਤੇ ਪੇਸ਼ੇਵਰ ਕੋਰਸਾਂ ਲਈ 15,000 ਪ੍ਰਤੀ ਸਮੈਸਟਰ ਨਿਰਧਾਰਤ ਕੀਤੀ ਗਈ ਹੈ। ਅਨੁਸੂਚਿਤ ਜਾਤੀ ਅਤੇ ਅਨੁਸੂਚਿਤ ਜਨਜਾਤੀ ਦੇ ਵਿਦਿਆਰਥੀਆਂ ਨੂੰ 50 ਪ੍ਰਤੀਸ਼ਤ ਫ਼ੀਸ ਦੀ ਛੋਟ ਦਿੱਤੀ ਜਾਵੇਗੀ। ਪ੍ਰੀਖਿਆ ਸਿਰਫ਼ ਆਫਲਾਈਨ ਹੀ ਲਈ ਜਾਵੇਗੀ। ਵਿਦਿਆਰਥੀਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਯੂਨੀਵਰਸਿਟੀ ਦੀ ਵੈੱਬਸਾਈਟ ’ਤੇ ਉਪਲੱਬਧ ‘ਗੋਲਡਨ ਚਾਂਸ’ ਲਿੰਕ, ਨੋਟਿਸ ਬੋਰਡ, ਯੂ. ਜੀ. ਅਤੇ ਪੀ. ਜੀ. ’ਚ ਉਪਲੱਬਧ ‘ਗੋਲਡਨ ਚਾਂਸ’ ਸਿਲੇਬਸ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਸਿਲੇਬਸ ਦਾ ਅਧਿਐਨ ਕਰਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਟੋਲ ਪਲਾਜ਼ਾ ’ਤੇ ਵਾਹਨ ਚਾਲਕਾਂ ਤੋਂ ਨਾਜਾਇਜ਼ ਵਸੂਲੀ ਸਬੰਧੀ ਪੁਲਸ ਵੱਲੋਂ ਜਾਂਚ ਸ਼ੁਰੂ, ਮੁਲਾਜ਼ਮਾਂ ਤੋਂ ਵੀ ਹੋ ਰਹੀ ਪੁੱਛਗਿੱਛ
NEXT STORY 
