ਹਥਿਆਰਾਂ ਦੀ ਨੋਕ 'ਤੇ ਘਰ 'ਚੋਂ 9 ਲੱਖ ਦੀ ਨਕਦੀ, ਲਾਇਸੈਂਸੀ ਗੰਨ ਤੇ ਹੋਰ ਸਾਮਾਨ ਦੀ ਕੀਤੀ ਲੁੱਟ

Edited By Babita,
Updated: 14 Aug, 2024 04:51 PM

ਗੁਰੂਹਰਸਹਾਏ (ਮਨਜੀਤ) : ਲੱਖੋਕੇ ਬਹਿਰਾਮ ਵਿਖੇ ਇਕ ਘਰ 'ਚੋਂ ਹਥਿਆਰਾਂ ਦੀ ਨੋਕ ’ਤੇ ਅਣਪਛਾਤੇ ਵਿਅਕਤੀਆਂ ਵੱਲੋਂ 9 ਲੱਖ 18 ਹਜ਼ਾਰ ਰੁਪਏ, 15 ਤੋਲੇ ਸੋਨਾ, ਇਕ 12 ਬੋਰ ਸਿੰਗਲ ਬੈਰਲ ਲਾਇਸੈਂਸੀ ਗੰਨ ਅਤੇ 18 ਜ਼ਿੰਦਾ ਰੌਂਦ ਤੇ 2 ਮੋਬਾਇਲ ਫੋਨਾਂ ਦੀ ਲੁੱਟ ਕੀਤੀ ਗਈ ਹੈ।

ਇਸ ਸਬੰਧ 'ਚ ਥਾਣਾ ਲੱਖੋਕੇ ਬਹਿਰਾਮ ਪੁਲਸ ਨੇ 5-7 ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਪੁਲਸ ਨੂੰ ਦਿੱਤੇ ਬਿਆਨਾਂ ਵਿਚ ਮੇਜਾ ਸਿੰਘ ਸਿੱਧੂ ਪੁੱਤਰ ਬਗੀਚਾ ਸਿੰਘ ਵਾਸੀ ਲੱਖੋਕੇ ਬਹਿਰਾਮ ਨੇ ਦੱਸਿਆ ਕਿ ਮਿਤੀ 12-13 ਅਗਸਤ ਦੀ ਦਰਮਿਆਨੀ ਰਾਤ ਨੂੰ 5-7 ਅਣਪਛਾਤੇ ਨੌਜਵਾਨ ਉਸ ਦੇ ਘਰ ਦਾਖ਼ਲ ਹੋ ਹੋਏ। ਉਨ੍ਹਾਂ ਨੇ ਹਥਿਆਰਾਂ ਦੀ ਨੋਕ ’ਤੇ ਘਰ ਵਿਚੋਂ 9 ਲੱਖ 18 ਹਜ਼ਾਰ ਰੁਪਏ ਨਕਦੀ, 15 ਤੋਲੇ ਸੋਨਾ, ਇਕ 12 ਬੋਰ ਸਿੰਗਲ ਬੈਰਲ ਲਾਇਸੈਂਸੀ ਗੰਨ ਅਤੇ 18 ਜ਼ਿੰਦਾ ਰੌਂਦ ਤੇ 2 ਮੋਬਾਇਲ ਫੋਨ ਲੁੱਟ ਲਏ। ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਸਹਾਇਕ ਥਾਣੇਦਾਰ ਅਨਵਰ ਮਸੀਹ ਨੇ ਦੱਸਿਆ ਕਿ ਪੁਲਸ ਨੇ ਸ਼ਿਕਾਇਤਕਰਤਾ ਦੇ ਬਿਆਨਾਂ ’ਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।

ਵੱਡੀ ਵਾਰਦਾਤ ਨਾਲ ਕੰਬਿਆ ਪੰਜਾਬ, ਭਰੇ ਬਾਜ਼ਾਰ 'ਚ ਖੂਨੀ ਝੜਪ ਦੇਖ ਕੰਬੇ ਲੋਕ, ਰਾਹ ਜਾਂਦੇ ਦੇ ਲੱਗੀ ਗੋਲ਼ੀ