ਅੰਮ੍ਰਿਤਸਰ (ਇੰਦਰਜੀਤ)-ਚੋਰਾਂ ਦੇ ਹੌਸਲੇ ਬੁਲੰਦ ਹੋਣ ਦੇ ਕਿੱਸੇ ਤਾਂ ਅਸੀਂ ਬਹੁਤ ਸੁਣੇ ਸਨ ਪਰ ਪਿਛਲੇ ਕੁਝ ਦਿਨਾਂ ਤੋਂ ਇਹ ਇੰਨੇ ਦਲੇਰ ਹੋ ਗਏ ਹਨ ਕਿ ਹੁਣ ਟਰਾਂਸਪੋਰਟਰਾਂ ਦੇ ਬੰਦ ਪਏ ਟਰੱਕ ਵੀ ਇਨ੍ਹਾਂ ਤੋਂ ਸੁਰੱਖਿਅਤ ਨਹੀਂ ਹਨ। ਇਹ ਗੱਲ ਉਦੋਂ ਸਾਹਮਣੇ ਆਈ ਜਦੋਂ ਮਹਾਨਗਰ ਦੇ ਵੱਡੇ ਟਰਾਂਸਪੋਰਟਰਾਂ ਨੇ ਗੁੱਸੇ ਵਿਚ ਆ ਕੇ ਇਸ ਦਾ ਪਰਦਾਫਾਸ਼ ਕੀਤਾ। ਇਸ ਸਬੰਧੀ ਪ੍ਰਾਪਤ ਜਾਣਕਾਰੀ ਅਨੁਸਾਰ ਜ਼ਿਆਦਾਤਰ ਟਰਾਂਸਪੋਰਟਰ ਆਪਣੇ ਅਦਾਰਿਆਂ ਦੇ ਬਾਹਰ ਲੋਡਿਡ ਟਰੱਕ ਖੜ੍ਹੇ ਕਰਦੇ ਹਨ। ਜ਼ਿਆਦਾਤਰ ਟਰੱਕ ਰਾਤ ਨੂੰ ਮਾਲ ਲੱਦਣ ਤੋਂ ਬਾਅਦ ਤਰਪਾਲਾਂ ਨਾਲ ਬੰਨ੍ਹ ਦਿੰਦੇ ਹਨ। ਇਹ ਟਰੱਕ ਰਾਤ ਦੇ 1-2 ਵਜੇ ਤੋਂ ਲੈ ਕੇ ਸਵੇਰੇ 4-5 ਵਜੇ ਦੇ ਵਿਚਕਾਰ ਆਪਣੀ ਮੰਜ਼ਿਲ ਵੱਲ ਭੇਜੇ ਜਾਂਦੇ ਹਨ। ਇਸ ਦੌਰਾਨ ਚੋਰ ਆਪਣਾ ਕੰਮ ਕਰਦੇ ਹਨ। ਉਹ ਛੱਤ ’ਤੇ ਚੜ੍ਹ ਕੇ ਤੇਜ਼ਧਾਰ ਚਾਕੂਆਂ ਨਾਲ ਤਰਪਾਲਾਂ ਨੂੰ ਪਾੜ ਕੇ ਅੰਦਰ ਪਿਆ ਕੀਮਤੀ ਸਾਮਾਨ ਬਾਹਰ ਕੱਢ ਲੈਂਦੇ ਹਨ। ਇਹ ਘਟਨਾ ਕਿਸੇ ਇਕ ਟਰਾਂਸਪੋਰਟ ਦੀ ਨਹੀਂ ਸਗੋਂ ਇਸ ਨਾਲ ਵੱਡੀ ਗਿਣਤੀ ਵਿਚ ਟਰਾਂਸਪੋਰਟਰ ਪ੍ਰਭਾਵਿਤ ਹੋ ਰਹੇ ਹਨ। ਦਰਜਨ ਦੇ ਕਰੀਬ ਟਰਾਂਸਪੋਰਟਰ ਹੁਣ ਮੀਡੀਆ ਸਾਹਮਣੇ ਆ ਚੁੱਕੇ ਹਨ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਨਿਊ ਜਵਾਲਾਜੀ ਟਰਾਂਸਪੋਰਟ ਦੇ ਮਾਲਕ ਮਹੇਸ਼ ਕੁਮਾਰ ਭਾਰਦਵਾਜ ਨੇ ਦੱਸਿਆ ਕਿ ਇਨ੍ਹਾਂ ਚੋਰਾਂ ਦੇ ਹੌਂਸਲੇ ਇੰਨੇ ਵਧ ਗਏ ਹਨ ਕਿ ਉਹ ਚੱਲਦੇ ਟਰੱਕ ਦੇ ਉੱਪਰ ਚੜ੍ਹ ਜਾਂਦੇ ਹਨ। ਇਨ੍ਹਾਂ ਦੇ ਹੱਥ ਐਨੇ ਸਾਫ਼ ਹੁੰਦੇ ਹਨ ਕਿ ਟਰੱਕ ਵਿਚ ਬੈਠੇ ਡਰਾਈਵਰ ਨੂੰ ਵੀ ਪਤਾ ਨਹੀਂ ਲੱਗਦਾ ਅਤੇ ਉਪਰੋਂ ਉਹ ਟਰੱਕਾਂ ਵਿੱਚੋਂ ਸਾਮਾਨ ਚੁੱਕ ਕੇ ਹੇਠਾਂ ਸੁੱਟ ਦਿੰਦੇ ਹਨ ਅਤੇ ਅੱਗੇ ਖੜ੍ਹੇ ਉਨ੍ਹਾਂ ਦੇ ਸਾਥੀ ਸੁੱਟੇ ਹੋਏ ਨਗਾਂ ਨੂੰ ਗਾਇਬ ਕਰ ਦਿੰਦੇ ਹਨ। ਇਸ ਕਾਰਨ ਵਪਾਰੀਆਂ ਨੂੰ ਭਾਰੀ ਨੁਕਸਾਨ ਹੋ ਰਿਹਾ ਹੈ ਅਤੇ ਟਰਾਂਸਪੋਰਟਰਾਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਸ਼ਹਿਰ ਦੇ ਵੱਡੀ ਗਿਣਤੀ ਟਰਾਂਸਪੋਰਟਰ ਇਨ੍ਹਾਂ ਚੋਰਾਂ ਤੋਂ ਪ੍ਰੇਸ਼ਾਨ ਹਨ।
ਇਹ ਵੀ ਪੜ੍ਹੋ- ਪੰਜਾਬ 'ਚ 18 ਜਨਵਰੀ ਨੂੰ ਛੁੱਟੀ ਦਾ ਐਲਾਨ!
ਖੜ੍ਹੇ ਟਰੱਕਾਂ ਦੇ ਕੰਪਲੀਟ ਟਾਇਰ ਕਰ ਲੈਂਦੇ ਹਨ ਚੋਰੀ
ਚੋਰਾਂ ਦੀ ਅਗਲੀ ਕਾਰਵਾਈ ਵਿਚ ਜਦੋਂ ਉਨ੍ਹਾਂ ਨੂੰ ਦਿਹਾਤੀ ਖੇਤਰ ਵਿਚ ਕੋਈ ਅਜਿਹਾ ਵਾਹਨ ਮਿਲਦਾ ਹੈ ਜਿਸ ਦਾ ਡਰਾਈਵਰ ਨੇੜੇ-ਤੇੜੇ ਨਜ਼ਰ ਨਹੀਂ ਆਉਂਦਾ ਤਾਂ ਉਹ ਟਰੱਕ ਦੇ ਟਾਇਰਾਂ ਅਤੇ ਰਿਮਾਂ ਲਾਹ ਕੇ ਲੈ ਜਾਂਦੇ ਹਨ। ਹਾਲ ਹੀ ਵਿਚ ਇੱਕ ਟਰੱਕ ਦੇ ਚਾਰੇ ਪਹੀਏ ਲਾਹ ਦਿੱਤੇ ਗਏ, ਜਿਸ ਕਾਰਨ ਟਰਾਂਸਪੋਰਟਰ ਦਾ ਕਰੀਬ 1 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਇਹ ਲੋਕ ਇੰਨੇ ਖਤਰਨਾਕ ਹੋ ਗਏ ਹਨ ਕਿ ਟਰਾਂਸਪੋਰਟ ਅਦਾਰਿਆਂ ਦੇ ਬਾਹਰ ਖੜ੍ਹੇ ਟਰੱਕਾਂ ਵਿੱਚੋਂ ਡੀਜ਼ਲ ਕੱਢ ਲੈਂਦੇ ਹਨ।
ਕਿਉਂਕਿ ਫਿਊਲ ਟੈਂਕ ਲਾਕ ਹੁੰਦਾ ਹੈ ਇਸ ਲਈ ਇਹ ਟੈਂਕ ਦੇ ਹੇਠਾ ਵਾਲਾ ਨਟ ਰੇਂਚ ਨਾਲ ਖੋਲ੍ਹਕੇ ਉਸ ਵਿਚੋਂ ਤੇਲ ਕੈਨਾਂ ਵਿਚ ਭਰ ਕੇ ਲੈ ਜਾਂਦੇ ਹਨ। ਸਵੇਰੇ ਜਦੋਂ ਡਰਾਈਵਰ ਟਰੱਕ ਦੇ ਸੈਲਫ ਮਾਰਦਾ ਹੈ ਤਾਂ ਗੱਡੀ ਸਟਾਰਟ ਨਹੀਂ ਹੁੰਦੀ। ਇਕ ਔਸਤ ਟਰੱਕ ਦੇ ਫਿਊਲ ਟੈਂਕ ਦੀ ਸਮਰੱਥਾ 300 ਲੀਟਰ ਡੀਜ਼ਲ ਹੈ, ਜਿਸ ਦੀ ਕੀਮਤ ਲਗਭਗ 25-26 ਹਜ਼ਾਰ ਰੁਪਏ ਹੈ।
ਇਹ ਵੀ ਪੜ੍ਹੋ- ਵੱਡੀ ਵਾਰਦਾਤ ਨਾਲ ਦਹਿਲਿਆ ਪੰਜਾਬ, ਆੜ੍ਹਤੀ ਦਾ ਸ਼ਰੇਆਮ ਗੋਲ਼ੀਆਂ ਮਾਰ ਕੇ ਕਤਲ
15 ਮਿੰਟਾਂ ਵਿਚ ਉਤਾਰ ਲੈਂਦੇ ਹਨ ਟਰੱਕ ਦੇ ਚਾਰੋ ਟਾਇਰ
ਚੋਰਾਂ ਦੀ ਚੁਸਤੀ ਇੰਨੀ ਹੈ ਕਿ ਜੇਕਰ ਇਨ੍ਹਾਂ ’ਚੋਂ ਦੋ ਹੀ ਹੋਣ ਤਾਂ ਵੀ ਉਹ 15 ਤੋਂ 20 ਮਿੰਟਾਂ ’ਚ ਹੀ ਟਰੱਕ ਦੇ ਚਾਰ ਪਹੀਏ ਉਤਾਰ ਲੈਂਦੇ ਹਨ। ਇਸ ਤੋਂ ਬਾਅਦ ਟਰੱਕ ਦੀ ਚੈਸੀ ਦੇ ਹੇਠਾਂ ਇੱਟਾਂ ਰੱਖੀਆਂ ਜਾਂਦੀਆਂ ਹਨ ਅਤੇ ਜੈੱਕ ਵੀ ਹਟਾ ਦਿੱਤਾ ਜਾਂਦਾ ਹੈ।ਇਸੇ ਤਰ੍ਹਾਂ ਫਿਊਲ ਕੱਢਣ ’ਚ ਸਿਰਫ 3 ਤੋਂ 4 ਮਿੰਟ ਲੱਗਦੇ ਹਨ। ਕੈਨੀ ਭਰਨ ਤੋਂ ਬਾਅਦ ਨਟ ਅਤੇ ਬੋਲਟ ਢਿੱਲੇ ਰਹਿ ਜਾਂਦੇ ਹਨ, ਜਿਸ ਕਾਰਨ ਬਚਿਆ ਹੋਇਆ ਤੇਲ ਵੀ ਨਾਲੀਆਂ ਵਿਚ ਡਿੱਗ ਜਾਂਦਾ ਹੈ।
ਟਰਾਂਸਪੋਰਟਰਾਂ ਨੇ ਦੱਸਿਆ ਕਿ ਜਦੋਂ ਟਰੱਕ ਸੜਕ ’ਤੇ ਜਾ ਰਿਹਾ ਹੁੰਦਾ ਹੈ ਤਾਂ ਜਿਵੇਂ ਹੀ ਡਰਾਈਵਰ ਕਿਸੇ ਵੀ ਥਾਂ ’ਤੇ ਵਾਹਨ ਨੂੰ ਹੌਲੀ ਕਰਦਾ ਹੈ ਤਾਂ ਚੋਰ ਤੁਰੰਤ ਛੱਤ ’ਤੇ ਚੜ੍ਹ ਜਾਂਦੇ ਹਨ ਅਤੇ ਉੱਪਰੋਂ ਸਾਮਾਨ ਸੁੱਟਣਾ ਸ਼ੁਰੂ ਕਰ ਦਿੰਦੇ ਹਨ। ਇਸ ਦੌਰਾਨ ਜੇਕਰ ਡਰਾਈਵਰ ਨੂੰ ਚੋਰ ਦਾ ਪਤਾ ਲੱਗ ਜਾਂਦਾ ਹੈ ਅਤੇ ਉਹ ਟਰੱਕ ਨੂੰ ਰੋਕਦਾ ਹੈ ਤਾਂ ਚੋਰ ਛਾਲ ਮਾਰ ਕੇ ਡਰਾਈਵਰ ਤੋਂ ਪਹਿਲਾਂ ਹੀ ਬਾਈਕ ’ਤੇ ਭੱਜ ਜਾਂਦਾ ਹੈ ਅਤੇ ਆਟੋ ਚਾਲਕ ਸੁੱਟਿਆ ਸਾਮਾਨ ਦੂਜੇ ਪਾਸੇ ਲੈ ਜਾਂਦਾ ਹੈ। ਅਜਿਹੇ ’ਚ ਟਰੱਕ ਡਰਾਈਵਰ ਉਲਝਣ ’ਚ ਪੈ ਜਾਂਦੇ ਹਨ ਕਿ ਸਾਮਾਨ ਲੈ ਕੇ ਜਾ ਰਹੇ ਆਟੋ ਦਾ ਪਿੱਛਾ ਕਰਨਾ ਹੈ ਜਾਂ ਬਾਈਕ ’ਤੇ ਫਰਾਰ ਹੋਏ ਚੋਰਾਂ ਦਾ ਪਿੱਛਾ ਕਰਨਾ ਹੈ ਕਿਉਂਕਿ ਦੋਵਾਂ ਦੇ ਰਸਤੇ ਵੱਖ-ਵੱਖ ਹਨ।
ਇਹ ਵੀ ਪੜ੍ਹੋ- ਸਵਾਰੀਆਂ ਨਾਲ ਭਰੀ ਬੱਸ ਦਾ ਸਟੇਅਰਿੰਗ ਹੋਇਆ ਫੇਲ੍ਹ, ਦਰਖਤਾਂ ਨੂੰ ਤੋੜਦੀ ਗਈ ਬੱਸ, ਉੱਡੇ ਪਰਖੱਚੇ
ਟਰਾਂਸਪੋਰਟਰਾਂ ਦੀ ਮੰਗ, ਵਧਾਈ ਜਾਵੇ ਸੁਰੱਖਿਆ
ਇਸ ਸਬੰਧੀ ਸ਼ਹਿਰ ਦੇ ਉੱਘੇ ਟਰਾਂਸਪੋਰਟਰਾਂ ਜਵਾਲਾਜੀ ਟਰਾਂਸਪੋਰਟ ਤੋਂ ਸੁਦਰਸ਼ਨ ਭਾਰਦਵਾਜ, ਨਿਊ ਜਵਾਲਾਜੀ ਟਰਾਂਸਪੋਰਟ ਤੋਂ ਮਹੇਸ਼ ਭਾਰਦਵਾਜ, ਬੱਬੂ ਹਿਮਾਚਲ ਟਰਾਂਸਪੋਰਟ ਤੋਂ ਮਨਿੰਦਰ ਸਿੰਘ ਠਾਕੁਰ, ਪੰਜਾਬ ਹਿਮਾਚਲ ਟਰਾਂਸਪੋਰਟ ਤੋਂ ਗੁਰਨਾਮ ਸਿੰਘ, ਨਿਊ ਗੁਰਦਾਸਪੁਰ ਟਰਾਂਸਪੋਰਟ ਤੋਂ ਦਰਜਨਾਂ ਟਰਾਂਸਪੋਰਟਰਾਂ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਟਰਾਂਸਪੋਰਟ ਨਾਲ ਸਬੰਧਤ ਵੱਖ-ਵੱਖ ਖੇਤਰਾਂ ਵਿੱਚ ਸ਼ਹਿਰ ਦੀ ਸੁਰੱਖਿਆ ਵਧਾਈ ਜਾਵੇ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਚੋਰਾਂ ਨੂੰ ਕਾਬੂ ਕੀਤਾ ਜਾਵੇ ਅਤੇ ਤਹਿ ਤੱਕ ਪਹੁੰਚ ਕੀਤੀ ਜਾਵੇ ਕਿ ਚੋਰੀ ਦਾ ਸਾਮਾਨ ਕੌਣ ਖਰੀਦਦਾ ਹੈ?
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
16 ਜਨਵਰੀ ਨੂੰ ਬੰਦ ਹੋ ਜਾਵੇਗਾ Internet! ਪੂਰੀ ਦੁਨੀਆ ਹੋ ਜਾਵੇਗੀ ਠੱਪ
NEXT STORY 
