ਸਪੋਰਟਸ ਡੈਸਕ- ਭਾਰਤ ਦੇ ਸਾਬਕਾ ਧਾਕਾੜ ਆਫ ਸਪਿਨਰ ਰਵੀਚੰਦਰਨ ਅਸ਼ਵਿਨ ਨੇ ਦੱਖਣੀ ਅਫਰੀਕਾ ਖਿਲਾਫ ਘਰੇਲੂ ਟੈਸਟ ਲੜੀ ’ਚ 0-2 ਨਾਲ ਮਿਲੀ ਹਾਰ ਤੋਂ ਬਾਅਦ ਆਲੋਚਨਾਵਾਂ ਨਾਲ ਘਿਰੀ ਭਾਰਤੀ ਟੀਮ ਦੇ ਮੁੱਖ ਕੋਚ ਗੌਤਮ ਗੰਭੀਰ ਦਾ ਬਚਾਅ ਕਰਦੇ ਹੋਏ ਕਿਹਾ ਕਿ ਇਸ ਤਰ੍ਹਾਂ ਦੇ ਸਮੇਂ ਉਸ ਨੂੰ ਬਰਖਾਸਤ ਕਰਨ ਦੀ ਮੰਗ ਕਰਨੀ ਸਹੀ ਨਹੀਂ ਹੈ, ਜਦੋਂ ਖਿਡਾਰੀਆਂ ਨੇ ਲੋੜੀਂਦੀ ਜ਼ਿੰਮੇਵਾਰੀ ਨਹੀਂ ਚੁੱਕੀ ਹੈ। ਭਾਰਤ ਨੂੰ ਗੁਹਾਟੀ ’ਚ ਖਤਮ ਹੋਏ ਦੂਸਰੇ ਟੈਸਟ ਮੈਚ ’ਚ ਰਿਕਾਰਡ 408 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਗੰਭੀਰ ਦੀ ਆਲੋਚਨਾ ਟੀਮ ’ਚ ਵੱਧ ਤੋਂ ਵੱਧ ਆਲਰਾਊਂਡਰ ਸ਼ਾਮਿਲ ਕਰਨ ਨੂੰ ਲੈ ਕੇ ਹੋ ਰਹੀ ਹੈ, ਜਿਸ ਨਾਲ ਟੀਮ ਦਾ ਸੰਤੁਲਨ ਪ੍ਰਭਾਵਿਤ ਹੋ ਰਿਹਾ ਹੈ। ਅਸ਼ਵਿਨ ਨੇ ਹਾਲਾਂਕਿ ਇਸ ਸਾਬਕਾ ਸਲਾਮੀ ਬੱਲੇਬਾਜ਼ ਦਾ ਸਮਰਥਣ ਕਰਦਿਆਂ ਕਿਹਾ ਕਿ ਉਸ ਨੂੰ ਹਟਾਇਆ ਨਹੀਂ ਜਾਣਾ ਚਾਹੀਦਾ। ਗੰਭੀਰ ਦਾ ਕਾਰਜਕਾਲ 2027 ਤੱਕ ਹੈ।
ਅਸ਼ਵਿਨ ਨੇ ਕਿਹਾ ਕਿ ਅਸੀਂ ਇਸ ਤਰ੍ਹਾਂ ਕਿਉਂ ਕਰ ਰਹੇ ਹਾਂ। ਇਹ ਇਕ ਖੇਡ ਹੈ। ਟੀਮ ਮੈਨੇਜ ਕਰਨੀ ਇਨੀ ਸੌਖੀ ਨਹੀਂ ਹੁੰਦੀ ਅਤੇ ਉਸ ਨੂੰ ਵੀ ਇਸ ਨਤੀਜੇ ਨਾਲ ਨਿਰਾਸ਼ਾ ਹੋਈ ਹੈ। ਸਾਨੂੰ ਇਹ ਸਮਝਣਾ ਹੋਵੇਗਾ। ਕਿਸੇ ਨੂੰ ਬਰਖਾਸਤ ਕਰਨਾ ਚੰਗਾ ਲੱਗ ਸਕਦਾ ਹੈ ਪਰ ਇਸ ਤਰ੍ਹਾਂ ਨਹੀਂ ਹੋਣਾ ਚਾਹੀਦਾ। ਇਹ ਕਿਸੇ ਦਾ ਸਮਰਥਣ ਕਰਨ ਦੀ ਗੱਲ ਨਹੀਂ ਹੈ। ਗੌਤਮ ਮੇਰਾ ਰਿਸ਼ਤੇਦਾਰ ਨਹੀਂ ਹੈ। ਮੈਂ ਵੀ 10 ਗਲਤੀਆਂ ਗਿਣਾ ਸਕਦਾ ਹਾਂ। ਕੋਈ ਵੀ ਗਲਤੀ ਕਰ ਸਕਦਾ ਹੈ ਪਰ ਕਦੇ-ਕਦਾਈਂ ਗਲਤੀਆਂ ਮਹਿੰਗੀਆਂ ਪੈ ਜਾਂਦੀਆਂ ਹਨ।
ਇਹ ਵੀ ਪੜ੍ਹੋ- ਹੁਣ ਸ਼੍ਰੀਲੰਕਾ ਨਾਲ ਮੈਦਾਨ 'ਤੇ ਭਿੜੇਗੀ ਟੀਮ ਇੰਡੀਆ ! 5 ਮੈਚਾਂ ਦੀ ਟੀ-20 ਲੜੀ ਦਾ ਹੋਇਆ ਐਲਾਨ
ਅੰਤਰਰਾਸ਼ਟਰੀ ਕ੍ਰਿਕਟ ਅਤੇ ਆਈ.ਪੀ.ਐੱਲ. ਤੋਂ ਸੰਨਿਆਸ ਲੈ ਚੁੱਕੇ ਅਸ਼ਵਿਨ ਨੇ ਕਿਹਾ ਕਿ ਅਤੀਤ ’ਚ ਭਾਰਤ ਦੇ ਸ਼ਾਨਦਾਰ ਘਰੇਲੂ ਰਿਕਾਰਡ ਨੂੰ ਦੇਖਦੇ ਹੋਏ ਉਹ ਵੀ ਜ਼ਿੰਮੇਵਾਰੀ ਤੈਅ ਕਰਨ ਦੀ ਜ਼ਰੂਰਤ ਨੂੰ ਸਮਝਦਾ ਹੈ ਪਰ ਸਿਰਫ ਕੋਚ ਨੂੰ ਨਿਸ਼ਾਨਾ ਬਣਾਉਣਾ ਅਤੇ ਖਿਡਾਰੀਆਂ ਤੋਂ ਸਵਾਲ ਨਾਲ ਪੁੱਛਣਾ ਠੀਕ ਨਹੀਂ ਹੈ। ਉਸ ਨੇ ਕਿਹਾ ਕਿ ਅਸੀਂ ਜ਼ਿੰਮੇਵਾਰੀ ਤੈਅ ਕਰਨੀ ਚਾਹੁੰਦੇ ਹਾਂ। ਇਹ ਆਸਾਨ ਹੈ ਕਿਉਂਕਿ ਅਸੀਂ ਸਾਰੇ ਜਾਣਦੇ ਹਾਂ ਕਿ ਭਾਰਤੀ ਕ੍ਰਿਕਟ ’ਚ ਬਹੁਤ ਕੁਝ ਹਾਸਲ ਕਰਨ ਲਈ ਹੈ ਅਤੇ ਇਸ ’ਚ ਬਹੁਤ ਸਾਰੀ ਧਨ ਰਾਸ਼ੀ ਵੀ ਸ਼ਾਮਿਲ ਹੈ। ਬਹੁਤ ਸਾਰੇ ਲੋਕ ਇਹ ਅਹੁਦਾ ਹਾਸਲ ਕਰਨਾ ਚਾਹੁੰਦੇ ਹਨ। ਹਮੇਸ਼ਾ ਇਸ ਤਰ੍ਹਾਂ ਦੇ ਲੋਕ ਮੌਜੂਦ ਰਹਿਣਗੇ, ਜੋ ਇਸ ਅਹੁਦੇ ਲਈ ਅਰਜ਼ੀ ਦੇਣੀ ਚਾਹੁਣਗੇ ਪਰ ਸੱਚਾਈ ਇਹ ਹੈ ਕਿ ਇਕ ਕੋਚ ਬੱਲਾ ਚੁੱਕ ਕੇ ਖੇਡਣ ਨਹੀਂ ਜਾ ਸਕਦਾ।
ਅਸ਼ਵਿਨ ਨੇ ਕਿਹਾ ਕਿ ਮੈਂ ਤੁਹਾਨੂੰ ਇਕ ਸੌਖਾ ਜਿਹਾ ਸਵਾਲ ਕਰ ਰਿਹਾ ਹਾਂ ਕਿ ਇਕ ਕੋਚ ਕੀ ਕਰ ਸਕਦਾ ਹੈ ? ਖੁਦ ਨੂੰ ਕੋਚ ਦੀ ਜਗ੍ਹਾ ਰੱਖ ਕੇ ਦੇਖੋ। ਤੁਸੀਂ ਕਹਿ ਸਕਦੇ ਹੋ ਕਿ ਇਕ ਖਿਡਾਰੀ ਨੂੰ ਲਗਾਤਾਰਤਾ ਦੀ ਜ਼ਰੂਰਤ ਹੁੰਦੀ ਹੈ ਅਤੇ ਇਸ ’ਚ ਕਾਫੀ ਬਦਲਾਅ ਹੋਏ ਹਨ। ਮੈਂ ਇਸ ਤੋਂ ਸਹਿਮਤ ਹਾਂ ਪਰ ਚੰਗਾ ਪ੍ਰਦਰਸ਼ਨ ਕਰਨ ਦੀ ਜ਼ਿੰਮੇਵਾਰੀ ਖਿਡਾਰੀ ਦੀ ਹੁੰਦੀ ਹੈ। ਮੈਂ ਜ਼ਿਆਦਾ ਖਿਡਾਰੀਆਂ ਨੂੰ ਇੰਨੀ ਜ਼ਿੰਮੇਵਾਰੀ ਲੈਂਦੇ ਨਹੀਂ ਦੇਖਿਆ, ਜਿਸ ਨਾਲ ਕਿ ਮੈਂ ਕਹਿ ਸਕਾਂ ਕਿ ਕੋਚ ਨਾਲ ਹੀ ਕੁਝ ਸਮੱਸਿਆ ਹੈ।
ਖਿਡਾਰੀਆਂ ਨੇ ਵੀ ਕੋਈ ਇਸ ਤਰ੍ਹਾਂ ਦਾ ਪ੍ਰਦਰਸ਼ਨ ਨਹੀਂ ਕੀਤਾ, ਜਿਸ ਨਾਲ ਕਿ ਫੈਸਲਾ ਲੈਣ ਵਾਲੇ ਨੂੰ ਹੀ ਦੋਸ਼ੀ ਮੰਨਿਆ ਜਾਵੇ। ਇਹ ਸਹੀ ਹੈ ਕਿ ਫੈਸਲਾ ਲੈਣ ਦੀ ਪ੍ਰਕ੍ਰਿਰਿਆ ਹਮੇਸ਼ਾ ਬਿਹਤਰ ਹੋ ਸਕਦਾ ਹੈ ਪਰ ਮੈਨੂੰ ਕਿਸੇ ਨੂੰ ਨਿੱਜੀ ਤੌਰ ’ਤੇ ਨਿਸ਼ਾਨਾ ਬਣਾਉਣਾ ਪਸੰਦ ਨਹੀਂ ਹੈ ਕਿਉਂਕਿ ਅਸੀਂ ਹਮੇਸ਼ਾ ਕਿਸੇ ਨਾਲ ਕਿਸੇ ਨੂੰ ਦੋਸ਼ ਦੇਣ ਦੀ ਕੋਸ਼ਿਸ਼ ’ਚ ਰਹਿੰਦੇ ਹਾਂ।
ਰਾਜ ਕੁੰਦਰਾ ਨੇ 1,000 ਕਰੋੜ ਦੀ ਹਿੱਸੇਦਾਰੀ ਲਈ NCLT ਦਾ ਕੀਤਾ ਰੁਖ਼, ਲਗਾਏ ਗੰਭੀਰ ਦੋਸ਼
NEXT STORY 
