ਮੁੰਬਈ (ਬਿਊਰੋ) : ਟੀਮ ਇੰਡੀਆ ਨੇ ਕੋਲੰਬੋ 'ਚ ਸ਼੍ਰੀਲੰਕਾ 'ਤੇ ਇਤਿਹਾਸਕ ਜਿੱਤ ਦਰਜ ਕਰ ਕੇ ਅੱਠਵਾਂ ਏਸ਼ੀਆ ਕੱਪ (ਏਸ਼ੀਆ ਕੱਪ 2023) ਖਿਤਾਬ ਜਿੱਤ ਲਿਆ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਸ੍ਰੀਲੰਕਾ ਦੀ ਪਾਰੀ ਸਿਰਫ਼ 50 ਦੌੜਾਂ 'ਤੇ ਹੀ ਢਹਿ ਗਈ। ਬਾਅਦ 'ਚ ਟੀਮ ਇੰਡੀਆ ਨੇ ਬਿਨਾਂ ਕੋਈ ਵਿਕਟ ਗੁਆਏ ਸਿਰਫ਼ 6.1 ਓਵਰਾਂ 'ਚ ਹੀ ਟੀਚਾ ਹਾਸਲ ਕਰ ਲਿਆ। ਭਾਰਤ ਦੀ ਇਸ ਜਿੱਤ 'ਚ ਮੁੱਖ ਯੋਗਦਾਨ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਦਾ ਰਿਹਾ। ਸਿਰਾਜ ਨੇ 7 ਓਵਰਾਂ ਦੇ ਸਪੈੱਲ 'ਚ 21 ਦੌੜਾਂ ਦੇ ਕੇ 6 ਬੱਲੇਬਾਜ਼ਾਂ ਨੂੰ ਆਊਟ ਕੀਤਾ।
ਇਹ ਖ਼ਬਰ ਵੀ ਪੜ੍ਹੋ : ਪ੍ਰਸਿੱਧ ਅਦਾਕਾਰਾ ਜ਼ਰੀਨ ਖ਼ਾਨ ਖ਼ਿਲਾਫ਼ ਗ੍ਰਿਫ਼ਤਾਰੀ ਵਾਰੰਟ ਜਾਰੀ, ਜਾਣੋ ਪੂਰਾ ਮਾਮਲਾ
ਮੁਹੰਮਦ ਸਿਰਾਜ ਤੋਂ ਨਾਰਾਜ਼ ਸ਼ਰਧਾ ਕਪੂਰ
ਬਾਲੀਵੁੱਡ ਅਦਾਕਾਰਾ ਸ਼ਰਧਾ ਕਪੂਰ ਮੁਹੰਮਦ ਸਿਰਾਜ ਦੀ ਗੇਂਦਬਾਜ਼ੀ ਤੋਂ ਨਾਰਾਜ਼ ਹੋ ਗਈ ਹੈ। ਇਸ ਦੀ ਇਕ ਸਟੋਰੀ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਸ 'ਚ ਉਸ ਨੇ ਲਿਖਿਆ- ਹੁਣ ਸਿਰਾਜ ਆਪਣੇ ਆਪ ਤੋਂ ਪੁੱਛੋ ਕਿ ਇਸ ਖਾਲੀ ਸਮੇਂ ਦਾ ਕੀ ਕਰਨਾ ਹੈ। ਹਰ ਕ੍ਰਿਕਟ ਪ੍ਰੇਮੀ ਦੀ ਤਰ੍ਹਾਂ, ਸ਼ਰਧਾ ਨੇ ਵੀ ਐਤਵਾਰ ਸ਼ਾਮ ਨੂੰ ਮੈਚ ਦੇਖਣ ਦੀ ਯੋਜਨਾ ਬਣਾਈ ਸੀ ਪਰ ਸਿਰਾਜ ਦੀ ਗੇਂਦਬਾਜ਼ੀ ਨੇ 22ਵੇਂ ਓਵਰ 'ਚ ਹੀ 100 ਓਵਰ ਦਾ ਮੈਚ ਖ਼ਤਮ ਕਰ ਦਿੱਤਾ। ਸ੍ਰੀਲੰਕਾ ਦੀ ਪਾਰੀ 16ਵੀਂ ਪਾਰੀ 'ਚ ਹੀ ਸਮਾਪਤ ਹੋ ਗਈ।
ਸਿਰਾਜ ਨੇ ਇੱਕ ਹੀ ਓਵਰ 'ਚ ਲਈਆਂ 4 ਵਿਕਟਾਂ
ਮੁਹੰਮਦ ਸਿਰਾਜ ਨੇ ਇੱਕ ਹੀ ਓਵਰ 'ਚ ਚਾਰ ਬੱਲੇਬਾਜ਼ਾਂ ਨੂੰ ਆਊਟ ਕੀਤਾ। ਭਾਰਤੀ ਪਾਰੀ ਦੇ ਚੌਥੇ ਅਤੇ ਦੂਜੇ ਓਵਰ 'ਚ ਸਿਰਾਜ ਨੇ ਪਥੁਮ ਨਿਸਾਂਕਾ ਨੂੰ ਪਹਿਲੀ ਗੇਂਦ 'ਤੇ ਵਾਪਸ ਭੇਜ ਦਿੱਤਾ। ਉਦੋਂ ਸਾਦਿਰਾ ਸਮਰਾਵਿਕਰਮਾ ਤੀਜੀ ਗੇਂਦ 'ਤੇ ਐੱਲ. ਬੀ. ਡਬਲਯੂ ਅਤੇ ਚੌਥੀ ਗੇਂਦ 'ਤੇ ਚਰਿਥ ਅਸਾਲੰਕਾ ਆਊਟ ਹੋ ਗਏ। ਮੁਹੰਮਦ ਸਿਰਾਜ ਨੇ ਓਵਰ ਦੀ ਆਖਰੀ ਗੇਂਦ 'ਤੇ ਧਨੰਜਯਾ ਡੀ ਸਿਲਵਾ ਨੂੰ ਵਾਪਸ ਭੇਜ ਦਿੱਤਾ। ਸਿਰਾਜ ਇਕ ਓਵਰ 'ਚ 4 ਵਿਕਟਾਂ ਲੈਣ ਵਾਲੇ ਭਾਰਤ ਦੇ ਪਹਿਲੇ ਗੇਂਦਬਾਜ਼ ਬਣ ਗਏ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਹੰਸ ਪਰਿਵਾਰ ’ਚ ਖ਼ੁਸ਼ੀਆਂ ਨੇ ਮੁੜ ਦਿੱਤੀ ਦਸਤਕ, ਯੁਵਰਾਜ ਦੀ ਪਤਨੀ ਮਾਨਸੀ ਨੇ ਦਿੱਤਾ ਧੀ ਨੂੰ ਜਨਮ
16 ਗੇਂਦਾਂ 'ਚ ਲਈਆਂ 5 ਵਿਕਟਾਂ
ਮੁਹੰਮਦ ਸਿਰਾਜ ਵਨਡੇ ਮੈਚ ਦੇ ਇਕ ਓਵਰ 'ਚ 4 ਵਿਕਟਾਂ ਲੈਣ ਵਾਲੇ ਦੁਨੀਆ ਦੇ ਸਿਰਫ ਚੌਥੇ ਗੇਂਦਬਾਜ਼ ਹਨ। ਇਸ ਨਾਲ ਉਸ ਨੇ ਸਭ ਤੋਂ ਤੇਜ਼ 5 ਵਿਕਟਾਂ ਲੈਣ ਦੇ ਵਿਸ਼ਵ ਰਿਕਾਰਡ ਦੀ ਵੀ ਬਰਾਬਰੀ ਕਰ ਲਈ ਹੈ। ਸਿਰਾਜ ਨੇ ਸਿਰਫ਼ 16 ਗੇਂਦਾਂ 'ਤੇ 5 ਬੱਲੇਬਾਜ਼ਾਂ ਨੂੰ ਆਊਟ ਕੀਤਾ। ਇਸ ਮਾਮਲੇ 'ਚ ਸਿਰਾਜ ਨੇ ਸ਼੍ਰੀਲੰਕਾ ਦੇ ਤੇਜ਼ ਗੇਂਦਬਾਜ਼ ਚਮਿੰਡਾ ਵਾਸ ਦੀ ਬਰਾਬਰੀ ਕੀਤੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਨੋਰਟਜੇ ਅਤੇ ਮਗਾਲਾ ਹੋ ਸਕਦੇ ਹਨ ਵਿਸ਼ਵ ਕੱਪ ਟੀਮ ਤੋਂ ਬਾਹਰ, ਇਸ ਹਫਤੇ ਹੋਵੇਗਾ ਫਿਟਨੈੱਸ ਟੈਸਟ
NEXT STORY 
