ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰ ਸੁਨੀਲ ਸ਼ੈੱਟੀ ਦੀ ਧੀ ਆਥੀਆ ਸ਼ੈੱਟੀ ਅਤੇ ਕ੍ਰਿਕਟਰ ਕੇ. ਐੱਲ. ਰਾਹੁਲ ਵਿਆਹ 23 ਜਨਵਰੀ ਨੂੰ ਵਿਆਹ ਦੇ ਬੰਧਨ 'ਚ ਬੱਝੇ ਹਨ। ਹੁਣ ਇਸ ਜੋੜੇ ਦੀਆਂ ਵਿਆਹ ਅਤੇ ਪ੍ਰੀ-ਵੈਡਿੰਗ ਫੰਕਸ਼ਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਵਾਇਰਲ ਹੋ ਰਹੀਆਂ ਹਨ। ਇਸੇ ਦੌਰਾਨ ਆਥੀਆ ਸ਼ੈੱਟੀ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਹ ਇੱਕ ਸੈਲੂਨ ਤੋਂ ਬਾਹਰ ਨਿਕਲਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ਨੂੰ ਲੈ ਕੇ ਕੇ. ਐੱਲ. ਰਾਹੁਲ ਦੀ ਪਤਨੀ ਆਥੀਆ ਸ਼ੈੱਟੀ ਨੂੰ ਖੂਬ ਟ੍ਰੋਲ ਕੀਤਾ ਜਾ ਰਿਹਾ ਹੈ।
ਕਿਉਂ ਹੋ ਰਹੀ ਹੈ ਟਰੋਲ
ਕਾਰਨ ਇਹ ਹੈ ਕਿ ਵਿਆਹ ਦੇ ਕੁਝ ਦਿਨਾਂ ਬਾਅਦ ਹੀ ਆਥੀਆ ਸ਼ੈੱਟੀ ਬਿਨਾਂ ਮੰਗਲਸੂਤਰ ਅਤੇ ਸਿੰਦੂਰ ਦੇ ਨਜ਼ਰ ਆਈ। ਇਸ ਵੀਡੀਓ 'ਚ ਆਥੀਆ ਪੂਰੀ ਤਰ੍ਹਾਂ ਕੈਜ਼ੂਅਲ ਲੁੱਕ 'ਚ ਦਿਖਾਈ ਦੇ ਰਹੀ ਹੈ ਅਤੇ ਪਪਰਾਜ਼ੀ ਵੱਲ ਧਿਆਨ ਦਿੱਤੇ ਬਿਨਾਂ ਹੀ ਸਿੱਧੀ ਕਾਰ 'ਚ ਜਾ ਕੇ ਬੈਠ ਜਾਂਦੀ ਹੈ। ਖੁੱਲ੍ਹੇ ਵਾਲਾਂ 'ਚ ਆਥੀਆ ਸ਼ੈੱਟੀ ਦਾ ਇਹ ਸਧਾਰਨ ਲੁੱਕ ਉਸ ਦੀ ਟ੍ਰੋਲਿੰਗ ਦਾ ਕਾਰਨ ਬਣ ਗਿਆ ਹੈ। ਇੱਕ ਯੂਜ਼ਰ ਨੇ ਟਿੱਪਣੀ ਕੀਤੀ, 'ਰਵੱਈਆ ਦੇਖੋ, ਤੁਸੀਂ ਉਨ੍ਹਾਂ ਨੂੰ ਕਿਉਂ ਫਾਲੋ ਕਰਦੇ ਹੋ…ਇਸ ਨੂੰ ਨਜ਼ਰਅੰਦਾਜ਼ ਕਰੋ ਕੀਮਤਾਂ ਆਪਣੇ-ਆਪ ਹੇਠਾਂ ਆ ਜਾਣਗੀਆਂ।'
ਸਿਰਫ਼ ਫੋਟੋਸ਼ੂਟ ਲਈ ਪਹਿਨਿਆ ਜਾਂਦਾ ਹੈ ਮੰਗਲਸੂਤਰ?
ਇਸੇ ਤਰ੍ਹਾਂ ਇੱਕ ਯੂਜ਼ਰ ਨੇ ਟਿੱਪਣੀ ਕੀਤੀ, 'ਵਿਆਹ ਤੋਂ ਬਾਅਦ ਉਸ ਦੀ ਸੱਸ ਉਸ ਨੂੰ ਸਿੰਦੂਰ, ਮੰਗਲਸੂਤਰ, ਸਾੜ੍ਹੀ, ਪਾਉਣ ਲਈ ਨਹੀਂ ਕਹਿੰਦੀ'? ਇੱਕ ਟਰੋਲ ਨੇ ਲਿਖਿਆ- 'ਸਿੰਦੂਰ ਮੰਗਲਸੂਤਰ ਸਭ ਗਾਇਬ ਹੈ, ਇਹ ਸਿਰਫ਼ ਫੋਟੋਸ਼ੂਟ ਲਈ ਸੀ।' ਇੱਕ ਹੋਰ ਯੂਜ਼ਰ ਨੇ ਅਦਾਕਾਰਾ ਦੇ ਰਵੱਈਆ ਨੂੰ ਲੈ ਕੇ ਟਿੱਪਣੀ ਵੀ ਕੀਤੀ ਹੈ। ਉਸ ਨੇ ਲਿਖਿਆ ਹੈ- 'Attitude dekho…'। ਇੱਕ ਵਿਅਕਤੀ ਨੇ ਲਿਖਿਆ- 'ਪਹਿਲਾਂ ਕੋਈ ਦਿਲਚਸਪੀ ਨਹੀਂ ਦਿੰਦਾ ਸੀ ਅਤੇ ਹੁਣ ਉਹ ਸਾਰਾ ਧਿਆਨ ਫਲਾਪ ਅਦਾਕਾਰਾ 'ਤੇ ਦੇ ਰਹੇ ਹਨ।' ਇਸੇ ਤਰ੍ਹਾਂ ਕਈ ਯੂਜ਼ਰਸ ਨੇ ਆਥੀਆ ਸ਼ੈੱਟੀ ਨੂੰ ਟ੍ਰੋਲ ਕੀਤਾ ਹੈ। ਉਨ੍ਹਾਂ ਦੇ ਇਸ ਵੀਡੀਓ 'ਤੇ ਅਜਿਹੇ ਕਈ ਕੁਮੈਂਟਸ ਆਏ ਹਨ।
ਵਿਆਹ ਤੋਂ ਬਾਅਦ ਜੋੜੇ ਨੇ ਮੀਡੀਆ ਨੂੰ ਵੰਡੀ ਸੀ ਮਠਿਆਈ
ਸੁਨੀਲ ਸ਼ੈੱਟੀ ਨੇ ਆਥੀਆ ਅਤੇ ਕੇ. ਐੱਲ. ਰਾਹੁਲ ਦੇ ਵਿਆਹ ਤੋਂ ਬਾਅਦ ਮੀਡੀਆ ਨੂੰ ਮਠਿਆਈ ਵੰਡੀ ਸੀ। ਇਸ ਦੌਰਾਨ ਸੁਨੀਲ ਨੇ ਫੋਟੋਗ੍ਰਾਫਰਾਂ ਨਾਲ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਦੇ ਆਸ਼ੀਰਵਾਦ ਲਈ ਧੰਨਵਾਦ ਕੀਤਾ। ਸੁਨੀਲ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਜੋੜੇ ਦੇ ਵਿਆਹ ਦੀ ਰਿਸੈਪਸ਼ਨ IPL ਸੀਜ਼ਨ ਤੋਂ ਬਾਅਦ ਹੋਵੇਗੀ।
ਸਾਂਝੀਆਂ ਕੀਤੀਆਂ ਰਸਮਾਂ ਦੀਆਂ ਤਸਵੀਰਾਂ
ਬੀਤੀ ਰਾਤ ਆਥੀਆ ਅਤੇ ਕੇ. ਐੱਲ. ਨੇ ਆਪਣੇ ਸੰਗੀਤ ਸਮਾਰੋਹ ਦੀਆਂ ਕੁਝ ਅਣਦੇਖੀਆਂ ਤਸਵੀਰਾਂ ਇੰਸਟਾਗ੍ਰਾਮ 'ਤੇ ਪ੍ਰਸ਼ੰਸਕਾਂ ਨਾਲ ਸਾਂਝੀਆਂ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਦੇਖ ਕੇ ਸਾਫ਼ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਸੰਗੀਤ ਸਮਾਰੋਹ ਦੀਆਂ ਹਨ। ਇਸ ਦੌਰਾਨ ਅਦਾਕਾਰਾ ਵਾਈਟ ਕਲਰ ਦੇ ਪਹਿਰਾਵੇ 'ਚ ਨਜ਼ਰ ਆ ਰਹੀ ਹੈ। ਉੱਥੇ ਹੀ, ਕੇ. ਐੱਲ. ਰਾਹੁਲ ਇੱਕ ਆਫ-ਵ੍ਹਾਈਟ ਕੁੜਤੇ ਪਜਾਮੇ 'ਚ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਅਦਾਕਾਰ ਸੁਨੀਲ ਸ਼ੈੱਟੀ ਨੇ ਵੀ ਖੂਬ ਡਾਂਸ ਕੀਤਾ। ਇਕ ਤਸਵੀਰ 'ਚ ਆਥੀਆ ਆਪਣੇ ਪਤੀ ਰਾਹੁਲ ਨਾਲ ਮਹਿੰਦੀ ਲੱਗੇ ਹੱਥਾਂ ਨਾਲ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ ਅਤੇ ਉਥੇ ਹੀ ਦੂਜੀ ਤਸਵੀਰ 'ਚ ਰਾਹੁਲ ਆਪਣੀ ਪਤਨੀ ਦੀ ਗੱਲ੍ਹ ਖਿੱਚਦੇ ਹੋਏ ਨਜ਼ਰ ਆ ਰਹੇ ਹਨ। ਇਸੇ ਤਰ੍ਹਾਂ ਇਕ ਹੋਰ ਤਸਵੀਰ 'ਚ ਆਥੀਆ ਅਤੇ ਰਾਹੁਲ ਡਾਂਸ ਫਲੋਰ 'ਤੇ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ।
KL ਰਾਹੁਲ-ਆਥੀਆ ਸੰਗੀਤ ਸਮਾਰੋਹ: ਡਾਂਸ ਕਰਦਾ ਨਜ਼ਰ ਆਇਆ ਜੋੜਾ, ਸੁਨੀਲ ਸ਼ੈੱਟੀ ਨੇ ਵੀ ਲਾਏ ਠੁਮਕੇ
NEXT STORY 
