ਢਾਕਾ/ਦੁਬਈ : ਬੰਗਲਾਦੇਸ਼ ਕ੍ਰਿਕਟ ਬੋਰਡ (BCB) ਨੇ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਹੈ ਕਿ ਉਹ ਆਗਾਮੀ ਟੀ-20 ਵਿਸ਼ਵ ਕੱਪ ਵਿੱਚ ਬੰਗਲਾਦੇਸ਼ ਦੀ ਜਗ੍ਹਾ ਸਕਾਟਲੈਂਡ ਨੂੰ ਸ਼ਾਮਲ ਕਰਨ ਦੇ ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ (ICC) ਦੇ ਫੈਸਲੇ ਨੂੰ ਚੁਣੌਤੀ ਨਹੀਂ ਦੇਵੇਗਾ। ਬੀਸੀਬੀ ਦੀ ਮੀਡੀਆ ਕਮੇਟੀ ਦੇ ਚੇਅਰਮੈਨ ਅਮਜਦ ਹੁਸੈਨ ਨੇ ਸ਼ਨੀਵਾਰ ਨੂੰ ਢਾਕਾ ਵਿੱਚ ਹੋਈ ਬੋਰਡ ਮੀਟਿੰਗ ਤੋਂ ਬਾਅਦ ਸਪੱਸ਼ਟ ਕੀਤਾ ਕਿ ਬੋਰਡ ਨੇ ਆਈਸੀਸੀ ਦੇ ਫੈਸਲੇ ਨੂੰ ਪ੍ਰਵਾਨ ਕਰ ਲਿਆ ਹੈ।
ਭਾਰਤ ਵਿੱਚ ਸੁਰੱਖਿਆ ਚਿੰਤਾਵਾਂ ਬਣੀਆਂ ਮੁੱਖ ਕਾਰਨ
ਬੰਗਲਾਦੇਸ਼ ਸਰਕਾਰ ਦੀ ਕੈਬਨਿਟ ਮੀਟਿੰਗ ਵਿੱਚ ਇਹ ਫੈਸਲਾ ਲਿਆ ਗਿਆ ਸੀ ਕਿ ਖਿਡਾਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਬਣੀ ਚਿੰਤਾ ਕਾਰਨ ਟੀਮ ਭਾਰਤ ਨਹੀਂ ਜਾਵੇਗੀ। ਬੀਸੀਬੀ ਨੇ ਆਈਸੀਸੀ ਨੂੰ ਮੈਚ ਸ੍ਰੀਲੰਕਾ ਵਿੱਚ ਤਬਦੀਲ ਕਰਨ ਦੀ ਬੇਨਤੀ ਕੀਤੀ ਸੀ, ਪਰ ਆਈਸੀਸੀ ਨੇ ਇਸ ਨੂੰ ਰੱਦ ਕਰਦਿਆਂ ਸਾਫ਼ ਕਰ ਦਿੱਤਾ ਸੀ ਕਿ ਜੇਕਰ ਬੰਗਲਾਦੇਸ਼ ਭਾਰਤ ਨਹੀਂ ਆ ਸਕਦਾ, ਤਾਂ ਉਸ ਦੀ ਜਗ੍ਹਾ ਕਿਸੇ ਹੋਰ ਟੀਮ ਨੂੰ ਦਿੱਤੀ ਜਾਵੇਗੀ। ਅਮਜਦ ਹੁਸੈਨ ਨੇ ਦੱਸਿਆ ਕਿ ਆਈਸੀਸੀ ਵੱਲੋਂ ਮਿਲੇ 24 ਘੰਟਿਆਂ ਦੇ ਅਲਟੀਮੇਟਮ ਤੋਂ ਬਾਅਦ ਬੋਰਡ ਨੇ ਨਿਰਧਾਰਿਤ ਫਿਕਸਚਰ ਅਨੁਸਾਰ ਖੇਡਣ ਤੋਂ ਅਸਮਰੱਥਾ ਜਤਾਈ ਸੀ, ਜਿਸ ਤੋਂ ਬਾਅਦ ਕੁਆਲੀਫਿਕੇਸ਼ਨ ਟੇਬਲ ਵਿੱਚ ਅਗਲੀ ਟੀਮ ਹੋਣ ਕਾਰਨ ਸਕਾਟਲੈਂਡ ਨੂੰ ਮੌਕਾ ਦਿੱਤਾ ਗਿਆ।
ਬੋਰਡ ਵਿੱਚ ਅਸਤੀਫ਼ੇ ਅਤੇ ਹੋਰ ਬਦਲਾਅ
ਇਸ ਮਹੱਤਵਪੂਰਨ ਮੀਟਿੰਗ ਦੌਰਾਨ ਇੱਕ ਹੋਰ ਵੱਡੀ ਖ਼ਬਰ ਸਾਹਮਣੇ ਆਈ ਕਿ ਬੀਸੀਬੀ ਦੇ ਡਾਇਰੈਕਟਰ ਇਸ਼ਤੀਆਕ ਸਾਦਿਕ ਨੇ ਨਿੱਜੀ ਕਾਰਨਾਂ ਕਰਕੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਬੋਰਡ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਉਹ ਹੁਣ ਇਸ ਮਾਮਲੇ ਵਿੱਚ ਕਿਸੇ ਕਿਸਮ ਦੀ ਆਰਬਿਟਰੇਸ਼ਨ (ਸਾਲਸੀ) ਜਾਂ ਕਾਨੂੰਨੀ ਕਾਰਵਾਈ ਲਈ ਨਹੀਂ ਜਾਵੇਗਾ।
ਵੱਡੀ ਖਬਰ : ਮਸ਼ਹੂਰ ਕ੍ਰਿਕਟਰ ਦੇ ਪੁੱਤਰ ਨੇ ਰੋਲ਼ੀ ਘਰ ਦੀ ਨੌਕਰਾਣੀ ਦੀ ਪੱਤ! FIR ਦਰਜ
NEXT STORY 
