ਸਪੋਰਟਸ ਡੈਸਕ- ਇੰਗਲੈਂਡ ਅਤੇ ਵੇਲਜ਼ ਕ੍ਰਿਕਟ ਬੋਰਡ ਨੇ ਆਪਣੇ 16 ਚੋਟੀ ਦੇ ਖਿਡਾਰੀਆਂ ਵਿਰੁੱਧ ਸਖ਼ਤ ਕਾਰਵਾਈ ਕਰਦਿਆਂ ਉਨ੍ਹਾਂ ਦੇ ਮੀਡੀਆ ਨਾਲ ਗੱਲਬਾਤ ਕਰਨ 'ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਹੈ। ਇਹ ਫੈਸਲਾ ਆਸਟ੍ਰੇਲੀਆ ਵਿੱਚ ਹੋਈ ਏਸ਼ੇਜ਼ ਸੀਰੀਜ਼ ਵਿੱਚ ਇੰਗਲੈਂਡ ਦੇ ਬੇਹੱਦ ਨਿਰਾਸ਼ਾਜਨਕ ਪ੍ਰਦਰਸ਼ਨ ਅਤੇ ਮੈਦਾਨ ਤੋਂ ਬਾਹਰ ਹੋਏ ਵਿਵਾਦਾਂ ਤੋਂ ਬਾਅਦ ਲਿਆ ਗਿਆ ਹੈ।
ਸਾਲ 2025-26 ਦੀ ਏਸ਼ੇਜ਼ ਸੀਰੀਜ਼ ਵਿੱਚ ਇੰਗਲੈਂਡ ਨੂੰ ਆਸਟ੍ਰੇਲੀਆ ਹੱਥੋਂ 4-1 ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਹਾਰ ਤੋਂ ਇਲਾਵਾ, ਖਿਡਾਰੀਆਂ ਨਾਲ ਜੁੜੀਆਂ ਕਈ ਵਿਵਾਦਿਤ ਘਟਨਾਵਾਂ ਨੇ ਇੰਗਲੈਂਡ ਕ੍ਰਿਕਟ ਦੀ ਕਾਫੀ ਬਦਨਾਮੀ ਕਰਵਾਈ ਸੀ। ਇਸ ਤੋਂ ਪਹਿਲਾਂ ਨਿਊਜ਼ੀਲੈਂਡ ਦੌਰੇ ਦੌਰਾਨ ਹੈਰੀ ਬਰੂਕ ਦੀ ਇੱਕ ਬਾਊਂਸਰ ਨਾਲ ਕੁੱਟਮਾਰ ਦੀ ਘਟਨਾ ਨੇ ਵੀ ਬੋਰਡ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਸਨ। ECB ਦਾ ਮੰਨਣਾ ਹੈ ਕਿ ਜੇਕਰ ਖਿਡਾਰੀ ਮੀਡੀਆ ਵਿੱਚ ਬਿਆਨਬਾਜ਼ੀ ਕਰਨਗੇ ਤਾਂ ਵਿਵਾਦ ਹੋਰ ਵਧ ਸਕਦਾ ਹੈ, ਇਸ ਲਈ ਇਸ ਨੂੰ ਰੋਕਣ ਲਈ ਇਹ ਪਾਬੰਦੀ ਲਗਾਈ ਗਈ ਹੈ।
ਇਹ ਵੀ ਪੜ੍ਹੋ- IPL 2026 ਲਈ BCCI ਦਾ ਨਵਾਂ 'ਫਰਮਾਨ', ਇਸ ਚੀਜ਼ 'ਤੇ ਲਾਇਆ ਬੈਨ
ਬੋਰਡ ਨੇ ਉਨ੍ਹਾਂ ਸਾਰੇ 16 ਖਿਡਾਰੀਆਂ 'ਤੇ ਪਾਬੰਦੀ ਲਗਾਈ ਹੈ ਹੈ ਜੋ ਏਸ਼ੇਜ਼ ਸੀਰੀਜ਼ ਦਾ ਹਿੱਸਾ ਸਨ ਅਤੇ ਬੋਰਡ ਦੇ ਕੇਂਦਰੀ ਕਰਾਰ ਤਹਿਤ ਜੁੜੇ ਹੋਏ ਹਨ। ਇਨ੍ਹਾਂ ਪ੍ਰਮੁੱਖ ਖਿਡਾਰੀਆਂ ਵਿੱਚ ਬੈੱਨ ਸਟੋਕਸ (ਕਪਤਾਨ), ਹੈਰੀ ਬਰੂਕ (ਉਪ-ਕਪਤਾਨ), ਜੋ ਰੂਟ, ਜੈਕ ਕ੍ਰੌਲੀ, ਬੇਨ ਡਕੇਟ, ਓਲੀ ਪੋਪ, ਜੇਮੀ ਸਮਿਥ, ਜੈਕਬ ਬੈਥਲ, ਬ੍ਰਾਈਡਨ ਕਾਰਸ, ਵਿਲ ਜੈਕਸ, ਜੋਫਰਾ ਆਰਚਰ, ਗਸ ਐਟਕਿੰਸਨ, ਮੈਥਿਊ ਫਿਸ਼ਰ, ਮੈਥਿਊ ਪੋਟਸ, ਜੋਸ਼ ਟੰਗ ਅਤੇ ਸ਼ੋਏਬ ਬਸ਼ੀਰ ਸ਼ਾਮਲ ਹਨ।
ECB ਦੇ ਇਸ ਕਦਮ ਨੂੰ ਡੈਮੇਜ ਕੰਟਰੋਲ ਵਜੋਂ ਦੇਖਿਆ ਜਾ ਰਿਹਾ ਹੈ। ਰਿਪੋਰਟਾਂ ਮੁਤਾਬਕ ਬੋਰਡ ਚਾਹੁੰਦਾ ਹੈ ਕਿ ਖਿਡਾਰੀ ਮੀਡੀਆ ਅਤੇ ਇੰਟਰਵਿਊਆਂ ਤੋਂ ਦੂਰ ਰਹਿਣ ਤਾਂ ਜੋ ਸੀਰੀਜ਼ ਨਾਲ ਜੁੜੇ ਪੁਰਾਣੇ ਵਿਵਾਦਾਂ ਨੂੰ ਹੋਰ ਹਵਾ ਨਾ ਮਿਲੇ।
ਇਹ ਵੀ ਪੜ੍ਹੋ- ਕਦੇ ਚਲਾਉਂਦਾ ਸੀ ਸਕੂਲ ਬੱਸ, ਹੁਣ ਬਣਿਆ ਭਾਰਤ ਨੂੰ 2 ਵਾਰ ਵਿਸ਼ਵ ਜੇਤੂ ਬਣਾਉਣ ਵਾਲਾ 'ਸੁਪਰਹੀਰੋ'
IPL ਤੋਂ ਬਾਹਰ ਹੋਣ ਮਗਰੋਂ 'The Hundred' 'ਚ ਖੇਡੇਗਾ ਮੁਸਤਫਿਜ਼ੁਰ ਰਹਿਮਾਨ, ਇਸ ਟੀਮ ਨੇ ਇਕ ਲੱਖ ਪੌਂਡ 'ਚ ਖਰੀਦਿਆ
NEXT STORY 
