ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਦੇ ਆਗਾਜ਼ ਤੋਂ ਪਹਿਲਾਂ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਖਿਡਾਰੀਆਂ ਦੇ ਅਭਿਆਸ ਸੈਸ਼ਨਾਂ ਨੂੰ ਲੈ ਕੇ ਸਖ਼ਤ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ। ਬੋਰਡ ਵੱਲੋਂ ਜਾਰੀ ਕੀਤੀਆਂ ਗਈਆਂ ਨਵੀਆਂ ਗਾਈਡਲਾਈਨਜ਼ ਅਨੁਸਾਰ, ਹੁਣ ਕੋਈ ਵੀ ਦੋ ਟੀਮਾਂ ਇੱਕੋ ਪਿੱਚ ਜਾਂ ਨੈੱਟ ਸਾਂਝਾ ਨਹੀਂ ਕਰ ਸਕਣਗੀਆਂ।
ਅਭਿਆਸ ਲਈ ਤਿਆਰ ਕਰਨੀਆਂ ਪੈਣਗੀਆਂ ਨਵੀਆਂ ਪਿੱਚਾਂ
BCCI ਵੱਲੋਂ ਫਰੈਂਚਾਈਜ਼ੀਆਂ ਨੂੰ ਭੇਜੀ ਗਈ 5 ਪੰਨਿਆਂ ਦੀ ਗਾਈਡਲਾਈਨ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਜੇਕਰ ਇੱਕ ਟੀਮ ਅਭਿਆਸ ਕਰਕੇ ਹਟਦੀ ਹੈ, ਤਾਂ ਦੂਜੀ ਟੀਮ ਉਸੇ ਪਿੱਚ ਜਾਂ ਨੈੱਟ 'ਤੇ ਅਭਿਆਸ ਨਹੀਂ ਕਰੇਗੀ। ਦੂਜੀ ਟੀਮ ਲਈ ਨਵੇਂ ਨੈੱਟ ਅਤੇ ਪਿੱਚ ਤਿਆਰ ਕਰਨੇ ਪੈਣਗੇ। ਇੰਨਾ ਹੀ ਨਹੀਂ, ਜੇਕਰ ਕੋਈ ਟੀਮ ਸਮੇਂ ਤੋਂ ਪਹਿਲਾਂ ਅਭਿਆਸ ਖ਼ਤਮ ਕਰ ਲੈਂਦੀ ਹੈ, ਤਾਂ ਵੀ ਵਿਰੋਧੀ ਟੀਮ ਨੂੰ ਉਨ੍ਹਾਂ ਦੇ 'ਰੇਂਜ-ਹਿੱਟਿੰਗ ਵਿਕਟ' ਜਾਂ 'ਥ੍ਰੋ ਡਾਊਨ' ਵਾਲੀ ਥਾਂ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਨਹੀਂ ਹੋਵੇਗੀ।
ਇਹ ਵੀ ਪੜ੍ਹੋ- ਕਦੇ ਚਲਾਉਂਦਾ ਸੀ ਸਕੂਲ ਬੱਸ, ਹੁਣ ਬਣਿਆ ਭਾਰਤ ਨੂੰ 2 ਵਾਰ ਵਿਸ਼ਵ ਜੇਤੂ ਬਣਾਉਣ ਵਾਲਾ 'ਸੁਪਰਹੀਰੋ'
ਪ੍ਰੈਕਟਿਸ ਮੈਚਾਂ 'ਤੇ ਵੀ ਲਗਾਈਆਂ ਪਾਬੰਦੀਆਂ
ਬੋਰਡ ਨੇ ਅਭਿਆਸ ਮੈਚਾਂ ਨੂੰ ਲੈ ਕੇ ਵੀ ਨਿਯਮ ਸਖ਼ਤ ਕਰ ਦਿੱਤੇ ਹਨ। ਬੋਰਡ ਮੁਤਾਬਕ, ਕੋਈ ਵੀ ਟੀਮ ਵੱਧ ਤੋਂ ਵੱਧ ਦੋ ਪ੍ਰੈਕਟਿਸ ਮੈਚ ਹੀ ਖੇਡ ਸਕੇਗੀ, ਜਿਸ ਲਈ ਪਹਿਲਾਂ BCCI ਤੋਂ ਇਜਾਜ਼ਤ ਲੈਣੀ ਲਾਜ਼ਮੀ ਹੋਵੇਗੀ। ਇਸਤੋਂ ਇਲਾਵਾ ਫਲੱਡ ਲਾਈਟਾਂ (ਰਾਤ) ਵਿੱਚ ਖੇਡੇ ਜਾਣ ਵਾਲੇ ਅਭਿਆਸ ਮੈਚਾਂ ਦੀ ਸਮਾਂ ਸੀਮਾ ਸਾਢੇ ਤਿੰਨ ਘੰਟੇ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ ਹੈ। ਸਭ ਤੋਂ ਅਹਿਮ ਗੱਲ ਇਹ ਹੈ ਕਿ ਕੋਈ ਵੀ ਅਭਿਆਸ ਸੈਸ਼ਨ ਜਾਂ ਮੈਚ ਸਟੇਡੀਅਮ ਦੇ 'ਮੇਨ ਸਕੁਏਅਰ' (ਮੁੱਖ ਪਿੱਚਾਂ) 'ਤੇ ਨਹੀਂ ਹੋਵੇਗਾ ਤਾਂ ਜੋ ਸੀਜ਼ਨ ਦੇ ਅਸਲ ਮੁਕਾਬਲਿਆਂ ਲਈ ਪਿੱਚਾਂ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕੇ।
ਇਹ ਵੀ ਪੜ੍ਹੋ- IPL ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ 3 ਵਾਰ ਦੀ ਚੈਂਪੀਅਨ ਟੀਮ ਨੂੰ ਵੱਡਾ ਝਟਕਾ!
ਨਵੇਂ ਨਿਯਮਾਂ ਅਨੁਸਾਰ, ਮੇਜ਼ਬਾਨ (ਹੋਮ) ਫਰੈਂਚਾਈਜ਼ੀ ਦੀ ਇਹ ਜ਼ਿੰਮੇਵਾਰੀ ਹੋਵੇਗੀ ਕਿ ਉਹ ਦੋਵਾਂ ਟੀਮਾਂ ਲਈ ਵੱਖੋ-ਵੱਖਰੇ ਅਭਿਆਸ ਦੇ ਪ੍ਰਬੰਧ ਕਰੇ। ਇਸ ਵਿੱਚ ਖਿਡਾਰੀਆਂ ਲਈ ਖਾਣ-ਪੀਣ (ਕੈਟਰਿੰਗ) ਤੋਂ ਲੈ ਕੇ ਕ੍ਰਿਕਟ ਨਾਲ ਸਬੰਧਤ ਹਰ ਸਹੂਲਤ ਸ਼ਾਮਲ ਹੋਵੇਗੀ। ਹਾਲਾਂਕਿ, ਪਲੇਆਫ ਦੌਰਾਨ ਅਭਿਆਸ ਦੇ ਸਾਰੇ ਪ੍ਰਬੰਧ ਖੁਦ BCCI ਵੱਲੋਂ ਕੀਤੇ ਜਾਣਗੇ। ਬੋਰਡ ਦੇ ਇਸ ਫੈਸਲੇ ਦਾ ਮਕਸਦ ਖਿਡਾਰੀਆਂ ਨੂੰ ਬਿਹਤਰ ਸਹੂਲਤਾਂ ਦੇਣਾ ਅਤੇ ਪਿੱਚਾਂ ਦੀ ਗੁਣਵੱਤਾ ਬਣਾਈ ਰੱਖਣਾ ਦੱਸਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ- ਇਸ ਦਿਨ ਲੱਗੇਗਾ ਸਾਲ ਦਾ ਦੂਜਾ ਸੂਰਜ ਗ੍ਰਹਿਣ! ਜਾਣੋ ਕਿੱਥੇ-ਕਿੱਥੇ ਛਾਏਗਾ ਹਨ੍ਹੇਰਾ
ਇੰਡੀਅਨ ਵੇਲਜ਼ 'ਚ ਵੱਡਾ ਉਲਟਫੇਰ: ਜੈਕ ਡਰੈਪਰ ਨੇ ਨੋਵਾਕ ਜੋਕੋਵਿਚ ਨੂੰ ਹਰਾਇਆ
NEXT STORY 
