ਮੈਡ੍ਰਿਡ- ਲੂਕਾਸ ਪਕੇਟਾ ਨੇ ਸੱਟ ਦੇ ਸਮੇਂ 'ਚ ਪੈਨਲਟੀ 'ਤੇ ਕੀਤੇ ਗੋਲ ਦੀ ਬਦੌਲਤ ਬ੍ਰਾਜ਼ੀਲ ਨੇ ਮੰਗਲਵਾਰ ਨੂੰ ਇੱਥੇ ਇਕ ਦੋਸਤਾਨਾ ਫੁੱਟਬਾਲ ਮੈਚ 'ਚ ਸਪੇਨ ਨੂੰ 3-3 ਨਾਲ ਡਰਾਅ 'ਤੇ ਰੋਕ ਦਿੱਤਾ। ਰੀਅਲ ਮੈਡ੍ਰਿਡ ਲਈ ਖੇਡ ਰਹੇ ਬ੍ਰਾਜ਼ੀਲ ਦੇ ਕਪਤਾਨ ਵਿਨੀਸੀਅਸ ਜੂਨੀਅਰ ਨੂੰ ਸਥਾਨਕ ਲੀਗ 'ਚ ਖੇਡਦੇ ਹੋਏ ਕਈ ਵਾਰ ਨਸਲਵਾਦ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਤੋਂ ਬਾਅਦ ਇਸ ਮੈਚ ਨੂੰ 'ਵਨ ਸਕਿਨ' ਮੈਚ ਦੇ ਰੂਪ 'ਚ ਪੇਸ਼ ਕੀਤਾ ਗਿਆ।
ਬ੍ਰਾਜ਼ੀਲ ਨੇ ਦੋ ਗੋਲਾਂ ਨਾਲ ਪਛੜਨ ਤੋਂ ਬਾਅਦ ਜ਼ਬਰਦਸਤ ਵਾਪਸੀ ਕੀਤੀ ਅਤੇ ਮੈਚ ਡਰਾਅ ਕਰ ਲਿਆ। ਸਪੇਨ ਲਈ ਰੋਡਰੀ ਨੇ 12ਵੇਂ ਅਤੇ 87ਵੇਂ ਮਿੰਟ 'ਚ ਪੈਨਲਟੀ 'ਤੇ ਦੋ ਗੋਲ ਕੀਤੇ ਜਦਕਿ ਡੇਨੀ ਓਲਮੋ ਨੇ ਇਕ ਹੋਰ ਗੋਲ ਕੀਤਾ। ਬ੍ਰਾਜ਼ੀਲ ਲਈ ਰੌਡਰਿਗੋ (40ਵੇਂ ਮਿੰਟ) ਅਤੇ ਐਂਡ੍ਰਿਕ (50ਵੇਂ ਮਿੰਟ) ਨੇ ਗੋਲ ਕੀਤੇ, ਜਦਕਿ ਪਕੇਟਾ ਨੇ ਇੰਜਰੀ ਟਾਈਮ ਦੇ ਛੇਵੇਂ ਮਿੰਟ ਵਿੱਚ ਪੈਨਲਟੀ ਨੂੰ ਗੋਲ ਵਿੱਚ ਬਦਲ ਕੇ ਟੀਮ ਨੂੰ ਹਾਰ ਤੋਂ ਬਚਾਇਆ।
IPL 2024 : ਚੇਨਈ ਦੇ ਕਪਤਾਨ ਰੁਤੁਰਾਜ ਗਾਇਕਵਾੜ ਨੇ ਦੱਸਿਆ- ਕਿੱਥੋਂ ਸ਼ੁਰੂ ਹੋਇਆ ਮੈਚ ਦਾ ਟਰਨਿੰਗ ਪੁਆਇੰਟ
NEXT STORY 
