ਅਬੂਧਾਬੀ (ਭਾਸ਼ਾ) : ਚੇਨਈ ਸੁਪਰਕਿੰਗਜ਼ ਦੇ ਕੋਚ ਸਟੀਫਨ ਫਲੇਮਿੰਗ ਅਤੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਕਿਹਾ ਹੈ ਕਿ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਆਗਾਮੀ ਮੈਚਾਂ ਵਿਚ ਉਨ੍ਹਾਂ ਦੀ ਟੀਮ ਬਦਲਾਅ ਕਰਦੇ ਹੋਏ ਨੌਜਵਾਨਾਂ ਨੂੰ ਅਜਮਾਏਗੀ ਪਰ ਕਿਸੇ ਭਾਰਤੀ ਖਿਡਾਰੀ ਵਿਚ ਅਜੇ ਜ਼ਰੂਰੀ ਜੋਸ਼ ਨਹੀਂ ਵਿਖਿਆ ਹੈ। ਸੁਪਰਕਿੰਗਜ਼ ਦੀ ਟੀਮ 10 ਮੈਚਾਂ ਵਿਚੋਂ ਸਿਰਫ਼ 3 ਜਿੱਤਾਂ ਨਾਲ ਅੰਕ ਸੂਚੀ ਵਿਚ ਆਖ਼ਰੀ ਸਥਾਨ 'ਤੇ ਚੱਲ ਰਹੀ ਹੈ ਅਤੇ ਉਸ ਦੀ ਪਲੇਆਫ ਵਿਚ ਜਗ੍ਹਾ ਬਣਾਉਣ ਦੀਆਂ ਉਮੀਦਾਂ ਲੱਗਭੱਗ ਖ਼ਤਮ ਹੋ ਚੁੱਕੀਆਂ ਹਨ। ਟੀਮ ਆਪਣੇ ਆਗਾਮੀ ਮੁਕਾਬਲੇ ਵਿਚ 23 ਅਕਤੂਬਰ ਨੂੰ ਪਿਛਲੇ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਨਾਲ ਭਿੜੇਗੀ।
ਰਾਜਸਥਾਨ ਰਾਇਲਜ਼ ਖ਼ਿਲਾਫ਼ 7 ਵਿਕਟਾਂ ਦੀ ਹਾਰ ਦੇ ਬਾਅਦ ਜਦੋਂ ਫਲੇਮਿੰਗ ਤੋਂ ਪੁੱਛਿਆ ਗਿਆ ਕਿ ਸਮਾਨ ਟੀਮ ਨੂੰ ਖਿਡਾਉਣ ਦੀ ਟੀਮ ਦੀ ਨੀਤੀ ਵਿਚ ਬਦਲਾਅ ਹੋਵੇਗਾ ਤਾਂ ਉਨ੍ਹਾਂ ਨੇ ਕਿਹਾ, 'ਮੈਨੂੰ ਲੱਗਦਾ ਹੈ ਕਿ ਇਹ ਉਚਿਤ ਹੈ ਕਿ ਅਸੀਂ ਇਸ ਨੂੰ ਬਦਲ ਰਹੇ ਹਾਂ।' ਤਿੰਨ ਵਾਰ ਦੀ ਚੈਂਪੀਅਨ ਸੁਪਰਕਿੰਗਜ਼ ਦੇ ਮੌਜੂਦਾ ਸੀਜ਼ਨ ਵਿਚ ਖ਼ਰਾਬ ਪ੍ਰਦਰਸ਼ਨ ਨੇ ਟੀਮ ਦੇ ਰਵੱਈਏ 'ਤੇ ਸਵਾਲੀਆ ਨਿਸ਼ਾਨ ਲਗਾਏ ਹਨ ਅਤੇ ਧੋਨੀ ਨੇ ਇਸ ਦਾ ਬਚਾਅ ਕਰਦੇ ਹੋਏ ਕਿਹਾ ਕਿ ਹੁਣ ਤੱਕ ਕਿਸੇ ਨੌਜਵਾਨ ਖਿਡਾਰੀ ਨੇ ਅਜਿਹਾ ਕੁੱਝ ਨਹੀਂ ਕੀਤਾ ਹੈ ਕਿ ਬਦਲਾਅ ਲਈ ਮਜ਼ਬੂਰ ਹੋਣਾ ਪਏ।
ਧੋਨੀ ਨੇ ਮੈਚ ਦੇ ਬਾਅਦ ਕਿਹਾ, 'ਤੁਸੀਂ ਵਾਰ-ਵਾਰ ਬਦਲਾਅ ਨਹੀਂ ਕਰਣਾ ਚਾਹੁੰਦੇ। ਤੁਸੀਂ ਨਹੀਂ ਚਾਹੁੰਦੇ ਕਿ ਡਰੈਸਿੰਗ ਰੂਮ ਵਿਚ ਅਸੁਰੱਖਿਆ ਦੀ ਭਾਵਨਾ ਹਾਵੀ ਹੋਵੇ। ਨਾਲ ਹੀ ਨੌਜਵਾਨ ਖਿਡਾਰੀਆਂ ਵਿਚ ਅਸੀਂ ਉਹ ਚਮਕ ਨਹੀਂ ਵੇਖੀ ਕਿ ਬਦਲਾਅ ਲਈ ਮਜ਼ਬੂਰ ਹੋਣਾ ਪਏ।' ਉਨ੍ਹਾਂ ਕਿਹਾ, 'ਪਰ ਇਨ੍ਹਾਂ ਨਤੀਜਿਆਂ ਕਾਰਨ ਬਾਕੀ ਟੂਰਨਾਮੈਂਟ ਵਿਚ ਨੌਜਵਾਨਾਂ ਨੂੰ ਮੌਕਾ ਦਿੱਤਾ ਜਾਵੇਗਾ। ਸ਼ਾਇਦ ਆਉਣ ਵਾਲੇ ਮੈਚਾਂ ਵਿਚ ਅਸੀਂ ਉਨ੍ਹਾਂ ਨੂੰ ਮੌਕਾ ਦੇਵਾਂਗੇ ਅਤੇ ਉਹ ਬਿਨਾਂ ਦਬਾਅ ਦੇ ਖੇਡ ਪਾਉਣਗੇ।' ਫਲੇਮਿੰਗ ਨੇ ਕਿਹਾ ਕਿ ਹੋਲੀ ਵਿਕਟ ਅਤੇ ਰਾਇਲਜ਼ ਦੇ ਸਪਿਨਰਾਂ ਦੀ ਸ਼ਾਨਦਾਰ ਗੇਂਦਬਾਜੀ ਕਾਰਨ ਉਨ੍ਹਾਂ ਦੀ ਟੀਮ ਲੈਅ ਹਾਸਲ ਨਹੀਂ ਕਰ ਸਕੀ।
IPL 2020: ਸਲਮਾਨ ਖਾਨ ਨੇ 2014 'ਚ ਪ੍ਰੀਤੀ ਜਿੰਟਾ ਨੂੰ ਪੁੱਛਿਆ ਸੀ ਸਵਾਲ, ਹੁਣ ਪੰਜਾਬ ਤੋਂ ਮਿਲਿਆ ਕਰਾਰਾ...
NEXT STORY 
