ਦੋਹਾ- ਸੁਨੀਲ ਛੇਤਰੀ ਦੇ ਦੋ ਗੋਲਾਂ ਦੇ ਦਮ 'ਤੇ ਭਾਰਤ ਨੇ ਬੰਗਲਾਦੇਸ਼ ਨੂੰ 2-0 ਨਾਲ ਹਰਾ ਕੇ ਫੀਫਾ ਵਿਸ਼ਵ ਕੱਪ 2022 ਐਂਡ ਏਸ਼ੀਆਈ ਕੱਪ 2023 ਦੀ ਸੰਯੁਕਤ ਕੁਆਲੀਫਾਇਰਸ 'ਚ ਸੋਮਵਾਰ ਨੂੰ ਇੱਥੇ ਪਹਿਲੀ ਜਿੱਤ ਦਰਜ ਕੀਤੀ। ਫੀਫਾ ਵਿਸ਼ਵ ਕੱਪ ਕੁਆਲੀਫਾਇਰਸ 'ਚ 6 ਸਾਲ ਵਿਚ ਇਹ ਟੀਮ ਦੀ ਪਹਿਲੀ ਜਿੱਤ ਹੈ। ਘਰੇਲੂ ਮੈਦਾਨ ਤੋਂ ਬਾਹਰ ਵਿਸ਼ਵ ਕੱਪ ਕੁਆਲੀਫਾਇਰਸ ਵਿਚ ਭਾਰਤੀ ਟੀਮ ਨੇ 20 ਸਾਲ ਤੋਂ ਬਾਅਦ ਜਿੱਤ ਦਰਜ ਕੀਤੀ ਹੈ। ਇਸ ਜਿੱਤ ਦੇ ਨਾਲ ਭਾਰਤੀ ਟੀਮ ਦੀ ਏਸ਼ੀਆਈ ਕੁਆਲੀਫਾਇਰ ਦੇ ਤੀਜੇ ਦੌਰ ਵਿਚ ਸਿੱਧੇ ਕੁਆਲੀਫਾਇਰ ਕਰਨ ਦੀਆਂ ਉਮੀਦਾਂ ਵੱਧ ਗਈਆਂ ਹਨ।
ਇਹ ਖ਼ਬਰ ਪੜ੍ਹੋ- ICC ਨੇ ਇੰਗਲੈਂਡ 'ਤੇ ਲਗਾਇਆ ਜੁਰਮਾਨਾ, ਇਹ ਹੈ ਵਜ੍ਹਾ
ਗਰੁੱਪ ਸੂਚੀ ਵਿਚ ਚੋਟੀ ਤਿੰਨ ਸਥਾਨਾਂ 'ਤੇ ਰਹਿਣ ਵਾਲੀਆਂ ਟੀਮਾਂ ਸਿੱਧੇ ਤੌਰ 'ਤੇ ਏਸ਼ੀਆਈ ਕੱਪ ਕੁਆਲੀਫਾਇਰ ਦੇ ਤੀਜੇ ਦੌਰ ਦੇ ਲਈ ਕੁਆਲੀਫਾਇਰ ਕਰੇਗੀ। ਟੀਮ ਹਾਲਾਂਕਿ ਵਿਸ਼ਵ ਕੱਪ 2022 ਦੇ ਲਈ ਕੁਆਲੀਫਾਈ ਕਰਨ ਦੀ ਦੌੜ ਤੋਂ ਪਹਿਲਾਂ ਹੀ ਬਾਹਰ ਹੋ ਗਈ ਹੈ। ਛੇਤਰੀ ਨੇ 79ਵੇਂ ਮਿੰਟ ਵਿਚ ਗੋਲ ਕਰ ਟੀਮ ਦਾ ਖਾਤਾ ਖੋਲਣ ਤੋਂ ਬਾਅਦ ਆਖਰੀ ਪਲਾਂ (90+2 ਮਿੰਟ) 'ਚ ਇਕ ਹੋਰ ਗੋਲ ਕਰ ਗਰੁੱਪ-ਈ ਦੇ ਇਸ ਮੈਚ ਵਿਚ ਟੀਮ ਦੀ 2-0 ਨਾਲ ਜਿੱਤ ਪੱਕੀ ਕਰ ਦਿੱਤੀ। ਅੰਤਰਰਾਸ਼ਟਰੀ ਫੁੱਟਬਾਲ 'ਚ ਮੌਜੂਦਾ ਖਿਡਾਰੀਆਂ ਵਿਚ ਪੁਰਤਗਾਲ ਦੇ ਕ੍ਰਿਸਟਿਆਨੋ ਰੋਨਾਲਡੋ ਤੋਂ ਬਾਅਦ ਛੇਤਰੀ ਦੇ ਨਾਂ ਸਭ ਤੋਂ ਜ਼ਿਆਦਾ ਗੋਲ ਹਨ। ਇਸ ਜਿੱਤ ਦੇ ਨਾਲ ਭਾਰਤੀ ਟੀਮ ਦੇ 6 ਮੈਚਾਂ 'ਚ ਸੱਤ ਅੰਕ ਹੋ ਗਏ ਹਨ ਅਤੇ ਉਹ ਗਰੁੱਪ ਸੂਚੀ 'ਚ ਤੀਜੇ ਸਥਾਨ 'ਤੇ ਪਹੁੰਚ ਗਈ ਹੈ। ਟੀਮ ਦੇ ਖਾਤੇ 'ਚ ਇਸ ਜਿੱਤ ਤੋਂ ਇਲਾਵਾ ਤਿੰਨ ਹਾਰ ਅਤੇ ਤਿੰਨ ਡਰਾਅ ਸ਼ਾਮਲ ਹਨ।
ਇਹ ਖ਼ਬਰ ਪੜ੍ਹੋ- ਭਾਰਤ ਦਾ ਸ਼੍ਰੀਲੰਕਾ ਦੌਰਾ, ਖੇਡੇ ਜਾਣਗੇ ਤਿੰਨ ਵਨ ਡੇ ਤੇ ਟੀ20 ਮੈਚ
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
ਗੋਲਫ : ਅਰਜੁਨ ਅਟਵਾਲ ਨੇ 68 ਦਾ ਕਾਰਡ ਖੇਡਿਆ
NEXT STORY 
