ਰਾਂਚੀ— ਵਿਸ਼ਵ ਚੈਂਪੀਅਨਸ਼ਿਪ 'ਚ ਨਿਰਾਸ਼ ਕਰਨ ਵਾਲੀ ਫਰਾਟਾ ਦੌੜਾਕ ਦੂਤੀ ਚੰਦ ਨੇ ਇਸ ਨਿਰਾਸ਼ਾ ਨੂੰ ਪਿੱਛੇ ਛੱਡਦੇ ਹੋਏ 59ਵੀਂ ਰਾਸ਼ਟਰੀ ਓਪਨ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਸ਼ੁੱਕਰਵਾਰ ਨੂੰ 100 ਮੀਟਰ ਦੌੜ ਦੇ ਸੈਮੀਫਾਈਨਲ 'ਚ 11.22 ਸੈਕਿੰਡ ਦਾ ਸਮਾਂ ਕੱਢ ਕੇ ਆਪਣਾ ਹੀ ਰਾਸ਼ਟਰੀ ਰਿਕਾਰਡ ਤੋੜ ਦਿੱਤਾ। ਓਡਿਸ਼ਾ ਦੀ 23 ਸਾਲਾ ਦੂਤੀ ਨੇ ਇਸ ਸਾਲ ਅਪ੍ਰੈਲ 'ਚ ਦੋਹਾ 'ਚ ਏਸ਼ੀਆਈ ਚੈਂਪੀਅਨਸ਼ਿਪ 'ਚ 11.26 ਸੈਕਿੰਡ ਦਾ ਸਮਾਂ ਲੈ ਕੇ ਰਚਿਤਾ ਦੇ ਸਾਲ 2000 ਦੇ 11.26 ਸੈਕਿੰਡ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ ਸੀ। ਦੂਤੀ ਨੇ ਫਾਈਨਲ 'ਚ 11.25 ਸੈਕਿੰਡ ਦਾ ਸਮਾਂ ਲੈ ਕੇ ਖਿਤਾਬ ਜਿੱਤਿਆ ਤੇ ਅਰਚਨਾ ਸੁਸੀਨਦ੍ਰਨ ਤੇ ਹਿਮਾਸ਼ਰੀ ਰਾਏ ਨੂੰ ਪਿੱਛੇ ਛੱਡ ਦਿੱਤਾ। ਦੂਤੀ ਦੋਹਾ 'ਚ ਵਿਸ਼ਵ ਚੈਂਪੀਅਨਸ਼ਿਪ 'ਚ 11.48 ਸੈਕਿੰਡ ਦਾ ਸਮਾਂ ਕੱਢ ਸਕੀ ਸੀ ਤੇ ਇੱਥੇ ਹੀਟ 'ਚ ਕੱਲ ਉਸ ਨੇ 11.55 ਸੈਕਿੰਡ ਦਾ ਸਮਾਂ ਕੱਢਿਆ ਸੀ। ਇੱਥੇ ਸੈਮੀਫਾਈਨਲ ਤੇ ਫਾਈਨਲ 'ਚ ਉਸ ਨੇ ਜੋ ਸਮਾਂ ਕੱਢਿਆ, ਜੇਕਰ ਇਹ ਸਮਾਂ ਉਸ ਨੇ ਦੋਹਾ 'ਚ ਕੱਢਿਆ ਹੁੰਦਾ ਤਾਂ ਸੈਮੀਫਾਈਨਲ 'ਚ ਪਹੁੰਚ ਸਕਦੀ ਸੀ। ਪੁਰਸ਼ 100 ਮੀਟਰ ਦੌੜ 'ਚ ਓਡਿਸ਼ਾ ਦੇ ਹੀ ਅਮਿਆ ਕੁਮਾਰ ਮਲਿਕ ਨੇ 10.46 ਸੈਕਿੰਡ ਦਾ ਸਮਾਂ ਕੱਢ ਜਿੱਤ ਹਾਸਲ ਕੀਤੀ ਸੀ।
ਭਾਰਤੀ ਮਹਿਲਾਵਾਂ ਦੀ ਰਿਕਾਰਡ ਜਿੱਤ, ਸੀਰੀਜ਼ 'ਤੇ ਕੀਤਾ ਕਬਜ਼ਾ
NEXT STORY