ਮੈਲਬੋਰਨ- ਬਾਰਡਰ-ਗਾਵਸਕਰ ਟਰਾਫੀ ਤੋਂ ਪਹਿਲਾਂ ਵੀਰਵਾਰ ਤੋਂ ਭਾਰਤ-ਏ ਖਿਲਾਫ ਹੋਣ ਵਾਲੇ ਮੈਚ 'ਚ ਆਸਟ੍ਰੇਲੀਆਈ ਤੇਜ਼ ਗੇਂਦਬਾਜ਼ ਸਕਾਟ ਬੋਲੈਂਡ ਰਾਹੁਲ 'ਤੇ ਦਬਾਅ ਬਣਾਉਣ ਦੀ ਕੋਸ਼ਿਸ਼ ਕਰੇਗਾ। ਲੋਕੇਸ਼ ਰਾਹੁਲ ਅਤੇ ਵਿਕਟਕੀਪਰ ਧਰੁਵ ਜੁਰੇਲ MCG 'ਚ ਦੂਜੇ ਚਾਰ ਦਿਨਾ ਮੈਚ ਲਈ ਆਸਟ੍ਰੇਲੀਆ ਰਵਾਨਾ ਹੋਏ ਤੇ ਇਹ ਦੋਵੇਂ ਭਾਰਤ ਏ ਲਈ ਖੇਡਣਗੇ।
ਬੋਲੈਂਡ ਨੇ ਕਿਹਾ, 'ਮੈਂ ਕੁਝ ਸਾਲ ਪਹਿਲਾਂ ਭਾਰਤ 'ਚ ਇਕ ਮੈਚ 'ਚ ਉਸ ਦੇ ਖਿਲਾਫ ਗੇਂਦਬਾਜ਼ੀ ਕੀਤੀ ਸੀ, ਇਹ ਇਕ ਵੱਖਰਾ ਅਨੁਭਵ ਹੋਵੇਗਾ।'ਉਸ ਨੇ ਆਸਟ੍ਰੇਲੀਆ ਦੇ ਆਪਣੇ ਪਹਿਲੇ ਦੌਰੇ 'ਤੇ ਸੈਂਕੜਾ ਜੜਿਆ ਸੀ ਪਰ ਉਸ ਤੋਂ ਬਾਅਦ ਉਸ ਨੇ ਇਸ ਦੇਸ਼ ਵਿਚ 20.77 ਦੀ ਔਸਤ ਨਾਲ ਦੌੜਾਂ ਬਣਾਈਆਂ ਹਨ ਅਤੇ ਕਿਹਾ ਕਿ ਉਹ ਪਾਰੀ ਦੀ ਸ਼ੁਰੂਆਤ ਵਿਚ 32 ਸਾਲਾ ਬੱਲੇਬਾਜ਼ 'ਤੇ ਹਾਵੀ ਹੋ ਜਾਵੇਗਾ। ਉਹ ਵਿਸ਼ਵ ਪੱਧਰੀ ਖਿਡਾਰੀ ਹੈ ਪਰ ਮੈਨੂੰ ਲੱਗਦਾ ਹੈ ਕਿ ਉਹ ਅਜਿਹਾ ਬੱਲੇਬਾਜ਼ ਹੈ ਜਿਸ ਦੇ ਖਿਲਾਫ ਪਾਰੀ ਦੀ ਸ਼ੁਰੂਆਤ 'ਚ ਮੇਰੇ ਕੋਲ ਹਾਵੀ ਹੋਣ ਦਾ ਮੌਕਾ ਹੋਵੇਗਾ।'' ਉਮੀਦ ਹੈ ਕਿ ਮੈਂ ਉਸ ਨੂੰ ਆਉਣ ਵਾਲੇ ਮੈਚਾਂ 'ਚ ਪਛਾੜਾਂਗਾ।''
ਰਾਹੁਲ ਨੂੰ ਨਿਊਜ਼ੀਲੈਂਡ ਖਿਲਾਫ ਬੈਂਗਲੁਰੂ ਟੈਸਟ 'ਚ ਜ਼ੀਰੋ ਅਤੇ 12 ਦੌੜਾਂ ਦੀ ਪਾਰੀ ਤੋਂ ਬਾਅਦ ਪਲੇਇੰਗ ਇਲੈਵਨ 'ਚੋਂ ਬਾਹਰ ਕਰ ਦਿੱਤਾ ਗਿਆ ਸੀ। ਉਸਨੇ ਆਪਣਾ ਆਖਰੀ ਸੈਂਕੜਾ 2023 ਵਿੱਚ ਦੱਖਣੀ ਅਫਰੀਕਾ ਦੇ ਖਿਲਾਫ ਸੈਂਚੁਰੀਅਨ ਵਿੱਚ ਟੈਸਟ ਵਿੱਚ ਲਗਾਇਆ ਸੀ। ਇਸ ਤੋਂ ਬਾਅਦ ਉਸ ਨੇ ਦੱਖਣੀ ਅਫਰੀਕਾ, ਇੰਗਲੈਂਡ, ਬੰਗਲਾਦੇਸ਼ ਅਤੇ ਨਿਊਜ਼ੀਲੈਂਡ ਖਿਲਾਫ 9 ਪਾਰੀਆਂ 'ਚ ਸਿਰਫ ਦੋ ਅਰਧ ਸੈਂਕੜੇ ਹੀ ਬਣਾਏ ਹਨ। ਜੇਕਰ ਰੋਹਿਤ ਸ਼ਰਮਾ 22 ਨਵੰਬਰ ਤੋਂ ਪਰਥ 'ਚ ਖੇਡੇ ਜਾਣ ਵਾਲੇ ਪੰਜ ਮੈਚਾਂ ਦੀ ਸੀਰੀਜ਼ ਦੇ ਪਹਿਲੇ ਟੈਸਟ ਤੋਂ ਬਾਹਰ ਰਹਿੰਦੇ ਹਨ ਤਾਂ ਰਾਹੁਲ ਦੀ ਇਲੈਵਨ 'ਚ ਵਾਪਸੀ ਹੋ ਸਕਦੀ ਹੈ।
ਭਾਰਤ ਨੂੰ ਘਰੇਲੂ ਮੈਦਾਨ 'ਤੇ ਨਿਊਜ਼ੀਲੈਂਡ ਦੇ ਖਿਲਾਫ 0-3 ਨਾਲ ਸ਼ਰਮਨਾਕ ਹਾਰ ਦਾ ਸਾਹਮਣਾ ਕਰਨਾ ਪਿਆ ਪਰ 35 ਸਾਲਾ ਬੋਲੈਂਡ ਦਾ ਮੰਨਣਾ ਹੈ ਕਿ ਇਸ ਟੀਮ ਕੋਲ ਵਾਪਸੀ ਕਰਨ ਲਈ ਜੋ ਕੁਝ ਕਰਨਾ ਪੈਂਦਾ ਹੈ, ਉਹ ਹੈ। ਉਸਨੇ ਕਿਹਾ, “ਆਸਟ੍ਰੇਲੀਆ ਵਿੱਚ ਗੇਂਦ ਨੂੰ ਵਧੇਰੇ ਉਛਾਲ ਅਤੇ ਸਵਿੰਗ ਮਿਲੇਗੀ। ਉਹ ਜਿਸ ਟੀਮ ਨਾਲ ਇੱਥੇ ਮੈਦਾਨ 'ਤੇ ਉਤਰੇਗਾ, ਉਹ ਭਾਰਤ ਤੋਂ ਬਿਲਕੁਲ ਵੱਖਰੀ ਹੋਵੇਗੀ।''
ਮਹਿਲਾ ਵਨਡੇ ਰੈਂਕਿੰਗ 'ਚ ਹਰਮਨਪ੍ਰੀਤ ਨੌਵੇਂ ਸਥਾਨ 'ਤੇ, ਮੰਧਾਨਾ ਚੌਥੇ ਸਥਾਨ 'ਤੇ ਬਰਕਰਾਰ
NEXT STORY 
