ਸਪੋਰਟ ਡੈਸਕ— ਸਾਬਕਾ ਪਾਕਿਸਤਾਨੀ ਕ੍ਰਿਕਟਰਾਂ ਨੇ ਵੀਰਵਾਰ ਨੂੰ ਭਾਰਤ ਦੇ ਸੈਮੀਫਾਈਨਲ 'ਚ ਨਿਊਜ਼ੀਲੈਂਡ ਤੋਂ ਹਾਰ ਕੇ ਵਰਲਡ ਕੱਪ ਤੋਂ ਬਾਹਰ ਹੋਣ 'ਤੇ ਖੁਸ਼ੀ ਜ਼ਾਹਿਰ ਕੀਤੀ। ਸਾਬਕਾ ਪਾਕਿਸਤਾਨੀ ਕਪਤਾਨ ਤੇ ਤੇਜ਼ ਗੇਂਦਬਾਜ਼ ਵਕਾਰ ਯੂਨਿਸ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਇਸ ਦੀ ਖੁਸ਼ੀ ਜ਼ਾਹਿਰ ਕਰਦੇ ਹੋਏ ਕਿਹਾ ਕਿ ਭਾਰਤ ਇਸ ਦਾ ਹੱਕਦਾਰ ਸੀ ਜਿਸ ਦੇ ਨਾਲ ਉਨ੍ਹਾਂ ਦਾ ਸ਼ੱਕ ਸਾਫ਼ ਝਲਕ ਰਿਹਾ ਸੀ ਕਿ ਭਾਰਤ ਨੇ ਪਾਕਿਸਤਾਨ ਨੂੰ ਆਖਰੀ ਚਾਰ 'ਚ ਦਾਖਲ ਹੋਣ ਤੋਂ ਰੋਕਣ ਲਈ ਇੰਗਲੈਂਡ ਦੇ ਖਿਲਾਫ ਜਾਣ ਬੁੱਝ ਕੇ ਲਚਰ ਪ੍ਰਦਰਸ਼ਨ ਕੀਤਾ ਸੀ।
ਵਕਾਰ ਨੇ ਟਵੀਟ ਕੀਤਾ, 'ਕ੍ਰਿਕਟ ਇੰਨੀ ਕਰੂਰ ਖੇਡ ਹੈ ਤੇ ਬਹੁਤ ਜਲਦੀ ਹਿਸਾਬ ਪੂਰਾ ਕਰ ਦਿੰਦਾ ਹੈ। ਜਦ ਤੁਹਾਨੂੰ ਉਂਮੀਦ ਨਹੀਂ ਹੁੰਦੀ ਤਾਂ ਤੁਹਾਨੂੰ ਝਟਕਾ ਦਿੰਦਾ ਹੈ। ਮੈਂ ਸਭ ਤੋਂ ਵੱਡਾ ਸਬਕ ਸਿੱਖਿਆ ਹੈ ਕਿ ਕਦੇ ਵੀ ਖੇਡ ਦੇ ਨਾਲ ਖਿਲਵਾੜ ਨਾ ਕਰੋ। ਲੀਗ ਪੜਾਅ 'ਚ ਭਾਰਤ ਦੇ ਇੰਗਲੈਂਡ ਕੋਲੋਂ ਹਾਰਨ ਤੋਂ ਬਾਅਦ ਪਾਕਿਸਤਾਨੀ ਪ੍ਰਸ਼ੰਸਕ ਤੇ ਕੁੱਝ ਸਾਬਕਾ ਖਿਡਰੀਆਂ ਨੇ ਇਲਜ਼ਾਮ ਲਗਾਇਆ ਸੀ ਕਿ ਉਨ੍ਹਾਂ ਨੇ ਇਹ ਜਾਣ ਬੁੱਝ ਕੇ ਕੀਤਾ ਸੀ ਤਾਂ ਕਿ ਸੁਨਿਸ਼ਚਿਤ ਹੋ ਸਕੇ ਕਿ ਪਾਕਿਸਤਾਨ ਸੈਮੀਫਾਈਨਲ ਲਈ ਕੁਆਲੀਫਾਈ ਨਹੀਂ ਕਰ ਸਕੇ।
ਬਾਸਿਤ ਨੇ ਕਿਹਾ, 'ਕੋਈ ਵੀ ਕੁਝ ਵੀ ਕਹੇ, ਮੈਂ ਪਹਿਲਾਂ ਹੀ ਕਹਿ ਦਿੱਤਾ ਸੀ ਕਿ ਭਾਰਤ ਜਾਣ ਬੁੱਝ ਕੇ ਇੰਗਲੈਂਡ ਤੇ ਕੁੱਝ ਹੋਰ ਟੀਮਾਂ ਦੇ ਖਿਲਾਫ ਖ਼ਰਾਬ ਖੇਡੇਗਾ। ਇਹ ਬਿਲਕੁੱਲ ਠੀਕ ਇਨਸਾਫ ਹੈ ਕਿ ਭਾਰਤ ਅੱਜ ਉਹ ਮੈਚ ਹਾਰ ਗਿਆ ਜੋ ਉਸ ਨੂੰ ਅਸਾਨੀ ਨਾਲ ਜਿੱਤਣਾ ਚਾਹੀਦਾ ਸੀ।
ਸਾਬਕਾ ਪਾਕਿਸਤਾਨੀ ਕਪਤਾਨ ਰਾਸ਼ਿਦ ਲਤੀਫ ਨੇ ਹਾਲਾਂਕਿ ਕਿਹਾ, 'ਇਕ ਵਾਰ ਸੈਮੀਫਾਈਨਲ ਦੋ ਦਿਨ ਤੱਕ ਖਿੱਚ ਜਾਂਦਾ ਹੈ ਤਾਂ ਦੂਜੇ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਲਈ ਹਮੇਸ਼ਾ ਮੁਸ਼ੱਕਿਲ ਹੋ ਜਾਂਦੀ ਹੈ। ਇਸ ਤੋਂ ਇਲਾਵਾ ਹੈਨਰੀ ਤੇ ਬੋਲਟ ਨੇ ਕੁੱਝ ਖਤਰਨਾਕ ਗੇਂਦ ਸੁੱਟ ਕੇ ਵਿਕਟਾਂ ਚਟਕਾਈਆਂ।
WC 'ਚ ਬਾਹਰ ਹੋਣ ਦੇ ਬਾਵਜੂਦ ਟੀਮ ਇੰਡੀਆ 'ਤੇ ਵਰ੍ਹੇਗਾ ਇੰਨੇ ਕਰੋੜਾਂ ਰੁਪਿਆਂ ਦਾ ਮੀਂਹ
NEXT STORY 
