ਸਾਨ ਜੁਆਨ ਡੇ ਮਾਰਕੋਨਾ— ਹੀਰੋ ਮੋਟਰਸਪੋਰਟਸ ਦੇ ਓਰੀਓਲ ਮੇਨਾ ਨੇ ਚੰਗਾ ਪ੍ਰਦਰਸ਼ਨ ਜਾਰੀ ਰੱਖਦਿਆਂ 41ਵੀਂ ਡਕਾਰ ਰੈਲੀ ਦੇ ਸੱਤਵੇਂ ਗੇੜ ਵਿਚ 13ਵਾਂ ਸਥਾਨ ਹਾਸਲ ਕਰ ਕੇ ਓਵਰਆਲ ਅੰਕ ਸੂਚੀ ਵਿਚ ਆਪਣਾ 13ਵਾਂ ਸਥਾਨ ਬਰਕਰਾਰ ਰੱਖਿਆ। ਮੇਨਾ ਨੇ ਸੋਮਵਾਰ ਰੇਸ 'ਚ ਦਮਦਾਰ ਤਰੀਕੇ ਨਾਲ ਸ਼ੁਰੂਆਤ ਕੀਤੀ ਪਰ ਤੇਜ਼ ਹਵਾ ਤੇ ਰੇਤਲੀ ਹਨੇਰੀ ਵਿਚਾਲੇ ਉਹ ਆਪਣੀ ਬੜ੍ਹਤ ਬਰਕਰਾਰ ਨਹੀਂ ਰੱਖ ਸਕਿਆ ਤੇ ਪਿਛੜ ਗਿਆ।
ਛੇਵੇਂ ਦੌਰ 'ਚ 40 ਮਿੰਟ ਦੀ ਪੈਨਲਟੀ ਪਾਉਣ ਵਾਲਾ ਹੀਰੋ ਦਾ ਇਕ ਰਾਈਡਰ ਜੋਕਿਮ ਰੋਡ੍ਰਿਗਜ਼ 11ਵੇਂ ਸਥਾਨ 'ਤੇ ਰਿਹਾ। ਇਸ ਪ੍ਰਦਰਸ਼ਨ ਨਾਲ ਉਹ ਓਵਰਆਲ 26ਵੇਂ ਤੋਂ 24ਵੇਂ ਸਥਾਨ 'ਤੇ ਪਹੁੰਚ ਗਿਆ। ਰੈਲੀ ਵਿਚ ਟੀ. ਵੀ. ਐੱਮ. ਰੇਸਿੰਗ ਵਲੋਂ ਹਿੱਸਾ ਲੈ ਰਿਹਾ ਭਾਰਤੀ ਰਾਈਡਰ ਅਰਵਿੰਦ ਪ੍ਰਭਾਕਰ 7ਵੇਂ ਦੌਰ ਵਿਚ 46ਵੇਂ ਸਥਾਨ 'ਤੇ ਰਿਹਾ। ਉਹ ਓਵਰਆਲ 47ਵੇਂ ਸਥਾਨ 'ਤੇ ਹੈ।
ਅੱਜ ਧੋਨੀ ਦਾ ਦਿਨ ਸੀ, ਉਹ ਮੈਚ ਨੂੰ ਆਖਿਰ ਤਕ ਖਿੱਚ ਕੇ ਲੈ ਗਿਆ : ਕੋਹਲੀ
NEXT STORY 
