ਸਪੋਰਟਸ ਡੈਸਕ- ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ ਆਈ.ਪੀ.ਐੱਲ. 2024 ਵਿੱਚ ਖਿਤਾਬ ਜਿੱਤਵਾਉਣ ਵਿੱਚ ਹਰਫਨਮੌਲਾ ਰਮਨਦੀਪ ਸਿੰਘ ਨੇ ਵੀ ਅਹਿਮ ਭੂਮਿਕਾ ਨਿਭਾਈ ਸੀ। ਇਸੇ ਰਮਨਦੀਪ ਨੇ ਸੈਂਚੁਰੀਅਨ ਮੈਦਾਨ 'ਤੇ ਆਪਣੇ ਪਹਿਲੇ ਟੀ-20 ਮੈਚ 'ਚ ਹਲਚਲ ਮਚਾ ਦਿੱਤੀ ਹੈ। ਸੱਜੇ ਹੱਥ ਦੇ ਇਸ ਬੱਲੇਬਾਜ਼ ਨੇ ਟੀ-20 ਇੰਟਰਨੈਸ਼ਨਲ ਦੀ ਪਹਿਲੀ ਹੀ ਗੇਂਦ 'ਤੇ ਛੱਕਾ ਜੜ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। 18ਵੇਂ ਓਵਰ 'ਚ ਬੱਲੇਬਾਜ਼ੀ ਕਰਨ ਆਏ ਰਮਨਦੀਪ ਨੇ ਸਿਮਲੇਨ ਨੂੰ ਨਿਸ਼ਾਨਾ ਬਣਾਇਆ, ਜਿਸ ਨੇ ਇਕ ਗੇਂਦ ਪਹਿਲਾਂ 8 ਦੇ ਸਕੋਰ 'ਤੇ ਰਿੰਕੂ ਸਿੰਘ ਨੂੰ ਬੋਲਡ ਕਰ ਦਿੱਤਾ ਸੀ। ਰਮਨਦੀਪ ਨੇ 6 ਗੇਂਦਾਂ 'ਤੇ 1 ਚੌਕੇ ਅਤੇ ਇਕ ਛੱਕੇ ਦੀ ਮਦਦ ਨਾਲ 15 ਦੌੜਾਂ ਦੀ ਪਾਰੀ ਖੇਡੀ। ਅੰਕੜੇ-
ਟੀ-20 ਕਰੀਅਰ ਦੀ ਪਹਿਲੀ ਗੇਂਦ 'ਤੇ ਛੱਕਾ (ਭਾਰਤ)
ਸੂਰਿਆਕੁਮਾਰ ਯਾਦਵ, ਗੇਂਦਬਾਜ਼ ਜੋਫਰਾ ਆਰਚਰ, ਅਹਿਮਦਾਬਾਦ 2021
ਰਮਨਦੀਪ ਸਿੰਘ, ਗੇਂਦਬਾਜ਼ ਐਂਡਿਲੇ ਸਿਮਲੇਨ ਸੈਂਚੁਰੀਅਨ 2024
ਦੱਖਣੀ ਅਫਰੀਕਾ ਦੇ ਸਿਮਲੇਨ ਨੇ ਵੀ ਡਰਬਨ 'ਚ ਇਸ ਸੀਰੀਜ਼ ਦੇ ਪਹਿਲੇ ਟੀ-20 ਮੈਚ 'ਚ ਆਪਣੀ ਪਹਿਲੀ ਗੇਂਦ 'ਤੇ ਛੱਕਾ ਲਗਾਇਆ ਸੀ।
ਇਸ ਤੋਂ ਪਹਿਲਾਂ ਹਾਰਦਿਕ ਪੰਡਯਾ ਨੇ ਅਵੇਸ਼ ਖਾਨ ਦੀ ਜਗ੍ਹਾ ਟੀਮ ਇੰਡੀਆ 'ਚ ਸ਼ਾਮਲ ਹੋਣ 'ਤੇ ਰਮਨਦੀਪ ਦਾ ਸਵਾਗਤ ਕੀਤਾ।
BCCI ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਪੋਸਟ ਕੀਤੀ ਵੀਡੀਓ ਦੇ ਕੈਪਸ਼ਨ ਵਿੱਚ ਲਿਖਿਆ। "ਇਹ ਸ਼ਾਨਦਾਰ ਹੈ: #TeamIndia T20I ਡੈਬਿਊ ਕਰਨ ਵਾਲੇ ਰਮਨਦੀਪ ਸਿੰਘ।"
ਹਾਰਦਿਕ ਨੇ ਰਮਨਦੀਪ ਨੂੰ ਇੰਡੀਆ ਕੈਪ ਸੌਂਪਦੇ ਹੋਏ ਕਿਹਾ, “ਰਮਨ, ਮੈਂ ਜਾਣਦਾ ਹਾਂ ਕਿ ਇਹ ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਅਤੇ ਤੁਹਾਡੇ ਪਿਆਰਿਆਂ ਲਈ ਬਹੁਤ ਖਾਸ ਪਲ ਹੈ। ਇੱਥੇ ਪਹੁੰਚਣ ਲਈ ਤੁਹਾਨੂੰ ਬਹੁਤ ਮਿਹਨਤ ਕਰਨੀ ਪਈ ਹੈ। ਤੁਸੀਂ ਇਸ ਦੇ ਪੂਰੀ ਤਰ੍ਹਾਂ ਹੱਕਦਾਰ ਹੋ। ਦਿਨ ਦਾ ਆਨੰਦ ਮਾਣੋ। ਇਸ ਪਲ ਦੀ ਕਦਰ ਕਰੋ। ਅਸੀਂ ਸਾਰੇ ਤੁਹਾਡੇ ਨਾਲ ਹਾਂ ਅਤੇ ਇਹ ਪਲ ਵਾਰ-ਵਾਰ ਨਹੀਂ ਆਉਂਦੇ।
IND vs SA T20i: ਤਿਲਕ ਵਰਮਾ ਦੇ ਤੂਫਾਨੀ ਸੈਂਕੜੇ ਦੀ ਬਦੌਲਤ ਭਾਰਤ ਨੇ ਅਫਰੀਕਾ ਨੂੰ ਦਿੱਤਾ 220 ਦੌੜਾਂ ਦਾ ਟੀਚਾ
NEXT STORY 
