ਨਵੀਂ ਦਿੱਲੀ- ਜਕਾਰਤਾ ਪੈਰਾ-ਏਸ਼ੀਆਈ ਖੇਡਾਂ 'ਚ ਕਾਂਸੀ ਤਮਗਾ ਜਿੱਤਣ ਵਾਲੇ ਭਾਰਤ ਦੇ ਕ੍ਰਿਸ਼ਣਾ ਨਾਗਰ ਨੇ ਦੁਬਈ 'ਚ ਸਮਾਪਤ ਹੋਈ ਦੂਜੀ ਫਾਜਾ ਦੁਬਈ ਪੈਰਾ-ਬੈਡਮਿੰਟਨ ਅੰਤਰਰਾਸ਼ਟਰੀ ਚੈਂਪੀਅਨਸ਼ਿਪ 'ਚ 2 ਸੋਨ ਤਮਗੇ ਜਿੱਤ ਲਏ। ਸ਼ਬਾਬ ਅਲ ਆਹਲੀ ਕਲੱਬ 'ਚ ਐਤਵਾਰ ਨੂੰ ਸਮਾਪਤ ਹੋਈ ਇਸ ਚੈਂਪੀਅਨਸ਼ਿਪ 'ਚ ਕ੍ਰਿਸ਼ਣਾ ਨੇ ਪੁਰਸ਼ ਸਿੰਗਲ ਐੱਸ. ਐੱਸ. 6 ਫਾਈਨਲਸ ਵਿਚ ਇੰਗਲੈਂਡ ਦੇ ਕ੍ਰਿਸਟਨ ਕੂੰਬਸ ਨੂੰ 20-22, 25-23, 21-12 ਨਾਲ ਹਰਾ ਕੇ ਸੋਨ ਤਮਗਾ ਜਿੱਤ ਲਿਆ। ਕ੍ਰਿਸ਼ਣਾ ਨੇ ਇਸ ਤੋਂ ਬਾਅਦ ਰਾਜਾ ਮਾਗੋਤਰਾ ਨਾਲ ਮਿਕਸਡ ਡਬਲ ਦਾ ਸੋਨ ਤਮਗਾ ਵੀ ਜਿੱਤਿਆ।
ਭਾਰਤੀ ਟੀਮ ਨੇ ਇਸ ਮੁਕਾਬਲੇ 'ਚ 4 ਸੋਨ ਤਮਗਿਆਂ ਸਮੇਂ ਕੁਲ 9 ਤਮਗੇ ਜਿੱਤੇ। ਵਿਸ਼ਵ 'ਚ ਨੰਬਰ ਇਕ ਪ੍ਰਮੋਦ ਭਗਤ ਤੇ ਪਾਰੂਲ ਪਰਮਾਰ ਨੇ ਐੱਸ. ਐੱਲ. 3 ਪੁਰਸ਼ ਤੇ ਮਹਿਲਾ ਸਿੰਗਲ 'ਚ ਸੋਨ ਤਮਗਾ ਹਾਸਲ ਕੀਤਾ। ਚੀਨ 6 ਸੋਨ ਤਮਗਿਆਂ ਸਮੇਤ 19 ਤਮਗੇ ਜਿੱਤ ਕੇ ਚੋਟੀ 'ਤੇ ਰਿਹਾ। ਇਸ ਟੂਰਨਾਮੈਂਟ 'ਚ 37 ਦੇਸ਼ਾਂ ਦੇ 270 ਖਿਡਾਰੀਆਂ ਨੇ ਹਿੱਸਾ ਲਿਆ ਸੀ।
ਗੋਸਥਾ ਪਾਲ ਦੇ ਪੁੱਤਰ ਦਾ ਦਾਅਵਾ, ਮੋਹਨ ਬਾਗਾਨ ਨੇ ਉਸ ਦੇ ਪਿਤਾ ਦਾ ਪਦਮਸ਼੍ਰੀ ਪੁਰਸਕਾਰ ਖੋਹਿਆ
NEXT STORY