ਸਪੋਰਟਸ ਡੈਸਕ : ਥਾਮਸ ਕੱਪ 2026 ਵਿੱਚ ਭਾਰਤੀ ਪੁਰਸ਼ ਬੈਡਮਿੰਟਨ ਟੀਮ ਦਾ ਸਫ਼ਰ ਖ਼ਤਮ ਹੋ ਗਿਆ ਹੈ। ਸ਼ਨੀਵਾਰ ਨੂੰ ਹੋਏ ਸੈਮੀਫਾਈਨਲ ਮੁਕਾਬਲੇ ਵਿੱਚ ਫਰਾਂਸ ਨੇ ਭਾਰਤ ਨੂੰ 3-0 ਨਾਲ ਹਰਾ ਕੇ ਪਹਿਲੀ ਵਾਰ ਫਾਈਨਲ ਵਿੱਚ ਜਗ੍ਹਾ ਬਣਾਈ। ਭਾਰਤੀ ਟੀਮ ਆਪਣੇ ਸਟਾਰ ਖਿਡਾਰੀ ਲਕਸ਼ਯ ਸੇਨ ਦੀ ਗੈਰ-ਮੌਜੂਦਗੀ ਵਿੱਚ ਕਮਜ਼ੋਰ ਨਜ਼ਰ ਆਈ, ਜੋ ਕੂਹਣੀ ਦੀ ਸੱਟ ਕਾਰਨ ਮੈਦਾਨ ਤੋਂ ਬਾਹਰ ਸਨ।
ਆਯੂਸ਼ ਸ਼ੈੱਟੀ ਦੀ ਰਫ਼ਤਾਰ ਅੱਗੇ ਹਾਰ
ਲਕਸ਼ਯ ਸੇਨ ਦੀ ਜਗ੍ਹਾ ਪਹਿਲਾ ਸਿੰਗਲਜ਼ ਖੇਡਣ ਉਤਰੇ ਨੌਜਵਾਨ ਖਿਡਾਰੀ ਆਯੂਸ਼ ਸ਼ੈੱਟੀ ਨੂੰ ਵਿਸ਼ਵ ਦੇ ਚੌਥੇ ਨੰਬਰ ਦੇ ਖਿਡਾਰੀ ਕ੍ਰਿਸਟੋ ਪੋਪੋਵ ਨੇ ਬੁਰੀ ਤਰ੍ਹਾਂ ਹਰਾਇਆ। ਪੋਪੋਵ ਨੇ ਸ਼ਾਨਦਾਰ ਰਫ਼ਤਾਰ ਅਤੇ ਸਟੀਕ ਸ਼ਾਟਾਂ ਦੀ ਵਰਤੋਂ ਕਰਦਿਆਂ ਆਯੂਸ਼ ਨੂੰ ਸੰਭਲਣ ਦਾ ਮੌਕਾ ਨਹੀਂ ਦਿੱਤਾ ਅਤੇ ਇਹ ਮੈਚ 21-11, 21-9 ਦੇ ਸਕੋਰ ਨਾਲ ਆਪਣੇ ਨਾਮ ਕੀਤਾ। ਆਯੂਸ਼ ਨੇ ਬਾਅਦ ਵਿੱਚ ਮੰਨਿਆ ਕਿ ਪੋਪੋਵ ਦੀ ਤੇਜ਼ ਖੇਡ ਨੇ ਉਸ 'ਤੇ ਦਬਾਅ ਬਣਾ ਦਿੱਤਾ ਸੀ।
ਇਹ ਵੀ ਪੜ੍ਹੋ : ਗਾਇਕਵਾੜ ਤੇ ਕਾਰਤਿਕ ਦੀ ਤੂਫ਼ਾਨੀ ਪਾਰੀ ਦੀ ਬਦੌਲਤ CSK ਨੇ MI ਨੂੰ 8 ਵਿਕਟਾਂ ਨਾਲ ਹਰਾਇਆ
ਸ਼੍ਰੀਕਾਂਤ ਦਾ ਨਿਰਾਸ਼ਾਜਨਕ ਅੰਤ
ਦੂਜੇ ਸਿੰਗਲਜ਼ ਮੁਕਾਬਲੇ ਵਿੱਚ ਤਜਰਬੇਕਾਰ ਖਿਡਾਰੀ ਕਿਦਾਂਬੀ ਸ਼੍ਰੀਕਾਂਤ ਦਾ ਸਾਹਮਣਾ ਐਲੇਕਸ ਲੈਨੀਅਰ ਨਾਲ ਹੋਇਆ। 32 ਸਾਲਾ ਸ਼੍ਰੀਕਾਂਤ ਨੇ ਆਪਣੀ ਪੁਰਾਣੀ ਕਲਾਕਾਰੀ ਦੀਆਂ ਕੁਝ ਝਲਕੀਆਂ ਜ਼ਰੂਰ ਦਿਖਾਈਆਂ, ਪਰ ਉਹ ਲੈਨੀਅਰ ਦੀ ਤਾਕਤਵਰ ਖੇਡ ਅੱਗੇ ਟਿਕ ਨਹੀਂ ਸਕੇ। ਸ਼੍ਰੀਕਾਂਤ ਇਹ ਮੁਕਾਬਲਾ 21-16, 21-18 ਨਾਲ ਹਾਰ ਗਏ। ਮੰਨਿਆ ਜਾ ਰਿਹਾ ਹੈ ਕਿ ਥਾਮਸ ਕੱਪ ਵਿੱਚ ਸ਼੍ਰੀਕਾਂਤ ਦਾ ਇਹ ਆਖਰੀ ਮੈਚ ਸੀ।
ਐੱਚਐੱਸ ਪ੍ਰਣਯ ਵੀ ਨਹੀਂ ਬਚਾ ਸਕੇ ਮੈਚ
ਤੀਜੇ ਸਿੰਗਲਜ਼ ਮੈਚ ਵਿੱਚ ਭਾਰਤ ਦੀਆਂ ਉਮੀਦਾਂ ਐੱਚਐੱਸ ਪ੍ਰਣਯ 'ਤੇ ਸਨ, ਪਰ ਉਹ ਵੀ ਆਪਣਾ ਮੈਚ 21-19, 21-16 ਨਾਲ ਹਾਰ ਗਏ। ਇਸ ਦੇ ਨਾਲ ਹੀ ਫਰਾਂਸ ਨੇ 3-0 ਦੀ ਅਜੇਤੂ ਬੜ੍ਹਤ ਬਣਾ ਕੇ ਭਾਰਤ ਦਾ ਕਲੀਨ ਸਵੀਪ ਕਰ ਦਿੱਤਾ। ਭਾਰਤ ਦੀ ਸਟਾਰ ਡਬਲਜ਼ ਜੋੜੀ ਸਾਤਵਿਕ ਅਤੇ ਚਿਰਾਗ ਨੂੰ ਮੈਚ ਖੇਡਣ ਦਾ ਮੌਕਾ ਹੀ ਨਹੀਂ ਮਿਲਿਆ, ਕਿਉਂਕਿ ਸਿੰਗਲਜ਼ ਖਿਡਾਰੀਆਂ ਦੀ ਹਾਰ ਨਾਲ ਮੁਕਾਬਲਾ ਪਹਿਲਾਂ ਹੀ ਖ਼ਤਮ ਹੋ ਗਿਆ ਸੀ। ਫਰਾਂਸ ਦੇ ਖਿਡਾਰੀਆਂ ਨੇ ਆਪਣੀ ਸਰੀਰਕ ਤਾਕਤ ਅਤੇ ਤੇਜ਼ ਰਫ਼ਤਾਰ ਨਾਲ ਭਾਰਤੀ ਖਿਡਾਰੀਆਂ ਦੀਆਂ ਕਮਜ਼ੋਰੀਆਂ ਨੂੰ ਉਜਾਗਰ ਕੀਤਾ ਅਤੇ ਇਤਿਹਾਸਕ ਜਿੱਤ ਦਰਜ ਕੀਤੀ।
ਇਹ ਵੀ ਪੜ੍ਹੋ : ਪੱਛਮੀ ਬੰਗਾਲ ’ਚ ਫਾਲਤਾ ਸੀਟ ’ਤੇ ਵੀ ਵੋਟਿੰਗ ਰੱਦ, 21 ਮਈ ਨੂੰ ਸਾਰੇ 285 ਬੂਥਾਂ ’ਤੇ ਦੁਬਾਰਾ ਪੈਣਗੀਆਂ ਵੋਟਾਂ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਗਾਇਕਵਾੜ ਤੇ ਕਾਰਤਿਕ ਦੀ ਤੂਫ਼ਾਨੀ ਪਾਰੀ ਦੀ ਬਦੌਲਤ CSK ਨੇ MI ਨੂੰ 8 ਵਿਕਟਾਂ ਨਾਲ ਹਰਾਇਆ
NEXT STORY 
