ਨਵੀਂ ਦਿੱਲੀ - ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੇ ਸੁਧਾਰ ਲਈ ਇੱਕ ਅਹਿਮ ਫੈਸਲਾ ਲਿਆ ਹੈ। ਸਰੋਤਾਂ ਅਨੁਸਾਰ, ਇੰਗਲੈਂਡ ਦੇ ਦਿੱਗਜ ਨਿਕੋਲਸ ਲੀ (Nicholas Lee) ਨੂੰ ਟੀਮ ਦਾ ਨਵਾਂ ਸਟ੍ਰੈਂਥ ਐਂਡ ਕੰਡੀਸ਼ਨਿੰਗ ਕੋਚ ਨਿਯੁਕਤ ਕੀਤਾ ਗਿਆ ਹੈ। ਉਹ ਮਹਿਲਾ ਪ੍ਰੀਮੀਅਰ ਲੀਗ (WPL 2026) ਦੇ ਖਤਮ ਹੋਣ ਤੋਂ ਬਾਅਦ ਆਪਣਾ ਅਹੁਦਾ ਸੰਭਾਲਣਗੇ।
ਆਸਟ੍ਰੇਲੀਆ ਦੌਰੇ ਤੋਂ ਸ਼ੁਰੂ ਹੋਵੇਗਾ ਸਫ਼ਰ
ਨਿਕੋਲਸ ਲੀ ਦੀ ਨਿਯੁਕਤੀ ਖਾਸ ਤੌਰ 'ਤੇ ਆਉਣ ਵਾਲੇ ਚੁਣੌਤੀਪੂਰਨ ਆਸਟ੍ਰੇਲੀਆ ਦੌਰੇ ਨੂੰ ਧਿਆਨ ਵਿੱਚ ਰੱਖ ਕੇ ਕੀਤੀ ਗਈ ਹੈ। 9 ਜਨਵਰੀ ਤੋਂ 5 ਫਰਵਰੀ ਤੱਕ ਚੱਲਣ ਵਾਲੇ WPL ਤੋਂ ਤੁਰੰਤ ਬਾਅਦ ਭਾਰਤੀ ਟੀਮ ਆਸਟ੍ਰੇਲੀਆ ਰਵਾਨਾ ਹੋਵੇਗੀ, ਜਿੱਥੇ 15 ਫਰਵਰੀ ਤੋਂ 9 ਮਾਰਚ ਤੱਕ ਵੱਖ-ਵੱਖ ਫਾਰਮੈਟਾਂ ਦੀ ਸੀਰੀਜ਼ ਖੇਡੀ ਜਾਣੀ ਹੈ। ਲੀ ਇਸੇ ਦੌਰੇ ਦੌਰਾਨ ਭਾਰਤੀ ਟੀਮ ਨਾਲ ਜੁੜਨਗੇ।
ਅੰਤਰਰਾਸ਼ਟਰੀ ਪੱਧਰ ਦਾ ਵੱਡਾ ਤਜਰਬਾ ਨਿਕੋਲਸ ਲੀ ਕੋਲ ਐਲੀਟ ਸਪੋਰਟਸ ਵਿੱਚ ਕੰਮ ਕਰਨ ਦਾ ਲੰਬਾ ਅਤੇ ਪ੍ਰਭਾਵਸ਼ਾਲੀ ਤਜਰਬਾ ਹੈ:
• ਉਹ ਅਫਗਾਨਿਸਤਾਨ ਕ੍ਰਿਕਟ ਟੀਮ (2024-2025) ਦੇ ਸਟ੍ਰੈਂਥ ਐਂਡ ਕੰਡੀਸ਼ਨਿੰਗ ਕੋਚ ਰਹਿ ਚੁੱਕੇ ਹਨ।
• ਬੰਗਲਾਦੇਸ਼ ਕ੍ਰਿਕਟ ਬੋਰਡ ਵਿੱਚ ਫਿਜ਼ੀਕਲ ਪਰਫਾਰਮੈਂਸ ਦੇ ਮੁਖੀ (2020-2024) ਵਜੋਂ ਸੇਵਾਵਾਂ ਨਿਭਾਈਆਂ ਹਨ।
• ਸ੍ਰੀਲੰਕਾ ਦੀ ਪੁਰਸ਼ ਟੀਮ (2016-2020) ਨਾਲ ਵੀ ਕੰਮ ਕਰ ਚੁੱਕੇ ਹਨ।
• ਘਰੇਲੂ ਪੱਧਰ 'ਤੇ ਉਨ੍ਹਾਂ ਨੇ ਸਸੇਕਸ (Sussex) ਕਾਉਂਟੀ ਕ੍ਰਿਕਟ ਕਲੱਬ ਵਿੱਚ ਲੀਡ ਟ੍ਰੇਨਰ ਵਜੋਂ ਲਗਭਗ 6 ਸਾਲ ਸੇਵਾਵਾਂ ਦਿੱਤੀਆਂ।
ਨਿਕੋਲਸ ਲੀ ਖੁਦ ਵੀ ਇੱਕ ਪਹਿਲੀ ਸ਼੍ਰੇਣੀ (First Class) ਦੇ ਕ੍ਰਿਕਟਰ ਰਹਿ ਚੁੱਕੇ ਹਨ, ਜਿਨ੍ਹਾਂ ਨੇ 13 ਮੈਚਾਂ ਵਿੱਚ 490 ਦੌੜਾਂ ਬਣਾਈਆਂ ਸਨ। ਉਹ ਏਂਗਲੀਆ ਰਸਕਿਨ ਯੂਨੀਵਰਸਿਟੀ ਤੋਂ ਗ੍ਰੈਜੂਏਟ ਹਨ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਉਨ੍ਹਾਂ ਦੀ ਮਾਹਰਤਾ ਨਾਲ ਭਾਰਤੀ ਮਹਿਲਾ ਖਿਡਾਰੀਆਂ ਦੀ ਫਿਟਨੈਸ ਅਤੇ ਮੈਦਾਨੀ ਪ੍ਰਦਰਸ਼ਨ ਵਿੱਚ ਨਵੀਂ ਊਰਜਾ ਆਵੇਗੀ।
6,6,6,6,6,6… ਦੱਖਣੀ ਅਫਰੀਕਾ ਦੀ ਧਰਤੀ 'ਤੇ ਮੁੰਬਈ ਇੰਡੀਅਨ ਦੇ ਬੱਲੇਬਾਜ਼ ਨੇ ਮਚਾਈ ਤਬਾਹੀ
NEXT STORY 
