ਇੰਡੀਅਨ ਵੇਲਜ਼ (ਅਮਰੀਕਾ): ਇੰਡੀਅਨ ਵੇਲਜ਼ ਟੈਨਿਸ ਟੂਰਨਾਮੈਂਟ (ਬੀਐਨਪੀ ਪਾਰਿਬਾਸ ਓਪਨ) ਵਿੱਚ ਇੱਕ ਬਹੁਤ ਵੱਡਾ ਉਲਟਫੇਰ ਦੇਖਣ ਨੂੰ ਮਿਲਿਆ ਹੈ। ਮੌਜੂਦਾ ਚੈਂਪੀਅਨ ਜੈਕ ਡਰੈਪਰ ਨੇ ਪਹਿਲਾ ਸੈੱਟ ਹਾਰਨ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਪੰਜ ਵਾਰ ਦੇ ਚੈਂਪੀਅਨ ਅਤੇ ਦੁਨੀਆ ਦੇ ਦਿੱਗਜ ਖਿਡਾਰੀ ਨੋਵਾਕ ਜੋਕੋਵਿਚ ਨੂੰ ਹਰਾ ਕੇ ਟੂਰਨਾਮੈਂਟ ਤੋਂ ਬਾਹਰ ਕਰ ਦਿੱਤਾ ਹੈ।
ਰੋਮਾਂਚਕ ਰਿਹਾ ਮੁਕਾਬਲਾ
24 ਸਾਲਾ ਡਰੈਪਰ, ਜੋ ਹੱਥ ਦੀ ਸੱਟ ਕਾਰਨ ਅੱਠ ਮਹੀਨਿਆਂ ਤੱਕ ਖੇਡ ਤੋਂ ਦੂਰ ਰਹਿਣ ਤੋਂ ਬਾਅਦ ਵਾਪਸੀ ਕਰ ਰਹੇ ਹਨ, ਨੇ ਇਹ ਮੁਕਾਬਲਾ 4-6, 6-4, 7-6 (5) ਨਾਲ ਜਿੱਤਿਆ। ਤੀਜੇ ਸੈੱਟ ਵਿੱਚ ਇੱਕ ਸਮੇਂ ਜੋਕੋਵਿਚ 6-5 ਨਾਲ ਅੱਗੇ ਸਨ, ਪਰ ਡਰੈਪਰ ਨੇ ਜ਼ਬਰਦਸਤ ਵਾਪਸੀ ਕਰਦਿਆਂ ਮੈਚ ਨੂੰ ਟਾਈ-ਬਰੇਕਰ ਤੱਕ ਪਹੁੰਚਾਇਆ ਅਤੇ ਜਿੱਤ ਦਰਜ ਕਰਕੇ ਕੁਆਰਟਰ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ । ਜਿੱਤ ਤੋਂ ਬਾਅਦ ਡਰੈਪਰ ਨੇ ਕਿਹਾ, "ਮੈਨੂੰ ਅਜੇ ਵੀ ਅਜਿਹਾ ਨਹੀਂ ਲੱਗਦਾ ਕਿ ਮੈਂ ਉਸ ਤਰ੍ਹਾਂ ਖੇਡ ਰਿਹਾ ਹਾਂ ਜਿਵੇਂ ਮੈਂ ਚਾਹੁੰਦਾ ਹਾਂ, ਪਰ ਮੈਂ ਚੰਗਾ ਪ੍ਰਦਰਸ਼ਨ ਕਰਨ ਲਈ ਵਚਨਬੱਧ ਹਾਂ"।
ਕੁਆਰਟਰ ਫਾਈਨਲ 'ਚ ਦਾਨਿਲ ਮੇਦਵੇਦੇਵ ਨਾਲ ਟੱਕਰ
ਕੁਆਰਟਰ ਫਾਈਨਲ ਵਿੱਚ ਹੁਣ ਡਰੈਪਰ ਦਾ ਸਾਹਮਣਾ ਦਾਨਿਲ ਮੇਦਵੇਦੇਵ ਨਾਲ ਹੋਵੇਗਾ। ਮੇਦਵੇਦੇਵ ਨੇ ਇੱਕ ਹੋਰ ਮੈਚ ਵਿੱਚ ਐਲੇਕਸ ਮਿਸ਼ੇਲਸਨ ਨੂੰ 6-2, 6-4 ਨਾਲ ਹਰਾ ਕੇ ਅੰਤਿਮ ਅੱਠ ਵਿੱਚ ਜਗ੍ਹਾ ਬਣਾਈ ਹੈ।
ਜੋਕੋਵਿਚ ਲਈ ਨਿਰਾਸ਼ਾਜਨਕ ਰਿਹਾ ਸਾਲ
ਰਿਕਾਰਡ 24 ਵਾਰ ਦੇ ਗ੍ਰੈਂਡ ਸਲੈਮ ਚੈਂਪੀਅਨ 38 ਸਾਲਾ ਨੋਵਾਕ ਜੋਕੋਵਿਚ ਨੇ ਇੰਡੀਅਨ ਵੇਲਜ਼ ਵਿੱਚ ਪੰਜ ਵਾਰ (2008, 2011, 2014, 2015 ਅਤੇ 2016) ਖ਼ਿਤਾਬ ਜਿੱਤਿਆ ਸੀ। ਉਹ ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਆਸਟ੍ਰੇਲੀਆਈ ਓਪਨ ਦਾ 11ਵਾਂ ਖ਼ਿਤਾਬ ਜਿੱਤਣ ਦੇ ਨੇੜੇ ਪਹੁੰਚ ਗਏ ਸਨ, ਪਰ ਫਾਈਨਲ ਵਿੱਚ ਕਾਰਲੋਸ ਅਲਕਾਰਾਜ਼ ਹੱਥੋਂ ਹਾਰ ਗਏ ਸਨ।
OMG..! ਇੱਕੋ ਗੇਂਦਬਾਜ਼ ਨੇ ਕਰ'ਤੇ 13 OUT, ਤੋੜ ਦਿੱਤਾ ਪਿਤਾ ਦਾ 21 ਸਾਲ ਪੁਰਾਣਾ ਰਿਕਾਰਡ
NEXT STORY 
