ਸਪੋਰਟਸ ਡੈਸਕ— ਆਇਰਲੈਂਡ ਅਤੇ ਭਾਰਤ ਵਿਚਾਲੇ ਤਿੰਨ ਮੈਚਾਂ ਦੀ ਟੀ-20ਆਈ ਸੀਰੀਜ਼ ਦਾ ਪਹਿਲਾ ਮੈਚ ਅੱਜ ਸ਼ਾਮ 7.30 ਵਜੇ ਡਬਲਿਨ ਦੇ ਦਿ ਵਿਲੇਜ 'ਚ ਖੇਡਿਆ ਜਾਵੇਗਾ। ਭਾਰਤੀ ਟੀਮ 'ਚ ਜਸਪ੍ਰੀਤ ਬੁਮਰਾਹ ਦੀ ਅਗਵਾਈ 'ਚ ਨੌਜਵਾਨ ਖਿਡਾਰੀ ਹਨ। ਇਹ ਸੀਰੀਜ਼ ਭਾਰਤ ਲਈ ਇਸ ਲਈ ਵੀ ਖ਼ਾਸ ਹੈ ਕਿਉਂਕਿ ਇਸ ਸੀਰੀਜ਼ ਨਾਲ ਬੁਮਰਾਹ ਆਗਾਮੀ ਵਨਡੇ ਵਿਸ਼ਵ ਕੱਪ 2023 ਲਈ ਆਪਣੀ ਫਿਟਨੈੱਸ ਦਾ ਪ੍ਰਦਰਸ਼ਨ ਕਰਨਗੇ ਕਿਉਂਕਿ ਉਹ ਸੱਟ ਤੋਂ ਬਾਅਦ ਲੰਬੇ ਸਮੇਂ ਬਾਅਦ ਵਾਪਸੀ ਕਰ ਰਹੇ ਹਨ। ਆਓ ਜਾਣਦੇ ਹਾਂ ਮੈਚ ਤੋਂ ਪਹਿਲਾਂ ਕੁਝ ਅਹਿਮ ਗੱਲਾਂ-
ਹੈੱਡ ਟੂ ਹੈੱਡ
ਕੁੱਲ ਮੈਚ- 5
ਭਾਰਤ- 5 ਜਿੱਤੇ
ਆਇਰਲੈਂਡ- 0
ਪਿੱਚ ਰਿਪੋਰਟ
ਮਾਲਾਹਾਈਡ ਦਾ ਸਟੇਡੀਅਮ ਇੱਕ ਪਿੱਚ ਪੇਸ਼ ਕਰਦਾ ਹੈ ਜੋ ਬੱਲੇਬਾਜ਼ਾਂ ਲਈ ਮਦਦਗਾਰ ਹੋਵੇਗਾ। ਖ਼ਾਸ ਤੌਰ 'ਤੇ ਤੇਜ਼ ਗੇਂਦਬਾਜ਼ ਕੁਝ ਸ਼ੁਰੂਆਤੀ ਸਵਿੰਗ ਦਾ ਆਨੰਦ ਲੈ ਸਕਦੇ ਹਨ ਅਤੇ ਆਪਣੀ ਕਿਸਮਤ ਅਜ਼ਮਾਉਣ ਲਈ ਆਪਣੀ ਗੇਂਦ ਨੂੰ ਅੱਗੇ ਪਿੱਚ ਕਰ ਸਕਦੇ ਹਨ। ਬੱਲੇਬਾਜ਼ ਪਿੱਚ ਦੇ ਉਛਾਲ 'ਤੇ ਭਰੋਸਾ ਕਰ ਸਕਦੇ ਹਨ ਅਤੇ ਆਪਣੇ ਸ਼ਾਟ ਖੁੱਲ੍ਹ ਕੇ ਖੇਡ ਸਕਦੇ ਹਨ। ਟਾਸ ਜਿੱਤਣ ਵਾਲੀਆਂ ਟੀਮਾਂ ਗੇਂਦਬਾਜ਼ੀ ਕਰਨ ਲਈ ਚੁਣਦੀਆਂ ਹਨ, ਪਹਿਲੀ ਪਾਰੀ ਦਾ ਔਸਤ ਸਕੋਰ 158 ਹੈ।
ਇਹ ਵੀ ਪੜ੍ਹੋ- CM ਮਾਨ ਨੇ ਏਸ਼ੀਅਨ ਹਾਕੀ ਚੈਂਪੀਅਨ ਟਰਾਫੀ ਦੀ ਜੇਤੂ ਟੀਮ 'ਚ ਸ਼ਾਮਲ ਪੰਜਾਬ ਦੇ ਖਿਡਾਰੀਆਂ ਦੀ ਥਾਪੜੀ ਪਿੱਠ
ਮੌਸਮ
ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 3:00 ਵਜੇ (ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7:30 ਵਜੇ) ਸ਼ੁਰੂ ਹੋਣ ਵਾਲੀ ਖੇਡ ਦੌਰਾਨ ਮੀਂਹ ਦੀ 67 ਫ਼ੀਸਦੀ ਸੰਭਾਵਨਾ ਹੈ। ਚਿੰਤਾਵਾਂ ਨੂੰ ਵਧਾਉਂਦੇ ਹੋਏ 18 ਅਗਸਤ ਨੂੰ ਡਬਲਿਨ 'ਚ ਮੀਂਹ ਲਈ ਯੈਲੋ ਅਲਰਟ ਵੀ ਜਾਰੀ ਕੀਤਾ ਗਿਆ ਹੈ, ਜੋ ਮੈਚ ਦੇ ਸੰਭਾਵਿਤ ਦੇਰੀ ਜਾਂ ਰੁਕਾਵਟ ਨੂੰ ਦਰਸਾਉਂਦਾ ਹੈ।
ਇਹ ਵੀ ਜਾਣੋ
2022 ਤੋਂ ਬਾਅਦ ਅਰਸ਼ਦੀਪ ਸਿੰਘ ਨੇ ਇਸ ਫਾਰਮੈਟ 'ਚ ਸਭ ਤੋਂ ਵੱਧ 48 ਵਿਕਟਾਂ ਲਈਆਂ ਹਨ। ਆਇਰਲੈਂਡ ਦੇ ਮਾਰਕ ਅਡਾਇਰ (46) ਅਤੇ ਜੋਸ਼ੂਆ ਲਿਟਿਲ (45) ਸੂਚੀ 'ਚ ਦੂਜੇ ਅਤੇ ਤੀਜੇ ਸਥਾਨ 'ਤੇ ਹਨ।
ਇਨ੍ਹਾਂ ਦੋਵਾਂ ਟੀਮਾਂ ਵਿਚਕਾਰ, ਮਾਰਕ ਅਡਾਇਰ ਦੇ ਨਾਮ 2020 ਤੋਂ ਬਾਅਦ ਫਾਰਮੈਟ 'ਚ ਡੈਥ ਓਵਰਾਂ (ਆਖਰੀ ਚਾਰ ਓਵਰ) 'ਚ ਸਭ ਤੋਂ ਵੱਧ 26 ਵਿਕਟਾਂ ਵੀ ਹਨ
ਹੈਰੀ ਟੇਕਟਰ ਨੇ ਭਾਰਤ ਖ਼ਿਲਾਫ਼ ਦੋ ਪਾਰੀਆਂ 'ਚ 163.85 ਦੀ ਸਟ੍ਰਾਈਕ ਰੇਟ ਨਾਲ 103 ਦੌੜਾਂ ਬਣਾਈਆਂ ਹਨ।
ਇਹ ਵੀ ਪੜ੍ਹੋ- ਰਿੰਕੂ ਸਿੰਘ 'ਤੇ ਨਹੀਂ ਹੈ ਆਇਰਲੈਂਡ 'ਚ ਪਰਫਾਰਮ ਕਰਨ ਦਾ ਦਬਾਅ, ਪਰ ਅੰਗਰੇਜ਼ੀ ਨੇ ਇਸ ਲਈ ਕੀਤਾ ਪਰੇਸ਼ਾਨ
ਸੰਭਵਿਤ ਪਲੇਇੰਗ 11
ਆਇਰਲੈਂਡ : ਐਂਡਰਿਊ ਬਾਲਬਰਨੀ, ਪਾਲ ਸਟਰਲਿੰਗ (ਕਪਤਾਨ), ਲੋਰਕਨ ਟਕਰ, ਹੈਰੀ ਟੇਕਟਰ, ਜਾਰਜ ਡਾਕਰੇਲ, ਗੈਰੇਥ ਡੇਲਾਨੀ, ਕਰਟਿਸ ਕੈਂਪਰ, ਮਾਰਕ ਆਇਅਰ, ਜੋਸ਼ੂਆ ਲਿਟਿਲ, ਬੈਰੀ ਮੈਕਕਾਰਥੀ, ਬੈਂਜਾਮਿਨ ਵ੍ਹਾਈਟ
ਭਾਰਤ : ਰੁਤੂਰਾਜ ਗਾਇਕਵਾੜ, ਯਸ਼ਸਵੀ ਜਾਇਸਵਾਲ, ਸੰਜੂ ਸੈਮਸਨ (ਵਿਕਟਕੀਪਰ), ਤਿਲਕ ਵਰਮਾ, ਰਿੰਕੂ ਸਿੰਘ, ਸ਼ਿਵਮ ਦੂਬੇ, ਵਾਸ਼ਿੰਗਟਨ ਸੁੰਦਰ, ਜਸਪ੍ਰੀਤ ਬੁਮਰਾਹ (ਕਪਤਾਨ), ਰਵੀ ਬਿਸ਼ਨੋਈ, ਅਰਸ਼ਦੀਪ ਸਿੰਘ, ਮੁਕੇਸ਼ ਕੁਮਾਰ
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦੇਵਦੱਤ ਪਡਿੱਕਲ ਅੰਗੂਠੇ 'ਚ ਫ੍ਰੈਕਚਰ ਹੋਣ ਕਾਰਨ 3 ਤੋਂ ਚਾਰ ਹਫ਼ਤਿਆਂ ਲਈ ਕ੍ਰਿਕਟ ਤੋਂ ਬਾਹਰ
NEXT STORY 
