ਸਪੋਰਟਸ ਡੈਸਕ- Asian Games 2026 'ਚ ਭਾਰਤ ਨੇ ਕਬੱਡੀ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਡਬਲ ਗੋਲਡ ਆਪਣੇ ਨਾਂ ਕਰ ਲਿਆ ਹੈ। ਭਾਰਤੀ ਪੁਰਸ਼ ਤੇ ਮਹਿਲਾ ਦੋਵਾਂ ਟੀਮਾਂ ਨੇ ਸ਼ਨੀਵਾਰ ਨੂੰ ਹੋਏ ਰੋਮਾਂਚਕ ਫਾਈਨਲ ਮੁਕਾਬਲਿਆਂ 'ਚ ਇਰਾਨ ਨੂੰ ਹਰਾ ਕੇ ਆਪਣੇ-ਆਪਣੇ ਖ਼ਿਤਾਬ ਬਰਕਰਾਰ ਰੱਖੇ ਹਨ।
ਭਾਰਤੀ ਪੁਰਸ਼ ਕਬੱਡੀ ਟੀਮ ਨੇ ਫਾਈਨਲ 'ਚ ਇਰਾਨ ਨੂੰ 40-34 ਦੇ ਫਰਕ ਨਾਲ ਹਰਾ ਕੇ ਗੋਲਡ ਮੈਡਲ ਜਿੱਤਿਆ। ਇਹ ਮੁਕਾਬਲਾ ਕਾਫ਼ੀ ਰੋਮਾਂਚਕ ਸੀ ਅਤੇ ਇੱਕ ਸਮੇਂ ਦੋਵੇਂ ਟੀਮਾਂ 20-20 ਦੀ ਬਰਾਬਰੀ 'ਤੇ ਸਨ, ਪਰ ਭਾਰਤ ਨੇ ਅਖੀਰ ਵਿੱਚ ਚੰਗਾ ਪ੍ਰਦਰਸ਼ਨ ਕਰਦੇ ਹੋਏ ਲੀਡ ਬਣਾਈ ਅਤੇ ਅੰਤ 'ਚ ਜਿੱਤ ਦਰਜ ਕੀਤੀ। ਏਸ਼ੀਆਈ ਖੇਡਾਂ 'ਚ ਪੁਰਸ਼ ਕਬੱਡੀ 'ਚ ਭਾਰਤ ਦਾ ਇਹ ਕੁੱਲ 9ਵਾਂ ਗੋਲਡ ਮੈਡਲ ਹੈ। ਭਾਰਤ ਨੇ 2018 ਜਕਾਰਤਾ ਖੇਡਾਂ, ਜਿੱਥੇ ਇਰਾਨ ਚੈਂਪੀਅਨ ਬਣਿਆ ਸੀ, ਨੂੰ ਛੱਡ ਕੇ ਕਬੱਡੀ 'ਚ ਆਪਣੀ ਬਾਦਸ਼ਾਹਤ ਕਾਇਮ ਰੱਖੀ ਹੈ।
ਇਹ ਵੀ ਪੜ੍ਹੋ- ਸਚਿਨ ਦਾ ਸਾਥੀ ਕ੍ਰਿਕਟਰ ਬਿਰਧ ਆਸ਼ਰਮ 'ਚ ਰਹਿਣ ਲਈ ਹੋਇਆ ਮਜਬੂਰ ! ਸਾਹਮਣੇ ਆਈ ਵੀਡੀਓ
ਇਸ ਤੋਂ ਪਹਿਲਾਂ ਖੇਡੇ ਗਏ ਮਹਿਲਾ ਕਬੱਡੀ ਫਾਈਨਲ ਮੁਕਾਬਲੇ 'ਚ ਵੀ ਭਾਰਤ ਦਾ ਮੁਕਾਬਲਾ ਇਰਾਨ ਨਾਲ ਸੀ, ਜਿੱਥੇ ਬੇਹੱਦ ਰੋਮਾਂਚਕ ਮੁਕਾਬਲੇ 'ਚ ਭਾਰਤ ਨੇ ਇਰਾਨ ਨੂੰ 37-34 ਨਾਲ ਮਾਤ ਦਿੱਤੀ ਤੇ ਗੋਲਡ ਮੈਡਲ 'ਤੇ ਕਬਜ਼ਾ ਕੀਤਾ। ਇਸ ਮੁਕਾਬਲੇ 'ਚ ਹਾਫ਼ ਟਾਈਮ ਤੱਕ ਭਾਰਤੀ ਮਹਿਲਾ ਟੀਮ 22-16 ਨਾਲ ਅੱਗੇ ਸੀ। ਹਾਲਾਂਕਿ ਦੂਜੇ ਹਾਫ਼ 'ਚ ਇਰਾਨ ਨੇ ਸ਼ਾਨਦਾਰ ਵਾਪਸੀ ਕੀਤੀ, ਪਰ ਭਾਰਤ ਨੇ ਆਪਣੀ ਸ਼ੁਰੂਆਤੀ ਬੜ੍ਹਤ ਦੇ ਦਮ 'ਤੇ ਅੰਤ 'ਚ ਰੋਮਾਂਚਕ ਜਿੱਤ ਹਾਸਲ ਕੀਤੀ।
ਸ਼ਾਨਦਾਰ ਜਿੱਤ ਤੋਂ ਬਾਅਦ ਭਾਰਤੀ ਖਿਡਾਰੀਆਂ ਨੇ ਮੈਦਾਨ ਦਾ ਰਾਊਂਡ ਲਗਾ ਕੇ 'ਵੰਦੇ ਮਾਤਰਮ' ਦੇ ਨਾਅਰੇ ਲਗਾਏ। ਭਾਰਤੀ ਮਹਿਲਾ ਟੀਮ ਨੇ 2018 ਦੇ ਫਾਈਨਲ 'ਚ ਇਰਾਨ ਹੱਥੋਂ ਮਿਲੀ ਹਾਰ ਨੂੰ ਛੱਡ ਕੇ ਹਰ ਵਾਰ ਏਸ਼ੀਆਈ ਖੇਡਾਂ 'ਚ ਗੋਲਡ ਮੈਡਲ ਜਿੱਤਿਆ ਹੈ।
ਇਹ ਵੀ ਪੜ੍ਹੋ- ਏਸ਼ੀਅਨ ਗੇਮਜ਼ 'ਚ ਭਾਰਤ ਦੀਆਂ ਧੀਆਂ ਨੇ ਪਾਈ ਧੱਕ ! ਕਬੱਡੀ 'ਚ ਜਿੱਤਿਆ Gold
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਟਿਰਕੀ ਨੇ ਹਾਕੀ ਇੰਡੀਆ ਦੇ ਅਧਿਕਾਰੀਆਂ ਵਿਰੁੱਧ ਚੋਰੀ ਤੇ ਸਾਜ਼ਿਸ਼ ਦਾ ਦੋਸ਼ ਲਾਉਂਦੇ ਹੋਏ ਸ਼ਿਕਾਇਤ ਦਰਜ ਕਰਵਾਈ
NEXT STORY 
