ਸਪੋਰਟਸ ਡੈਸਕ- ਵਿਰਾਟ ਕੋਹਲੀ ਦਾ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਇੱਕ ਅਜਿਹਾ ਪਲ ਹੈ ਜਿਸਨੇ ਹਰ ਕ੍ਰਿਕਟ ਪ੍ਰੇਮੀ ਦੇ ਦਿਲ ਨੂੰ ਛੂਹ ਲਿਆ। 14 ਸਾਲ ਤੱਕ ਚਿੱਟੀ ਜਰਸੀ ਵਿੱਚ ਦੇਸ਼ ਲਈ ਖੇਡਦੇ ਹੋਏ, ਉਸਨੇ ਨਾ ਸਿਰਫ਼ ਦੌੜਾਂ ਬਣਾਈਆਂ ਬਲਕਿ ਟੈਸਟ ਕ੍ਰਿਕਟ ਨੂੰ ਇੱਕ ਨਵੀਂ ਪਛਾਣ ਵੀ ਦਿੱਤੀ। ਉਸਦਾ ਜਨੂੰਨ, ਹਮਲਾਵਰਤਾ ਅਤੇ ਮੈਦਾਨ 'ਤੇ ਜਿੱਤਣ ਦੀ ਭੁੱਖ ਹਰ ਨੌਜਵਾਨ ਖਿਡਾਰੀ ਲਈ ਪ੍ਰੇਰਨਾ ਸਰੋਤ ਹੋਵੇਗੀ। ਕੋਹਲੀ ਦਾ ਸਫ਼ਰ ਸੰਘਰਸ਼, ਤਬਦੀਲੀਆਂ ਅਤੇ ਭਾਵਨਾਵਾਂ ਨਾਲ ਭਰਿਆ ਹੋਇਆ ਸੀ, ਜਿਸਨੇ ਭਾਰਤੀ ਕ੍ਰਿਕਟ ਨੂੰ ਨਵੀਆਂ ਉਚਾਈਆਂ 'ਤੇ ਪਹੁੰਚਾਇਆ। ਅੱਜ, ਜਦੋਂ ਉਹ ਇਸ ਫਾਰਮੈਟ ਨੂੰ ਅਲਵਿਦਾ ਕਹਿ ਰਿਹਾ ਹੈ, ਤਾਂ ਹਰ ਅੱਖ ਨਮ ਹੈ ਅਤੇ ਦਿਲ ਮਾਣ ਨਾਲ ਭਰਿਆ ਹੋਇਆ ਹੈ, ਹਾਲਾਂਕਿ ਉਹ ਭਾਰਤ ਲਈ ਵਨਡੇ ਕ੍ਰਿਕਟ ਖੇਡਣਾ ਜਾਰੀ ਰੱਖੇਗਾ। ਆਪਣੇ ਟੈਸਟ ਕਰੀਅਰ ਵਿੱਚ, ਕੋਹਲੀ ਨੇ 123 ਮੈਚਾਂ ਦੀਆਂ 210 ਪਾਰੀਆਂ ਵਿੱਚ 9230 ਦੌੜਾਂ ਬਣਾਈਆਂ, ਜਿਸ ਵਿੱਚ ਉਸਦੀ ਔਸਤ 46.85 ਰਹੀ।
ਇਹ ਵੀ ਪੜ੍ਹੋ : ਇਹ ਵੀ ਪੜ੍ਹੋ : ਰੋਹਿਤ ਸ਼ਰਮਾ ਹਨ ਕਿੰਨੇ ਅਮੀਰ, ਜਾਣੋ ਸੰਨਿਆਸ ਤੋਂ ਬਾਅਦ ਹਿੱਟਮੈਨ ਨੈਟਵਰਥ
36 ਸਾਲਾ ਵਿਰਾਟ ਕੋਹਲੀ ਨੂੰ ਆਖਰੀ ਵਾਰ ਟੈਸਟ ਕ੍ਰਿਕਟ ਵਿੱਚ ਆਸਟ੍ਰੇਲੀਆ ਦੌਰੇ 'ਤੇ ਬਾਰਡਰ-ਗਾਵਸਕਰ ਟਰਾਫੀ ਦੌਰਾਨ ਮੈਦਾਨ 'ਤੇ ਦੇਖਿਆ ਗਿਆ ਸੀ, ਜਿੱਥੇ ਭਾਰਤ 5 ਮੈਚਾਂ ਦੀ ਲੜੀ ਵਿੱਚ 1-3 ਨਾਲ ਹਾਰ ਗਿਆ ਸੀ। ਕੋਹਲੀ ਨੇ ਪਰਥ ਵਿੱਚ ਲੜੀ ਦੇ ਪਹਿਲੇ ਮੈਚ ਵਿੱਚ ਸ਼ਾਨਦਾਰ ਸੈਂਕੜਾ ਲਗਾਇਆ, ਪਰ ਉਸ ਤੋਂ ਬਾਅਦ ਉਸਦੇ ਬੱਲੇ ਤੋਂ ਵੱਡੀ ਪਾਰੀ ਨਹੀਂ ਆ ਸਕੀ ਅਤੇ ਉਹ ਫਾਰਮ ਲਈ ਸੰਘਰਸ਼ ਕਰਦੇ ਦਿਖਾਈ ਦਿੱਤੇ। ਜ਼ਿਕਰਯੋਗ ਹੈ ਕਿ ਵਿਰਾਟ ਕੋਹਲੀ ਪਹਿਲਾਂ ਹੀ ਟੀ-20 ਫਾਰਮੈਟ ਤੋਂ ਸੰਨਿਆਸ ਲੈ ਚੁੱਕੇ ਹਨ। ਹੁਣ ਉਹ ਸਿਰਫ਼ ਇੱਕ ਰੋਜ਼ਾ ਕ੍ਰਿਕਟ ਵਿੱਚ ਭਾਰਤੀ ਟੀਮ ਦੀ ਨੁਮਾਇੰਦਗੀ ਕਰਦਾ ਨਜ਼ਰ ਆਵੇਗਾ।
ਵਿਰਾਟ ਕੋਹਲੀ - ਟੈਸਟ ਕਰੀਅਰ ਅੰਕੜੇ (ਬੈਟਿੰਗ)
| ਫਾਰਮੈਟ |
ਮੈਚ |
ਪਾਰੀਆਂ |
ਨਾਟਆਊਟ |
ਦੌੜਾਂ |
ਸਰਵਉੱਚ ਸਕੋਰ |
ਔਸਤ |
ਸਟ੍ਰਈਕ ਰੇਟ |
ਦੋਹਰੇ ਸੈਂਕੜੇ |
ਸੈਂਕੜੇ |
ਅਰਧ ਸੈਂਕੜੇ |
ਚੌਕੇ |
ਛੱਕੇ |
ਕੈਚ |
| ਟੈਸਟ |
123 |
210 |
13 |
9230 |
254* |
46.85 |
55.57 |
7 |
30 |
31 |
1027 |
30 |
121 |
ਵਿਰਾਟ ਕੋਹਲੀ ਨੇ ਆਪਣੇ ਟੈਸਟ ਕਰੀਅਰ ਵਿੱਚ 123 ਮੈਚਾਂ ਦੀਆਂ 210 ਪਾਰੀਆਂ ਵਿੱਚ 9230 ਦੌੜਾਂ ਬਣਾਈਆਂ, ਜਿਸ ਵਿੱਚ ਉਨ੍ਹਾਂ ਦੀ ਔਸਤ 46.85 ਸੀ। ਉਸਨੇ 30 ਸੈਂਕੜੇ ਅਤੇ 31 ਅਰਧ ਸੈਂਕੜੇ ਲਗਾਏ ਜਿਸ ਵਿੱਚ 254* ਉਸਦਾ ਸਭ ਤੋਂ ਵੱਧ ਸਕੋਰ ਸੀ। ਕੋਹਲੀ ਨੇ ਫੀਲਡਿੰਗ ਵਿੱਚ 1027 ਚੌਕੇ ਅਤੇ 30 ਛੱਕੇ ਮਾਰੇ ਅਤੇ 121 ਕੈਚ ਲਏ।
ਵਿਰਾਟ ਕੋਹਲੀ - ਟੈਸਟ ਕਰੀਅਰ ( ਬਾਲਿੰਗ ਅੰਕੜੇ)
| ਫਾਰਮੈਟ |
ਮੈਚ |
ਪਾਰੀਆਂ |
ਗੇਂਦਾਂ |
ਦੌੜਾਂ |
ਵਿਕਟ |
ਬੈਸਟ ਇਨਿੰਗ |
ਬੈਸਟ ਮੈਚ |
ਔਸਤ |
ਇਕੌਨਮੀ ਰੇਟ |
ਸਟ੍ਰਾਈਕ ਰੇਟ |
|
| ਟੈਸਟ |
123 |
11 |
175 |
84 |
0 |
- |
- |
- |
- |
- |
|
ਆਪਣੇ ਟੈਸਟ ਕਰੀਅਰ ਵਿੱਚ ਗੇਂਦਬਾਜ਼ੀ ਕਰਦੇ ਹੋਏ, ਵਿਰਾਟ ਕੋਹਲੀ ਨੇ 123 ਮੈਚਾਂ ਵਿੱਚ ਕੁੱਲ 175 ਗੇਂਦਾਂ ਸੁੱਟੀਆਂ ਅਤੇ 84 ਦੌੜਾਂ ਦਿੱਤੀਆਂ ਪਰ ਕੋਈ ਵਿਕਟ ਨਹੀਂ ਲਈ। ਉਸਦਾ ਇਕਾਨਮੀ ਰੇਟ 2.88 ਸੀ।
ਇਹ ਵੀ ਪੜ੍ਹੋ : ਪਾਕਿਸਤਾਨ ਏਅਰਪੋਰਟ 'ਤੇ ਫੁੱਟ-ਫੁੱਟ ਰੋਇਆ ਇਹ ਵਿਦੇਸ਼ੀ ਖਿਡਾਰੀ, ਬੋਲਿਆ-ਮੁੜ ਨਹੀਂ ਆਉਂਦਾ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪਤਨੀ ਅਨੁਸ਼ਕਾ ਨਾਲ ਵਿਦੇਸ਼ ਰਵਾਨਾ ਹੋਏ ਵਿਰਾਟ, ਰਿਟਾਇਰਮੈਂਟ ਅਨਾਊਂਸਮੈਂਟ ਤੋਂ ਬਾਅਦ ਏਅਰਪੋਰਟ 'ਤੇ ਦਿਖਿਆ ਜੋੜਾ
NEXT STORY 
