ਨਾਰਵੇ (ਨਿਕਲੇਸ਼ ਜੈਨ)– ਆਨਲਾਈਨ ਸ਼ਤਰੰਜ ਟੂਰ ਦੇ 2.25 ਕਰੋੜ ਰੁਪਏ ਦੇ ਆਖਰੀ ਤੇ ਫੈਸਲਾਕੁੰਨ ਟੂਰਨਾਮੈਂਟ ਦੇ ਇਕ ਸੈਮੀਫਾਈਨਲ ਮੁਕਾਬਲੇ ਦਾ ਨਤੀਜਾ ਆ ਗਿਆ ਹੈ ਅਤੇ ਅਮਰੀਕਾ ਦੇ ਮਾਹਿਰ ਖਿਡਾਰੀ ਹਿਕਾਰੂ ਨਾਕਾਮੁਰਾ ਨੇ ਲਗਾਤਾਰ ਤੀਜੇ ਦਿਨ ਰੂਸ ਦੇ ਡੇਨੀਅਲ ਡੁਬੋਵ ਨੂੰ ਹਰਾ ਕੇ ਜਿੱਤ ਦੀ ਹੈਟ੍ਰਿਕ ਲਾਉਂਦੇ ਹੋਏ ਸ਼ਾਨਦਾਰ ਢੰਗ ਨਾਲ ਬੈਸਟ ਆਫ 5 ਦਾ ਸੈਮੀਫਾਈਨਲ ਜਿੱਤ ਕੇ ਫਾਈਨਲ ’ਚ ਜਗ੍ਹਾ ਬਣਾਈ। ਪਹਿਲੇ 2 ਦਿਨ ਕ੍ਰਮਵਾਰ 3.5-2.5 ਤੇ 3-1 ਨਾਲ ਜਿੱਤ ਦਰਜ ਕਰਨ ਵਾਲੇ ਨਾਕਾਮੁਰਾ ਨੇ ਤੀਜੇ ਦਿਨ ਡੁਬੋਵ ਨੂੰ 2.5-1.5 ਨਾਲ ਹਰਾ ਕੇ ਫਾਈਨਲ ’ਚ ਜਗ੍ਹਾ ਬਣਾਈ। ਡੁਬੋਵ ਹੁਣ ਟੂਰਨਾਮੈਂਟ ’ਚੋਂ ਬਾਹਰ ਹੋ ਗਿਆ ਹੈ।
ਇਕ ਵਾਰ ਫਿਰ ਦੋਵਾਂ ਵਿਚਾਲੇ ਲਗਾਤਾਰ 2 ਡਰਾਅ ਨਾਲ ਸ਼ੁਰੂਆਤ ਹੋਈ ਤੇ ਫੈਸਲਾਕੁੰਨ ਬਣਿਆ ਤੀਜਾ ਰਾਊਂਡ, ਜਿਸ ’ਚ ਕਾਲੇ ਮੋਹਰਿਆਂ ਨਾਲ ਖੇਡਦੇ ਹੋਏ ਨਾਕਾਮੁਰਾ ਨੇ ਡੁਬੋਵ ਨੂੰ 68 ਚਾਲਾਂ ’ਚ ਹਰਾਇਆ। ਹਾਰ ਦੇ ਬਾਵਜੂਦ ਡੁਬੋਵ ਨੂੰ 30 ਲੱਖ ਰੁਪਏ ਇਨਾਮ ਵਜੋਂ ਮਿਲੇ। ਨਾਕਾਮੁਰਾ ਹੁਣ ਪਹਿਲੇ ਤੇ ਦੂਜੇ ਇਨਾਮ ਕ੍ਰਮਵਾਰ 1 ਕਰੋੜ 6 ਲੱਖ ਅਤੇ 60 ਲੱਖ ਲਈ ਜ਼ੋਰ-ਅਜ਼ਮਾਇਸ਼ ਕਰੇਗਾ। ਉੱਧਰ ਦੂਜੇ ਸੈਮੀਫਾਈਨਲ ’ਚ ਮੈਗਨਸ ਕਾਰਲਸਨ ਨੇ ਲਗਾਤਾਰ ਦੂਜੇ ਦਿਨ ਡਿੰਗ ਲੀਰੇਨ ਨੂੰ 3 ਮੁਕਾਬਲਿਆਂ ’ਚ ਹੀ 2.5-0.5 ਨਾਲ ਹਰਾਉਂਦੇ ਹੋਏ 2-1 ਦੀ ਬੜ੍ਹਤ ਹਾਸਲ ਕਰ ਲਈ। ਹਾਲਾਂਕਿ ਪਹਿਲੇ ਦਿਨ ਕਾਰਲਸਨ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਪਰ ਉਸ ਨੇ ਵਾਪਸੀ ਕਰਦੇ ਹੋਏ ਲਗਾਤਾਰ 2 ਦਿਨ ਜਿੱਤ ਦਰਜ ਕੀਤੀ। ਹੁਣ ਦੇਖਣਾ ਇਹ ਹੈ ਕਿ ਕੀ ਕਾਰਲਸਨ ਵੀ ਲਗਾਤਾਰ ਤੀਜੀ ਜਿੱਤ ਨਾਲ ਫਾਈਨਲ ’ਚ ਜਗ੍ਹਾ ਬਣਾਉਂਦਾ ਹੈ ਜਾਂ ਡਿੰਗ ਵਾਪਸੀ ਕਰਦੇ ਹੋਏ ਇਸ ਨੂੰ ਹੋਰ ਮਜ਼ੇਦਾਰ ਬਣਾਏਗਾ।
ਸੇਰੇਨਾ ਵਿਲੀਅਮਸ ਨੇ ਟਾਪ ਸੀਡ ਓਪਨ 'ਚ ਮੁਸ਼ਕਿਲ ਨਾਲ ਜਿੱਤਿਆ ਮੈਚ
NEXT STORY 
